ឯកឧត្តមទេសរដ្ឋមន្រ្តី ស៊ុន ចាន់ថុល បានមានប្រសាសន៍នៅក្នុងជំនួបពិភាក្សាការងារជាមួយឯកឧត្តម MIKAMI Massahiro ឯកអគ្គរាជទូតជប៉ុន ប្រចាំព្រះរាជាណាចក្រកម្ពុជា នៅថ្ងៃទី១៥ ខែមិថុនា ឆ្នាំ២០២២ថា ប្រទេសកម្ពុជា ត្រូវការថវិកាប្រមាណ ៥០ពាន់​លានដុល្លារ ដើម្បីដំណើរការគម្រោងសំខាន់ៗប្រមាណ ៣៣០គម្រោង។ ក្នុងឱកាសនោះ ឯកឧត្តមទេសរដ្ឋមន្រ្តីបានលើកឡើងថា រាជរដ្ឋាភិបាលកម្ពុជាកំពុងរៀបចំផែនការមេលើការកែសម្រួលផ្លូវថ្នល់ ការពង្រីកនិងលើកកម្រិតគុណភាពផ្លូវពីរគន្លងទៅបួនគន្លង ការបង្កើនការតភ្ជាប់ទៅគ្រប់ច្រកល្ហកសម្រួលដល់ការធ្វើដំណើរ និងការដឹកជញ្ជូនទំនិញបានឆាប់រហ័ស ការរៀបចំផែនការមេភស្តុភារកម្មដែលរួមមានគម្រោងប្រមាណ ៣៣០គម្រោង ត្រូវការទឹកប្រាក់ប្រមាណ៥០ពាន់លានដុល្លារ រួមទាំងការរៀបចំរហដ្ឋារចនាសម្ព័ន្ធរូបវន្ត តាមច្រកទ្វាព្រំដែនអន្តរជាតិជាមួយប្រទេសជិតខាងសំដៅជំរុញការដឹកជញ្ជូន និងការធ្វើចរាចរណ៍ឆ្លងកាត់មានភាពងាយស្រួល ក្នុងគោលបំណងធ្វើយ៉ាងណាបង្កើនឧត្តមភាពប្រកួតប្រជែងរបស់កម្ពុជា ជាពិសេស កាត់បន្ថយចំណាយភស្តុភារកម្ម និងដឹកជញ្ជូន និងទាក់ទាញវិនិយោគផងដែរ។ ឆ្លៀតក្នុងឱកាសនោះដែរ

យោងតាមការចុះផ្សាយរបស់សារព័ត៌មាន yahoo នៅថ្ងៃទី១៧ ខែមិថុនា នេះ បានឱ្យដឹងថា មហាសេដ្ឋី Elon Musk ត្រូវបានវិនិយោគិន Dogecoin ប្ដឹងទាមទារសំណងចំនួន ២៥៨ពាន់លានដុល្លារ កាលពីថ្ងៃព្រហស្បតិ៍ ដោយចោទប្រកាន់ពីបទដំណើរការគម្រោងពីរ៉ាមីតដើម្បីគាំទ្ររូបិយប័ណ្ណគ្រីបតូ។ នៅក្នុងពាក្យបណ្ដឹងដែលដាក់នៅតុលាការសហព័ន្ធក្នុងទីក្រុង Manhattan ដើមបណ្ដឹង Keith Johnson បានចោទប្រកាន់នាយប្រតិបត្តិក្រុមហ៊ុន Tesla Inc និង SpaceX ពីបទបំផុសបំផុលថា Dogecoin នឹងមានតម្លៃថ្លៃ តែផ្ទុយទៅវិញតម្លៃបានធ្លាក់ចុះ។ ដើមបណ្ដឹងបាននិយាយទៀតថា៖ “លោក Elon Musk បានដឹងតាំងពីឆ្នាំ២០១៩

កាលពីថ្ងៃទី១៦ ខែមិថុនា រោងចក្របង្គុំ និងតម្លើងរថយន្ត Ford ប្រភេ ទFord Renger និង Ford Everest របស់ក្រុមហ៊ុន RMA AUTOMOTIVE (CAMBODIA) CO.,LTD. តម្លៃប្រមាណ ២១លានដុល្លារ ដែលសាងសង់ឡើងនៅខេត្តពោធិ៍សាត់ បានសម្ពោធដាក់ឱ្យដំណើរការជាផ្លូវការ។ យ៉ាងណាមិញក្រៅពីរោងចក្រ Ford កម្ពុជាក៏ទទួលបានដំឡើងរថយន្តថ្មីមួយទៀត តម្លៃដល់ទៅជាង​១៥ លានដុល្លារ។ យោងតាមការចេញផ្សាយរបស់ក្រុមប្រឹក្សាអភិវឌ្ឍន៍កម្ពុជានៅថ្ងៃទី១៧ ខែមិថុនា ឆ្នាំ២០២២នេះ បានឱ្យដឹងថា គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុន GTV MOTOR

ក្រោយពីប្រកាសដំណឹងបើកដំណើរការឡើងវិញកាលពីថ្ងៃទី១៦ ខែមិថុនា ម្សិលមិញនេះ នៅថ្ងៃដដែលនោះផេក Angkor Green Gardens by Dara បានប្រកាសជាថ្មីម្ដងទៀតថា “សួន បៃតងអង្គរ” ឬ ត្រូវបានគ្រប់គ្នាស្គាល់ថាជា “ភូមិវប្បធម៌” នឹងបើកដំណើរទទួលភ្ញៀវឱ្យចូលទស្សនាចាប់ពីថ្ងៃទី១៨ រហូតដល់ថ្ងៃទី៣០ ខែមិថុនា ដោយឥតគិតថ្លៃ។ Angkor Green Gardens by Dara បានបញ្ជាក់នៅលើផេកផ្ទាល់ខ្លួនថា៖ “សូមស្វាគមន៍មកកាន់ សួន បៃតងអង្គរ របស់សណ្ឋាគារ តារា គ្រុប។ សួនច្បារទំហំ ២១ហិចតា ដែលមានប្រវត្តិដ៏សម្បូរបែប

អាហ្រ្វិកខាងត្បូងបាននិយាយថា ខ្លួនកំពុងគិតគូរពីការនាំចូលប្រេងពីប្រទេសរុស្ស៊ី ដើម្បីជួយដោះស្រាយអតិផរណាថាមពលដែលកំពុងកើនឡើង។ លោក Gwede Mantashe រដ្ឋ​មន្ត្រី​ក្រសួង​ធនធាន​រ៉ែ និង​ថាមពល​របស់​អាហ្វ្រិក​ខាង​ត្បូង នៅ​ក្នុង​សភា​​បាននិយាយថា៖ “យើង​គួរ​ពិចារណា​ការ​នាំ​ចូល​ប្រេង​ឆៅ​ ពី​រុស្ស៊ី​ក្នុង​តម្លៃ​ទាប​ព្រោះ​វា​មិន​ត្រូវ​បាន​ដាក់​ទណ្ឌកម្មឡើយ”។ ដូចប្រទេសជាច្រើនជុំវិញពិភពលោកដែរ អាហ្រ្វិកខាងត្បូងកំពុងប្រយុទ្ធនឹងការកើនឡើងអតិផរណា ដោយតម្លៃទំនិញប្រើប្រាស់បានកើនឡើង ៥.៩% នៅក្នុងខែមេសា ក្នុងរយៈពេលមួយឆ្នាំកន្លងទៅ នេះបើយោងតាមនាយកដ្ឋានស្ថិតិផ្លូវការរបស់អាហ្រ្វិកខាងត្បូង។ ជាក់ស្ដែងតម្លៃប្រេងឥន្ធនៈ “នៅតែបន្តកើនឡើង និងជះឥទ្ធិពលដល់អ្នកប្រើប្រាស់ក្នុងខែមេសា ឆ្នាំ២០២២” និងខ្ពស់ជាងឆ្នាំមុន ២៩.២%។ ជាមួយគ្នានេះដែរ មកដល់ពេលនេះ តម្លៃប្រេងបានហក់ឡើងជាង ៦០% ដែលមួយផ្នែកជំរុញដោយកង្វះខាតដែលរំពឹងទុក លើការផ្គត់ផ្គង់របស់រុស្ស៊ី និងមួយផ្នែកទៀតដោយសារឧបសគ្គនៃសមត្ថភាពផលិតនៅក្នុងក្រុមហ៊ុននាំចេញធំៗ ដោយសារតម្រូវការកើនឡើង។ គួរបញ្ជាក់ផងដែរថា អាហ្រ្វិកខាងត្បូងនាំចូលប្រហែល

មហាសេដ្ឋីបច្ចេកវិទ្យាលោក Bill Gates បានច្រានចោលទ្រព្យសម្បត្តិឌីជីថល ហើយលើកឡើងចំៗថា ការវិនិយោគលើទ្រព្យឌីជីថលរួមមាន រូបិយប័ណ្ណគ្រីបតូ និងតុក្កតា NFT គឺ ១០០% វិនិយោគដោយគ្រាន់តែផ្អែកទៅលើទ្រឹស្ដីដ៏ល្ងីល្ងើ។ លោក Gates បានលើកឡើងដូច្នេះនៅក្នុងសន្និសីទអាកាសធាតុដែលរៀបចំដោយ TechCrunch កាលពីថ្ងៃអង្គារ ថ្មីៗនេះ។ ក្នុងឱកាសនោះ ស្ថាបនិក Microsoft បានបញ្ជាក់ថា វាគឺជាការវិនិយោគដ៏ល្ងីល្ងើ ដោយសារតែទ្រព្យទាំងនោះ នឹងឡើងថ្លៃ លុះត្រាតែមានអ្នកវិនិយោគទៅលើពួកវា ពោលគឺមានអ្នកទិញបន្ទាប់មកលក់ ហើយអ្នកទិញបន្ទាប់រំពឹងថានឹងលក់បានថ្លៃទៅឱ្យអ្នកបន្ទាប់ទៀត ប៉ុន្តែតម្លៃរបស់វានឹងលែងមាននៅពេលពិតប្រាកដណាមួយ នៅពេលដែលវិនិយោគិនលែងទិញ។ ជាមួយគ្នានេះដែរ លោក Gates បាននិយាយទាំងអស់សំណើចថា

យោងតាមការចុះផ្សាយរបស់ក្រសួងព័ត៌មានបានឱ្យដឹងថា នៅដើមឆ្នាំ២០២២នេះ ការនាំចេញផលិតផល ជាពិសេសកសិផលទៅកាន់ប្រទេសចិន ដែលជាទីផ្សារធំរបស់កម្ពុជា បានធ្លាក់ចុះគួរឱ្យកត់សម្គាល់។​ របាយការណ៍របស់ក្រសួងកសិកម្មបានឱ្យដឹងថា ក្នុងរយៈពេល៥ខែដើមឆ្នាំនេះ ការនាំចេញកសិផលសរុបទៅកាន់ទីផ្សារ អន្តរជាតិមានចំនួនជាង ៤.៦លានតោន ទៅកាន់ទិសដៅ ៦០ប្រទេស ដែលមានការកើនឡើងជាង ៤២ម៉ឺនតោន ឬស្មើនឹង១០.២៤% បើធៀបនឹងរយៈពេលដូចគ្នាកាលពីឆ្នាំ២០២១ ដែលមានចំនួនត្រឹមតែជាង ៤.១លានតោនប៉ុណ្ណោះ។ បើទោះបីជាការនាំចេញកើនឡើងក៏ដោយ ក្រសួងសង្កេតឃើញថា ការនាំចេញកសិផលស្រស់មួយចំនួន នាពេលថ្មីៗនេះមានការថយចុះគួរឱ្យគត់សម្គាល់ ពិសេសការនាំចេញទៅកាន់ប្រទេសចិន។ បើតាមក្រសួងកសិកម្ម ការនាំចេញកសិផលទៅកាន់ទីផ្សារប្រទេសចិនធ្លាក់ចុះនេះ បណ្តាលមកកពីកត្តាមួយចំនួនដូចជា កង្វះទូត្រជាក់សម្រាប់ផ្ទុកកសិផល បណ្ដាលឱ្យទូត្រជាក់ឡើងថ្លៃជាខ្លាំង បើធៀបទៅនឹងមុនមានវិបត្តិជំងឺកូវីដ-១៩ ដែលបច្ចុប្បន្ននេះ តម្លៃមានការកើនឡើងរហូតដល់ជាង ៣ដង។ ទន្ទឹមគ្នានេះ

ជាដំណឹងដ៏រីករាយមួយសម្រាប់អ្នកនៅខេត្តសៀមរាប និងអ្នកដែលតែងតែនិយមទៅកម្សាន្តនៅភូមិវប្បធម៌ ក្នុងខេត្តសៀមរាប ដោយតំបន់កម្សាន្តដ៏ល្បីល្បាញមួយនេះ​ នឹងបើកដំណើរការឡើងទទួលភ្ញៀងទេសចរឱ្យចូលកម្សាន្ត ក្នុងពេលឆាប់ៗនេះ តែនៅក្រោមឈ្មោះថ្មី។ យោងតាមការបង្ហោះរបស់ផេក Angkor Green Gardens by Dara អមជាមួយនឹងរូបភាពដ៏ស្រស់ស្អាតនៃភូមិវប្បធម៌បានបញ្ជាក់ថា៖ “ឆាប់ៗនេះ! សណ្ឋាគារ តារា គ្រុប នឹងនាំសួនកម្សាន្តដ៏ល្បីក្នុងខេត្តសៀមរាបត្រលប់មកវិញឆាប់ៗនេះ ។ មកទទួលយកបទពិសោធន៍ដ៏អស្ចារ្យពី សួន បៃតងអង្គរ។” បើតាមការបង្ហោះនោះ ភូមិវប្បធម៌ នឹងត្រលប់មកវិញជាថ្មីជាមួយនឹងឈ្មោះ “សួន បៃតងអង្គរ” និងការកែច្នៃបង្កើនភាពទាក់ទាកាន់តែច្រើនជាងមុនទៀត។ ការបើកឡើងវិញនេះ ធ្វើឱ្យប្រជាជននៅខេត្តសៀមរាប ក៏ដូចជាតាមបណ្ដាខេត្តផ្សេងៗ សប្បាយរីករាយយ៉ាងខ្លាំង និងរង់ចាំថ្ងៃបើកដំណើរការជាផ្លូវការ