ក្រុមហ៊ុនអាកាសចរណ៍ធំបំផុតនៅអាមេរិកឡាទីន Latam Airlines បានដាក់ពាក្យស្នើសុំការការពារភាពក្ស័យធននៅសហរដ្ឋអាមេរិក។ ក្រុមហ៊ុនអាកាសចរណ៍ Latam Airlines គឺជាជនរងគ្រោះចុងក្រោយបំផុត ដែលបានប្រកាសភាពក្ស័យធន់របស់ខ្លួន​ នៅពេលដែលជំងឺ COVID-19 បានធ្វើឱ្យដំណើរតាមអាកាសធ្លាក់ចុះយ៉ាងគំហុក ហើយក្រុមហ៊ុនអាកាសចរណ៍ជាច្រើនបានដាក់ពាក្យការពារភាពក្ស័យធន់របស់ខ្លួនបន្តកន្ទុយគ្នា។ ក្រុមហ៊ុនដែលមានមូលដ្ឋាននៅប្រទេសឈីលីមួយនេះបាននិយាយថា ពួកគេបានដាក់ស្នើសុំទទួលយកច្បាប់ជំពូកទី១១ ស្ដីពីការការពារភាពក្ស័យធន់របស់ក្រុមហ៊ុនអាកាសចរណ៍ពីតុលាការអាមេរិក ហើយសាខារបស់ខ្លួនទាំងនៅប្រទេសឈីលី, ប៉េរូ, អេក្វាឌ័រ និងកូឡុំប៊ី គឺត្រូវការច្បាប់នេះទាំងអស់។ អាកាសចរណ៍ Latam Airlines និយាយថា ខ្លួននឹងបន្តប្រតិបត្តិការរបស់ខ្លួន ហើយវានឹងមិនមានផលប៉ះពាល់ដល់ជើងហោះហើរទេ។ ក្រុមហ៊ុននិយាយថា ខ្លួននឹងស្វែងរកការគាំទ្រផ្នែកហិរញ្ញវត្ថុពីរដ្ឋាភិបាលនៅក្នុងប្រទេសឈីលី ប្រេស៊ីល និងកូឡុំប៊ី។ ការធ្លាក់ខ្លួននេះគឺដោយសាររោគរាតត្បាត COVID-19 បានបង្ខំឱ្យក្រុមហ៊ុនអាកាសចរណ៍ដ៏ធំមួយនេះ

គណៈកម្មការអឺរ៉ុបបានបង្ហាញផែនការកញ្ចប់ទឹកប្រាក់ចំនួន ៧៥០ ពាន់លានអឺរ៉ូ (៨២៦ពាន់លានដុល្លារ) នៅថ្ងៃពុធនេះ ដែលជាផ្នែកមួយនៃថវិកាសម្រាប់ផែនការនិងការស្តាររយៈពេលវែង ដើម្បីជួយប្រឆាំងនឹងផលប៉ះពាល់នៃវីរុស COVID-19 លើសេដ្ឋកិច្ចរបស់ទ្វីបអឺរ៉ុប។ យោងតាមរបាយការណ៍បានឱ្យដឹងថា ថវិការបស់សហភាពអឺរ៉ុបដើម្បីជួយដល់ការស្តារសេដ្ឋកិច្ចរបស់ខ្លួន គឺចេញពីការរៃអង្គាសប្រាក់ពីទីផ្សារហិរញ្ញវត្ថុ។ ទីភ្នាក់ងារសារព័ត៌មានរ៉យទ័របានដកស្រង់សម្ដីប្រព័ន្ធផ្សព្វផ្សាយរបស់ទូរទស្សន៍អាឡឺម៉ង់ថា ទឹកប្រាក់ ៥០០ពាន់លានអឺរ៉ូ ក្នុងកញ្ចប់នេះនឹងត្រូវចាត់ថ្នាក់ក្រោមជំនួយឥតសំណង ខណៈ ២៥០ពាន់លានអឺរ៉ូ នឹងត្រូវចាត់ទុកថាជាប្រាក់កម្ចី។ ទោះបីជាការប្រកាសជាផ្លូវការមិនត្រូវបានគេរំពឹងទុករហូតដល់យប់ថ្ងៃពុធ លោក Paolo Gentiloni ស្នងការសេដ្ឋកិច្ចអឺរ៉ុបបាននិយាយក្នុង Twitter ថា៖«គណៈកម្មាធិការស្នើសុំមូលនិធិស្តារឡើងវិញចំនួន ៧៥០ពាន់លានអឺរ៉ូ ដែលត្រូវបានបន្ថែមទៅក្នុងគោលដៅរួមដែលបានដាក់ចេញ។ ជាការប្រឈមនឹងវិបត្តិថ្មីមួយ ដែលមិនធ្លាប់មានពីមុនមក»។ DAX របស់អាឡឺម៉ង់បានកើនឡើង ១.៦% ក្នុងទីផ្សារដោះដូរអឺរ៉ុប

លោក Graham Allison ដែលជាសាស្រ្តាចារ្យវិទ្យាសាស្ត្រនយោបាយមកពីសាកលវិទ្យាល័យ Harvard បាននិយាយថា សហរដ្ឋអាមេរិកនិងប្រទេសចិន ដែលជាប្រទេសមានសេដ្ឋកិច្ចឈានមុខគេទាំង ២ របស់ពិភពលោក សព្វថ្ងៃនេះកាន់តែមានទំនាក់ទំនងអាក្រក់ទៅៗ ហើយនៅចុងបញ្ចប់វាដូចជាយុទ្ធសាស្ត្រ «ចាញ់-ចាញ់» សម្រាប់ពួកគេទាំងសងខាង។ លោកសាស្រ្តាចារ្យបានថ្លែងបែបនេះគឺវាស្របទៅតាមការពិតដែលថា ទំនាក់ទំនងរវាងប្រទេសទាំង ២ គឺកាន់តែមានភាពល្អក់កករនៅក្នុងសង្គ្រាមពាណិជ្ជកម្ម និងការចោទគ្នាទៅវិញទៅមក ខណៈដែលពិភពលោកទាំងមូលកំពុងប្រឈមនឹងជំងឺ COVID-19។ សាស្រ្តាចារ្យលោក Graham Allison ដែលជាអតីតជំនួយការលេខាធិការក្រសួងការពារជាតិជំនាន់លោក Bill Clinton និងជាទីប្រឹក្សាពិសេសរបស់លេខាធិការក្រសួងការពារជាតិជំនាន់លោក Ronald Reagan បានមានប្រសាសន៍ថា៖«ខ្ញុំគិតថាបញ្ហានេះនឹងកាន់តែអាក្រក់ទៅៗ ហើយខ្ញុំសង្ឃឹមថាពួកគេនឹងមិនបង្កការខូចខាតជាអចិន្ត្រៃយ៍ឡើយ»។ លោកពន្យល់ថា ការប្រជែងគ្នារវាងប្រទេសមហាអំណាចយក្សទាំង២

សារព័ត៌មាន​ The Straits Times នៅថ្ងៃអង្គារ ទី២៦ ខែឧសភា ឆ្នាំ២០២០ បានឱ្យដឹងថា គ្រួសារសាំងហ្គាពួរទាំងអស់ដែលមានសមាជិកយ៉ាងតិចម្នាក់ នឹងទទួលបានប្រាក់ឧបត្ថម្ភ ១០០ដុល្លារ សម្រាប់ការបង់ថ្លៃទឹកភ្លើងប្រើប្រាស់។ វាគឺជាឥណទានឈ្មោះថា Solidarity Utilities ដែលរួមចំណែកក្នុងការសម្រាលបន្ទុកទឹកភ្លើងនៅខែកក្កដាឬសីហា ហើយគ្រួសារទាំងអស់នឹងត្រូវទទួលបានការឧបត្ថម្ភដូចៗគ្នា។ រដ្ឋមន្រ្តីក្រសួងហិរញ្ញវត្ថុលោក Heng Swee Keat បាននិយាយថា វាគឺជាការថ្លែងអំណរគុណដល់ពលរដ្ឋ ដែលពួកគេបានចូលរួមក្នុងការប្រយុទ្ធប្រឆាំងនឹងជំងឺ COVID-19 ដោយការស្នាក់នៅផ្ទះទាំងអស់គ្នា។ ក្នុងនោះផងដែរទឹកប្រាក់ ៨០០ លានដុល្លារផ្សេងទៀត នឹងត្រូវទុកសម្រាប់គម្រោង COVID-19 Support Grant

សហស្ថាបនិករបស់ Twitter និង Square លោក Jack Dorsey មានទ្រព្យសម្បត្តិ ៤.៩ ពាន់លានដុល្លារអាមេរិក ដោយយោងតាម ​​Forbes ប៉ុន្តែសេដ្ឋីប្រាក់លានវ័យ ៤៣ឆ្នាំ ដែលបានបោះបង់ចោលការសិក្សាថ្នាក់មហាវិទ្យាល័យ បាននិយាយថា គាត់មានគម្រោងបរិច្ចាគប្រាក់ទាំងអស់ក្នុងរយៈពេលពេញមួយជីវិតរបស់គាត់។ ពាក់ព័ន្ធនឹងហេតុផលដែលធ្វើឲ្យលោកប្ដេជ្ញាចិត្តក្នុងការធ្វើសប្បុរសធម៌នេះ លោក Dorsey បានប្រាប់អតីតប្រធានាធិបតីនៃគណបក្សប្រជាធិបតេយ្យថា៖ « ខ្ញុំរស់នៅតាមគោលការណ៍នៃអ្វីគ្រប់យ៉ាងដែលត្រូវបានផ្សារភ្ជាប់គ្នា ដូច្នេះប្រសិនបើនរណាម្នាក់មានការឈឺចាប់ខ្ញុំក៏មានអារម្មណ៍ឈឺចាប់ដូចគ្នា »។ លោកបានបន្តថា៖ « ខ្ញុំធ្លា​ប់ស្ថិតក្នុងស្ថានភាពមួយដែលមិនពិបាកតាំងពីក្មេង រហូតដល់ខ្ញុំមានអាយុ ២៥ឆ្នាំ ខ្ញុំមិនដែលស្គាល់ន័យ ឬ អារម្មណ៍ដែលមានប្រាក់គ្រប់គ្រាន់នោះទេ រហូតដល់ខ្ញុំមានអាយុប្រហែល

ក្រុមហ៊ុន Amazon ត្រូវបានគេ​ឲ្យដឹងថាគ្រោងនឹងកាន់កាប់ក្រុមហ៊ុន JC Penney ដែលជាបណ្ដាញលក់រាយដំបូង និងធំជាងគេបំផុតនៅសហរដ្ឋអាមេរិក ដែលបានបង្ខំចិត្តប្រកាសក្ស័យធនកាលពីពាក់កណ្ដាលខែឧសភា កន្លងទៅនេះ។ យោងតាមរបាយការណ៍របស់អង្គភាព WWD បានឲ្យដឹងថា ក្រុមហ៊ុន Amazon មានក្រុមអ្នកគ្រប់គ្រង់ និងអ្នកពិគ្រោះយោបល់ជាន់ខ្ពស់នៅទីស្នាក់ការកណ្តាល JC Penney នៅរដ្ឋតិចសាសពីចំនួន និងផលប័ត្រហាងលក់រាយ។ ជាមួយគ្នានេះ ខណៈដែល JC Penney និយាយថាខ្លួនគ្រោងនឹងបិទជាស្ថាពរនូវ ២៤៥ នៃហាងចំនួន ៨៤៦ របស់ខ្លួននៅទូទាំងប្រទេស ដែលជាផ្នែកមួយនៃការរៀបចំរចនាសម្ព័ន្ធក្រោមការការពារក្ស័យធនជំពូកទី១១ ក្រុមហ៊ុន Amazon ត្រូវបានគេប៉ាន់ស្មានថា អាចកាន់កាប់សិទ្ធលើក្រុមហ៊ុននេះបានទាំងមូល។

ថៃ៖ យោងតាមការលើកឡើងរបស់អគ្គលេខាធិការក្រុមប្រឹក្សាជាតិអភិវឌ្ឍន៍សេដ្ឋកិច្ច និងសង្គមលោក Thosaporn Sirisumphand បានឲ្យដឹងថា រដ្ឋាភិបាលកំពុងចាត់វិធានការជម្រុញវិស័យទេសចរណ៍ក្នុងស្រុកនៅក្នុងខែកក្កដា ក្នុងគោលបំណងកាត់បន្ថយផលប៉ះពាល់សេដ្ឋកិច្ចដែលរងការវាយប្រហារពីវីរុស Covid-19។ លោកបានបន្ថែមថា​ ក្នុងចំណោមការលើកទឹកចិត្តដែលអាចធ្វើទៅបានរបស់រដ្ឋាភិបាល គឺផ្ដល់ប័ណ្ណបញ្ចុះតម្លៃពី ៤០% ទៅ ៥០% លើតម្លៃបន្ទប់សណ្ឋាគារ ដោយអាចនឹងត្រូវបានចាប់ផ្ដើមនៅខែកក្កដា​ នៅពេលដែលរដ្ឋាភិបាលត្រូវបានគេរំពឹងថានឹងដកការរឹតត្បិតនិងអនុញ្ញាតឱ្យមានការធ្វើដំណើរទូទាំងប្រទេស។ ការផ្លាស់ប្តូរនេះ គឺជាផ្នែកមួយនៃផែនការដើម្បីលើកស្ទួយសេដ្ឋកិច្ចដែលរង្គោះរង្គើតាមរយៈមូលនិធិវិបត្តិដែលមានទឹកប្រាក់ចំនួន ៤០០ ពាន់លានបាត ដែលផ្តោតលើការជំរុញសកម្មភាពមូលដ្ឋានរួមទាំងទេសចរណ៍។ ទោះជាយ៉ាងនេះក្ដី ប្រភពដដែលបានឲ្យដឹងបន្ថែមថា ទីភ្នាក់ងាររបស់រដ្ឋអាចស្នើផែនការគម្រោងទៅគណៈកម្មាធិការត្រួតពិនិត្យរដ្ឋាភិបាលនៅថ្ងៃទី៥ ខែមិថុនា ខាងមុខនេះ៕ ប្រភព៖ nationthailand អត្ថបទ៖ លីនី

សិង្ហបុរីនឹងធ្លាក់ចូលក្នុងវិបត្តិសេដ្ឋកិច្ចកាន់តែជ្រៅនៅឆ្នាំនេះ ជាងការរំពឹងទុកនាពេលបច្ចុប្បន្ននេះ ចំពេលដែលការធ្លាក់ចុះនៃតំរូវការសកលដែលបណ្ដាលមកពីជំងឺរាតត្បាត ក៏ដូចជាផលប៉ះពាល់ពីវិធានការទប់ស្កាត់ការរីកដាលរបស់រដ្ឋាភិបាល។ ក្រសួងពាណិជ្ជកម្មនិងឧស្សាហកម្ម (MTI) បាននិយាយនៅថ្ងៃនេះថា សេដ្ឋកិច្ចនឹងធ្លាក់ចុះ ៧% ទៅ ៤% ដែលអាក្រក់ជាងការធ្លាក់ចុះពី ៤% ទៅ ១% ដែលបានព្យាករនាពេលកន្លងមក នេះអាចជាវិបត្តិសេដ្ឋកិច្ចអាក្រក់បំផុតមិនធ្លាប់មានរបស់សិង្ហបុរីចាប់តាំងពីទទួលបានឯករាជ្យនៅឆ្នាំ ១៩៦៥ ។ ជាមួយគ្នានេះ (MTI) បានឲ្យដឹងបន្ថែមផងដែរថា ភាពមិនប្រាកដប្រជាគួរឲ្យកត់សម្គាល់នៅក្នុងសេដ្ឋកិច្ចពិភពលោក ជាមួយនឹងហានិភ័យដែលបណ្ដាលមកពីរលកនៃការឆ្លងរាលដាលនៅក្នុងសេដ្ឋកិច្ចធំៗ ដូចជាសហរដ្ឋអាមេរិក និងតំបន់អឺរ៉ុបអាចរំខានសកម្មភាពសេដ្ឋកិច្ចបន្ថែមទៀត។ ជាពិសេសប្រសិនបើការឆ្លងចាប់ផ្តើមកើនឡើងហើយវិធានការតឹងរឹងដូចជាការចាក់សោ និងការរឹតត្បិតការធ្វើដំណើរត្រូវបានរៀបចំឡើងវិញការធ្លាក់ចុះនៃសេដ្ឋកិច្ចទាំងនេះអាចនឹងធ្ងន់ធ្ងរ និងអូសបន្លាយជាងការរំពឹងទុក។ ដូចគ្នានេះផងដែរការយល់ឃើញដែលកំពុងកើនឡើងនៃសមត្ថភាពថយចុះក្នុងការប្រើប្រាស់រំញោចដល់សារពើពន្ធ និងរូបិយវត្ថុនៅក្នុងសេដ្ឋកិច្ចធំៗ ជាច្រើនអាចធ្វើឱ្យខូចទំនុកចិត្តលើសមត្ថភាពរបស់អាជ្ញាធរក្នុងការឆ្លើយតបទៅនឹងវិបត្ដិដែលធ្វើឱ្យអន្តរាយដល់តម្រូវការស្បៀងអាហារ និងជំរុញឲ្យមានការផ្លាស់ប្តូរទីផ្សារហិរញ្ញវត្ថុបន្ថែមទៀត ជាមួយនឹងការជះឥទ្ធិពលអវិជ្ជមានសម្រាប់សេដ្ឋកិច្ចពិភពលោកទាំងមូល។