ជប៉ុនទើបតែបានកែប្រែច្បាប់ថ្មីមួយនៅថ្ងៃសុក្រ ទី២៩ ខែឧសភា ឆ្នាំ២០២០ ដើម្បីអាចឱ្យអ្នកធ្វើការក្រៅម៉ោង និងកម្មករមិនទៀងទាត់ ចូលរួមក្នុងកម្មវិធីប្រាក់សោធននិវត្តន៍ (ប្រាក់រឺត្រែត) បានកាន់តែច្រើនជាងមុន ក៏ដូចជាអនុញ្ញាតឱ្យអ្នកដែលមានសិទ្ធិស្រាប់ អាចបន្តធ្វើការរហូតដល់អាយុ ៧៥ឆ្នាំ​ សឹមចូលនិវត្តន៍ក៏បាន។ ជម្រាប់ដែរថាច្បាប់ចាស់អាចឱ្យកម្មករក្រៅម៉ោងមានសិទ្ធិយកប្រាក់រឺត្រែត លុះត្រាតែពួកគេធ្វើការបាន ២០ម៉ោង ឬច្រើនជាងនេះក្នុងមួយសប្តាហ៍ នៅក្នុងក្រុមហ៊ុនដែលមានបុគ្គលិកច្រើនជាង ៥០០នាក់។ ដូច្នេះច្បាប់ថ្មីនេះនឹងអាចធានាបាននូវប្រាក់បុព្វលាភប្រសើរជាងមុន ផ្ដល់ភាពងាយស្រួលដល់បុគ្គលិកក្រៅម៉ោង ក៏ដូចជាលើកទឹកចិត្តជនជាតិជប៉ុនឱ្យបន្ដធ្វើការបានយូរកាលជាងមុន។ អ្នកធ្វើការក្រៅម៉ោងដែលអាចមានសិទ្ធិក្នុងកម្មវិធីនេះត្រូវចែកជា ២ ដំណាក់កាល៖ ទី១ ត្រូវតែជាអ្នកធ្វើការនៅក្នុងក្រុមហ៊ុនមានបុគ្គលិកច្រើនជាង​ ១០០នាក់ នៅខែតុលា ឆ្នាំ២០២២ និង ទី២ សម្រាប់អ្នកដែលធ្វើការនៅកន្លែងមានបុគ្គលិក ៥០នាក់

ទិន្នន័យចុងក្រោយរបស់អង្គការទេសចរណ៍ពិភពលោក (UNWTO) បានបង្ហាញថា ការរាតត្បាតពីវីរុស Covid-19 បានបណ្ដាលឲ្យមានការធ្លាក់ចុះ ២២% នៃចំនួនភ្ញៀវទេសចរអន្តរជាតិក្នុងអំឡុងត្រីមាសទី១ ឆ្នាំ​២០២០នេះ។ យោងតាមទីភ្នាក់ងារជំនាញរបស់អង្គការសហប្រជាជាតិវិបត្តិអាចនាំឱ្យមានការធ្លាក់ចុះប្រចាំឆ្នាំពី ៦០% ទៅ ៨០% បើប្រៀបធៀបនឹងតួលេខឆ្នាំ២០១៩ ។ ប្រការនេះធ្វើឱ្យជីវភាពរស់នៅរាប់លានត្រូវប្រឈមនឹងហានិភ័យ ហើយគំរាមកំហែងវិលត្រឡប់មកវិញនូវវឌ្ឍនភាពដែលសម្រេចបានក្នុងការជំរុញគោលដៅអភិវឌ្ឍន៍ប្រកបដោយចីរភាព (SDGs)។ លោក Zurab Pololikashvili អគ្គលេខាធិការអង្គការសហប្រជាជាតិបានមានប្រសាសន៍ថា ពិភពលោកកំពុងប្រឈមមុខនឹងវិបត្តិសុខភាព និងសេដ្ឋកិច្ចដែលមិនធ្លាប់មាន។ វិស័យទេសចរណ៍បានជួបការលំបាក ដោយមានការងាររាប់លានកន្លែងស្ថិតក្នុងហានិភ័យ ខណៈវិស័យទេសចរណ៍ គឺជាវិស័យដែលពឹងផ្អែកលើកម្លាំងពលកម្មច្រើនបំផុត។ ជាមួយគ្នានេះទិន្នន័យចុងក្រោយរបស់ (UNWTO) ដែលបានរាយការណ៍តាមទិសដៅនានាចង្អុលបង្ហាញពីការធ្លាក់ចុះ ២២% នៃការមកដល់ក្នុងរយៈពេល ៣

ខណៈពិភពលោកកំពុងមានវិបត្តិ និងសេដ្ឋកិច្ចមិនមានភាពប្រាកដប្រជា ការប្រកបអាជីវកម្ម និងប្រតិបត្តិការក្រុមហ៊ុនស្ទើរតែទាំងស្រុងត្រូវរងផលប៉ះពាល់ ដោយមិនអាចជៀសផុតបាន។ នៅក្នុងកាលៈទេសៈបែបនេះ ក្រុមហ៊ុននិងអាជីវកម្មជាច្រើនបានកំពុងស្វះស្វែងរកមធ្យោបាយ និងផ្លូវគេចចេញពីវិបត្តិតាមរយៈការស្វែងរកថវិកាដើម្បីបំពេញតំរូវការអាជីវកម្មរបស់ពួកគេអោយកាន់តែច្រើនឡើង ឬដើម្បីរក្សាអាជីវកម្ម ឬក្រុមហ៊ុនឲ្យរស់រានរួចផុតពីពេលវេលាដ៏លំបាកនេះ។ យោងតាមសហស្ថាបនិកនៃក្រុមហ៊ុន Chelsea Capital ក្នុងនាមជាអ្នករកស៊ីរួមទុនគ្នា បានបង្ហាញនូវជម្រើសហិរញ្ញវត្ថុជាច្រើនដែលស្ថាបនិកភាគច្រើនមិនបានដឹងដូចជា៖ ១.ដើមទុនមូលធន (Venture Capital)៖ គឺជាទម្រង់មួយនៃភាគហ៊ុនឯកជន និងជាប្រភេទហិរញ្ញប្បទានមួយដែលវិនិយោគិនផ្តល់ដល់អាជីវកម្ម Start-up និងអាជីវកម្មខ្នាតតូចដែលត្រូវបានគេជឿជាក់ថាមានសក្តានុពលកំណើនរយៈពេលវែង។ ដើមទុនបណ្តាក់ទុនជាទូទៅបានមកពីវិនិយោគិនដែលមានប្រាក់ចំណេញ ធនាគារវិនិយោគ និងស្ថាប័នហិរញ្ញវត្ថុផ្សេងទៀត។ វិនិយោគិនដែលផ្ដល់ដើមទុនប្រភេទនេះ ភាគច្រើនសម្លឹងមើលទៅកំណើនសក្ដានុពលខ្ពស់ ទីផ្សារដែលអាចដោះស្រាយបាន និងមានដើមទុនច្រើនដើម្បីផ្គត់ផ្គង់កំណើន ដូចនេះប្រសិនបើអាជីវកម្ម ឬ ក្រុមហ៊ុនរបស់អ្នកមិនមានលក្ខណៈទាំងអស់នេះទេ ក្នុងកំឡុងពេលមានវិបត្តិសេដ្ឋកិច្ចអ្នកប្រហែលជាត្រូវស្វែងរកកន្លែងផ្សេងទៀតសម្រាប់ការទទួលបានហិរញ្ញប្បទាន។ ២.មិត្តភក្កិ

បុរសវ័យចំណាស់ជាងគេបំផុតលើពិភពលោក លោក Bob Weighton បានទទួលមរណភាពក្នុងអាយុ ១១២ឆ្នាំ ដោយសារជំងឺមហារីកសួតកាលពីព្រឹកថ្ងៃព្រហស្បតិ៍ទី២៨ ខែឧសភាឆ្នាំ ២០២០ នៅឯផ្ទះរបស់គាត់។ លោក Bob Weighton មកពីទីក្រុង Alton រដ្ឋ Hants ត្រូវបានទទួលពានរង្វាន់ពិភពលោកដោយ Guinness World Record កាលពីខែមីនាឆ្នាំនេះ បន្ទាប់ពីមរណភាពរបស់បុរសវ័យចំណាស់ជាងគេជនជាតិជប៉ុនឈ្មោះ Chitetsu Watanabe អាយុ ១១២ ឆ្នាំ។ អតីតគ្រូបង្រៀន និងវិស្វករបានកើតនៅឆ្នាំ ១៩០៨ នៅតំបន់ Hull នៅក្នុងជិវិតដ៏មានអត្ថន័យគាត់បានឆ្លងកាត់

រដ្ឋាភិបាលឥណ្ឌូនេស៊ីបានផ្ដល់ជំនួយជាទឹកប្រាក់ចំនួន ២.៩៩ ទ្រីលានរូពី (២០២ លានដុល្លារអាមេរិក) ដល់គ្រួសារក្រីក្រជិត ៥ លានគ្រួសារ តាមរយៈកម្មវិធីមូលនិធិភូមិ ខណៈមូលនិធិនេះត្រូវបានបង្កើតឡើងដើម្បីការពារគ្រួសារដែលមានហានិភ័យខ្ពស់បំផុតក្នុងការធ្លាក់ចូលទៅក្នុងភាពក្រីក្រចំពេលដែលកើតមានឡើងនូវវីរុសរាត្បាត Covid-19 ដែលនៅតែបន្តរាតត្បាត និងរាំងស្ទះដល់សេដ្ឋកិច្ចពិភពលោក។ យោងតាមរដ្ឋមន្រ្តីទទួលបន្ទុក លោក Abdul Halim Iskandar បានឲ្យដឹងថា ភូមិ និង តំបន់ខ្វះខាតជាង ៤៧,០០០ ទទួលបានប្រាក់ចំនួន ៦០០,០០០ រូពី ដល់គ្រួសារដែលបានចុះឈ្មោះនីមួយៗតាមរយៈការផ្ទេរប្រាក់។ ជាសរុបមានភូមិចំនួន ៦៣,០០០ នៃភូមិជិត ៧៥,០០០ នៅប្រទេសឥណ្ឌូនេស៊ីបានទទួលថវិកាពីមូលនិធិភូមិ។ លោក Abdul

(ភ្នំពេញ)៖ សហភាពអឺរ៉ុបបានចេញមុខបន្តគាំទ្រការអភិវឌ្ឍវិស័យទេសចរណ៍កម្ពុជា នៅពេលវិបត្តិជំងឺកូវីដ១៩ រសាត់ផុតចេញពីពិភពលោក ពិសេសការអភិវឌ្ឍអេកូទេសចរណ៍ និងធនធានមនុស្សក្នុងវិស័យទេសចរណ៍ ដោយប្ដេជ្ញាបង្កើនកិច្ចសហប្រតិបត្តិការឱ្យកាន់តែខ្លាំងជាមួយរាជរដ្ឋាភិបាល ក៏ដូចជាក្រសួងទេសចរណ៍កម្ពុជា។ ការបញ្ជាក់យ៉ាងដូច្នេះត្រូវបានធ្វើឡើងក្នុងជំនួបពិភាក្សាការងាររវាងឯកឧត្ដមបណ្ឌិត ថោង ខុន រដ្ឋមន្ត្រីក្រសួងទេសចរណ៍ ជាមួយលោកស្រី ខាមិន ម៉រីណូ (Carmen Moreno) ឯកអគ្គរដ្ឋទូតសហភាពអឺរ៉ុបប្រចាំកម្ពុជា កាលពីព្រឹកថ្ងៃទី២៨ ខែឧសភា ឆ្នាំ២០២០ នៅទីស្ដីការក្រសួងទេសចរណ៍។ នាឱកាសនោះ ឯកឧត្តមរដ្ឋមន្ត្រី ថោង ខុន បានលើកឡើងពីបច្ចុប្បន្នភាពនៃវិស័យទេសចរណ៍កម្ពុជា ដែលកំពុងរងផលប៉ះពាល់យ៉ាងខ្លាំងដោយសារវិបត្តិជំងឺកូវីដ១៩ ដែលធ្វើឱ្យប្រជាជនមួយចំនួនដែលធ្លាប់បម្រើការក្នុងវិស័យសេវាកម្មបាត់បង់ការងារធ្វើ។ លើសពីនេះ នារយៈពេលចុងក្រោយនេះកម្ពុជាក៏នៅទទួលបានភ្ញៀវទេសចរក្នុងស្រុកខ្លះដែរ ដោយក្នុងរយៈពេល ៣ សប្ដាហ៍នៃខែឧសភានេះ

ថៃ៖ ខណៈការភ័យស្លន់ស្លោរ និងការសម្រុកទៅទិញទំនិញនៅក្នុងប្រទេសថៃហាក់ដូចជា មានភាពស្ងប់ស្ងាត់ជាងមុននៅពេលដែលវីរុសចាប់ផ្ដើមរាតត្បាតជាលើកដំបូង រដ្ឋាភិបាលគ្រោងនឹងធ្វើឲ្យប្រសើរឡើងនូវការនាំចេញស៊ុត ដើម្បីលើកកម្ពស់តម្លៃក្នុងស្រុក។ លោក Whichai Phochanakij អគ្គនាយកនៃអគ្គនាយកដ្ឋានពាណិជ្ជកម្មផ្ទៃក្នុងបាននិយាយថា អ្នកទទួលប្រឹក្សាផ្នែកស៊ុតបានយល់ព្រមកាលពីថ្ងៃអង្គារ ក្នុងការផ្ដល់ថវិកាចំនួន ៥០ លានបាត (ប្រហែល ១.៥ លានដុល្លារ) ដែលជាចំណែកពីពីមូលនិធិជំនួយរបស់កសិករ ដើម្បីគាំទ្រដល់កសិករពាណិជ្ជករ និងអ្នកនាំចេញដោយចំណាយថ្លៃដើមដូចជា វេចខ្ចប់ដឹកជញ្ជូន និងការត្រួតពិនិត្យគុណភាពនៅចន្លោះថ្ងៃទី១ ខែមិថុនាដល់ថ្ងៃទី ៣០ ខែវិច្ឆិកា។ ជមួយគ្នានេះដែរការផ្លាស់ប្ដូរនេះមានគោលបំណងជួយបន្ធូរបន្ថយការលំបាករបស់កសិករ និងពាណិជ្ជករ ខណៈតម្លៃបានធ្លាក់ចុះ ហើយការប្រើប្រាស់ក្នុងស្រុកមានប្រហែល ៣៨-៣៩ លានពងក្នុងមួយថ្ងៃ។ យោងតាមលោក Mongkol Pipatsatayawong

ប្រទេសបារាំងគ្រោងនឹងបញ្ចូលទឹកប្រាក់ចំនួន ៨ ពាន់លានអឺរ៉ូ ទៅក្នុងឧស្សាហកម្មរថយន្តរបស់ខ្លួនដែលកំពុងទទួលរងផលប៉ះពាល់ដោយសារការធ្លាក់ចុះនៃការលក់ ក៏ព្រោះតែផលវិបាកនៃជំងឺរាតត្បាត COVID-19។ ប្រធានាធិបតីលោក Emmanuel Macron បានប្រកាសកញ្ចប់ថវិកានេះ ដែលមានតម្លៃប្រហែល ៨.៨ ពាន់លានដុល្លារ នៅក្នុងអំឡុងពេលដំណើរទស្សនកិច្ចទៅកាន់រោងចក្រផលិតគ្រឿងបន្លាស់រថយន្តនៅភាគខាងជើងប្រទេសបារាំងកាលពីថ្ងៃអង្គារ។ វារួមបញ្ចូលទឹកប្រាក់រហូតដល់ទៅ ១២,០០០ អឺរ៉ូ ឬប្រហែល ១៣,០០០ ដុល្លារអាមេរិក ក្នុងការឧបត្ថម្ភដល់អតិថិជនដែលប្រើរថយន្តសាំងចាស់ៗដែលផលិតកាលពីជាង ១៥ ឆ្នាំមុន ដើម្បីទិញរថយន្តអគ្គិសនីប្រើវិញ ហើយកម្មវិធីនេះនឹងចាប់ផ្តើមនៅថ្ងៃទី០១ ខែមិថុនា នេះតទៅ។ រដ្ឋាភិបាលបារាំងក៏បានសន្យាគាំទ្រការអភិវឌ្ឍអាគុយរថយន្តអគ្គិសនី និងរថយន្តកោសិកាឥន្ធនៈ ដើម្បីធ្វើឱ្យក្រុមហ៊ុនផលិតរថយន្តបារាំងមានការប្រកួតប្រជែងក្នុងវិស័យនេះ។ លោក Emmanuel Macron បានសម្តែងក្តីសង្ឃឹមថា