យោងតាមរដ្ឋាភិបាលអង់គ្លេសបានឲ្យដឹងថា អង់គ្លេសអាចនឹងដាក់ចេញវ៉ាក៉សាំងការពារវីរុស Covid-19 ចំនួន ៣០ លាននៅដើមខែកញ្ញាឆ្នាំ២០២០ នេះ។ នៅក្នុងសេចក្ដីប្រកាសមួយកាលពីពេលថ្មីៗនេះៗ រដ្ឋាភិបាលអងគ្លេសបាននិយាយថា អង៉គ្លេសនឹងក្លាយជាប្រទេសដំបូងគេ ដែលបានផ្ដល់នូវការចាក់វ៉ាក់សាំង ដែលត្រូវបានបង្កើតឡើងនៅសាកលវិទ្យាល័យ Oxford ប្រសិនបើវាបង្ហាញថាទទួលបានជោគជ័យក្នុងការសាកល្បងព្យាបាល។ គួរឲ្យដឹងផងដែរថា កាលពីខែមេសា សាកលវិទ្យាល័យ Oxford បានប្រកាសថា ខ្លួនបានចុះកិច្ចព្រមព្រៀងផ្តល់អាជ្ញាប័ណ្ណជាមួយក្រុមហ៊ុន AstraZeneca ដែលត្រូវបានស្គាល់ថាជាក្រុមហ៊ុនផលិតឱសថខ្នាតយក្ស និងចែកចាយវ៉ាក់សាំងនៅទូទាំងពិភពលោក។ ទន្ទឹមនឹងនេះដែរ រដ្ឋមន្រ្តីក្រសួងពាណិជ្ជកម្មចក្រភពអង់គ្លេសលោក Alok Sharma បានបង្ហាញថវិកាចំនួន ៦៥.៥ លានផោន (៧៩ លានដុល្លារ) ជាថវិកាថ្មីរបស់រដ្ឋាភិបាលសម្រាប់គម្រោងនេះ កាលពីថ្ងៃអាទិត្យ។

សព្វថ្ងៃមនុស្សភាគច្រើនទទួលស្គាល់បញ្ហាបំពុលបរិយាកាសដោយប្លាស្ទិក ហើយមនុស្សជាច្រើនទៀតបានកំពុងរកវិធីដោះស្រាយ និងទប់ស្កាត់ការបំពុលទាំងនោះ។ ជាក់ស្ដែងដើម្បីទប់ទល់នឹងបរិមាណកាកសំណល់ដែលមិនចេះរីងស្ងួត និងកើនឡើងកាន់តែច្រើនឡើងៗពីការប្រើប្រាស់ប្រចាំថ្ងៃ ប្រជាជន និងរដ្ឋាភិបាលនៅតាមបណ្ដាប្រទេសជាច្រើនកំពុងព្យាយាមរិះរកគ្រប់មធ្យោបាយដើម្បីកាត់បន្ថយការប្រើប្រាស់ប្លាស្ទិក ដែលជាកាកសំណល់ចំណាយពេលរាប់ពាន់ឆ្នាំដើម្បីរំលាយ។ ក្នុងចំណោមអ្នកដែលបានចូលរួមកាត់បន្ថយការប្រើប្រាស់ប្លាស្ទិកលោក Toby McCartney ជាវិស្វករដែលបានមើលឃើញពីប្រយោជន៍នៃប្រើប្រាស់កាកសំណល់ប្លាស្ទិក។ បុរសជនជាតិ Scotland រូបនេះបានប្រើប្រាស់កាកសំណល់ប្លាស្ទិកធ្វើជាកៅស៊ូសម្រាប់ចាក់លើថ្នល់ដែលមានភាពធន់ ជាប់រឹងមាំ ជាងថ្នល់ធ្វើពីកៅស៊ូធម្មតារហូតដល់ទៅ ៣ដង។ ការបង្កើតភាពច្នៃប្រឌិត ជាមួយនឹងគុណសម្បត្តិដ៏អស្ចារ្យនេះ Toby McCartney នាយកប្រតិបត្តិក្រុមហ៊ុនសាងសង់ថ្នល់ MacRebur បានឲ្យដឹងថា មានរឿងពីរយ៉ាងដែលអាចឲ្យរូបលោកនឹកឃើញពីរបៀបនៃការប្រើប្រាស់កាកសំណល់នេះឲ្យមានប្រយោជន៍ ហើយបានចាប់ផ្ដើមបង្កើតក្រុមហ៊ុនមួយនេះឡើង។ គំនិតនេះបានកើតឡើងនៅពេលដែលនាយកប្រតិបត្តិរូបនេះកំពុងធ្វើការនៅប្រទេសឥណ្ឌា ភាគខាងត្បូង ដោយជួយមនុស្សដែលធ្វើការនៅកន្លែងចាក់សំរាម និង អ្នករើសសំរាមដែលការងាររបស់ពួកគេ គឺប្រមូលរបស់របរដែលអាចប្រើឡើងវិញបាន ហើយបំលែងវាឱ្យក្លាយពីសំរាមទៅជារបស់អ្វីមួយដែលមានប្រយោជន៍ម្តងទៀត។

ចាប់តាំងពីឆ្នាំ១៩៦០ មក អាស៊ីបានក្លាយជាតំបន់រោងចក្រកាត់ដេរពិភពលោក ដោយបាននាំចេញសម្លៀកបំពាក់ ស្បែកជើង និងកាបូបដែលមានតម្លៃប្រហែល ៦៧០ ពាន់លានដុល្លារក្នុងមួយឆ្នាំទៅកាន់ទ្វីបអឺរ៉ុបសហរដ្ឋ អាមេរិក និងបណ្តាប្រទេសនៅអាស៊ីដែលមានសេដ្ឋកិច្ចធំៗ។ ប៉ុន្តែឧស្សាហកម្មដែលជាបង្គោលសេដ្ឋកិច្ចរបស់ប្រទេសនីមួយៗ កំពុងត្រូវបានរាំងស្ទះឲ្យនៅស្ងៀមទ្រឹង ដោយសារវីរុសកូរ៉ូណា ដែលធ្វើឲ្យកម្មករក្នុងវិស័យនេះរាប់រយលាននាក់ត្រូវធ្លាក់ក្នុងវិបត្តសេដ្ឋកិច្ច។ ជាក់ស្ដែងបន្ទាប់ពីហាងដែលមិនចាំបាច់ត្រូវបានបិទនៅក្នុងប្រទេសជាច្រើន ហើយប្រជាជនត្រូវបានបញ្ជាឱ្យស្នាក់នៅក្នុងផ្ទះដើម្បីការពារការរីករាលដាលនៃជំងឺនេះបន្ថែមទៀត អ្នកលក់រាយអន្តរជាតិធំៗដូចជា ASOS Plc និង New Look បានលុបចោលការបញ្ជាទិញជាមួយអ្នកផលិតសម្លៀកបំពាក់។ ក្នុងនោះម្ចាស់រោងចក្រនៅមីយ៉ាន់ម៉ា បង់ក្លាដែស និងកម្ពុជាបានបិទទ្វាររោងចក្ររាប់ពាន់ ហើយកម្មករខ្លះក៏ទទួលបានប្រាក់ឈ្នួលតិចតួច និងខ្លះទៀតមិនទទួលបានតែម្ដង។ យោងតាមសមាគមរោងចក្រកាត់ដេរបានឱ្យដឹងថា ដើម្បីបញ្ចប់ការបញ្ជាទិញដែលមិនទាន់សម្រេច ប្រហែលពាក់កណ្តាលនៃរោងចក្រកាត់ដេរចំនួន ៤០០០ របស់ប្រទេសបង់ក្លាដែសបានបើកដំណើរការជាថ្មី។ ដោយឡែករោងចក្រប្រមាណជា

តម្លៃមាសបានលោតឡើងដលកម្រិតខ្ពស់បំផុតដែលមិនធ្លាប់មានក្នុងរយៈពេល ៨ឆ្នាំ ចុងក្រោយនេះកាលពីម្សិលមិញដោយឈានដល់តម្លៃ ១,៧៦០ ដុល្លារក្នុងមួយអោន នេះដោយផ្អែកលើការការកត់សម្គាល់របស់ប្រធានធនាគារកណ្តាលអាមេរិកស្តីពីការងើបឡើងវិញនៃសេដ្ឋកិច្ចអាមេរិក និងការរាតត្បាត។ ជាមួយគ្នានេះតម្លៃមាសគិតជាប្រាក់ដុល្លារបានឡើងដល់ ១ ៧៦២.២៣ ក្នុងមួយអោន ខណៈតម្លៃមាសដុំបានគិតជាប្រាក់បាតបានឡើងដល់ ២៦,៦០០ បាតក្នុងទម្ងន់ ១បាត (ខ្នាតក្នុងប្រទេសថៃ) និងតម្លៃគ្រឿងអលង្ការមាស ឡើងដល់ ២៧,១០០ បាតក្នុង ១ទម្ងន់បាត។ ការកើនឡើងជាថ្មីម្ដងទៀតនេះ​ បានធ្វើឲ្យប្រជាជនថៃបានតម្រង់ជួរគ្នាយ៉ាងហូរហែនៅតាមដងផ្លូវ Yaowarat កាលពីម្សិលមិញដើម្បីលក់មាស និងគ្រឿងអលង្ការរបស់ពួកគេ។ ដោយកាលពីខែមេសាកន្លងមក ប្រជាជនធ្លាប់បានតម្រង់ជួរយ៉ាងវែងដើម្បីលក់មាសម្ដងរួចមកហើយដែលបង្កហានិភ័យយ៉ាងខ្លាំងដល់ហាងទិញ និងលក់មាសចំពោះវិបត្តិសាច់ប្រាក់សុទ្ធ។ លោក Tanarat Pasawongse នាយកប្រតិបត្តិក្រុមហ៊ុនធំមួយក្នុងប្រទេសថៃបាន និយាយថាការកត់សម្គាល់របស់ប្រធានធនាគារកណ្តាលអាមេរិក

ប្រធានាធិបតីចិនលោក Xi Jinping បាននិយាយកាលពីថ្ងៃច័ន្ទ ទី១៨ ខែឧសភាថា ប្រទេសចិនគាំទ្រដល់ការស៊ើបអង្កេតប្រភពនៃវីរុស Covid-19 ដែលដឹកនាំដោយអង្គការសុខភាពពិភពលោក បន្ទាប់ពីវីរុសដែលបានផ្ទុះឡើងនឹងសម្លាប់មនុស្សរាប់ម៉ឺននាក់នៅក្នុងប្រទេសចិនមួយនេះត្រូវបានគ្រប់គ្រង។ ការអធិប្បាយរបស់លោក លោក Xi Jinping បានធ្វើឡើងក្នុងសុន្ទរកថាតាមវីដេអូទៅកាន់សភាសុខភាពពិភពលោកដើម្បីរកដំណោះស្រាយមួយ បន្ទាប់ពីសហគមន៍អ៊ឺរ៉ុប និងអូស្រ្តាលីបានអំពាវនាវឱ្យពិនិត្យឡើងវិញនូវប្រភពដើម និងការរីករាលដាលនៃវីរុសនេះ ដែលបានសម្លាប់មនុស្សជាង ៣១០,០០០ នាក់នៅទូទាំងពិភពលោក។ គួរឲ្យដឹងផងដែរថា កាលពីមុនប្រទេសចិនបានជំទាស់នឹងការអំពាវនាវឱ្យមានការស៊ើបអង្កេតបែបនេះពីទីក្រុងវ៉ាស៊ីនតោន និងទីក្រុងកង់បេរ៉ា ប៉ុន្តែលោកស៊ីបានផ្តល់សញ្ញាកាលពីថ្ងៃច័ន្ទថា ទីក្រុងប៉េកាំងអាចធ្វើទៅបានដើម្បីពិនិត្យឡើងវិញដោយមិនលំអៀង។ ប្រធានាធិបតីរូបនេះបានថ្លែងនៅក្នុងសន្និបាតថា ប្រទេសចិនគាំទ្រដល់ការវាយតម្លៃដ៏ទូលំទូលាយនៃការឆ្លើយតបជាសកលចំពោះការរាតត្បាត បន្ទាប់ពីការរាតត្បាតជាសកលស្ថិតនៅក្រោមការគ្រប់គ្រង ដើម្បីបូកសរុបបទពិសោធន៍និងកង្វះខាត។ ជាមួយគ្នានេះដែរលោកក៏សន្យាផ្តល់ជំនួយហិរញ្ញវត្ថុចំនួន ២ ពាន់លានដុល្លារក្នុងរយៈពេល ២ឆ្នាំ

ការិយាល័យគោលនយោបាយសហគ្រាសរដ្ឋ (SEPO) នាថ្ងៃច័ន្ទ ទី១៨ ខែឧសភានេះ បានអនុម័តផែនការស្ដារនីតិសម្បទារបស់ក្រុមហ៊ុន Thai Airways International ដែលនឹងអនុញ្ញាតឲ្យក្រុមហ៊ុននេះដាក់ពាក្យស្នើសុំក្ស័យធន។ អ្នកនាំពាក្យរដ្ឋាភិបាលលោក Narumon Pinyosinwat បានឲ្យដឹងបន្ទាប់ពីកិច្ចប្រជុំនៅ (SEPO) ថា ក្រុមហ៊ុន Thai Airways នឹងដាក់ពាក្យសុំក្ស័យធននៅតុលាការក្ស័យធនកណ្តាលនៅប្រទេសថៃ បន្ទាប់ពីទទួលបានការយល់ព្រមពីនាយករដ្ឋមន្រ្តីក្នុងពេលប្រជុំ។ ជាមួយគ្នានេះលោក Narumon មិនបានធ្វើការបកស្រាយនោះទេ ខណៈពេលដែលអ្នកសារព័ត៌មានបាន​ចោទសួរថា តើក្រសួងហិរញ្ញវត្ថុនឹងបន្ថយការកាន់កាប់ភាគហ៊ុនរបស់ Thai Airways ឱ្យនៅតិចជាង ៥០% ។ យ៉ាងណាមិញបើតាមអតីតសមាជិកក្រុមប្រឹក្សាភិបាលក្រុមហ៊ុនអាកាសចរណ៍មួយនេះ លោក Banyong

ការចំណាយទៅលើសម្លៀកបំពាក់សកលត្រូវបានគេព្យាករណ៍ថា នឹងធ្លាក់ចុះ ១៥.២% នៅឆ្នាំនេះដែលស្មើនឹង ២៩៧ ពាន់លានដុល្លារអាមេរិកដោយសារការរងផលប៉ះពាល់ដោយផ្ទាល់នៃជំងឺរាតត្បាតដែលបង្កឡើងដោយវីរុស Covid-19។ យោងតាមការស្រាវជ្រាវរបស់ GlobalData ទីផ្សារសម្លៀកបំពាក់នៅទូទាំងពិភពលោកនឹងមិនត្រលប់មករកកម្រិតនៃតម្លៃកាលពីឆ្នាំមុនទេ យ៉ាងហោចណាស់រហូតដល់ឆ្នាំ២០២២។ លោក Hon Strachan អ្នកវិភាគរបស់ GlobalData មានប្រសាសន៍ថា “ ទីផ្សារដែលរងផលប៉ះពាល់អាក្រក់បំផុតទាំង១០ បើគិតពីតម្លៃ នឹងតំណាងឱ្យភាគច្រើននៃការខាតបង់សរុប នៅក្នុងតំបន់ដែលកំពុងរងគ្រោះខ្លាំងបំផុត” ។ លោកបានបន្តថា ជាក់ស្ដែងសហរដ្ឋអាមេរិកនឹងត្រូវចំណាយច្រើនជាង ៤០% នៃការចំណាយដែលបាត់បង់ដែលនឹងរួមចំណែកដល់ការក្រុមហ៊ុននាចូលធំៗ បន្ថែមទៀតទៅក្នុងច្បាប់ក្ស័យធនជំពូកទី១១ ក្នុងរយៈពេលប៉ុន្មានខែខាងមុខនេះ។ ជាមួយគ្នានេះភ័ស្តុតាងដែលប្រមូលដោយ GlobalData បង្ហាញថា សូម្បីតែទីផ្សារដែលបានរួចផុតពីការរឹតត្បិតការចាក់សោរ ក៏បានបង្ហាញពីភាពខុសប្លែកគ្នាយ៉ាងខ្លាំង

នៅពេលដែលអាជីវកម្មអាមេរិកជាច្រើនកំពុងរង់ចាំសញ្ញាបើកទ្វាររបស់ខ្លួន លោក Mark Cuban មានដំបូន្មានដ៏គួរឲ្យទាក់ទាញមួយសម្រាប់ម្ចាស់អាជីវកម្ម ឬ អ្នកនាំទាំងអស់ដែលចង់អោយអាជីវកម្មរបស់អ្នករស់រានឡើងវិញ។ ដំបូន្មាននោះគឺផ្ដល់ឲ្យបុគ្គលិករបស់អ្នកនូវចំនែកសំខាន់នៅក្នុងក្រុមហ៊ុន។ នៅក្នុងបទសម្ភាសន៍នាពេលថ្មីៗនេះជាមួយនិពន្ធនាយក LinkedIn លោកបាននិយាយថា៖ «មិនថាជាក្រុមហ៊ុនឯកជន តូច ឬធំ ឬមិនរីកចម្រើនក៏ដោយក្ដី ប្រសិនបើអ្នកចង់ឲ្យអាជីវកម្មឡើងវិញសូមសាកល្បងវិធីនេះ ព្រោះបុគ្គលិករបស់អ្នកនឹង ខិតខំធ្វើការកាន់តែខ្លាំង ពួកគេនឹងមានអារម្មណ៍ថាពួកគេជាម្ចាស់ ពួកគេនឹងមានទស្សនៈខុសគ្នាទាំងស្រុងហើយវាផ្តល់ផលប្រយោជន៍ដល់អ្នករាល់គ្នា »។ ជាមួយគ្នានេះវិនិយោគិន Shark Tank និងជាម្ចាស់ Dallas Mavericks បាននិយាយនៅលើផេក LinkedIn ថា ក្នុងនាមជានិយោជកអ្នកនឹងត្រូវផ្អែកលើនិយោជិករបស់អ្នកច្រើនជាងអ្វីៗទាំងអស់ ហើយការវិនិយោគលើបុគ្គលិករបស់អ្នកគឺជារឿងសំខាន់។ ដូច្នេះតើធ្វើយ៉ាងណាដើម្បីវិនិយោគលើបុគ្គលិកប្រកបដោយប្រសិទ្ធភាព ឬអាចហៅម្យ៉ាងទៀតថាផ្ដល់ភាពសំខាន់ដល់បុគ្គលិកនៅក្នុងអាជីវកម្ម