លោក Richard Branson បានកសាងអាណាចក្រនិងយីហោ ដែលត្រូវបានគេទទួលស្គាល់ពីទូទាំងសកលលោក តាមរយៈភាពប៉ិនប្រសប់ គំនិត និងភាពអង់អាចរបស់គាត់។ ប៉ុន្តែអនាគតនៃអាណាចក្រដែលគាត់បានបង្កើតឡើងនេះ វាបានពឹងផ្អែកទាំងស្រុងទៅលើអាជីវកម្មការធ្វើដំណើរ និងការកម្សាន្ត ដែលជាហេតុធ្វើឱ្យគាត់ក៏មិនខុសពីមេក្រុមហ៊ុនដទៃទៀតដែរ។ ជាក់ស្ដែងលោក Richard Branson គឺកំពុងព្យាយាមជួយសង្គ្រោះក្រុមហ៊ុនអាកាសចរណ៍ Virgin Atlantic និង Virgin Australia របស់គាត់ដែលកំពុងមានការលំបាកផ្នែកហិរញ្ញវត្ថុ នៅពេលដែលការហោះហើរនៅទូទាំងពិភពលោកត្រូវបានជាប់គាំងដោយសារការរំខាននៃជំងឺ COVID-19 ។ សូម្បីដំណើរកម្សាន្តតាមនាវាដែលគ្រោងនឹងធ្វើដំណើរជាលើកដំបូងនៅនិទាឃរដូវនេះក៏ត្រូវបានពន្យាពេល ហើយបណ្តាខ្សែសង្វាក់សណ្ឋាគាររបស់ Virgin Group ក៏ត្រូវបានបិទទ្វារ ឬត្រូវបានកាត់បន្ថយពលកម្ម និងបើកតែសណ្ឋាគារ ២ ទៅ

យោងតាមការចុះផ្សាយរបស់សារព័ត៌មានក្នុងស្រុកបានឲ្យដឹងថា ទីក្រុងហាណូយរបស់វៀតណាមកំពុងបង្ហាញក្ដីសង្ឃឹមថា នឹងអាចទាក់ទាញការវិនិយោគសរុបចំនួន ៣៨.៣ លានដុល្លារនៅឆមាសទីមួយ នៃឆ្នាំ២០២០នេះ ដែលស្មើនឹង ៦៤% នៃតួលេខក្នុងរយៈពេលដូចគ្នាកាលពីឆ្នាំមុន។ ប្រភពដដែលបានបង្ហាញថា ដើមទុននេះបានមកពីគម្រោងថ្មីចំនួន ៥ ដែលមានទឹកប្រាក់សរុបជិត ១៥ លានដុល្លារអាមេរិក និង ១០គម្រោងទៀតដែលបន្ថែមដើមទុនដែលមានទឹកប្រាក់សរុប ២៣.៣ លានដុល្លារ។ លោក Le Quang Phong អនុប្រធានក្រុមប្រឹក្សាភិបាលគ្រប់គ្រងតំបន់ឧស្សាហកម្មកែច្នៃនិងនាំចេញហាណូយបាននិយាយថាសហគ្រាសក្នុងស្រុកបាននិងកំពុងប្រឈមមុខនឹងការលំបាកដែលបណ្តាលមកពីជំងឺរាតត្បាតប្រភេទ COVID-19។ ពួកគេកំពុងខិតខំប្រឹងប្រែងធ្វើពិពិធកម្មប្រភពធនធានសម្រាប់ផលិតកម្ម និងស្វែងរកទីផ្សារប្រើប្រាស់ថ្មីឆ្ពោះទៅសម្រេចគោលដៅផលិតកម្មរបស់ខ្លួនសម្រាប់ឆមាសទី២ និងពេញមួយឆ្នាំ។ យ៉ាងណាមិញយោងតាមក្រុមប្រឹក្សាគ្រប់គ្រងតំបន់កែច្នៃឧស្សាហកម្ម និងនាំចេញ ទីក្រុងហាណូយបង្កើតការងារដល់កម្មករជិត ១៦០,០០០ នាក់ក្នុងនោះមានជនបរទេសចំនួន ១,២១៩

គិតត្រឹមថ្ងៃទី២៧ ខែឧសភា ឆ្នាំ២០២០ នេះ ការងារសាងសង់មណ្ឌលកីឡាហែលទឹកឋិតក្នុងបរិវេណសាកលវិទ្យាល័យខេត្តបាត់ដំបង​សម្រេចបាន​ ៦៩.៥% ហើយ ដោយឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានសហព័ន្ធខ្មែរ កីឡាហែលទឹក បានដឹកនាំគណៈប្រតិភូចុះពិនិត្យវឌ្ឍនភាពគម្រោងសាងសង់មណ្ឌលកីឡាហែលទឹក ដែលមានទីតាំងឋិតនៅក្នុងបរិវេណនៃសាកលវិទ្យាល័យខេត្តបាត់ដំបង នេះបើយោងតាមផេកផ្លូវការរបស់ក្រសួងសាធារណការ និងដឹកជញ្ជុន។ សូមបញ្ជាក់ផងដែរថា មណ្ឌលហែលទឹកនេះត្រូវបានបើកការដ្ឋានសាងសង់កាលពីថ្ងៃពុធ ទី១៤ ខែសីហា ឆ្នាំ២០១៩ ក្រោមអធិបតីភាពដ៍ខ្ពង់ខ្ពស់សម្តេចក្រឡាហោម ស ខេង ឧបនាយករដ្ធមន្រ្តី រដ្ឋមន្រ្តីក្រសួងមហាផ្ទៃ សាងសង់ឡើងតាមស្តង់អន្តរជាតិ គ្រោងចំណាយថវិកា ប្រមាណ ២លានដុល្លាសហរដ្ឋអាមេរិក គ្រោងចំណាយពេលសាងសង់ប្រមាណ

លោក Warren Edward Buffett ដែលគេស្គាល់ថាជានវិនិយោគិនជនជាតិអាមេរិក ជាសប្បុរសជន និងជានាយកប្រតិបត្តិក្រុមហ៊ុន Berkshire Hathawa ដែលមានក្រុមហ៊ុនជាង ៦០ ។ គាត់ត្រូវបានគេចាត់ទុកថាជាវិនិយោគិនដ៏ជោគជ័យបំផុតនៅលើពិភពលោក តាមរយៈគំនិត និងយុទ្ធសាស្រ្តឆ្លាតវៃក្នុងការទិញភាគហ៊ុន ដែលមានទ្រព្យសម្បត្តិ ៦៧.៥ ពាន់លានដុល្លារយោងតាមទស្សនាវដ្ដី Forbes ដែលធ្វើឲ្យគាត់ក្លាយជាមានបំផុតទី ៤ នៅលើពិភពលោក។ នៅក្នុងឯកសារវីដេអូពីរបៀបជោគជ័យរបស់មហាសេដ្ឋីវ័យចំណាស់រូបនេះ បានបង្ហាញគន្លឹះជីវិតមួយចំនួន ដល់ក្រុមសិស្សវិទ្យាល័យអំពីសារៈសំខាន់នៃការធ្វើជាមនុស្សល្អដើម្បីក្លាយជាមនុស្សជោគជ័យក្នុងអាជីវកម្ម។ គន្លឹះទាំងនេះគាត់បានរៀនសូត្រពីឪពុករបស់គាត់ ដែល Buffett បានហៅវាថាជា គោលការណ៍នៃការដាក់ពិន្ទុឲ្យខ្លួន​ឯង។ និយាយឲ្យចំទៅការដាក់ពិន្ទុឲ្យខ្លួនឯងវាខុសពីការពិន្ទុពីកម្រិតចំណេះដឹងរបស់យើងនៅក្នុងសាលា វាបង្កប់នូវគំនិតនៃការរស់នៅដែលជារង្វាស់នៃភាពជោគជ័យ ខណៈ Buffett

នាក្នុងជំនួបជួបពិភាក្សាការងាររវាងឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី អូន ព័ន្ធមុន្នីរ័ត្ន ជាមួយនឹងឯកឧត្តម Masahiro MIKAMI ឯកអគ្គរាជទូតវិសាមញ្ញ និងពេញសមត្ថភាពជប៉ុន ប្រចាំព្រះរាជាណាចក្រកម្ពុជា អមដោយមន្រ្តីការទូតជប៉ុន និងតំណាងទីភ្នាក់ងារសហប្រតិបត្តិការអន្តរជាតិជប៉ុន (JICA) នៅកម្ពុជា កាលពីព្រឹកថ្ងៃទី២៧ ខែ ឧសភា ឆ្នាំ ២០២០ បានឲ្យដឹងថា រដ្ឋាភិបាលជប៉ុនគ្រោងនឹងផ្ដល់នូវហិរញ្ញប្បទានឥតសំណងទឹកប្រាក់ប្រមាណ ២,០០០ លានយ៉េន (ប្រមាណ ១៨ លានដុល្លារអាមេរិក ជូនរដ្ឋាភិបាលកម្ពុជា។ យោងតាមឯកអគ្គរាជទូតជប៉ុន ហិរញ្ញប្បទានឥតសំណងនេះនឹងផ្ដល់ជូនតាមរយៈការផ្ដល់ជាឧបករណ៍ សម្ភារៈ និងបរិក្ខាពេទ្យជូនក្រសួងសុខាភិបាលសម្រាប់ទប់ស្កាត់ និងបង្ការការរីករាលដាលនៃជំងឺកូវីដ-១៩ នៅកម្ពុជា។ ជាមួយគ្នានេះ

ឥណ្ឌូណេស៊ី៖ យោងតាមស្ថិតិបឋមបានឲ្យដឹងថាកម្មករជិត ៤០០,០០០ នាក់នៅក្នុងឧស្សាហកម្មផលិត​ស្បែកជើងរបស់ឥណ្ឌូនេស៊ីត្រូវបានបាត់បង់ការងារដោយសារតែជំងឺរាតត្បាតរ៉ាំរ៉ៃ Covid-19។ ជាមួយគ្នានេះប្រធានសមាគមអ្នកផលិតស្បែកជើងឥណ្ឌូនេស៊ី (Fisisindo) លោក Firman Bakri បានមានប្រសាសន៍ថា ឧស្សាហកម្មផលិតស្បែកជើងរបស់ប្រទេសនេះបានរងផលប៉ះពាល់យ៉ាងធ្ងន់ធ្ងរដោយសារជំងឺរាតត្បាតនេះ។ លោក Firman Bakri បានមានប្រសាសន៍ថា ផលប៉ះពាល់យ៉ាងធ្ងន់ធ្ងរនេះកើតឡើងចាប់តាំងពីខែកុម្ភៈ ឆ្នាំ២០២០ ខណៈការផ្គត់ផ្គង់វត្ថុធាតុដើមសម្រាប់ផលិតកម្ម ត្រូវបានបង្អាក់ដោយសារតែអ្នកផ្គត់ផ្គង់ធំៗ របស់ចិនបានផ្អាកប្រតិបត្តិការ។ លោកបានបន្ថែមថា រោងចក្រជាច្រើនត្រូវបានបិទទ្វារជាបណ្ដោះអាសន្ន ខណៈរោងចក្រខ្លះនៅតែព្យាយាមរក្សា​ប្រតិបត្តិការ ប៉ុន្តែមានសមត្ថភាពប្រមាណ ៤០% ប៉ុណ្ណោះដើម្បីបំពេញការបញ្ជាទិញសម្រាប់នាំចេញ។ បន្ថែមពីនេះលោកបានកត់សម្គាល់ថា ស្ថានភាពនេះអាចអូសបន្លាយពេលយូរ ហើយចំនួនកម្មករដែលត្រូវចាកចេញពីការងារនឹងកើនឡើងនាពេលខាងមុខទៀត៕ ប្រភព៖ vietnamplus អត្ថបទ៖ លីនី

ប្រទេសជប៉ុនបានប្រកាសអំពីផែនការជំរុញសេដ្ឋកិច្ចថ្មីដែលមានតម្លៃជិត ៣០០ ពាន់លានដុល្លារកាលពីថ្ងៃពុធ (២៧ ខែឧសភា ឆ្នាំ២០២០) ដើម្បីបង្កើនសេដ្ឋកិច្ចបន្ទាប់ពីការរីករាលដាលនៃជំងឺឆ្លងវីរុស Covid-19 នេះបានធ្វើឲ្យប្រទេសនេះធ្លាក់ចូលក្នុងវិបត្តិសេដ្ឋកិច្ច។ ខណៈការចំណាយរបស់អ្នកប្រើប្រាស់បានថយចុះដល់កម្រិតទាប ដែលជំរុញឲ្យមានវិបត្តិសេដ្ឋកិច្ចលើកដំបូងចាប់តាំងពីឆ្នាំ២០១៥ បើទោះបីជាចំនួនអ្នកឆ្លង និងចំនួនអ្នកស្លាប់ដោយសារការផ្ទុះឡើងនៃជំងឺនេះមានចំនួនទាបក៏ដោយ ។ ជាការឆ្លើយតបគណៈរដ្ឋមន្រ្តីរបស់នាយករដ្ឋមន្រ្តី Shinzo Abe បានយល់ព្រមថវិកាពិសេសលើកទី២ ចំនួន ៣១.៩១ ទ្រីលានយ៉េន (២៩៦ ពាន់លានដុល្លារ) រួមទាំងការឧបត្ថម្ភធនសម្រាប់អាជីវកម្មខ្នាតតូច និងការផ្ដល់ប្រាក់ឧបត្ថម្ភដល់បុគ្គលិកពេទ្យ។ មិនតែប៉ុណ្ណោះថវិកានេះក៏នឹងត្រូវប្រើដើម្បីជួយដល់កម្មវិធីជួយសង្គ្រោះនិងប្រាក់កម្ចីសម្រាប់អាជីវកម្មដែលកំពុងជួបការលំបាកដែលមានតម្លៃ ១១៧ ទ្រីលានយ៉េនផងដែរ។ គួរឲ្យដឹងផងដែរថា រួមជាមួយនឹងកញ្ចប់សកម្មភាពជំរុញដំបូងដែលបានអនុម័តកាលពីខែមុន វិធានការណ៍សរុបរបស់ជប៉ុនមានចំនួន ២៣០ ទ្រីលានយ៉េននៅពេលគ្រោងការណ៍ប្រាក់កម្ចីត្រូវបានគេពិចារណា។ ខណៈលោក

ប្រទេសថៃតាមរយៈឯកអគ្គរាជទូតថៃប្រចាំប្រទេសកម្ពុជា បានផ្ដល់ជូនថវិកាចំនួន ២លានបាត ដល់កម្ពុជាដើម្បីរួមចំណែកទប់ស្កាត់ការរីករាលដាលជំងឺកូវីដ-១៩ នៅកម្ពុជា។ ការផ្ដល់ជូនថវិកានេះ ត្រូវបានប្រព្រឹត្តឡើងនាឱកាសជួបពិភាក្សាការងាររវាងសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម ប៉ានយ៉ារ៉ាក់ ពុលថាប់ (Panyarak Poolthup ) ឯកអគ្គរាជទូតថៃ ប្រចាំព្រះរាជាណាចក្រកម្ពុជាកាលពីថ្ងៃទី១៧ ខែឧសភា ឆ្នាំ២០២០ កន្លងទៅនេះ។ ក្នុងកិច្ចពិភាក្សា្នគ្នានេះ ឯកឧត្តម ប៉ានយ៉ារ៉ាក់ ជាថ្មីម្ដងទៀតបានសំដែងនូវការចូលរួមរំលែកមរណៈទុក្ខជាមួយ សម្តេចតេជោចំពោះការបាត់បង់ម្ដាយក្មេក របស់សម្តេចកន្លងមក។ ជាមួយគ្នានេះឯកឧត្តមក៏បានសម្តែងនូវអំណរសាទរយ៉ាងជ្រាលជ្រៅជាទីបំផុតជូនសម្ដេចតេជោដែលបានដាក់វិធានការយ៉ាងប្រាកដនិយមក្នុងការទប់ស្កាត់ជំងឺកូវីដ១៩ អំពីការរាតត្បាតនៅកម្ពុជា។ ឯកឧត្តមក៏បានរាយការណ៍ជូនសម្ដេចអំពីសកម្មភាពរបស់ស្ថានទូតថៃប្រចាំកម្ពុជា គឺឯកឧត្តមបានធ្វើការជាមួយនឹង ក្រុមហ៊ុនថៃនៅកម្ពុជាដោយបានធ្វើការណែនាំធ្វើយ៉ាងណាមិនឲ្យក្រុមហ៊ុនទាំងនោះតម្លើងតំលៃទំនិញនៅកម្ពុជា និងបានធ្វើការជាមួយក្រុមហ៊ុនទាំងនោះឲ្យមានការចែករំលែកនូវសម្ភារៈដូចជា សម្ភារៈអនាម័យមានម៉ាស់ដើម្បីចូលរួមចំណែកទប់ស្កាត់ការរីករាលដាលជំងឺកូវីដ១៩