SsangYong Motor Co ក្រុមហ៊ុនផលិតរថយន្តរបស់កូរ៉េខាងត្បូងដែលស្ថិតនៅក្រោមក្រុមហ៊ុនផលិតរថយន្តឥណ្ឌា Mahindra & Mahindra Ltd បាននិយាយកាលពីថ្ងៃច័ន្ទថា ក្រុមហ៊ុន SsangYong Motor បានលក់មជ្ឈមណ្ឌលសេវាកម្មមួយ ដើម្បីធានានូវដើមទុនចំពេលមានវិបត្តិសាច់ប្រាក់ដោយសារវីរុស Covid-19។ នៅក្នុងសេចក្ដីថ្លែងការមួយ ក្រុមហ៊ុនបាននិយាយថា ក្រុមហ៊ុន SsangYong Motor បានលក់មជ្ឈមណ្ឌលសេវាកម្មបន្ទាប់ពីការលក់ក្នុងស្រុកនៅតំបន់ Guro ក្នុងទីក្រុង Seoul ក្នុងតម្លៃ ១៨០ ពាន់លានវ៉ុន (១៤៧ លានដុល្លារអាមេរិក) ដល់ក្រុមហ៊ុនគ្រប់គ្រងទ្រព្យសម្បត្តិក្នុងស្រុក PIA ។ ជាមួយគ្នានេះកក្រុមហ៊ុនបានបង្ហើបឲ្យដឹងថា​ ការលក់ទ្រព្យសម្បត្តិមិនមែនជាផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុនក្នុងការធ្វើឱ្យប្រសើរឡើងនូវស្ថានភាពហិរញ្ញវត្ថុរបស់ខ្លួននិងទទួលបានមូលនិធិសម្រាប់ការវិនិយោគនោះទេ។

ប្រទេសអារ៉ាប់ប៊ីសាអូឌីតនឹងបញ្ចូលទឹកប្រាក់ចំនួន ៥០ ពាន់លានរីយ៉ាល់ (១៣.៣ ពាន់លានដុល្លារ) ទៅក្នុងប្រព័ន្ធធនាគារ ដើម្បីជួយគ្រប់គ្រងការធ្លាក់ចុះនៃវិស័យនេះ ដោយសារផលប៉ះពាល់នៃជំងឺរាតត្បាត COVID-19 និងការធ្លាក់ចុះនៃតម្លៃប្រេង។ ការផ្លាស់ប្តូរចេញដោយអាជ្ញាធររូបិយវត្ថុអារ៉ាប៊ីសាអូឌីត ឬ SAMA ដែលជាធនាគារកណ្តាលរបស់ប្រទេស​ នឹងគាំទ្រដល់ស្ថិរភាពហិរញ្ញវត្ថុ និងលើកកម្ពស់មធ្យោបាយឥណទានដល់វិស័យឯកជន។ កម្មវិធីនេះមានគោលបំណងជួយធនាគារប្ដូរនិងរៀបចំរចនាសម្ព័ន្ធប្រាក់កម្ចីឡើងវិញ ដោយមិនចាំបាច់បង់ថ្លៃបន្ថែមពីលើ និងគាំទ្រដល់ការងារក្នុងវិស័យឯកជន។ បញ្ហាតម្លៃប្រេងឆៅចុះទាប និងវិបត្តិជំងឺ COVID-19 ក្នុងពេលដំណាលគ្នា នឹងធ្វើឱ្យសេដ្ឋកិច្ចមិនមែនប្រេងរបស់អារ៉ាប់ប៊ីសាអូឌីត ធ្លាក់ចុះខ្លាំងបំផុតក្នុងរយៈពេល៣០ឆ្នាំ។ ដូច្នេះធនាគារកណ្តាលបានប្រកាសកម្មវិធីប្រាក់ ៥០ ពាន់លានរីយ៉ាល់ ដើម្បីជួយដល់អាជីវកម្មឯកជនខ្នាតតូចជាច្រើននៅក្នុងប្រទេស។ រដ្ឋាភិបាលក៏បានផ្ទេរប្រាក់ចំនួន ១៥០ ពាន់លានរីយ៉ាល់ (៤០ពាន់លានដុល្លារ) ចេញពីទុនបំរុងបរទេសរបស់

សហរដ្ឋ​អាមេរិកនឹងផ្គត់ផ្គង់ថ្នាំប្រឆាំងគ្រុនចាញ់ hydroxychloroquine ចំនួន ២ លានកញ្ចប់សម្រាប់ការប្រើប្រាស់ប្រឆាំងនឹងវីរុស Covid-19 បើទោះបីជាមានការព្រមានខាងវេជ្ជសាស្ត្រអំពីហានិភ័យដែលទាក់ទងនឹងថ្នាំប្រឆាំងនឹងជំងឺគ្រុនចាញ់ប្រភេទនេះក៏ដោយ នេះបើយោងតាមរដ្ឋាភិបាលនៃប្រទេសទាំងពីរ ដែលបានប្រកាសកាលពីថ្ងៃអាទិត្យម្សិលមិញនេះ។ សេតវិមានបានចេញប្រកាស​រួមស្ដីការបញ្ចូនថ្នាំនេះ បន្ទាប់ពីប្រធានាធិបតីអាមេរិក ដូណាល់ ត្រាំ និងប្រធានប្រេស៊ីសលោក Jair Bolsonaro បានសាកល្បងប្រើប្រាស់រួចមក បន្ទាប់ពីអង្គការសុខភាពពិភពលោកបានផ្អាកប្រើប្រាស់ថ្នាំនេះ ក្នុងការធ្វើតេស្តលើអ្នកជំងឺ COVID-១៩ ដោយសារតែបញ្ហាសុវត្ថិភាព។ ទន្ទឹមនឹងនេះលោក Trump ផ្ទាល់បាននិយាយកាលពីពាក់កណ្តាលខែឧសភាថា លោកកំពុងប្រើប្រាស់ថ្នាំគ្រុនចាញ់ប្រភេទនេះ ជាវិធានការបង្ការ បើទោះបីជារដ្ឋបាលចំណីអាហារ និងឪសថអាមេរិកបានចេញការព្រមានអំពីការប្រើប្រាស់វាសម្រាប់វីរុសកូរ៉ូណាក៏ដោយ។ បន្ថែមពីនេះសហរដ្ឋអាមេរិកនឹងបញ្ជូនបំពង់ខ្យល់ចំនួន ១.០០០ គ្រឿងទៅកាន់ប្រទេសប្រេស៊ីលឆាប់ៗនេះ ដែលជាផ្នែកមួយកិច្ចខិតខំប្រឹងប្រែងស្រាវជ្រាវរួមគ្នរវាងប្រទេសទាំងពីរ។ គួរបញ្ជាក់ផងដែរថា គិតត្រឹមថ្ងៃអាទិត្យប្រទេសប្រេស៊ីលបានរាយការណ៍ថា

Henry Ford ត្រូវបានគេទទួលស្គាល់ថាបានធ្វើបដិវដ្ដឧស្សាហកម្មដឹកជញ្ជូន ការច្នៃប្រឌិតរបស់គាត់ដែលមានតាំងពីសតវត្សទី២០ នៅតែបន្តជះឥទ្ធិពលដល់ជីវិតរបស់យើងគ្រប់គ្នានៅសព្វថ្ងៃនេះ។ Henry ជាអ្នកដែលបានបង្កើតក្រុមហ៊ុន Ford Motor តាំងពីដីទទេររហូតដល់ក្រុមហ៊ុនក្លាយជា ក្រុមហ៊ុនដ៏ល្បីមួយលើពិភពលោក បន្ទាប់ពីគាត់បានកំណត់គោលរបស់ខ្លួនថា នឹងសាងសង់ឡានសម្រាប់មនុស្ស ហើយនៅខែតុលា ឆ្នាំ១៩០៨ គាត់បានសម្រេចក្ដីសុបិន្តរបស់គាត់ដោយផ្ដល់នូវ រថយន្តម៉ូឌែល T ក្នុងតម្លៃ ៩៥០ ដុល្លារ។ ទម្រាំសម្រេចបានក្ដីសុបិន្ត Henry មិនទទួលបានជោគជ័យភ្លាមៗនោះទេ គាត់ជួបរឿងបរាជ័យជាច្រើន ប៉ុន្តែគាត់នៅតែបន្តការច្នៃប្រឌិត ហើយបច្ចុប្បន្នទោះបីជាគាត់បានទទួលមរណភាពក៏ដោយក្ដី Henry នៅតែត្រូវបានគេកោតសសើរនូវទេពកោសល្យខាងបច្ចេកវិទ្យា និងជាកម្លាំងច្នៃប្រឌិតនៅក្នុងទីផ្សាររថយន្ត។ រឿងរ៉ាវរបស់គាត់បានចាប់ផ្ដើមនៅ Greenfield Michigan ជាកន្លែងដែលគាត់កើតនៅឆ្នាំ

នៅព្រឹកថ្ងៃច័ន្ទ ទី០១ ខែមិថុនា ឆ្នាំ២០២០ នេះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងអាជ្ញាធរខេត្តព្រះសីហនុ បានអញ្ជើញពិនិត្យលទ្ធផលដំបូងនៃការស្ថាបនាផ្លូវនៅក្នុងក្រុងព្រះសីហនុ ដែលជាផ្លូវផែនការយុទ្ធសាស្ត្រក្នុងការធ្វើឱ្យក្រុងព្រះសីហនុ ក្លាយជាទីក្រុងទេសចរណ៍ និងពាណិជ្ជកម្មដ៏ស៊ីវិល័យ។ ជាក់ស្ដែងមកទល់ពេលនេះផ្លូវក្រវាត់ក្រុងនៃក្រុងព្រះសីហនុ និងផ្លូវក្នុងក្រុងព្រះសីហនុចំនួន៣៤ខ្សែ សម្រេចការសាងសង់បានប្រមាណ ៩០% ហើយ បន្ទាប់ពីសម្តេចតេជោបានអញ្ជើញពិនិត្យលទ្ធផលនៃការស្ថាបនាផ្លូវក្នុងក្រុងព្រះសីហនុ ដោយធ្វើដំណើរចេញពីអាកាសយានដ្ឋានអន្តរជាតិកងកេង នៃខេត្តព្រះសីហនុ ឆ្ពោះមកកាន់សមុទ្ររាម ដោយឆ្លងកាត់ឆ្នេរសមុទ្រ និងជ្រលងភ្នំជាច្រើនកន្លែង និងបន្តមកឆ្នេរអូត្រេស ឆ្នេរអូឈើទាល។ សូមបញ្ជាក់ផងដែរថា រាជរដ្ឋាភិបាលកម្ពុជាបានសម្រេចបញ្ចេញកញ្ចប់ថវិកាជាតិប្រមាណ ៣០០លានដុល្លារអាមេរិក ដើម្បីកសាងផ្លូវចំនួន ៣៤ខ្សែ នៅក្នុងខេត្តព្រះសីហនុ ដែលជាផ្លូវប្រកបដោយព្រណិតភាពដំបូងបំផុតនៅក្នុងប្រទេសកម្ពុជា។ ផ្លូវទាំង

យោងតាមមន្រ្តីប្រតិបត្តិចិនមួយរូបបានបញ្ជាក់កាលពីថ្ងៃអាទិត្យ ទី៣១ ខែឧសភានេះថា រថភ្លើងដែលបំពាក់ប្រព័ន្ធស្វ័យប្រវត្តិ ពោលគឺមិនចាំបាច់ប្រើមនុស្សបើក ដែលផលិតដោយប្រទេសចិនគ្រោងនឹងដឹកជញ្ចូនទៅដល់ទីក្រុងបាងកក នៅខែក្រោយនេះ។ លោក Manit Techa-apichok នៃក្រុមហ៊ុន Krungthep Thanakom Co បាននិយាយថារថភ្លើង Bombardier Innovia APM-300 ដំបូងបង្អស់ដែលផលិតនៅប្រទេសចិននឹងមកដល់រដ្ឋធានីថៃ នៅខែក្រោយ ហើយបន្ទាប់មករថភ្លើងចំនួនពីរគ្រឿងទៀតនឹងមកដល់នៅប៉ុន្មានខែខាងមុខនេះ។ លោកបានបន្តថា រថភ្លើងដែលគ្មានមនុស្សបើកនឹងរត់នៅលើផ្លូវតាមរថភ្លើងរវាងស្ថានីយ BTS និង ៣ ផ្សេងទៀតនៅខាង Thonburi នៃទីក្រុងចាប់ពីខែតុលាឆ្នាំ ២០២០ នេះ។ លោកក៏បានបន្ថែមថា រថភ្លើងចំនួនបីខ្សែនឹងដំណើរការពីស្ថានីយ៍ Krung

ការលក់រថយន្តថ្មីនៅសហរដ្ឋអាមេរិកកំពុងស្ទុះងើបឡើងវិញយឺ​តៗនៅក្នុងខែឧសភា កន្លងទៅថ្មីនេះ ពីការដួលរលំជាប្រវត្តិសាស្រ្ត​របស់ពួកគេកាលពីខែមេសា ដោយសារជំងឺរាតត្បាត Covid-19។ ទោះបីជាយ៉ាងនេះក្ដីគេរំពឹងថា ការលក់នឹងធា្លក់ចុះគួរឲ្យកត់សម្គាល់ក្នុងឆ្នាំនេះ បើប្រៀបធៀបទៅនឹងឆ្នាំកន្លងមក។ ជាក់ស្ដែង ក្រុមហ៊ុនស្រាវជ្រាវ Auto research បានព្យាកណ៍ថា ការលក់រថយន្តថ្មីនឹងមានតិចជាង ១.១ លានគ្រឿងនៅក្នុងខែឧសភាគឺធ្លាក់ចុះប្រហែល ៣២% ទៅ ៣៣% បើប្រៀបធៀបនឹងខែឧសភាឆ្នាំ២០១៩។ ប៉ុន្តែប្រហែលជាមានការកើនឡើងប្រហែល ៥០% បើប្រៀបធៀបនឹងខែមុន។ លោក Jessica Caldwell នាយកប្រតិបតិ្តនៃក្រុមហ៊ុន Edmunds មានប្រសាសន៍ថា «យើងអាចនិយាយដោយសុវត្ថិភាពថាខែមេសា គឺជាខែដែលការលក់រថយន្តធ្លាក់ចុះទាបបំផុតក្នុងអំឡុងពេលមានជំងឺរាតត្បាត។ ប៉ុន្តែទោះជាយ៉ាងនេះក្ដីវានៅមានផ្លូវវែងឆ្ងាយក្នុងការងើបឡើងវិញ ហើយការលក់រថយន្តអាចជាសញ្ញាលើកទឹកចិត្តសម្រាប់ឧស្សាហកម្មនេះ។ ជាមួយគ្នានេះដែរ

រយៈពេល ៣០ថ្ងៃ នៃការរឹតបន្តឹងចរាចរណ៍ផ្លូវគោកដោយបង្កើនប្រាក់ពិន័យតាមអនុក្រឹត្យលេខ ៣៩ ពោលគឺពីថ្ងៃទី០១ ដល់ថ្ងៃទី៣០ ខែឧសភានេះ ឆ្នាំ២០២០ នេះ នគរបាលចរាចរណ៍ទូទាំងប្រទេសបានត្រួតពិនិត្យ និងផាកពិន័យយានយន្តចំនួន ៤៣៥៣០គ្រឿង។ យោងតាមការបញ្ជាក់របស់នាយឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិក្នុងនោះមានម៉ូតូចំនួន ៣១២៥៥ គ្រឿង និងរថយន្តគ្រប់ប្រភេទចំនួន ១៧៧៥គ្រឿង។ ជាមួយគ្នានេះដែរនៅថ្ងៃទី៣០ ខែឧសភា ឆ្នាំ២០២០ នេះ មានយានយន្ត ១១៥៤ គ្រឿងត្រូវបានត្រួតពិនិត្យ និងផាកពិន័យ ក្នុងនោះ ម៉ូតូមាន ៨៣៥ គ្រឿង ខណៈរថយន្តមាន