រដ្ឋាភិបាលជប៉ុនបានកំណត់លក្ខណៈវិនិច្ឆ័យបន្ថែមសម្រាប់និស្សិតបរទេស ដែលសង្ឃឹមថានឹងទទួលបានថវិកាឧបត្ថម្ភជាទឹកប្រាក់រហូតដល់ ២០០,០០០ យ៉េន (១,៩០០ ដុល្លារ) សម្រាប់និស្សិតនៅក្នុងប្រទេសកំពុងជួបការលំបាកផ្នែក​ហិរញ្ញវត្ថុចំពេលមានជំងឺរាតត្បាត Covid-19។ ជាលទ្ធផលមានតែនិស្សិតដែលមានកម្រិតពិន្ទុខ្ពស់ជាងគេចំនួន ៣០% ក្នុងចំណោមនិស្សិតបរទេសទាំងអស់ប៉ុណ្ណោះដែលមានសិទ្ធទទួលបានប្រាក់ឧបត្ថម្ភនេះ។ លក្ខខណ្ឌបន្ថែមដែលនឹងបង្កើតគម្លាតក្នុងការគាំទ្រផ្នែកហិរញ្ញវត្ថុសម្រាប់និស្សិតដែលប្រឈមនឹងការលំបាកក្នុងការបង់ថ្លៃសិក្សា ឬ ថ្លៃរស់នៅ បានបង្កឱ្យមានការរិះគន់នៅពេលនិស្សិតបរទេសជាច្រើនជួបប្រទះនូវបញ្ហាប្រឈមដូចគ្នានឹងនិស្សិតជប៉ុន។ សមាជិកក្រុមតស៊ូមតិនិស្សិតដែលបានអំពាវនាវដល់រដ្ឋាភិបាលដើម្បីកាត់បន្ថយការចំណាយសាលារៀនបានហៅថាការសម្រេចចិត្តនេះគឺជា «ការរើសអើងបំផុត »។ ពាក់ព័ន្ធនឹងបញ្ហានេះ ក្រសួងអប់រំបានពន្យល់អំពីការសម្រេចរបស់រដ្ឋាភិបាលនេះថា ដោយសារកន្លងមកនិស្សិតបរទេសជាច្រើនបានត្រលប់ទៅប្រទេសកំណើតវិញបន្ទាប់ពីរៀនចប់ ដូច្នេះរដ្ឋាភិបាលបានដាក់លក្ខខណ្ឌមួយដើម្បីកំណត់ការចែកជូនដល់និស្សិតបរទេសដែលមានចំនេះដឹងខ្ពស់ ដែលអាចនឹងរួមចំណែកដល់ប្រទេសជប៉ុននាពេលអនាគត។ យ៉ាងណាមិញរដ្ឋាភិបាលនឹងពឹងផ្អែកលើស្ថាប័នដើម្បីកំណត់ថាតើនិស្សិតណាដែលគួរទទួលជំនួយនោះ ហើយអ្នកដែលមិនបំពេញតាមលក្ខណៈវិនិច្ឆ័យអាចនៅតែមានសិទ្ធិទទួលបានការឧបត្ថម្ភនេះ។ យោងតាមក្រសួងលក្ខណៈវិនិច្ឆ័យដែលនិស្សិតត្រូវមានដើម្បីទទួលបានជំនួយនេះរួមមាន ការកាត់បន្ថយចំណូលជាង ៥០% ក្នុងមួយខែពីការងារក្រៅម៉ោងដើម្បីទ្រទ្រង់ថ្លៃសិក្សា និស្សិតក្នុងគ្រួសារដែលមានប្រាក់ចំនូលប្រចាំឆ្នាំតិចជាង ១.៥ លានយ៉េន រួមទាំនិស្សិតដែលរស់នៅតែម្នាកឯងផងដែរ។ លើសពីនេះនិស្សិតបរទេសដែលអាចទទួលបានប្រាក់ឧបត្ថម្ភ

អ្នកវិភាគរបស់ធនាគារធនាគារវិនិយោគ Deutsche Bank បានព្យាករណ៍ថា ការជំរុញថ្មីរបស់ Facebook ក្នុងការទិញទំនិញតាមអ៉ីនធឺណេតអាចបង្កើតប្រាក់ចំណូលបានដល់ទៅ ៣០ ពាន់លានដុល្លារក្នុប្រាក់ចំណូលប្រចាំឆ្នាំរបស់ក្រុមហ៊ុនបណ្ដាញសង្គមយក្សមួយនេះ។ កាលពីអង្គារ សប្ដាហ៍នេះ ក្រុមហ៊ុនបណ្តាញសង្គមដែលមានទីស្នាក់ការនៅ Silicon Valley បានប្រកាសពី Facebook Shops ដែលជាមធ្យោបាយថ្មីមួយដែលអនុញ្ញាតឱ្យអាជីវកម្មបង្កើតហាងលក់ទំនិញនិម្មិត និងរាយផលិតផលសម្រាប់លក់នៅលើ Facebook និង Instagram ។ Facebook Shops ដែលត្រូវបានបំពាក់ដោយសេវាកម្មរបស់ភាគីទីបីរួមមាន Shopify, BigCommerce និង Woo ដែលត្រូវបានរចនាឡើងដើម្បីប្រែក្លាយបណ្តាញសង្គមទៅជាគោលដៅទិញទំនិញលំដាប់កំពូល និងក្លាយជាការធ្វើពាណិជ្ជកម្ម តាមប្រព័ន្ធអេឡិចត្រូនិកដែលមានមហិច្ឆិតាបំផុតរបស់ក្រុមហ៊ុន Facebook។

យោងតាមការស្ទង់មតិដោយសភាពាណិជ្ជកម្ម Dubai បានបង្ហាញកាលពីថ្ងៃព្រហស្បតិ៍រំពឹងថា អាជីវកម្មចំនួន ៧០% នៅក្នុងទីក្រុង Dubai នឹងបិទទ្វាររបស់ខ្លួនក្នុងរយៈ ៦ខែទៀត ដោយសារការរីករាលដាលនៃមេរោគឆ្លងវីរុស Covid-19 និងការបិទទ្វារប្រទេសនៅទូទាំងពិភពលោក។ សភាពាណិជ្ជកម្មបានស្ទាបស្ទង់មតិជាមួយនឹងនាយកប្រតិបត្តិចំនួន ១,២២៨ នាក់នៅតាមក្រុមហ៊ុន និងអាជីវកម្មជាច្រើនចាប់ពីថ្ងៃទី ១៦ ដល់ថ្ងៃទី ២២ ខែមេសាក្នុងកំឡុងពេលនៃការចាក់សោរយ៉ាងតឹងរ៉ឹងបំផុតរបស់ប្រទេស។ ជាលទ្ធផលជិត ៣ ភាគ ៤ នៃអ្នកដែលត្រូវបានស្ទង់មតិ គឺជាអាជីវកម្មខ្នាតតូចដែលមានបុគ្គលិកតិចជាង ២០ នាក់។ ក្នុងចំណោមអ្នកឆ្លើយសំណួរច្រើនជាង ២ ភាគ ៣ ឃើញថា មានហានិភ័យពីមធ្យមទៅខ្ពស់ក្នុងការចេញបើកប្រតិបត្តិការអាជីវម្មក្នុងរយៈពេល

មន្រ្តីសេដ្ឋកិច្ចជាន់ខ្ពស់របស់ប្រទេសចិននៅថ្ងៃសុក្រនេះ បានសន្យាថានឹងចំណាយថវិកាច្រើនជាមុន ធ្វើយ៉ាងណាដើម្បីស្ដារសេដ្ឋកិច្ចដែលរងការវាយប្រហារពីវីរុស Covid-19 ឡើងវិញ និងទប់ស្កាត់ការបាត់បង់ការងារ ហើយបានប្រកាសថាទីក្រុងប៉េកាំងនឹងមិនកំណត់គោលដៅកំណើនទេ ដើម្បីផ្តោតលើការប្រយុទ្ធប្រឆាំងនឹងវីរុសនេះ។ លោករដ្ឋមន្រ្តី Li Keqiang បានធ្វើការព្រមាននៅក្នុងរបាយការណ៍មួយទៅកាន់អង្គនីតិប្បញ្ញត្តិរបស់ប្រទេសចិនថា ការប្រយុទ្ធប្រឆាំងនឹងវីរុសនេះ មិនទាន់ដល់ទីបញ្ចប់នៅឡើយទេ។ ជាមួយគ្នានេះលោកបានអំពាវនាវឲ្យប្រទេសចិន កែប្រែការខិតខំប្រឹងប្រែងដើម្បីស្តារសេដ្ឋកិច្ចដែលកំពុងជួបការលំបាក។ គួរឲ្យដឹងផងដែរថា ប្រទេសចិនដែលជាកន្លែងផ្ទុះឡើងនៃវីរុសមុនគេកាលពីខែធ្នូ ឆ្នាំ២០១៩ គឺជាសេដ្ឋកិច្ចដំបូងគេដែលបានបើកដំណើរការឡើងវិញ ប៉ុន្តែកំពុងតស៊ូដើម្បីដំណើរការសកម្មភាពឡើងវិញ។ ខណៈក្រុមអ្នកវិភាគវិស័យឯកជនបាននិយាយថា ៣០% នៃកម្មករនៅក្នុងទីក្រុងចំនួន ៤៤២ ក្រុងរបស់ប្រទេសនេះ ឬច្រើនជាង ១៣០ លាននាក់បានបាត់បង់ការងារជាបណ្តោះអាសន្ននៅពេលសេដ្ឋកិច្ចបិទទ្វារ ដើម្បីប្រយុទ្ធប្រឆាំងនឹងវីរុស ហើយការងារ ២៥ លានកន្លែងអាចនឹងត្រូវបាត់បង់នៅក្នុងឆ្នាំនេះ។ លោក

យោងតាមសេចក្ដីប្រកាសរបស់ក្រសួងរ៉ែ និងថាមពលកាលពីពេលថ្មីនេះៗបានឲ្យដឹងថា រដ្ឋាភិបាលបានចេញផែនការអនុគ្រោះ និងលើកទឹកចិត្តចំពោះការប្រើប្រាស់អគ្គិសនីរបស់វិស័យចំនួន ៤ រួមមាន វិស័យឧស្សាហកម្ម កសិកម្ម ពាណិជ្ជកម្ម និងសេវាកម្ម។ ផែនការអនុគ្រោះ និងលើកទឹកចិត្តនឹងត្រូវអនុវត្តក្នងរយៈពេល ៥ខែ ពោលពីខែ មិថុនា ដល់តុលា ឆ្នាំ២០២០ ក្នុងគោលដៅជួយសម្រួលការបង់ថ្លៃប្រើប្រាស់អគ្គិសនីក្នុងវិស័យ ៤ និងជួយសម្រួលទាំងការលំបាកក្នុងការបង់ថ្លៃអគ្គិសនីរបស់ទីតាំងដែលបានព្យួរ ឬ បន្ថយសកម្មភាពផលិតកម្ម ឬ អាជីវកម្ម និងទាំងជួយលើកទឹកចិត្តចំពោះការប្រើប្រាស់អគ្គិសនី របស់ទីតាំងដែលមានបរិយាកាសអំណោយផល អាចបង្កើនសកម្មភាពផលិតកម្ម ឬ អាជីវកម្មក្នុងរយៈពេលអនុវត្តការណែនាំរបស់រាជរដ្ឋាភិបាល ក្នុងការទប់ស្កាត់ការចំលងមេរោគកូវីដ-១៩។ យ៉ាងណាមិសូមអានសេចក្ដីប្រកាសលម្អិតរបស់ក្រសួងដែលបានប្រកាសដូចខាងក្រោម៖ ប្រភព៖ ក្រសួងរ៉ែ និងថាមពល

ព្រឹទ្ធសភាសហរដ្ឋអាមេរិកបានអនុម័តច្បាប់កាលពីថ្ងៃពុធ ដែលអាចរារាំងក្រុមហ៊ុនចិនមួយចំនួនពីទីផ្សារភាគហ៊ុនរបស់អាមេរិក លើកលែងតែពួកគេអនុវត្តតាមស្តង់ដារសម្រាប់ការធ្វើសវនកម្ម និងបទប្បញ្ញត្តិរបស់សហរដ្ឋអាមេរិក។ វិធានការណ៍នេះឧបត្ថម្ភដោយសមាជិកព្រឹទ្ធសភាគណបក្សសាធារណរដ្ឋលោក John Kennedy និងសមាជិកព្រឹទ្ធសភាប្រជាធិបតេយ្យលោក Chris Van Hollen បានអនុម័តដោយការយល់ព្រមជាឯកច្ឆន្ទ។ ទោះយ៉ាងណាក៏ដោយវាត្រូវតែឆ្លងកាត់សភាតំណាងរាស្ត្រមួយតង់ទៀត ហើយត្រូវចុះហត្ថលេខាដោយប្រធានាធិបតី ដូណាល់ ត្រាំ ដើម្បីក្លាយជាច្បាប់ពេញលេញ។ ច្បាប់ “The Holding Foreign Companies Accountable Act” នឹងរារាំងក្រុមហ៊ុនណាមួយពីការចុះបញ្ជីនៅទីផ្សារមូលបត្រសហរដ្ឋអាមេរិក ប្រសិនបើក្រុមហ៊ុនទាំងនោះមិនបានអនុវត្តតាមស្តង់ដារអាមេរិកសម្រាប់ការធ្វើសវនកម្ម និងបទប្បញ្ញត្តិហិរញ្ញវត្ថុរបស់ក្រុមប្រឹក្សាសហរដ្ឋអាមេរិករយៈពេល ៣ឆ្នាំ ជាប់ៗគ្នា។ វិធានការណ៍នេះក៏នឹងតម្រូវឱ្យក្រុមហ៊ុនសាធារណៈបង្ហាញថា តើពួកគេជាម្ចាស់កម្មសិទ្ធិ ឬគ្រប់គ្រងដោយរដ្ឋាភិបាលបរទេសដែរឬទេ? ច្បាប់នេះការពិតទៅត្រូវបានស្នើដើម្បីអនុវត្តចំពោះក្រុមហ៊ុនបរទេសទាំងអស់ ប៉ុន្តែអាមេរិកចង់ផ្តោតលើប្រទេសចិនខ្លាំងជាងគេ៕

ក្រុមហ៊ុន AstraZeneca បានទទួលថវិកាជាង ១ពាន់លានដុល្លារ ពីអាជ្ញាធរស្រាវជ្រាវនិងអភិវឌ្ឍន៍ជីវវេជ្ជសាស្រ្ត (BARDA) របស់ក្រសួងសុខាភិបាលសហរដ្ឋអាមេរិក ដើម្បីបង្កើតវ៉ាក់សាំងការពារ COVID-19 នៅឯសាកលវិទ្យាល័យ Oxford ។ ក្រុមហ៊ុនឱសថរបស់អង់គ្លេស-ស៊ុយអ៊ែតមួយនេះ បានយល់ព្រមផ្គត់ផ្គង់វ៉ាក់សាំងចំនួន ៤០០លាន ហើយធ្វើការចែកចាយវ៉ាក់សាំងដំបូងនៅខែកញ្ញាខាងមុខនេះ។ កម្មវិធីអភិវឌ្ឍន៍វ៉ាក់សាំងរបស់ AstraZeneca រួមបញ្ចូលទាំងការសាកល្បងព្យាបាលដំណាក់កាលទី៣ ដែលមានអ្នកចូលរួម ៣០,០០០នាក់ និងការសាកល្បងលើកុមារផងដែរ។ នាយកប្រតិបត្តិក្រុមហ៊ុន AstraZeneca លោក Pascal Soriot បាននិយាយថា ក្រុមហ៊ុនរបស់លោកនឹងព្យាយាមឱ្យអស់ពីសមត្ថភាពដើម្បីផលិតវ៉ាក់សាំង និងមានដាក់ប្រើប្រាស់ឱ្យបានលឿនបំផុត។ កាលពីថ្ងៃអាទិត្យកន្លងទៅរដ្ឋាភិបាលអង់គ្លេសក៏បានប្រកាសថា ខ្លួននឹងផ្តល់ថវិកាចំនួន ៦៥.៥ លានផោន

វិបត្តិជំងឺរាតត្បាតជាសកល COVID-19 អាចជំរុញឱ្យមនុស្សនៅទូទាំងពិភពលោកប្រមាណ ៦០ លាននាក់ ធ្លាក់ចូលទៅក្នុងភាពក្រីក្រ។ ធនាគារពិភពលោកបានធ្វើការព្រមានពីការធ្លាក់ចុះនៃសេដ្ឋកិច្ចជាសកល ហើយបានពិពណ៌នាវាថាជាវិបត្តិធំមួយដែលមិនធ្លាប់មាន។ ធនាគារដែលតែងតែផ្ដល់ប្រាក់កម្ចីនិងជំនួយឥតសំណងទៅដល់ប្រទេសក្រីក្រមួយនេះ បានព្យាករណ៍ផលប៉ះពាស់នៃជំងឺ COVID-19 ចំពោះប្រជាជននៅទូទាំងពិភពលោកតាំងតែពីខែមេសា ដោយនិយាយថាឆ្នាំនេះជាឆ្នាំដែលពិភពលោកដើរថយក្រោយទៅរកវិសមភាព និងបង្កឱ្យមានភាពក្រីក្រច្រើនជាងមុនជាលើកដំបូងបំផុតចាប់តាំងពីឆ្នាំ១៩៩៨។ តាមការប៉ាន់ស្មានយ៉ាងសម្រិត​សម្រាំងរបស់ធនាគារ ពួកគេនិយាយថាប្រជាជនចំនួន ៤៩លាននាក់ នឹងធ្លាក់ចូលទៅក្នុងភាពក្រីក្រខ្លាំងតែម្ដង ហើយប្រជាជនម្នាក់អាចរកចំណូលប្រចាំថ្ងៃបានត្រឹមតែ ១.៩ ដុល្លារអាមេរិកប៉ុណ្ណោះ។ យោងតាមការចុះផ្សាយរបស់ CNN បានបន្ថែមថា ការកើនឡើងនៃជំងឺ COVID-19 នាពេលថ្មីៗនេះ ក៏កំពុងបង្ខំឱ្យធនាគារពិភពលោកដាក់ពង្រាយនូវការឆ្លើយតបជាមួយនឹងវិបត្តិឱ្យបានទូលំទូលាយ និងលឿនបំផុត។ ធនាគារបាននិយាយថា កិច្ចខិតខំប្រឹងប្រែងផ្តល់ជំនួយសង្គ្រោះបន្ទាន់របស់ខ្លួន បានទៅដល់ប្រទេសកំពុងអភិវឌ្ឍន៍ចំនួន ១០០ រួចទៅហើយ