ប្រធានាធិបតីរុស្ស៊ីលោក វ្លាឌីមៀ ពូទីន បានប្រកាសអាសន្នជាបន្ទាន់ បន្ទាប់ពីប្រេងម៉ាស៊ូតចំនួន ២០,០០០ តោន បានធ្លាយចូលទៅក្នុងទន្លេមួយនៅតំបន់អាក់ទិក។ ការធ្លាយប្រេងបានកើតឡើងនៅពេលដែលធុងប្រេងនៅរោងចក្រថាមពល នៅជិតទីក្រុង Norilsk ក្នុងតំបន់ស៊ីបេរី បានដួលរលំកាលពីថ្ងៃសុក្រកន្លងទៅ។ ប្រធានាធិបតីរុស្ស៉ីរូបនេះក៏បានសម្តែងការខឹងសម្បារផងដែរ បន្ទាប់ពីបានរកឃើញថា មន្រ្តីទើបតែដឹងអំពីឧប្បត្តិហេតុនេះពីរថ្ងៃក្រោយមកហើយនោះ។ រោងចក្រដែលបានដួលរលំនោះគ្រប់គ្រងដោយក្រុមហ៊ុនបុត្រសម្ព័ន្ធរបស់ក្រុមហ៊ុន Norilsk Nickel ដែលជាក្រុមហ៊ុនផលិតនីកែល (nickel) និងប៉ាឡាស្យូម (palladium) នាំមុខគេនៅលើពិភពលោក។ នៅក្នុងសន្និសីទវីដេអូតាមកញ្ចក់ទូរទស្សន៍កាលពីថ្ងៃពុធ លោក វ្លាឌីមៀ ពូទីន បានរិះគន់ប្រមុខក្រុមហ៊ុនជុំវិញការឆ្លើយតបយឺត​យ៉ាវរបស់ខ្លួន។ ប្រព័ន្ធផ្សព្វផ្សាយរដ្ឋបានរាយការណ៍ថា ពេលនេះប្រេងម៉ាស៊ូតបានរាលដាលក្នុងទំហំ ៣៥០ គីឡូម៉ែត្រក្រឡា ហើយលោក

មន្ត្រីជាន់ខ្ពស់ថៃមួយរូបបាននិយាយនៅថ្ងៃព្រហស្បតិ៍នេះថា ថៃនឹងរៀបចំផែនការជំរុញវិស័យទេសចរណ៍ក្នុងស្រុក ដែលនឹងត្រូវធ្វើឡើងក្នុងរយៈពេល ៤ខែ ដោយចាប់ផ្តើមនៅខែកក្កដានេះ នៅពេលដែលថៃកំពុងព្យាយាមស្តារវិស័យទេសចរណ៍ដែលបានធ្លាក់ចុះឡើងវិញ។ លោក Yuthasak Supasorn បាននិយាយនៅក្នុងសេចក្តីថ្លែងការណ៍មួយថា អាជ្ញាធរទេសចរណ៍ថៃ (TAT) នឹងដាក់ផែនការទៅក្រសួងហិរញ្ញវត្ថុសម្រាប់កញ្ចប់ទឹកប្រាក់មួយ ដែលនឹងជំរុញវិស័យទេសចរណ៍ក្នុងស្រុកនៅសប្តាហ៍ក្រោយ។ លោកបានមានប្រសាសន៍ថា ផែនការនេះនឹងផ្តល់នូវការលើកទឹកចិត្តសម្រាប់ការធ្វើដំណើរសម្រាប់បុគ្គលិកពេទ្យ និងអ្នកស្ម័គ្រចិត្តសុខភាពប្រមាណ ១.២លាននាក់។ គួរឱ្យដឹងដែរថា ប្រទេសថៃមានការពឹងផ្អែកខ្លាំងលើវិស័យទេសចរណ៍ ដោយពួកគេចំណេញពីការចំណាយរបស់ភ្ញៀវទេសចរបរទេសចំនួន ១១.៤% នៃផលិតផលក្នុងស្រុកសរុប (GDP) របស់ប្រទេសកាលពីឆ្នាំមុន ខណៈដែលទេសចរណ៍ក្នុងស្រុកមានបង្កើនចំណូលបាន ៦% ៕ អត្ថបទ៖ លីដា ប្រភព៖ រ៉យទ័រ

ថៃ៖ នៅក្នុងកិច្ចខិតខំប្រឹងប្រែងដើម្បីជួយប្រតិបត្តិករហាង ដែលរងផលប៉ះពាល់ដោយវីរុស Covid-19 ផ្សារទំនើបនៅទីក្រុងបាងកក MBK Center បានដាក់ចេញនូវវិធានការណ៍ជំនួយមួយទៀតសម្រាប់អ្នកជួលហាងដោយបង្កើនការបញ្ចុះថ្លៃជួលដល់ទៅដល់ ៧០% សម្រាប់រយៈពេល ៣ ខែ។ លោក Suwet Theerawachirakul ប្រធាននាយកប្រតិបត្តិ និងជានាយកគ្រប់គ្រងមជ្ឈមណ្ឌល MBK កាលពីពេលថ្មីៗនេះបានបើកជំនួបពិភាក្សាជាមួយប្រតិបត្តិករហាងដើម្បីស្តាប់បញ្ហារបស់ពួកគេ និងពិភាក្សាគ្នាដើម្បីរកវិធីជួយ។ ជាលទ្ធផលអ្នកជួលកិច្ចសន្យារយៈពេលខ្លីរួមទាំងប្រតិបត្តិករហាងតូច និងមធ្យម នឹងត្រូវផ្តល់ជូនការបញ្ចុះតម្លៃ ៧០% នៅខែមិថុនាការបញ្ចុះ ៦០% នៅខែកក្កដា និងការបញ្ចុះតម្លៃ ៥០% នៅខែសីហា។ ប្រតិបត្តិករហាងផ្សេងទៀតនឹងត្រូវបានផ្តល់ជូននូវការជួលបញ្ចុះតម្លៃ ៣០ % ដែលមានប្រសិទ្ធភាពចាប់ពីថ្ងៃទី១

ភាគហ៊ុនក្រុមហ៊ុនអាការសចរណ៍កាលពីថ្ងៃពុធ ទី០៤ ខែមិថុនានេះ បានកើនឡើង បន្ទាប់ពីសេតវិមានបានហាមឃាត់ក្រុមហ៊ុនអាកាសចរណ៍ចិនមិនឲ្យប្រតិបត្តិការហោះហើរទៅកាន់សហរដ្ឋអាមេរិក។ ក្នុងនោះក្រុមហ៊ុនអាកាសចរណ៍អាមេរិក​ Alaska បាននាំមុខគេក្នុងការកើនឡើងនេះ ដោយភាគហ៊ុនបានឡើង ១២% បន្ទាប់មក United Airlines (១១.៨%) American Airlines (៨.៦%) Delta Air (៨.២%) និង Southwest Airlin (៧.១%)។ គួរឲ្យដឹងថា ការហាមឃាត់របស់រដ្ឋបាល Trump ធ្វើឡើងបន្ទាប់ពីក្រសួងដឹកជញ្ជូនចោទប្រកាន់ប្រទេសចិនថា បានរារាំងក្រុមហ៊ុនដឹកជញ្ជូនអាមេរិកមិនឲ្យចេញចូលប្រទេស។ បទបញ្ជាបិទជើងហោះហើរនឹងចូលជាធរមាននៅថ្ងៃទី ១៦ ខែមិថុនា ស្របពេលដែលការហាមឃាត់យ៉ាងតឹងរឹងនៅតែអនុញ្ញាតឱ្យក្រុមហ៊ុនចិនធ្វើប្រតិបត្តិការជើងហោះហើរមួយទៅកាន់សហរដ្ឋអាមេរិកសម្រាប់រាល់ជើងហោះហើរដែលចិនទទួលបានការអនុញ្ញាតពីក្រុមហ៊ុនអាមេរិក។ នាយកដ្ឋានដឹកជញ្ជូនបាននិយាយនៅក្នុងបទបញ្ជាកាលពីថ្ងៃពុធថា

លោក Colonel Sanders ត្រូវបានគេ​ស្គាល់ថាជាបុគ្គលដ៏ជោគជ័យបំផុតមួយរូបដែលមនុស្សគ្រប់គ្នាគួររៀនសូត្រតាម និងជា​ស្ថាបនិកនៃប្រេនមាន់បំពងដ៏ល្បី Kentucky Fried Chicken (KFC) ដែលមានដើមកំណើតចេញពីការលក់ក្នុងហាងតូចមួយតាមចិញ្ចើមផ្លូវ។ នៅឆ្នាំ ១៩៥២ លោក Colonel Sanders បានកំណត់សក្តានុពលនៃគំនិតបង្កើតសិទ្ធិអាជីវកម្មរបស់ភោជនីយដ្ឋាន និងបង្កើតយីហោ (KFC) ហើយត្រូវបានគេស្គាល់ល្បីសុះសាយនៅពាសពេញពិភពក្នុងពេលបច្ចុប្បន្ននេះ។ នៅក្នុងឆ្នាំ ១៩៦៤ ស្ដេចមាន់បំពងរូបនេះបានលក់ក្រុមហ៊ុន ក្នុងតម្លៃ ២ លានដុល្លារ និងបានចូលនិវត្តន៍នៅអាយុ ៧៤ឆ្នាំ ខណៈមនុស្សភាគច្រើនគិតថាភាពជោគជ័យដែលគាត់ទទួលបាន គឺធម្មតាដូចតែអ្នកមានៗផ្សេងទៀតសម្រេចបាន។ ប៉ុន្តែប្រសិនបើអ្នកបានដឹងពីដំណើរដើមទងនៃការចាប់ផ្ដើមរបស់គាត់ អ្នកនឹងស្រឡាំងកាំងហើយចង់ដឹងថា ហេតុអ្វីបានជាបុរសចំណាស់ម្នាក់នេះធ្វើបាន? លោក Colonel

(ភ្នំពេញ)៖ ដើម្បីចូលរួមដល់ការបង្កើនប្រសិទ្ធភាពនៃការទប់ស្កាត់ការរីករាលដាលនៃជំងឺ Covid-19 ដែលរាជរដ្ឋាភិបាល និងក្រសួងសុខាភិបាលបានដាក់ចេញ និងបន្ទាប់ពីបានពិគ្រោះពិភាក្សាយ៉ាងល្អិតល្អន់ជាមួយក្រសួងសុខាភិបាល និងផ្នែកឯកជនរួចមក ក្រសួងទេសចរណ៍បានសម្រេចដាក់ចេញនូវប្រកាសស្ដីពី វិធានសុវត្ថិភាពទេសចរណ៍សម្រាប់អាជីវកម្មសេវាកម្មទេសចរណ៍ និងក្រមប្រតិបត្តិសម្រាប់អនុវត្តន៍ក្នុងអាជីវកម្មធំៗចំនួន ៤។ ក្នុងកិច្ចប្រជុំថ្នាក់ដឹកនាំក្រសួងទេសចរណ៍ នាថ្ងៃទី០៣ ខែមិថុនា ឆ្នាំ២០២០ ក្រោមអធិបតីភាព ឯកឧត្ដមបណ្ឌិត ថោង ខុន រដ្ឋមន្ត្រីក្រសួងទេសចរណ៍ អង្គប្រជុំបានបង្ហាញពីប្រភេទនៃអាជីវកម្មសេវាកម្មទេសចរណ៍ទាំង ៤ នោះរួមមាន៖ អាជីវកម្មសេវាកម្មស្នាក់នៅទេសចរណ៍ អាជីវកម្មភោជនីយដ្ឋាន និងអាហារដ្ឋានទេសចរណ៍ អាជីវកម្មសេវាកម្មដឹកជញ្ជូនទេសចរណ៍ផ្លូវទឹក ផ្លូវគោក និងអាជីវកម្មរមណីយដ្ឋានទេសចរណ៍ សហគមន៍ទេសចរណ៍។ ក្នុងវិធានសុវត្ថិភាពទេសចរណ៍ទាំងនេះក៏មានការកំណត់នូវលក្ខខណ្ឌជាច្រើន ក្នុងនោះមានលក្ខខណ្ឌតម្រូវចាំបាច់ដោយខានពុំបាន និងលក្ខខណ្ឌជម្រើសដែលអាជីវកម្មសេវាកម្មទេសចរណ៍ ត្រូវរៀបចំបំពេញតាមលក្ខខណ្ឌកំណត់។

គណៈរដ្ឋមន្រ្តីថៃបានសម្រេចអនុញ្ញាតឲ្យពលករចំណាកស្រុកពីប្រទេសកម្ពុជា ឡាវ និងមីយ៉ាន់ម៉ា បន្តធ្វើការនៅប្រទេសថៃរហូតដល់ថ្ងៃទី៣១​ ខែកក្កដា ឆ្នាំ២០២០ នេះ ដើម្បីគ្រប់គ្រង និងកាត់បន្ថយការរីករាលដាលនៃវីរុស Covid-19 រួមទាំងដោះស្រាយបញ្ហា កម្មករខុសច្បាប់ និងកង្វះកម្លាំងពលកម្ម។​ អ្នកនាំពាក្យរដ្ឋាភិបាលលោកស្រី Narumon Pinyosinwat បាននិយាយថា ការឈប់សម្រាកស្របច្បាប់ និងអណត្តិការងារសម្រាប់ពលករចំណាកស្រុកត្រូវបានពន្យារចាប់ពីថ្ងៃទី១ ខែមិថុនាដល់ថ្ងៃទី៣១ ខែកក្កដា ដើម្បីជាប្រយោជន៍ដល់ការគ្រប់គ្រងជំងឺបន្ថែមកម្លាំងពលកម្មដែលកំពុងខ្វះខាត និងការគាំទ្រសេដ្ឋកិច្ច។ លោកស្រីបានបន្តថា អណត្តិការងារមុនបានពន្យារពេលនៅថ្ងៃទី៣១ ខែឧសភា ហើយអង្គការពាក់ព័ន្ធរួមមានការិយាល័យអន្តោប្រវេសន៍ និងក្រសួងមហាផ្ទៃបានយល់ព្រមជាមួយនឹងការស្នាក់នៅ និងការអនុញ្ញាតឱ្យធ្វើការយូរជាងនេះ។ យ៉ាងណាមិញការអនុញ្ញាតនេះសម្រាប់ពលករចំណាកស្រុកចំនួនពីរក្រុម មួយក្រុមជាពលករខ្មែរ ឡាវ និងមីយ៉ាន់ម៉ាដោយមានច្បាប់អនុញ្ញាតការងារដែលចេញក្រោមអនុស្សរណៈនៃការយោគយល់គ្នា (MOU)

យោងតាមកំណត់ទូតលេខ CESY/EC No 029/2020 ចុះថ្ងៃទី២៣ ខែមេសា ឆ្នាំ២០២០ របស់ការិយាល័យសេដ្ឋកិច្ច និងពាណិជ្ជកម្មនៃស្ថានទូតសាធារណរដ្ឋប្រជាមាណិតចិនប្រចាំកម្ពុជា ជំនួយឥតសំណងថ្មីមួយទៀត របស់រដ្ឋាភិបាល និងប្រជាជនចិន ត្រូវបានផ្ដល់ជូនរាជរដ្ឋាភិបាលកម្ពុជា នូវសម្ភារៈបរិក្ខាវេជ្ជសាស្រ្តដែលបានមកដល់កម្ពុជាជាបន្តបន្ទាប់ចាប់ពីថ្ងៃទី១១ ខែឧសភា ឆ្នាំ​២០២០ គិតជាទឹកប្រាក់សរុបប្រមាណ ២.៥ លានដុល្លារអាមេរិក។ ជាមួយគ្នានេះដែរ ពិធីប្រគល់សម្ភារៈបរិក្ខាវេជ្ជសាស្រ្ត សម្រាប់បម្រើឲ្យការពារ និងការឆ្លើយការរាត្បាតនៃជំងឺកូវី១៩ ត្រូវបានរៀបចំឡើងក្រោមអធិបតីភាពដ៏ខ្ពង់ខ្ពស់របស់ឯកឧត្តមសាស្រ្តចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល រួមជាមួយឯកឧត្តមបណ្ឌិតវ៉ាង វិនទៀង ឯកអគ្គរាជទូត វិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិន ប្រចាំកម្ពុជា។ ដោយក្នុងនោះរដ្ឋាភិបាលចិនបានផ្ដល់នូវ