យោងតាមឯកឧត្តម វេង សាខុន រដ្ឋមន្រ្តីក្រសួងកសិកម្មរុក្ខាប្រមាញ់ និង នេសាទ បានឲ្យដឹងថា ខេត្ត​ព្រៃវែងបានជាប់ចំណាត់ថ្នាក់ផលិតស្រូវបានច្រើនជាងគេក្នុងព្រះរាជាណាចក្រកម្ពុជាក្នុងរយៈពេល ១០ឆ្នាំចុងក្រោយនេះ។ យោងតាមរបាយការណ៏របស់លោកប្រធានមន្ទីរកសិកម្ម រុក្ខាប្រមាញ់ និងនេសាទ បានឲ្យដឹងថា​៖ ការនាំស្រូវចេញទៅកាន់ប្រទេសវៀណាមកំពុងតែបន្តជាប់ជាប្រចាំ ជាពិសេសគិតចាប់ពីថ្ងៃទី២២ ខែឧសភា ដល់ថ្ងៃទី០៨ មិថុនា ឆ្នាំ២០២០ គឺបានសម្រេចនាំស្រូវបានចំនួនសរុបប្រមាណជា ៣៨,៥២៦ តោន។ ទន្ទឹមនឹងនេះបើយោងតាមរបាយការណ៍របស់អគ្គនាយកដ្ឋានកសិកម្ម បានឲ្យដឹងថា៖​ ការនាំចេញស្រូវទៅកាន់ប្រទេសវៀតណាមតាមបណ្តាច្រកមួយចំនួន នៅខេត្តកំពត, តាកែវ, កណ្តាល, ព្រៃវែង និងស្វាយរៀង គិតចាប់ពីថ្ងៃទី១ ខែមករា ដល់ថ្ងៃទី៩ ខែមិថុនាឆ្នាំ២០២០

នាពេលឆាប់ៗខាងមុខនេះនឹងមានស្ពានឆ្លងកាត់ទន្លេមេគង្គ ក្នុងខេត្តក្រចេះ នេះបើយោងតាមប្រសាសន៍របស់ឯកឧត្តមទេសរដ្ឋមន្រ្តី ស៊ុន ចាន់ថុល ក្នុងពិធីពិធីសំណេះសំណាល និងសាកសួរសុខទុក្ខមន្ត្រីរាជការ បុគ្គលិក និងកម្មករ និងបំពាក់គ្រឿងឥស្សរយសជូនមន្ត្រីរាជការនៅមន្ទីរសាធារណការ និងដឹកជញ្ជូនខេត្តក្រចេះ កាលពីថ្ងៃទី០៩ ខែមិថុនា ឆ្នាំ២០២០។ ថ្លែងក្នុងពិធីនេះ ឯកឧត្ដមទេសរដ្ឋមន្ត្រី បានក្រើនរំលឹកពីសមិទ្ធផលនានាដែលក្រសួងសម្រេចបានកន្លងមកទាក់ទងនឹងការផ្ដល់សេវាសាធារណៈតាមរយៈការប្រើប្រាស់ប្រព័ន្ធបច្ចេកវិទ្យាព័ត៌មានវិទ្យា ការផ្តល់នូវសេវាសាធារណៈដោយដើម្បីបង្ខិតសេវាទៅកៀកប្រជាពលរដ្ឋ យន្តការប្រើប្រាស់រថយន្តឆៀកចល័ត សេវាប្តូរបណ្ណបើកបរ សេវាប្តូរ និងពន្យារបណ្ណបើកបរនៅផ្សារអ៊ីអន កម្មវិធីថែទាំផ្លូវ (ROAD CARE Mobile App) ដល់បងប្អូនប្រជាពលរដ្ឋឱ្យបានល្អប្រសើរ ពោលគឺធ្វើឱ្យបានលឿន ធ្វើឱ្យមានប្រសិទ្ធភាព និងតម្លាភាព ជូនប្រជាពលរដ្ឋ និងបានបង្ហាញពីយុទ្ធសាស្រ្តខ្លះៗដល់មន្ត្រីរាជការ និងយន្តការផ្សេងៗ

នៅថ្ងៃអង្គារ ទី០៩ ខែមិថុនា ឆ្នាំ២០២០ ក្រុមហ៊ុនអាកាសចរណ៍ Cathay Pacific បានប្រកាសអំពីផែនការថវិកាចំនួន ៣៩ ពាន់លានដុល្លារហុងកុង (៥ពាន់លានដុល្លារអាមេរិក) ដែលជាការគាំទ្រដោយរដ្ឋាភិបាលហុងកុង ខណៈក្រុមហ៊ុននេះកំពុងប្រយុទ្ធប្រឆាំងនឹងការធ្លាក់ចុះ ដែលបណ្ដាលមកពីជំងឺ COVID-19។ វាដូចជាក្រុមហ៊ុនអាកាសចរណ៍ដទៃទៀតដែរ ក្រុមហ៊ុន Cathay Pacific កំពុងរងការរំខានពីវិបត្តិជំងឺ COVID-19 ដែលបានធ្វើឱ្យតម្រូវការហោះហើរធ្លាក់ចុះ ហើយក្រុមហ៊ុនកាន់តែបាត់បង់ចំណូលយ៉ាងសន្ធឹកសន្ធាប់ ក្នុងរយៈពេលប៉ុន្មានខែចុងក្រោយនេះ។ ពោលគឺត្រឹមតែ ៤ខែដំបូង ក្នុងឆ្នាំ២០២០ ក្រុមហ៊ុនបានខាតបង់ ៥៨០ លានដុល្លារអាមេរិក។ ការពិតទៅក្រុមហ៊ុន Cathay Pacific បានរងសម្ពាធមួយតង់រួចទៅហើយ

ធនាគាពិភពលោកបានព្យាករណ៍ថា សេដ្ឋកិច្ចពិភពលោកនឹងធ្លាក់ចុះ ៥.២% នៅឆ្នាំនេះ ដោយសារតែផលប៉ះពាល់នៃជំងឺរាតត្បាតកូវីដ-១៩។ នេះបើយោងតាមការប្រកាសការព្យាករណ៍របស់ធនាគារនៅក្នុងរបាយការណ៍ស្តីពីទស្សនវិស័យសេដ្ឋកិច្ចសកលកាលពីថ្ងៃច័ន្ទ កន្លងទៅនេះ។ តួលេខដែលបានបង្ហាញកាលពីពេលថ្មីៗនេះ គឺធ្លាក់ចុះពីការប៉ាន់ស្មានកាលពីខែមុនក្នុងចំនួន ៧.៧% មុនពេលការរីករាលដាលនៃជំងឺរាតត្បាតជាសកល។ បើយោងតាមរបាយការណ៍បាននិយាយថា ការធ្លាក់ចុះ ៥.២% នេះនឹងតំណាងឲ្យការធ្លាក់ចុះដ៏ធំបំផុតចាប់តាំងពីសង្រ្គាមលោកលើកទី២។ ទន្ទឹមនឹងនេះរបាយការណ៍នេះក៏បានព្យាករណ៍ផងដែរនូវការធ្លាក់ចុះ ៦.១% សម្រាប់សហរដ្ឋអាមេរិក និងជប៉ុន ហើយនិង ៩.១% សម្រាប់តំបន់អឺរ៉ុប ។ ខណៈសេដ្ឋកិច្ចចិនត្រូវបានគេរំពឹងថានឹងកើនឡើង ១% ដែលជាកំណើនទាបបំផុតក្នុងរយៈពេល ៤៤ឆ្នាំ។ បន្ថែមពីនេះតាមរបាយការណ៍ដដែលក៏បង្ហាញផងដែរថា ទីផ្សារនិងសេដ្ឋកិច្ចកំពុងអភិវឌ្ឍ ត្រូវបានគេរំពឹងថានឹងធ្លាក់ចុះ ២.៥% ដែលជាការធ្លាក់ចុះជាក្រុមហើយជាលើកដំបូងក្នុងរយៈពេលជិត ៦០ឆ្នាំមកនេះ។ ការធ្លាក់ចុះនេះនឹងរុញឲ្យមនុស្សរាប់លាននាក់ធ្លាក់ចូលក្នុងភាពក្រីក្រខ្លាំង។

ទីប្រឹក្សាច្បាប់របស់ក្រុមហ៊ុនអាកាសចរណ៍បាននិយាយកាលពីថ្ងៃច័ន្ទ ម្សិលមិញនេះថា ការស្តារនិតិសម្បទារបស់ក្រុមហ៊ុនអាកាសចរណ៍ Thai Airways International Plc អាចចំណាយពេលរហូតដល់ទៅ ៧ឆ្នាំ​ នេះបើយោងតាមការចុះផ្សាយរបស់សាព័ត៌មានបាងកកប៉ុស្តិ៍។ លោក Kitipong Urapeepatanapong បានថ្លែងប្រាប់សន្និសីទ្ធកាសែតថា បន្ទាប់ពីតុលាការក្ស័យធនអនុញ្ញាតឲ្យមានការស្ដារនីតិសម្បទាឡើងវិញ អ្នករៀបចំផែនការរបស់ខ្លួនអាចចំណយពេលពី ៥ ខែទៅមួយឆ្នាំដើម្បីរៀបចំផែនការនេះ។ ដោយរយៈពេលនៃការស្ដារឡើងវិញអាចមានរយៈពេល ៥ឆ្នាំ និងអាចពន្យារពេល ២ឆ្នាំបន្ថែមទៀត។ ប្រភពដដែលបានបន្តថា បន្ទាប់ពីតុលាការអនុម័តផែនការ អ្នកគ្រប់គ្រងនឹងត្រូវតែងតាំង ហើយសវនាការដំបូងរបស់ក្រុមហ៊ុនអាកាសចរណ៍ Thai Airway គ្រោងនឹងធ្វើឡើងនៅថ្ងៃទី ១៧ ខែសីហា។ ទន្ទឹមនឹងនេះលោក Kitipong បានមានប្រសាសន៍ថា

កែច្នៃឡើងដោយស្នាដៃកូនខ្មែរ យកតាមបរិប័ទ្មខ្មែរ និងវិស្វករជំនាញដែលមានបទពិសោធន៍លើវិស័យសំណង់ជាងពីរទសវត្សរ៍ផ្ទះមេគង្គត្រូវបានបង្កើតឡើងយ៉ាងយកចិត្តទុកដាក់បំផុតដើម្បីធានាឲ្យបាននូវគុណភាព ភាពរឹងមាំ និងស្រស់ស្អាត។ ជាក់ស្តែងផ្ទះមេគង្គបានក្លាយជាផ្ទះដ៏ពេញនិយមបំផុតនាពេលបច្ចុប្បន្ននៅកម្ពុជា ក្នុងចំណោមប្រជាជនខ្មែរ អ្នកវិនិយោគ អង្គការ និងស្ថាប័ននានាក្នុង និងក្រៅប្រទេស ដោយព្រោះតែលក្ខណះពិសេស និងមុខងារលើសពីផ្ទះសម្រាប់រស់នៅរបស់វា។មកទល់បច្ចុប្បន្នផ្ទះមេគង្គបានសាងសង់នៅទូទាំង ២៥ ខេត្តរាជធានី និងបានដើរតួនាទីជាផ្ទះដ៏មានផាសុកភាពបំផុតសម្រាប់គ្រួសារ ផ្ទះសម្រាកលំហែ រីសត ផ្ទះចាំចំការ ផ្ទះសម្រាប់បុគ្គលិកស្នាក់នៅ កុដិសម្រាប់ព្រះសង្ឃ បណ្ណាល័យ សាលារៀន ។ល។ តើអ្នកចង់ដឹងទេថា ហេតុអ្វីបានជាផ្ទះមេគង្គទទួលបានការគាំទ្រច្រើនបែបនេះ? ទាំងនេះគឺជាចំណុចពិសេសដែលផ្ទះមេគង្គមាន៖ ១. ផ្ទះមេគង្គឆ្លងកាត់ការរចនា និងគូរប្លង់ពីវិស្វករជំនាញ ផ្ទះមេគង្គបានសិក្សាយ៉ាងហ្មត់ចត់បំផុតអស់រយៈពេលជាង ២ឆ្នាំពីវិស្វករជំនាញរបស់សម្ព័ន្ធក្រុមហ៊ុន អាយ អេស

កាលពីថ្ងៃសុក្រសប្ដាហ៍មុនសហរដ្ឋអាមេរិកបានរាយការណ៍ពីការកើនឡើងនៃចំនួងការងារ ក៏ដូចជាការថយចុះអត្រារកការងារធ្វើមិនបានរហូតដល់ទៅ ១៣.៣% ដោយមានការងារថ្មីចំនួន ២.៥ លាន បានកើនឡើងយ៉ាងមិនគួរឱ្យជឿ ខណៈពេលដែលប្រទេសនេះទើបតែបើកទ្វារសេដ្ឋកិច្ចឡើងវិញ។ រំលឹកដែរថាសហរដ្ឋអាមេរិកកាលពីខែមុន បានប្រឈមនឹងវិបត្តិបាត់បង់ការងារយ៉ាងអាក្រក់មួយ ដោយមានការងារចំនួន ៨លាន ត្រូវបានបាត់បង់ដោយសារការបិទទ្វារ ហើយអត្រាអ្នករកការងារមិនបានធ្វើបានកើនឡើងរហូតដល់២០%។ ខែដែលអាក្រក់បំផុតសម្រាប់សហរដ្ឋអាមេរិក គឺនៅខែមេសា នៅពេលដែលការងាររហូតដល់ទៅ ២០លាន ត្រូវបានបាត់បង់ដោយសារតែមេរោគ COVID-19 ។ ប៉ុន្តែយ៉ាងណាថ្វីបើខែមេសានិងឧសភា អត្រាបាត់បង់ការងារធ្វើនៅអាមេរិកមានការកើនឡើង ជាពិសេសវិស័យកម្សាន្តដូចជា៖ បារ និងភោជនីយដ្ឋានធំៗ គេសង្កេតឃើញថានៅអាមេរិកមានវិស័យមួយចំនួនហាក់ដូចជាកើនឡើងខ្លាំងគួរឱ្យកត់សម្គាល់។ ចង់ជ្រាបច្បាស់ថាការងារអ្វីមានការកើនឡើង សូមមើលតារាងរបាយការណ៍នៅខាងក្រោមនេះ៖ អត្ថបទ៖ លីដា ប្រភព៖ Business Insider

ចក្រភពអង់គ្លេសកំពុងត្រៀមខ្លួនរួចជាស្រេចដើម្បីបញ្ចេញច្បាប់ថ្មីមួយ ដែលនឹងការពារមិនឱ្យចិនអាចកាន់កាប់ក្រុមហ៊ុនរបស់អង់គ្លេស នៅក្នុងសម័យកំពុងមានវិបត្តិជំងឺរាតត្បាត COVID-19 នោះទេ។ នាយករដ្ឋមន្ត្រី Boris Johnson បានប្រថុយធ្វើឱ្យទំនាក់ទំនងរបស់ទីក្រុងឡុងនិងប៉េកាំង មានភាពល្អក់កករជាមួយគ្នា ដោយលើកហេតុផលថាការកាន់កាប់របស់បរទេសមកលើក្រុមហ៊ុនរបស់អង់គ្លេស នឹងធ្វើឱ្យមានហានិភ័យដល់សន្តិសុខជាតិរបស់អង់គ្លេស។ ច្បាប់នេះគឺសម្រាប់ឱ្យក្រុមហ៊ុនអង់គ្លេសរាយការណ៍អំពីបំណងកាន់កាប់របស់បរទេសទៅកាន់រដ្ឋាភិបាលអង់គ្លេស ដើម្បីជៀសវាងហានិភ័យដែលអាចប៉ះពាល់ដល់សន្ដិសុខជាតិរបស់អង់គ្លេស។ ពោលគឺនៅក្នុងអំឡុងប្រឈមនឹងជំងឺរាតត្បាត ក៏ដូចជាវិបត្តិសេដ្ឋកិច្ចដោយសារជំងឺ COVID-19 អង់គ្លេសត្រូវការជាចាំបាច់ ក្នុងការការពារខ្លួនពីហានិភ័យគ្រប់រូបភាព។ កាលពីដើមឆ្នាំ២០២០នេះ គណៈកម្មាធិការកិច្ចការបរទេសនៃសភាចក្រភពអង់គ្លេស បានបើកការស៊ើបអង្កេតបន្ទាន់មួយចំពោះការប៉ុនប៉ងរបស់ចិន នៅក្នុងការកាន់កាប់ក្រុមហ៊ុន AI ឈ្មោះថា Imagination Technologies ដែលមានមូលដ្ឋាននៅភាគខាងត្បូងនៃប្រទេសអង់គ្លេស។ ច្បាប់ថ្មីដែលបានដាក់ស្នើដោយលោក Boris Johnson ហើយអាចត្រូវអនុម័តក្នុងពេលប៉ុន្មានសប្ដាហ៍ទៀត នឹងតម្រូវឱ្យក្រុមហ៊ុនរបស់អង់គ្លេសទាំងអស់រាយការណ៍ទៅកាន់រដ្ឋាភិបាល នៅពេលដែលក្រុមហ៊ុនរបស់ពួកគេមានការទិញហ៊ុន