(​ភ្នំពេញ​)៖ សម្ដេចតេជោ ហ៊ុន សែន បានប្រកាសថា ប្រជាកសិករដែលមានស្រូវរងផលប៉ះពាល់ដោយទឹកជំនន់ នឹងទទួលបានស្រូវពូជចំនួន ១០០ គីឡូក្នុងមួយគ្រួសារ ដើម្បស្ដារជីវភាពឡើងវិញ បន្ទាប់ពីទឹកជំនន់បានជន់លិច។ សម្តេចតេជោ ហ៊ុន សែន បានលើកឡើង​ដូច្នេះ នៅក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ បើកការដ្ឋានសាងសង់ ស្ពានបេតុងខ្សែកាប ឆ្លងកាត់ទន្លេបាសាក់ តភ្ជាប់រាជធានីភ្នំពេញ ពីទីក្រុងកោះពេជ្រ ទៅកាន់ទីក្រុងរណបកោះនរា និងពីកោះនរា ឆ្ពោះទៅផ្លូវជាតិលេខ១ ក្នុងភូមិសាស្ត្រសង្កាត់និរោធ ខណ្ឌច្បារអំពៅ រាជធានីភ្នំពេញ នាព្រឹកថ្ងៃទី២៦ ខែតុលា ឆ្នាំ២០២០​។ យោងតាមប្រសាសន៍របស់សម្ដេចនៅក្នុងឱកាសនោះ បានឲ្យដឹងថា ស្រូវពូជដែលចែកក្នុងមួយគ្រួសារ ១០០

យោងតាមការចេញផ្សាយរបស់ក្រសួងព័ត៌មានកាលពីថ្ងៃទី២៤ ខែសីហា កន្លងទៅនេះ បានឲ្យដឹងថា រាជរដ្ឋាភិបាលបានសម្រេចបង្កើនថវិកា « សាច់ប្រាក់សម្រាប់ការងារ » ពី ១០០ លានដុល្លារ ដល់ ១៦០ លានដុល្លារ ។ សម្តេចអគ្គមហាសេនាបតីតេជោហ៊ុន សែន បានប្រកាសបែបនេះនៅក្នុងពិធីចែក​អំណោយដល់ប្រជាពលរដ្ឋប្រមាណ ៥,០០០គ្រួសារ ដែលរងគ្រោះដោយទឹកជំនន់ភ្លាមៗនៅក្នុងស្រុកអូរជ្រៅ ខេត្តបន្ទាយមានជ័យ។ នាឱកាសនោះសម្ដេចតេជោបាន​សង្កត់ធ្ងន់ថា៖ « ក្នុងអំឡុងពេលប្រជុំ (កិច្ចប្រជុំគណៈរដ្ឋមន្រ្តីកាលពីពេលថ្មីៗនេះ) ខ្ញុំបានណែនាំឱ្យបែងចែកផលបូកទៅខេត្តដែលរងផលប៉ះពាល់ហើយយើងរំពឹងថាប្រាក់ ១៦០ លានដុល្លារអាចបង្កើតការងារ ១ លានការងារ »។ ជាមួយគ្នានោះសម្តេចនាយករដ្ឋមន្ត្រី ក៏បានលើកសេចក្តីព្រាងច្បាប់ស្តីពីថវិកាជាតិឆ្នាំ២០២១ ដែលត្រូវបានអនុម័តនៅថ្ងៃទី២៣

សូក្រាត គឺជាទស្សនវិទូក្រិកបុរាណដែលត្រូវបានគេចាត់ទុកថា ជាប្រភពសំខាន់នៃគំនិតលោកខាងលិច គាត់ត្រូវបានគេកាត់ទោសប្រហារជីវិតចំពោះវិធីសាស្រ្តនៃការសួរសំនួររបស់គាត់។ ជាមួយគ្នានេះដែរគាត់ជាអ្នកប្រាជ្ញ ជាគ្រូបង្រៀន និងទស្សនវិទូកើតនៅប្រទេសក្រិកបុរាណ ហើយវិធីនៃទស្សនវិជ្ជារបស់គាត់ត្រូវបានដាក់ជាមូលដ្ឋានគ្រឹះសម្រាប់ប្រព័ន្ធតក្កវិជ្ជា និងទស្សនវិជ្ជារបស់លោកខាងលិច។ សូក្រាត មិនមែនជាកូនមកពីគ្រួសារអភិជននោះទេ គាត់កើតក្នុងគ្រួសារធម្មតា ដែលមានឪពុកជាជាងចម្លាក់ និងម្ដាយជាឆ្មប ដូច្នេះហើយគាត់បានទទួលការអប់រំភាសាក្រិចជាមូលដ្ឋាន ហើយបានរៀនជំនាញរបស់ឪពុកគាត់តាំងពីក្មេង។ គេត្រូវបានគេជឿជាក់ថា សូក្រាតបានធ្វើការជាជាងចម្លាក់អស់រយៈពេលជាច្រើនឆ្នាំ មុនពេលគាត់លះបង់ជីវិតរបស់គាត់ទៅនឹងទស្សនវិជ្ជា។ ជាអ្នកប្រាជ្ញដែលមានចំណេះដឹងជ្រៅជ្រះ ទូលំទូលាយសូក្រាតធ្លាប់បានលើកឡើង ពីការយល់ឃើញរបស់គាត់ចំពោះលក្ខណៈប្រទេសដែលមានការការចម្រើន។ អ្នកប្រាជ្ញារូបនេះបាននិយាយថា៖ « ដើម្បីសម្គាល់ថាប្រទេសមួយដែលរីកចម្រើន គឺត្រូវមើលទៅលើចំណុច ៣ នោះគឺ មានអ្នកប្រាជ្ញច្រើន មានអ្នកមានច្រើន និងយោធាមានវិន័យច្បាស់លាស់ »៕ អត្ថបទ៖ លីនី

គណៈរដ្ឋមន្ត្រី បានសម្រេចឯកភាពចំពោះការអភិវឌ្ឍគម្រោងវារីអគ្គិសនីស្ទឹងតាតៃលើអានុភាព ១៥០មេហ្កាវ៉ាត់ នៅស្រុកថ្មបាំង ខេត្តកោះកុង និងគម្រោងវិនិយោគអភិវឌ្ឍសាងសង់ខ្សែបណ្ដាញបញ្ជូនអគ្គិសនី ៥០០គីឡូវ៉ុល ពីរាជធានីភ្នំពេញទៅព្រំដែនកម្ពុជា-ឡាវ និងពីបាត់ដំបងទៅព្រំដែនកម្ពុជា-ថៃ នៅក្នុងសម័យប្រជុំពេញអង្គនាព្រឹកថ្ងៃទី ២៣ ខែតុលា ឆ្នាំ២០២០ នៅវិមានសន្តិភាពក្រោមអធិបតីភាពដ៏ខ្ពង់ខ្ពស់ របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ យោងតាមសេចក្ដីប្រកាសព័ត៌មានរបស់ទីស្ដីការគណៈរដ្ឋមន្ត្រីបានឱ្យដឹងថា បន្ទាប់ពីរាជរដ្ឋាភិបាលបានអនុញ្ញាតឱ្យក្រុមហ៊ុន China National Heavy Machinery Corporation (CHMC) ធ្វើការវិនិយោគអភិវឌ្ឍគម្រោងវារីអគ្គិសនីស្ទឹងតាតៃលើ និងឱ្យក្រុមហ៊ុន SchneiTec Co., Ltd. ធ្វើការវិនិយោគអភិវឌ្ឍគម្រោងខ្សែបណ្តាញបញ្ជូនតង់ស្យុង ៥០០គីឡូវ៉ុល ២

ទេសាភិបាលធនាគារកណ្ដាលថៃបាននិយាយកាលពីថ្ងៃព្រហស្បតិ៍ថា បំណុលក្នុងគ្រួសាររបស់​ប្រជាជនថៃបានកើនឡើងដល់កម្រិតខ្ពស់បំផុតដែលមិនធ្លាប់មានក្នុងរយៈពេល ១៧ឆ្នាំមកនេះ ហើយការកើនឡើងនេះត្រូវបានគេរំពឹងថា នឹងកើនឡើងបន្ថែមទៀត នៅពេលដែលអាជីវកម្ម និងសេដ្ឋកិច្ចដែលពឹងផ្អែកលើវិស័យទេសចរណ៍ត្រូវបានរងផលប៉ះពាល់យ៉ាងខ្លាំងដោយវីរុស Covid-19។ លោក Sethaput Suthiwartnarueput ទេសាភិបាលធនាគារកណ្ដាលបានប្រាប់អ្នកយកព័ត៌មានថា៖ « ជំងឺរាតត្បាតបានកាត់បន្ថយ ការងារ ប្រាក់ចំណូល និងសមត្ថភាពរបស់ប្រជាជនថៃក្នុងការសងបំណុល ដែលជាហេតុធ្វើឲ្យកម្រិតបំណុលកាន់តែកើនឡើង »។ ជាមួយគ្នានេះលោកបានបន្តថា៖ « ស្ថានភាពការងារក្នុងពេលបច្ចុប្បន្ននេះមិនទាន់វិលត្រឡប់មករកភាពប្រក្រតីវិញនៅឡើយទេ ហើយសេដ្ឋកិច្ចក៏មិនអាចដូចដើមភ្លាមៗដែរ យ៉ាងហោចណាស់ដល់ត្រីមាសទី៣ នៃឆ្នាំ២០២២ »។ យោងតាមការសិក្សារបស់ធនាគារកណ្ដាល អ្នកជំពាក់បំណុលដដែលមានចំនួន ៨០% នៃបំណុលគ្រួសាររបស់ប្រទេសថៃ ក្នុងរយៈពេល ៩ ឆ្នាំកន្លងមកនេះ។ ម្នាក់ក្នុងចំណោមប្រាំនាក់

យោងតាមអ្នកនាំពាក្យប្រធានាធិបតីហ្វីលីពីនបានឱ្យដឹងថា ប្រទេសហ្វីលីពីននឹងអនុម័តលើការអនុញ្ញាត្តឱ្យវិនិយោគិនបរទេសចូលក្នុងប្រទេសរបស់ខ្លួនចាប់ពីខែវិច្ឆិកា តទៅ។ ជនបរទេសដែលមានទិដ្ឋាការវិនិយោគពីទីភ្នាក់ងារហ្វីលីពីន នឹងត្រូវបានអនុញ្ញាតឱ្យចូលក្នុងប្រទេសនេះ។ ការបន្ធូរបន្ថយការរឹតបន្តឹងការធ្វើដំណើរនេះ គឺស្ថិតក្នុងចំណោមវិធានការសម្រាកលម្ហែកាយរបស់រដ្ឋាភិបាល ដើម្បីជួយសេដ្ឋកិច្ចរបស់ប្រទេសនេះឲ្យងើបផុតពីវិបត្តិសេដ្ឋកិច្ច។ គួរឱ្យដឹងផងដែរថា ហ្វីលីពីនបានដាក់បំរាមលើការធ្វើដំណើរកាលពីខែកុម្ភៈ ដើម្បីទប់ស្កាត់ការរីករាលដាលនៃជំងឺរាតត្បាត Covid-19 ។ ការឆ្លងជំងឺ Covid-19 នៅក្នុងប្រទេសហ្វីលីពីនបានកើនឡើងដល់ ៣៦៥,៧៩៩ នាក់ដោយចំនួនអ្នកស្លាប់មានចំនួន ៦,៩១៥ នាក់៕ អត្ថបទ៖ នីតា ប្រភព៖ vietnamplus

ក្រុមប្រឹក្សាអភិវឌ្ឍន៍កម្ពុជា ហៅកាត់ថា (CDC) បានចេញវិញ្ញាបនប័ត្រវិនិយោគក្នុងខេត្តឧត្តរមានជ័យលើគម្រោងសាងសង់រោងចក្រអគ្គិសនីដុតធ្យូងថ្មរបស់ក្រុមហ៊ុន ODDORMEANCHEY POWER INDUSTRIAL CO., LTD ដែលមានអានុភាព ២៦៥ មេហ្កាវ៉ាត់ ហើយមានទីតាំងវិនិយោគស្ថិតនៅភូមិពាមក្នុង និងភូមិឈើទាលជ្រុំ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ។ យោងតាមសេចក្ដីប្រកាសរបស់ក្រុមប្រឹក្សាអភិវឌ្ឍន៍កម្ពុជា ដែលបានចេញផ្សាយកាលពីរសៀលថ្ងៃទី២៣ ខែតុលា ដោយមានទុនវិនិយោគ ២៩៤.៣ លានដុល្លារ គម្រោងសាងសង់រោងចក្រអគ្គិសនីដុតធ្យូងថ្មនេះ នឹងអាចបង្កើតការងារចំនួន ២២០ សម្រាប់ប្រជាជនក្នុងស្រុក។ ទន្ទឹមនឹងនេះដែរ ក្រុមហ៊ុន ODM POWER LINE COMPANY LIMITED

យោងតាមរបាយការណ៍ថ្មីមួយរបស់ធនាគារអភិវឌ្ឍន៍អាស៊ី (ADB) បានបង្ហាញថា ការពង្រឹងសក្ដានុពលសហគ្រាសខ្នាតតូច និងមធ្យម (MSMEs) ជាមួយនឹងការច្នៃប្រឌិត និងអន្ដរជាតិនឹងក្លាយជាគន្លឹះក្នុងការស្តារសេដ្ឋកិច្ចនៅអាស៊ីអាគ្នេយ៍ ដែលត្រូវបានបំផ្លិចបំផ្លាញដោយសារជំងឺរាតត្បាត​ Covid-19 ។ ទីភ្នាក់ងារត្រួតពិនិត្យសហគ្រាសខ្នាតតូច និងមធ្យមអាស៊ី (ASM) ២០២០ របស់ ADB បាននិយាយថា MSMEs គឺជាកម្លាំងជំរុញដ៏សំខាន់នៅក្នុងសេដ្ឋកិច្ចនៅអាស៊ីអាគ្នេយ៍ ដែលមានចំនួនជាមធ្យម ៩៧% នៃសហគ្រាសទាំងអស់ និង ៦៩% នៃកម្លាំងពលកម្មជាតិចាប់ពីឆ្នាំ ២០១០ ដល់ឆ្នាំ ២០១៩ ។ គួរឱ្យដឹងផងដែរថា MSMEs នៅក្នុងសេដ្ឋកិច្ចនៅអាស៊ីអាគ្នេយ៍ផ្តោតសំខាន់លើទីផ្សារក្នុងស្រុក ហើយកម្រិតនៃភាពជាសហគ្រិនរបស់ពួកគេនៅតែមានកម្រិតទាបបំផុត។