ថៃ៖ អ្នកណាខ្លះគិតស្មានដល់ថា គ្រាន់តែលក់ស៊ុបតុងយាំនៅផ្សាររាត្រី អាចរកចំណូលបានជិត ១ពាន់ដុល្លាក្នុងមួយថ្ងៃ ប៉ុន្តែសម្រាប់នារីម្នាក់នេះគឺអាចធ្វើបាន ដោយអ្នកនាងមានឈ្មោះថា Pan-Pharanchaya Chaisri ជាអ្នកលក់​វ័យទើបតែ​២៤​ឆ្នាំ​ម្នាក់​នេះ។ ដោយអ្នកនាង Pan បានរៀបរាប់ប្រាប់កម្មវិធីផ្លូវមហាសេដ្ឋីអនឡាញ(Sentangsedtee)ថា៖ នាងបានបញ្ចប់ការសិក្សានៅអាយុ ២២ ឆ្នាំ ប៉ុន្តែមិនបានដាក់ពាក្យធ្វើការនៅកន្លែងណាទេ ដោយសារតែគាត់បានបញ្ចប់ការសិក្សាពីមហាវិទ្យាល័យអាកាសចរណ៍ ដែលក្នុងអំឡុងពេលបញ្ចប់ការសិក្សា ក៏ជាពេលដែលជំងឺកូវីដ១៩ បានរីករាលដាលដំបូងគេ ទើបបណ្តាលអោយអាកាសយានដ្ឋាននានាត្រូវបានបិទ ហើយមិនដឹងថាត្រូវដាក់ពាក្យធ្វើការងារអ្វី? ជាមួយគ្នានេះដែរ ដោយសារតែអ្នក​ផ្ទះ​ប្រកបអាជីព​​លក់ដូរស្រាប់ពោលគឺតាំងពីពេលដែលអ្នកនាងរៀនថ្នាក់ទី៦ ទើបម្តាយ​របស់អ្នកនាងក៏បានបបួលអោយអ្នកនាងមកជួយលក់ដូរអ្នក ខណៈពេលទំនេរមិនមានការងារធ្វើ។ លុះក្រោយពេលរៀនចប់ ម្តាយរបស់នាងក៏បានបបួលអ្នកនាងអោយមកសាកបើកលក់នៅផ្សាររាត្រីជាមួយអ្នកផ្ទះ ហើយនេះជាចំណុចចាប់ផ្តើមដែលអ្នកនាង​បានបើកហាងលក់ស៊ុបតុងយាំរាត្រី នៅផ្សារណាត់ឬផ្សាររាត្រីថៃ។ អ្នកនាងបានរៀបរាប់បន្តថា ដំបូងឡើយអ្នកនាងមិនចូលចិត្តរបស់លក់ដូរទេ គឺអ្នកនាងចង់ធ្វើការនៅតាមក្រុមហ៊ុនជាបុគ្គលិកក្រុមហ៊ុនទៅវិញទេ

(វ៉ាស៊ីនតោន)៖ របាយការណ៍របស់ធនាគារពិភពលោកបាននិយាយនៅថ្ងៃចន្ទថា កំណើនសេដ្ឋកិច្ចនៅក្នុងតំបន់អាស៊ីបូព៌ា និងប៉ាស៊ីហ្វិកភាគច្រើនបានស្ទុះងើបឡើងវិញនៅក្នុងឆ្នាំ២០២២ ពីការប៉ះទង្គិចដោយសារជំងឺកូវីដ-១៩ ខណៈដែលប្រទេសចិនបានបាត់បង់សន្ទុះរបស់ខ្លួនដោយសារតែការបន្តវិធានការរឹតបន្តឹងដើម្បីទប់ស្កាត់មេរោគនេះ។ ទោះជាយ៉ាងណា World Bank បានឱ្យដឹងទៀតថា ទៅថ្ងៃមុខទៀត សកម្មភាពសេដ្ឋកិច្ចនៅទូទាំងតំបន់អាចចុះខ្សោយវិញដោយសារការធ្លាក់ចុះនៃតម្រូវការសកល, ការកើនឡើងបំណុល និងការពឹងផ្អែកលើវិធានការអន្តរាគមន៍សេដ្ឋកិច្ចរយៈពេលខ្លី ដើម្បីទប់ទល់នឹងការកើនឡើងនៃថ្លៃម្ហូបអាហារ និងប្រេងឥន្ធនៈ។ យោងតាមការធ្វើបច្ចុប្បន្នភាពសេដ្ឋកិច្ចអាស៊ីបូព៌ា និងប៉ាស៊ីហ្វិក ខែតុលា ឆ្នាំ២០២២ របស់ធនាគារពិភពលោក (East Asia and Pacific October 2022 Economic Update) កំណើនសេដ្ឋកិច្ចក្នុងតំបន់អាស៊ីបូព៌ា និងប៉ាស៊ីហ្វិកដែលកំពុងអភិវឌ្ឍន៍ លើកលែងតែប្រទេសចិន ត្រូវបានព្យាករថានឹងឡើងដល់ ៥,៣%

(បារាំង)៖ ទូរទស្សន៍បារាំង BFMTV បានរាយការណ៍កាលពីថ្ងៃសុក្រសប្តាហ៍មុនថា តម្លៃអុសនៅប្រទេសបារាំងបានបន្តកើនឡើង កើនឡើងជាមធ្យម ១០% បើធៀបនឹងខែមិថុនា។ យោងតាមរបាយការណ៍តម្លៃអុសនៅបារាំងប្រហែលជា ៨៧ដុល្លារក្នុងមួយម៉ែត្រគូប ខណៈតម្រូវការបានកើនឡើង ៥០% ក្នុងរយៈពេលពីរខែចុងក្រោយនេះ។ ការកើនឡើងនៃតម្រូវការបានបណ្តាលឱ្យមានការខ្វះខាតកាន់តែច្រើន និងតម្លៃកើនឡើង ដោយអ្នកផ្គត់ផ្គង់និយាយថាពួកគេទទួលការហៅទូរស័ព្ទរហូតដល់១០០ដងក្នុងមួយថ្ងៃ ពួកគេក៏បានសម្តែងការព្រួយបារម្ភថានឹងមិនមានអុសគ្រប់គ្រាន់សម្រាប់មនុស្សគ្រប់គ្នាក្នុងរដូវរងានេះទេ។ សូមរំលឹកថាប្រជាជននៅអ៊ឺរ៉ុប បាននាំគ្នាប្រើប្រាស់អុសនិងបន្ទះឈើ ដោយសារតែតម្លៃឧស្ម័ន តម្លៃប្រេងបន្តកើនឡើង៕ ប្រភព៖ RT / connexionfrance

(កំពង់ស្ពឺ)៖ យោងតាមការចុះផ្សាយរបស់ ក្រសួងព័ត៌មាន យុវជន លី សុវណ្ណដា មានគំនិតច្នៃអាចម៍រណារទៅ ជាធ្យូងអនាម័យដែលអាចរកចំណូលបាន៤០០០ដុល្លារក្នុងមួយខែ ខណ:ដែលបច្ចុប្បន្នធ្យូងអនាម័យកំពុងមានតម្រូវការនៅតាមហាង និងមានតម្លៃសមរម្យ។ យុវជន លី សុវណ្ណដា អាយុ ២៨ឆ្នាំជាអ្នកច្នៃអាចម៍រណារផលិតចេញជាធ្យូងអនាម័យ បានប្រាប់វិទ្យុជាតិកម្ពុជាឱ្យដឹងថា លោកបានបើកសិប្បកម្មកែច្នៃអាចម៍រណារយកមកធ្វើជាធ្យូងអនាម័យដើម្បីផ្គត់ផ្គង់ក្នុងស្រុកក៏ដូចជានាំចេញទៅកាន់រាជធានីខេត្តផ្សេងៗ ជាង២ឆ្នាំមកហើយ បន្ទាប់ពីទទួលបានការគាំទ្រខ្លាំងពីអ្នកប្រើប្រាស់។ លោកបានបន្តថា សម្រាប់បច្ចេកទេសក្នុងការផលិតធ្យូងអនាម័យគឺលោកបានសិក្សាតាមអិនធើណិតផង និងមាន ការផ្ដល់មតិយោបល់ ពីមិត្ត ភក្តិក៏ដូចជាការស្វែងយល់តម្រិះវិជ្ជាខ្លះៗពីជនជាតិចិនដែលធ្លាប់បានធ្វើការជាមួយ គ្នា។លោកបានបន្ថែមថា ក្នុងមួយខែលោកអាចផលិតធ្យូងអនាម័យបានប្រមាណ១០ទៅ ១៥តោនក្នុងមួយខែនិងអាចរកចំណូលបានពីចន្លោះ ៤០០០ដុល្លារទៅ៥០០០ ដុល្លារក្នុងមួយខែ។ លោកបានបញ្ជាក់ថា មូលហេតុដែលលោកបើកសិប្បកម្មកែច្នៃអាចម៍រណារមកធ្វើធ្យូងអនាម័យដោយលោកក្រឡេកឃើញពីទីផ្សារក្នុងពេលបច្ចុប្បន្នធ្យូងអនាម័យ កំពុងមានទីផ្សាល្អជាពិសេសចង់រួមចំណែកក្នុងការលុប បំបាត់ការកាប់បំផ្លាញព្រៃឈើយកមកផលិតជាធ្យូងសម្រាប់យកមកប្រើប្រាស់ប្រចាំថ្ងៃ។

(ថៃ)៖ ចែ Maew ដែលជាម្ចាស់ទឹកប្រហុកម៉ាក Mae Tuk បានផ្តល់បទសម្ភាសន៍ដល់កម្មវិធី Sentangsedtee ឬ ផ្លូវនៃមហាសេដ្ឋីអនឡាញថា កាលពីមុន ចែ Maew ក្រីក្រណាស់ គឺគាត់បានធ្វើ​ការ​ជា​បុគ្គលិក​ច្រកទឹក​ប្រហុក។ ស្រាប់តែថ្ងៃមួយក៏យល់ឃើញថា វាជាផលិតផលដែលអាចលក់បានគ្រប់ពេល មិនថាជា អតិថិជនថ្មី ឬអតិថិជនចាស់ តែងទិញរហូត ដូច្នេះចែ Maew ព្យាយាមប្រមូលបទពិសោធន៍ និងការកត់សម្គាល់ទាំងក្លិន និងរសជាតិ​បែប​ណា​ដែលលក់​ដាច់ ហើយអតិថិជន​ចូល​ចិត្ត​ ដោយការខិតខំ​សន្សំទាំង​លុយ និងបទពិសោធន៍ក្នុងការធ្វើ​រហូត​ចេញ​មក​ជួល​តូប​បើកលក់ ទឹកប្រហុកនៅ​ផ្សារដែលមានឈ្មោះថា ​«សុីម៉ុមមឿង» ចំពោះ​ចំណុច​លេចធ្លោ​របស់​ហាងចែ Maew បាននិយាយថា

(អន្តរជាតិ)៖ យោងតាម ទិន្នន័យ របស់ Kitco នៅព្រឹក ថ្ងៃទី២៧ ខែកញ្ញា នៅក្នុងវគ្គជួញដូរដំបូងនៃសប្តាហ៍នៅផ្សារហ៊ុនញូវយ៉ក តម្លៃមាសពិភពលោកបានធ្លាក់ចុះដល់ ១,៦២៣ដុល្លារ ក្នុងមួយអោន (តម្លៃអាចប្រែប្រួលជាបន្ត) ធ្លាក់ចុះទាបបំផុតក្នុងរយៈពេលជាង២ឆ្នាំ ខណៈដែលធនាគារកណ្តាលជុំវិញពិភពលោកបានដំឡើងអត្រាការប្រាក់ដើម្បីទប់ទល់នឹងអតិផរណា ដោយអ្នកគ្រប់គ្រងមូលនិធិរំពឹងថានឹងមានការធ្លាក់ចុះដ៏ធំ។ ធនាគារកណ្តាលអាមេរិក (Fed) ដែលចង់កាត់បន្ថយអតិផរណាមកត្រឹម ២ភាគរយ នៅតែបន្តបង្កើនអត្រាការប្រាក់។ ការដំឡើងអត្រាការប្រាក់នេះបានជួយឱ្យសន្ទស្សន៍ប្រាក់ដុល្លារកើនឡើងដល់កម្រិតខ្ពស់ជាប្រវត្តិសាស្ត្រ។ តម្លៃមាសបានធ្លាក់ចុះអស់រយៈពេល ៥ខែ។ ១,៦២៣ដុល្លារ ជាតម្លៃទាបបំផុតក្នុងមួយអោននៃមាសចាប់តាំងពីខែមេសា ឆ្នាំ២០២០៕ ប្រភព៖ kitco / zingnews

(អន្តរជាតិ)៖ ពាណិជ្ជកម្មរវាងប្រទេសវៀតណាម និងកម្ពុជា បានកើនឡើងដល់ទៅ ៧,៧ពាន់លានដុល្លារក្នុងរយៈពេល៨ខែដំបូងនៃឆ្នាំនេះ។ នេះបើយោងតាមការចុះផ្សាយរបស់សារព័ត៌មាន VN Express នៅថ្ងៃទី២៥ ខែកញ្ញា ឆ្នាំ២០២២។យោងតាមនាយកដ្ឋានគយរបស់ខ្លួនបានឱ្យដឹងថា ការនាំចេញរបស់វៀតណាមបានកើនឡើង ៣២% បើធៀបទៅឆ្នាំមុន ខណៈដែលប្រទេសនេះបានប្រែក្លាយឱនភាពកាលពីឆ្នាំមុនទៅជាអតិរេក នេះបើយោងតាមនាយកដ្ឋានគយរបស់ខ្លួន។ ទំនិញធំជាងគេគឺដែក និងដែកថែបដែលមានចំនួន ១៧% នៃចំនួនសរុប បន្ទាប់មកគឺសម្លៀកបំពាក់ និងប្រេងឥន្ធនៈ។ ការនាំចូលរបស់វៀតណាមពីកម្ពុជាបានកើនឡើងបន្តិចបន្តួចរហូតដល់៣,៦ពាន់លានដុល្លារ រួមមានកៅស៊ូ និងស្វាយចន្ទីជាទំនិញសំខាន់។ កម្ពុជាជាដៃគូពាណិជ្ជកម្មធំទីបីរបស់វៀតណាមនៅអាស៊ីអាគ្នេយ៍បន្ទាប់ពីប្រទេសថៃ និងសិង្ហបុរី៕ ប្រភព៖ vnexpress

(ថៃ)៖ អ្នកនាង Biu Yosthida Demi អាយុ ២៦ឆ្នាំ ត្រូវជា ម្ចាស់ហាង 89% Milk Tea & Bakery ដែលប្រើប្រាស់ទីធ្លាផ្ទះបាយទំហំត្រឹមតែ 2×3 ម៉ែត្រការ៉េ ដើម្បីធ្វើជាហាងតូចមួយនៅក្នុងផ្ទះបានប្រាប់មហាសេដ្ឋីតាមអ៊ីនធឺណិត (Sentangsedtee)ថា គាត់ធ្លាប់លក់ Milk Tea និង នំបុ័ងដុត តាំងពីសម័យរៀននៅមហាវិទ្យាល័យឆ្នាំទី២ ដើម្បីរកប្រាក់ចំណូលបន្ថែមពេលកំពុងសិក្សា ដែល​ជា​អាជីព​ដែល​រក​ចំណូល​បាន​ល្អគួរសមតែម្តង។ រហូតដល់ថ្ងៃដែលអ្នកនាង Biu បញ្ចប់ការសិក្សា ក្រុមគ្រួសារអ្នកនាងចង់ឱ្យចូលបំរើការងាររដ្ឋ ដោយសារតែរៀនចប់នៅមហាវិទ្យាល័យវិទ្យាសាស្រ្តនយោបាយ ប៉ុន្តែអ្នកនាងនៅតែបន្តការលក់ Milk