រដ្ឋាភិបាលជប៉ុនតាមរយៈទីភ្នាក់ងារសហប្រតិបត្តិការអន្តរជាតិជប៉ុន (JICA) កាលពីពេលថ្មីៗនេះបានចុះហត្ថលេខាលើកិច្ចព្រមព្រៀងឥណទានសម្បទានជាមួយរាជរដ្ឋាភិបាលកម្ពុជាដែលមានទំហំទឹកប្រាក់ ២៥ ប៊ីលានយ៉េន (ប្រមាណ ២៣៤,៦ លានដុល្លារអាមេរិក)។ កិច្ចព្រមព្រៀងនេះត្រូវបានចុះហត្ថលេខាដោយ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងលោក Yuichi Sugano ប្រធានស្តីទីនៃទីភ្នាក់ងារសហប្រតិបត្តិការជប៉ុនប្រចាំកម្ពុជា នៅថ្ងៃទី១០ ខែវិច្ឆិកា ឆ្នាំ២០២០។ យោងតាមសេចក្ដីប្រកាសព័ត៌មានរបស់ JICA បានឲ្យដឹងថា រាជរដ្ឋាភិបាលជប៉ុនបានកំពុងផ្តល់ឥណទានសម្បទាន សម្រាប់កម្មវិធីគាំទ្របន្ទាន់ដើម្បីឆ្លើយតបទៅនឹងវិបត្តិនៃជំងឺកូវីដ-១៩ ដល់រាជរដ្ឋាភិបាលកម្ពុជា។ ជាមួយគ្នានេះការផ្ដល់ឥណទានសម្បទាននេះ ក្នុងគោលបំណងលើកកម្ពស់ស្ថេរភាពសេដ្ឋកិច្ច និងកិច្ចខិតខំប្រឹងប្រែងអភិវឌ្ឍន៍ផ្សេងៗរបស់របស់រដ្ឋាភិបាលកម្ពុជា រួមមាន ការពង្រឹងប្រព័ន្ធសុខាភិបាល កម្មវិធីជំនួយសង្គម បណ្តាញភស្តុភារកម្ម

«ស្ពានមិត្តភាពកម្ពុជា-ចិនស្ទឹងត្រង់ ក្រូចឆ្មារ» ដែលជាជំនួយរបស់មិត្តចិន តភ្ជាប់ទឹកដីនៃខេត្តកំពង់ចាម ទៅកាន់ទឹកដីនៃខេត្តត្បូងឃ្មុំ ដោយឆ្លងកាត់ទន្លេមេគង្គ មានប្រវែងជាង១ពាន់ម៉ែត្រមួយនេះ ត្រូវបានគ្រោងចំណាយថវិកាសាងសង់ជិត ៥៧លានដុល្លារ ដែលជាហិរញ្ញប្បទានសម្បទានពីរដ្ឋាភិបាលចិន រួមជាមួយថវិកាបដិភាគរបស់រាជរដ្ឋាភិបាលកម្ពុជា សម្រាប់ដោះស្រាយផលប៉ះពាល់ និងបោសសំអាតយុទ្ធភ័ណ្ឌមិនទាន់ផ្ទុះ។ ក្នុងពេលអញ្ជើញបើកការដ្ឋានសាងសង់ កាលពីឆ្នាំ២០១៨ សម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជាបានថ្លែងអំណរគុណចំពោះរដ្ឋាភិបាល និងប្រជាជនចិន ដែលកន្លងមក តែងតែជួយមកដល់ប្រទេសកម្ពុជា ក្នុងការកសាងនូវហេដ្ឋារចនាសម្ព័ន្ធ និងវិស័យផ្សេៗទៀតនៅក្នុងប្រទេសកម្ពុជា។ សម្តេចហ៊ុន សែនបានសំដែងនូវក្តីរីករាយ និងមានមោទនភាពចំពោះសមិទ្ធផលស្ពានថ្មីមួយនេះ ដែលកើតមានឡើងក្នុងស្រុកកំណើតរបស់សម្តេចផ្ទាល់ និងជាជំនួយរបស់មិត្តចិន ហើយការសាងសង់ស្ពានមិត្តភាពកម្ពុជា-ចិនស្ទឹងត្រង់-ក្រូចឆ្មារនេះ គឺស្ពានទី៨ហើយ ដែលកន្លងមក មិត្តចិនបានជួយសាងសង់ស្ពាននៅកម្ពុជា ចំនួន៧រួចហើយ

ប្រទេសកម្ពុជា នឹងទទួលបានការនាំចេញដោយមិនជាប់ពន្ធ និងមិនជាប់ការកំរិតកូតា ទៅកាន់ប្រទេសអង់គ្លេសសម្រាប់ទំនិញទាំងអស់ លើកលែងតែអាវុធ និងគ្រឿងផ្ទុះ បន្ទាប់ពីប្រទេសអង់គ្លេសបានចាកចេញពីសហភាពអឺរ៉ុប ហើយរយៈពេលអន្តរកាលបន្ទាប់ពី Brextit នឹងត្រូវបញ្ចប់នៅចុងឆ្នាំនេះ។ នេះបើយោងតាមសេចក្ដីប្រកាសរបស់សមាគមកាត់ដេរកម្ពុជា ហៅកាត់ថា GMAC ស្ដីពី សារណែនាំសម្រាប់សមាជិកសមាគម ស្ដីពីកម្ពុជា និងប្រព័ន្ធអនុគ្រោះទូទៅ (GSP) របស់អង់គ្លេស ដែលបានចេញផ្សាយមុននេះបន្តិច។ សេចក្ដីប្រកាសបានបញ្ជាក់យ៉ាងលម្អិតថា យោងទៅលើផ្នែកនៃអន្តរកាលនៃការចាកចេញពីសហភាពអឺរ៉ុបរបស់ប្រទេសអង់គ្លេស (Brextit): វិធានថ្មីសម្រាប់ឆ្នាំ២០២១ ដែលចេញដោយនាយកដ្ឋានពាណិជ្ជកម្មអន្តរជាតិរបស់អង់គ្លេសកាលពីថ្ងៃទី១០ ខែវិច្ឆិកា ឆ្នាំ២០២០។ ប្រទេសអង់គ្លេស បានចាកចេញពីសហភាពអឺរ៉ុប ហើយរយៈពេលអន្តរកាលបន្ទាប់ពី Brextit នឹងត្រូវបញ្ចប់នៅចុងឆ្នាំនេះ ដូច្នេះចាប់ពីថ្ងៃទី១ ខែមករា

យន្តហោះដឹកអ្នកដំណើរប្រភេទ Boeing 737 MAX ត្រូវបានអនុញ្ញាតឲ្យប្រតិបត្តិការហោះហើរឡើងវិញ ក្រោយត្រូវផ្អាកបន្ទាប់ពីជួបឧប្បត្តិហេតុធ្លាក់យន្តហោះចំនួនពីរ ២ដងនៅប្រទេសឥណ្ឌូនេស៊ីក្នុងឆ្នាំ ២០១៨ និងនៅប្រទេសអេត្យូពីនៅឆ្នាំ ២០១៩ បានសម្លាប់មនុស្សចំនួន ៣៤១ នាក់។ យោងតាមការចេញផ្សាយរបស់សារព័ត៌មានជប៉ុន NHK បានឲ្យដឹងថា អាជ្ញាធរអាកាសចរណ៍សហរដ្ឋអាមេរិកបានប្រកាសដកបម្រាមហោះហើរទូទាំងពិភពលោកលើយន្ដហោះដឹកអ្នកដំណើរ Boeing 737 MAX បន្ទាប់ពីខ្លួនបានធ្វើការហាមឃាត់ក្រោយការធ្លាក់ផ្ទួនៗគ្នា។ ប្រភពដដែលបានបន្តឲ្យដឹងថា របាយការណ៍របស់សភាអាមេរិកបានកត់សម្គាល់ថា ក្រុមហ៊ុនប៊ូអ៊ីងបានប្រញាប់ប្រញាល់អភិវឌ្ឍយន្តហោះ 737 MAX ដើម្បីប្រកួតប្រជែងជាមួយគូប្រជែងអ៊ឺរ៉ុបរបស់ខ្លួនគឺ Airbus ។ របាយការណ៍ដដែលក៏បានចង្អុលបង្ហាញអំពីប្រព័ន្ធសុវត្ថិភាពដែលមានកំហុសដើម្បីវាស់ស្ទង់ទីតាំងជ្រុង ក៏ដូចជាការត្រួតពិនិត្យមិនគ្រប់គ្រាន់ដោយ FAA ហើយ FAA

China Town ដែលល្បីល្បាញទូទាំងពិភពលោក ហើយមាននៅប្រទេសជាច្រើន នឹងលេចវត្តមាននៅកម្ពុជាជាលើកដំបូងក្នុងខេត្តសៀមរាប ក្រោមការអភិវឌ្ឍន៍របស់ក្រុមហ៊ុន ណាហ្គា ខប (Naga Corp) នៅក្នុងគម្រោងអភិវឌ្ឍន៍ថ្មីមួយរបស់ខ្លួន ក្នុងរង្វង់ទឹកប្រាក់ចំនួន ៣៥០ លានដុល្លារអាមេរិក។ ក្រុមហ៊ុន ​ណាហ្គា ខប (Naga Corp) កាលពីពេលថ្មីៗនេះ​បានប្រកាស​ថា ខ្លួននឹងអភិវឌ្ឍគម្រោងរមណីយដ្ឋានមួយកន្លែងដែលមានឈ្មោះថា « បឹងអង្គរអច្ឆរិយៈ ឬ Angkor Lake of Wonder » ហៅកាត់ថា (ALOW)​ ដោយមិនរាប់បញ្ចូលនូវសេវាកម្មល្បែងស៊ីសងគ្រប់ប្រភេទ ដើម្បីលើកកម្ពស់វិស័យទេសចរណ៍នៅខេត្តសៀមរាប និងភ្នំពេញ។

រដ្ឋបាលខេត្តព្រះសីហនុបានឱ្យដឹងថា ការងារចាក់កៅស៊ូនៅលើផ្លូវចំនួន ៣៤ខ្សែនៅខេត្តព្រះសីហនុ នឹងចាប់ផ្តើមនៅខែធ្នូ ហើយគ្រោងបញ្ចប់ការស្ថាបនានៅមុនពេលបុណ្យចូលឆ្នាំខ្មែរខាងមុខនេះ ដើម្បីប្រែក្លាយខេត្តនេះ ទៅជាប៉ូលអភិវឌ្ឍជាតិប្រកបដោយចីរភាព។ លោក ឃាង ភារម្យ អ្នកនាំពាក្យសាលាខេត្តព្រះសីហនុ បានមានប្រសាសន៍ប្រាប់វិទ្យុជាតិកម្ពុជាឱ្យដឹងថា ការស្ថាបនាផ្លូវទាំង ៣៤ខ្សែក្នុងក្រុងខេត្តព្រះសីហនុមកដល់ពេលនេះ ស្ទើរតែជិតរួចរាល់ហើយនៅតែការចាក់កៅស៊ូ ដែលគ្រោងនឹងចាប់ផ្តើមនៅខែធ្នូ ឆ្នាំ២០២០ ។ ជាមួយគ្នានេះពាក់ព័ន្ធការរៀបចំក្រាលខឿនថ្មក្រានីត សម្រេចបានជាង​ ៩០% ក្រាលកម្រាលថ្មក្រានីតសម្រាប់ផ្លូវថ្មើរជើង សា្ថបនាបាន ៧៥% បង្គោលភ្លើងសាធារណៈបានជាង ៩០% ការដាំដើមឈើ និងផ្កាលម្អ បានជាង៦០% និងការដាក់លូរណបបានជាង៩០% ដោយឡែកស្លាកសញ្ញា ចរាចរណ៍និងបំពាក់កាមេរ៉ាសុវត្ថិភាព កំពុងតែបន្តធ្វើជាបណ្តើរៗ ។

ក្រសួងទេសចរណ៍បានជំរុញដល់ប្រតិបត្តិករទេសចរទាំងអស់ ត្រូវត្រៀមលក្ខណៈស្តារវិស័យទេសចរណ៍ឡើងវិញ ក្រោយវិបត្តិកូវីដ-១៩ ដើម្បីឱ្យវិស័យនេះមានភាពប្រក្រតីឡើងវិញនិងកាន់តែរីកចម្រើនទៅមុខ។ លោក ឈុន មករា ប្រធាននាយកដ្ឋានគ្រប់គ្រងទីភ្នាក់ងារ ដឹកជញ្ជូន និងមគ្គុទេសក៏ទេសចរណ៍ នៃក្រសួងទេសចរណ៍ បានប្រាប់វិទ្យុជាតិកម្ពុជាឱ្យដឹងថា ក្រសួងស្ថាប័នអាជ្ញាធរគ្រប់លំដាប់ថ្នាក់ ជាពិសេសរដ្ឋបាលថ្នាក់ក្រោមជាតិ វិស័យឯកជន និងដៃគូអភិវឌ្ឍន៍ និងភាគីពាក់ព័ន្ធទាំងអស់ ត្រូវខិតខំឱ្យបានសកម្មនិងទូលំទូលាយពាក់ព័ន្ធនឹងការអភិវឌ្ឍវិស័យទេសចរណ៍។ លោកបញ្ជាក់ថា ការរីកចម្រើននៃវិស័យទេសចរណ៍ គឺជាការរួមចំណែកលើកកម្ពស់សេដ្ឋកិច្ចជាតិ បង្កើតការងារដល់ ប្រជាពលរដ្ឋ និងចូលរួមថែរក្សាបរិស្ថានជាដើម។ លោកបានបន្តថា ក្រសួងទេសចរណ៍បានសហការជាមួយក្រសួងស្ថាប័នពាក់ព័ន្ធដើម្បីចាប់យកនូវការអភិវឌ្ឍទីផ្សារ ទេសចរណ៍ តាមបែបឌីជីថលឱ្យបានសកម្មនិងខិតខំរៀបចំក្រមប្រតិបត្តិក្រុមវិជ្ជាជីវៈ និងបង្កើនការបញ្ជ្រាបការយល់ដឹង ជាសាធារណៈ ការអប់រំពីអ្វីគួរធ្វើ និង អ្វីមិនគួរធ្វើ ដើម្បីទាក់ទាញភ្ញៀវទេសចរ

សៀមរាប៖ មន្ទីរអភិឌ្ឍន៍ជនបទខេត្តសៀមរាបគ្រោងជួសជុលផ្លូវថ្នល់ចំនួន ៣៣ខ្សែ ជាបន្តបន្ទាប់ ក្រោយរងផលប៉ះពាល់ ដោយជំនន់ទឹកភ្លៀង ដើម្បីសម្រួលដល់ការធ្វើដំណើរប្រចាំថ្ងៃរបស់ប្រជាពលរដ្ឋ។ លោក ខេង ញ៉ុល ប្រធានមន្ទីរអភិវឌ្ឍន៍ជនបទខេត្តសៀមរាប បានមានប្រសាសន៍ប្រាប់អ្នកយកព័ត៌មានវិទ្យុជាតិកម្ពុជាថា ក្នុងចំណោមផ្លូវថ្នល់ជនបទចំនួន ៣៣ខ្សែដែលបានរងការខូចខាត ដោយសារជំនន់ទឹកភ្លៀងកាលពីពេលថ្មីៗនេះ ក្រុមការងារជំនាញរបស់មន្ទីរបានសិក្សារួចរាល់ហើយ ហើយគ្រោងនឹងជួសជុលជាបន្តបន្ទាប់ចំនួន២១ខ្សែ ស្មើនឹង ១៩៦គីឡូម៉ែត្រ។ ចំណែកខ្សែផ្លូវផ្សេងៗទៀត ក៏ស្ថិតក្នុងគម្រោងជួសជុលដូចគ្នា ប៉ុន្តែនឹងចាប់ផ្តើមក្នុងអំឡុងចុងឆ្នាំ២០២០នេះ ពីព្រោះក្រសួងនិងមន្ទីរកំពុងស្វែងរកថវិកាដើម្បីដំណើរការជួសជុល។ លោកបានបន្តថា គម្រោងជួសជុលផ្លូវថ្នល់ទាំងនោះ ធ្វើឡើងដើម្បីសម្រួលការលំបាករបស់ប្រជាពលរដ្ឋ ដែលប្រាស្រ័យការធ្វើដំណើរទៅមក លើខ្សែផ្លូវដែលបានរងការខូចខាតដោយជំនន់ទឹកភ្លៀងនេះ។ យើងបានជ្រើសរើសខ្សែផ្លូវខូចខាត ដែលដាច់ចរាចរណ៍អត់កើត យើងហៅថាផ្លូវជួសជុលស្តារបន្ទាន់ ក្រោយពេលចុះពិនិត្យជាក់ស្តែង ឃើញថាផ្លូវដែលចំាបាច់ត្រូវជួសជុលបន្ទាន់មានតែ ២១ខ្សែប៉ុណ្ណោះ

បើយោងទៅតាមមហាសេដ្ឋីបង្កើតដោយខ្លួនឯងលោក Steve Siebold មនុស្សគ្រប់រូបសុទ្ធតែមានឱកាសដើម្បីក្លាយជាមហាសេដ្ឋី ហើយដើម្បីក្លាយជាអ្នកដែលពូកែរកលុយ មិនខុសពីក្លាយជាអ្នកដែលពូកែលេងហ្គោល អ្នកអាចសម្រកទម្ងន់បាន ឬ អ្នកដែលអាចរៀនភាសាទី២ បានយ៉ាងស្ទាត់ជំនាញ។ គាត់បាននិយាយថា ភាពជោគជ័យមិនលេចចេញជារូបរាងទេ ដូចជាអ្វីៗនៅក្នុងជីវិតដែរ ប្រសិនបើអ្នកចង់ក្លាយជាសេដ្ឋីឱកាសអ្នកនឹងត្រូវធ្វើការផ្លាស់ប្តូររបៀបរស់នៅ និងការលះបង់ខ្លះ ហើយនេះ ជារឿង ១១ យ៉ាងដែលអ្នកមានបានលះបង់៖ ១.គិតតូច៖ លោក Siebold សរសេរថា « គោលដៅធំរបស់មនុស្ស គឺប្រាក់ ពោលត្រូវចូលនិវត្តន៍នៅអាយុ ៦៥ ឆ្នាំ ហើយសង្ឃឹមថានឹងមានប្រាក់គ្រប់គ្រាន់ដើម្បីរស់នៅរហូតដល់ពួកគេស្លាប់” ។ លោកបាននិយាយ ថាកុំខ្លាចក្នុងការគិតធំ។ នៅទីបំផុតមនុស្សជាមធ្យមមានអ្វីៗទាំងអស់ដែលពួកគេត្រូវការដើម្បីរកលុយបានច្រើនជាងពួកគេអាចចំណាយបាន។

ប្រធានាធិបតីអាមេរិកថ្មីគឺលោក ចូ បៃដិន បានគូសបញ្ជាក់ពីផែនការរបស់លោក ដើម្បីកសាងសេដ្ឋកិច្ចរបស់សហរដ្ឋអាមេរិកឡើងវិញដែលត្រូវបំផ្លាញដោយជំងឺរាតត្បាត Covid-19។ ថ្លែងទៅកាន់អ្នកសារព័ត៌មានកាលពីច័ន្ទនៅឯរដ្ឋ Delaware បន្ទាប់ពីលោកបានធ្វើសន្និសិទវីដេអូជាមួយនាយកប្រតិបត្តិកំពូលៗនៃក្រុមហ៊ុនធំៗរបស់អាមេរិករួមទាំង General Motors និង Microsoft លោក បៃដិន បាននិយាយថា លោកនឹងផ្ដល់ការសង្រ្គោះបន្ទាន់ភ្លាមៗ ហើយចាំបាច់ត្រូវ​ធ្វើយ៉ាងឆាប់រហ័សបំផុត សម្រាប់ជនជាតិអាមេរិករាប់លាននាក់ដែលបានបាត់បង់ប្រាក់ចំណូល ឬ បាត់បង់ការងារ។ ប្រធានាធិបតីរូបនេះ បានកត់សម្គាល់ថា ផែនការសេដ្ឋកិច្ចរបស់លោករួមមានការលើកទឹកចិត្តសម្រាប់អ្នកទិញរថយន្តដែលផលិតក្នុងស្រុក និងផលិតផលផ្សេងទៀតក៏ដូចជាវិនិយោគ ៣០០ ពាន់លានដុល្លារទៅក្នុងឧស្សាហកម្ម និងបច្ចេកវិទ្យាថ្មីៗ។ ជាមួយគ្នានេះ លោក បៃដិន បានសន្យាថានឹងបង្កើតការងារថ្មីចំនួន ៣លាននាក់ និងកែលំអលក្ខខណ្ឌការងារដោយដំឡើងប្រាក់ឈ្នួលអប្បបរមា