ប្រទេសជប៉ុនគ្រោងនឹងបង្កើនការឧបត្ថម្ភធនសម្រាប់ប្រជាជនដែលទិញយានយន្តអគ្គិសនី ខណៈដែលប្រទេសនេះកំពុងព្យាយាមធ្វើដំណើរឆ្ពោះទៅរកភាពបៃតងនាពេលអនាគត នេះបើយោងតាមការចេញផ្សាយរបស់សារព័ត៌មាន NHK នាថ្ងៃទី២៥ ខែវិច្ឆិកា ឆ្នាំ២០២០ នេះ។​ ប្រភពដដែលបានឲ្យដឹងថា បច្ចុប្បន្នរដ្ឋាភិបាលផ្តល់ជូនអ្នកទិញរថយន្តអគ្គិសនី ដល់ទៅ ៤,០០០ដុល្លារ ប៉ុន្តែ NHK បានឲ្យដឹងថា ក្រសួងបរិស្ថានកំពុងតែរៀបចំផែនការឧបត្ថម្ភធនថ្មីដែលអាចកើនឡើងទ្វេដង។ ជាមួយគ្នានេះដើម្បីទទួលបានការគាំទ្របន្ថែម អ្នកបើកបរត្រូវមានលទ្ធភាពសាករថយន្តរបស់ពួកគេដោយថាមពលពីប្រភពកកើតឡើងវិញដូចជា បន្ទះសូឡានៅផ្ទះរបស់ពួកគេ។ គួរបញ្ជាក់ផងដែរថា ប្រជាជននៅប្រទេសជប៉ុនទើបតែទិញរថយន្តអគ្គិសនីប្រមាណ ២ ម៉ឺនគ្រឿងកាលពីឆ្នាំមុន ពោលគឺទាបជាងរថយន្តប្រមាណ ១ លានគ្រឿងដែលត្រូវបានលក់ជារៀងរាល់ឆ្នាំនៅក្នុងប្រទេសចិន។ ការលក់របស់ជប៉ុនក៏ដូចនៅតាមប្រទេសមួយចំនួនផងដែរដូចជាអាល្លឺម៉ង់ និងបារាំងដែរ។ យ៉ាងណាមិញរដ្ឋាភិបាលមានគោលបំណងចាប់ផ្តើមឧបត្ថម្ភធនថ្មីនៅដើមឆ្នាំក្រោយ ដោយនឹងមានរយៈពេលកំណត់៕ អត្ថបទ៖ លីនី ប្រភព៖ nhk

រាជរដ្ឋាភិបាលកម្ពុជាបានចំណាយថវិកាចំនួន៩០ម៉ឺនដុល្លារ ដើម្បីស្តារអណ្តូងទឹកជាង៤ពាន់អណ្តូង ដែលខូចខាតដោយសារគ្រោះជំនន់ទឹកភ្លៀង ជាប្រយោជន៍ទុកឱ្យប្រជាពលរដ្ឋបានប្រើប្រាស់ឡើងវិញ។ ថ្លែងក្នុងសន្និសីទសារព័ត៌មានស្តីពី « យុទ្ធសាស្រ្តកែលម្អការខូចខាតដែលប៉ះពាល់ដោយគ្រោះទឹកជំនន់ » នៅថ្ងៃទី២៤ ខែវិច្ឆិកា ឆ្នាំ២០២០នេះ នាទីស្តីការគណៈរដ្ឋមន្រ្តី ឯកឧត្តម ចាន់ ដារ៉ុង រដ្ឋលេខាធិការ និងជាអ្នកនាំពាក្យ ក្រសួងអភិវឌ្ឍន៍ជនបទបានមានប្រសាសន៍ថា អណ្តូងទឹកដែលរងការខូតខាត ក្រសួងមានទិសដៅនិងវិធានការក្នុងការ ជួសជុល និងផ្លុំស្តារអណ្តូង និងស្រះទឹកក៏ដូចជាធ្វើការចុះអប់រំផ្សព្វផ្សាយនិងបណ្តុះបណ្តាលអំពីការប្រើប្រាស់ទឹកស្អាត ឡើងវិញ។ ថវិកាចំនួន៩០ម៉ឺនដុល្លារដើម្បីស្តារអណ្តូងទឹកជាង៤ពាន់អណ្តូងនេះ គឺជាថវិការបស់រដ្ឋ និងមានការចូលរួមពី អង្គការដៃគូនានាផង។ « អណ្តូងទឹកជាង៤ពាន់អណ្តូងដែលរងផលប៉ះពាល់ដោយជំនន់ទឹកភ្លៀងក្រសួងអភិវឌ្ឍន៍ជនបទ កំពុងយកចិត្ត ទុកដាក់ខ្លាំងចំពោះបញ្ហានេះ ដើម្បីរកថវិកាជាតិបូកជាមួយថវិការបស់ដៃគូឬអង្គការ NGO

លោក Elon Musk ស្ថាបនិកក្រុមហ៊ុនផលិតរថយន្តដ៏ល្បីគឺ Tesla បានក្លាយជាអ្នកមានបំផុតទី២ នៅលើពិភពលោក ដោយបានដណ្ដើមដំណែងរបស់ស្ថាបនិកក្រុមហ៊ុន Microsoft គឺមហាសេដ្ឋីចិត្តធំ៌ Bill Gates។ យោងតាមការចុះផ្សាយដោយសារព័ត៌មាន entrepreneur ការបោះជំហានទៅរកតំណែងដ៏ធំមួយនេះ គឺដោយសារតែ ការកើនឡើងតម្លៃភាគហ៊ុនរបស់ក្រុមហ៊ុនផលិតរថយន្តអគ្គិសនីលំដាប់ខ្ពស់ Tesla។ ដោយយោងតាម សន្ទស្សន៍មហាសេដ្ឋីរបស់ Bloomberg ការកើនឡើងចំនួន ៦.៥៨% នៅក្នុងភាគហ៊ុនរបស់ក្រុមហ៊ុនបាននាំឲ្យទ្រព្យសម្បត្តិរបស់មហាសេដ្ឋីវ័យក្មេងរូបនេះ ឡើងដល់ទៅ ១២៧.៩ ពាន់លានដុល្លារ ច្រើនជាងលោក Bill Gates ដែលមានទ្រព្យសម្បត្តិសរុបចំនួន ១២៧.៧ លានដុល្លារ។ មហាសេដ្ឋីសញ្ជាតិកាណាដា

យោងតាមទីប្រឹក្សារបស់នាយករដ្ឋមន្រ្តី Yoshihide Suga បានឲ្យដឹងថា រដ្ឋាភិបាលជប៉ុនចាំបាច់ត្រូវបង្កើតមូលនិធិរហូតដល់ ១០ ទ្រីលានយ៉េន (៩៦ ពាន់លានដុល្លារអាមេរិក​) ដើម្បីវិនិយោគលើការផ្លាស់ប្ដូរភាពបៃតង និងឌីជីថលនៃសង្គម ដែលជាគោលដៅសំខាន់សម្រាប់លោកនាយករដ្ឋមន្ត្រី Yoshihide Suga ។ លោក Mitsumaru Kumagai ប្រធានសេដ្ឋវិទូនៅវិទ្យាស្ថានស្រាវជ្រាវ Daiwa បានមានប្រសាសន៍ថា៖ « ការបង្កើតនេះនឹងក្លាយជាផ្នែកមួយដ៏សំខាន់នៃថវិកាបន្ថែមនាពេលខាងមុខ »។ ជាមួយគ្នានេះ លោក Kumagai ដែលត្រូវបានតែងតាំងជាអ្នកប្រឹក្សាម្នាក់ក្នុងចំនោមអ្នកប្រឹក្សាថ្មីចំនួន ៦ នាក់របស់លោក Sugag នេះបានបន្ថែមថា ថវិកាបន្ថែមទីបីនៅឆ្នាំនេះទំនងជាត្រូវចំណាយសរុបប្រមាណ ១៥

អ្នកនាំពាក្យរដ្ឋាភិបាលលោក Anucha Burapachaisri បាននិយាយថា គណៈរដ្ឋមន្រ្តីកាលពីថ្ងៃច័ន្ទ បានផ្ដល់ភ្លើងខៀវដល់គម្រោងដែលមានគោលបំណង ដើម្បីស្ដារសេដ្ឋកិច្ចដែលត្រូវបានវាយប្រហារដោយជំងឺ Covid-19។ យោងតាមការចុះផ្សាយរបស់សារព័ត៌មាន The Nation Thailand ថវិកាចំនួន ១៥២ពាន់លានបាត (ប្រមាណ ៥ ពាន់លានដុល្លារ) ត្រូវបានគេកំណត់សម្រាប់កិច្ចខិតខំប្រឹងប្រែងដែលក្នុងនោះ ១៦,៤៦ ពាន់លានបាត (ប្រមាណ ៥៤១ លានដុល្លារ) នឹងត្រូវចំណាយទៅលើការបង្កើតការងារ និងដំឡើងប្រាក់ខែ ឬ ជួលកម្មករឡើងវិញដូចជា គម្រោងរបស់ក្រសួងការងារក្នុងការគាំទ្រដល់ការជ្រើសរើសនិស្សិតទើបបញ្ចប់ការសិក្សា។ ដោយឡែកថវិកាចំនួន ៤៥ ពាន់លានបាត (ប្រមាណ ១.៤៨ ពាន់លាន)

នៅដំណើរចុះពិនិត្យវឌ្ឍនភាព នៃការបង្ករបង្កើនផល ការស្តារឡើងវិញ និងនាំយកពូជស្រូវជាង៨០តោន ជូនប្រជាពលរដ្ឋក្នុងខេត្តកំពង់ធំ ឯកឧត្តម វេង សាខុន បានបញ្ជាក់ថា ឆ្នាំ ២០២០នេះ ការដាំស្រូវសម្រេចបានលើសផែនការ គឺបាន១០៧.៥%ជាង តែដោយសារឥទ្ធិពលនៃការប្រែប្រួលអាកាសធាតុ នាំឱ្យមានភាពរាំងស្ងួតនៅដើមរដូវ បន្ទាប់មកមានទឹកជំនន់ដោយសារទឹកភ្លៀង បណ្តាលឱ្យមានការខូចខាតផលដំណាំមួយចំនួន ដែលមិនអាចស្តារឡើងវិញបានទាំងស្រុង ។ រដ្ឋមន្ត្រីក្រសួងកសិកម្ម បានបន្តថា គ្រោះទឹកជំនន់ដោយសារទឹកភ្លៀងថ្មីៗនេះ នៅទូទាំងខេត្តកំពង់ធំបានប៉ះពាល់ដល់ស្រែជាង ១៨០០០ ហិកតា និងរងការខូចខាតទាំងស្រុងជាង ១០០០០ ហិកតា ហើយគិតត្រឹមថ្ងៃទី២៣ ខែវិច្ឆិកានេះ ការស្តារឡើងវិញចំពោះផ្ទៃដីដែលអាចស្តារបានគឺសម្រេចបានជាង ៨០%ហើយ ។ គួរបញ្ជាក់ផងដែរថានាព្រឹកថ្ងៃច័ន្ទ

វិនិយោគិនសិង្ហបុរីជាច្រើននឹងមកធ្វើទស្សនកិច្ចនៅប្រទេសកម្ពុជា ដើម្បីសិក្សាពីឱកាសវិនិយោគនៅក្នុងវិស័យសំណង់លំនៅដ្ឋាន និងអចលនទ្រព្យបន្ទាប់ពីស្ថានការណ៍នៃជំងឺកូវីដ-១៩ បានធូរស្បើយ។ ដំណឹងនេះត្រូវបានលើកឡើងដោយ ឯកអគ្គរដ្ឋទូតសិង្ហបុរីប្រចាំនៅកម្ពុជា លោក Michael Tan Keng Siong ក្នុងជំនួបលាគ្នាជាមួយនឹងឯកឧត្តម ជា សុផារ៉ា ឧបនាយករដ្ឋមន្រ្តី និងជារដ្ឋមន្រ្តីក្រសួងរៀបចំដែនដីនគរូបនីយកម្ម និងសំណង់ កាលពីពេលថ្មីៗនេះ។ នាឱកាសនោះដែរ ឯកអគ្គរដ្ឋទូតចប់អណត្តិបានអបអរសាទរដល់រាជរដ្ឋាភិបាលកម្ពុជាចំពោះភាពជោគជ័យរបស់ខ្លួនក្នុងការគ្រប់គ្រងការរីករាលដាលនៃជំងឺកូវីដ-១៩ ដោយសង្កត់ធ្ងន់ថា មន្រ្តីស្ថានទូតគ្រប់លំដាប់ថ្នាក់មានមោទនភាពក្នុងការបំពេញបេសកកម្មនៅប្រទេសកម្ពុជា ដែលពួកគេមានអារម្មណ៍ថាមានសុវត្ថិភាព និងមានសេរីភាពក្នុងការធ្វើដំណើរ និងធ្វើការងារធម្មតា ខណៈប្រជាជននៅតាមបណ្តាប្រទេសជាច្រើននៅជុំវិញពិភពលោកកំពុងតស៊ូនឹងរោគរាតត្បាតនេះ។ ទន្ទឹមនឹងនេះលោក Michael Tan Keng Siong បានថ្លែងអំណរគុណដល់រាជរដ្ឋាភិបាលកម្ពុជា និងក្រសួងរៀបចំដែនដីនគរូបនីយកម្ម និងសំណង់ដែលបានគាំទ្រ

យោងតាមការចុះផ្សាយរបស់សារព័ត៌មាន VNexpress បានឲ្យដឹងថា គម្រោងផ្លូវល្បឿនលឿនពីទីក្រុង​ ហូជីមិញ ទៅកាន់ព្រំដែន ម៉ុកបៃ ខេត្តតាយនីញ ភ្ជាប់មកកម្ពុជា ដែលពន្យារពេលសាងសង់អស់ពេលជាយូរនោះ អាចនឹងត្រូវសាងសង់ឡើងក្នុងពេលឆាបៗខាងមុខនេះ ខណៈកាលពីខែតុលារដ្ឋាភិបាលបានអនុញ្ញាតឱ្យទីក្រុងហូជីមិញទទួលបន្ទុកលើគម្រោងនេះ។ ប្រភពដដែលបានបន្តឲ្យដឹងថា​ ការចំណាយលើផ្លូវល្បឿនលឿនដែលបានស្នើឡើងរវាងក្រុងហូជីមិញ និងព្រំដែន ម៉ុកបៃ បានកើនឡើងប្រហែល ៣ ទ្រីលានដុង (១២៩ លានដុល្លារ) ខណៈកាលពីខែតុលាឆ្នាំ ២០១៩ គម្រោងនេះត្រូវបានប្រកាសថាចំណាយអស់ ១០.៧ ទ្រីលានដុង។ នៅក្នុងរបាយការណ៍នាពេលថ្មីៗនេះរបស់ក្រុង ហូជីមិញ ដែលដាក់ក្រសួងផែនការនិងវិនិយោគការកើនឡើងលើការចំណាយនេះ គឺដោយសារការបន្ថែមផ្លូវប្រសព្វចំនួន ២ នៅតាមបណ្តោយផ្លូវក្រវ៉ាត់លេខ ៣ ក្នុងសង្កាត់ហុកមន

កាលពីពេលថ្មីៗនេះ ក្រុមហ៊ុន CP All ដែលជាប្រតិបត្តិករក្នុងស្រុកនៃហាងលក់ទំនិញ 7-Eleven បានប្រកាសផ្អាកផែនការរបស់ខ្លួន ក្នុងការបើកដំណើរការហាង 7-Eleven នៅក្នុងប្រទេសកម្ពុជា និងឡាវ។ បើយោងតាមការចេញផ្សាយនៅលើសារព័ត៌មាន The National Thailand ការផ្អាកនេះ គឺដោយសារតែការផ្ទុះឡើងនៃជំងឺ Covid-19 នៅក្នុងប្រទេសទាំងពីរ។ អនុប្រធានជាន់ខ្ពស់របស់ក្រុមហ៊ុន CP All លោក Kriengchai Boonpoapichart បាននិយាយថា ក្រុមហ៊ុននឹងបន្តផែនការដាក់ឱ្យដំណើរការនៅពេលដែលស្ថានភាពផ្ទុះឡើងមានភាពប្រសើរឡើង។ គួររម្លឹកផងដែរថា កាលពីដើមខែឧសភា ឆ្នាំ២០២០ នេះ ក្រុមហ៊ុន CP ALL

យោងតាមសារព័ត៌មានថៃ បានឲ្យដឹងថា អាជ្ញាធរទេសចរណថៃ កំពុងស្នើសុំកញ្ចប់ពិសេសដែលត្រូវបានបង្កើតឡើង ដើម្បីទាក់ទាញភ្ញៀវទេសចរបរទេសដែលចំណាយខ្ពស់ក្នុងដំណើរកម្សាន្ត។ ការបង្កើត​កញ្ចប់ពិសេសទាំងនេះរួមបញ្ចូលទាំងការចំណាយទៅលើថ្លៃធ្វើចត្តាឡីស័កដែលរៀបចំដោយរដ្ឋាភិបាលថៃ ដោយក្នុងអំឡុងពេលធ្វើចត្តាឡីស័កប្រសិនបើភ្ញៀវទេសចរទិញសេវាកម្មស្នាក់នៅចំនួនពីរយប់ និងទទួលបានការស្នាក់នៅមួយយប់ដោយឥតគិតថ្លៃ។ គួររម្លឹកផងដែរថា កាលពីពេលកន្លងទៅនេះ រដ្ឋាភិបាលបានបង្កើតកន្លែងធ្វើចត្តាឡីស័កដែលអនុញ្ញាតឲ្យអ្នកដំណើរទទួលបានសេវាកម្មកម្សាន្តផ្សេងៗក្នុងអំឡុងពេលធ្វើចត្តាឡីស័ក តែត្រូវចំណាយច្រើន។ លោក Yutthasak Suphasorn អភិបាលនៃ (TAT) សង្ឃឹមថានឹងទទួលបានភ្ញៀវទេសចរបរទេសចំនួន ២,០០០ នាក់ ដើម្បីមកទស្សនាប្រទេសថៃក្នុងមួយខែ ដោយរាប់ចាប់ពីខែធ្នូដល់ចុងខែមីនា ក្រោមគម្រោងដែលរៀបចំដោយក្រុម (TAT) រួមមានក្រុមហ៊ុន Thai Airways និងសណ្ឋាគារដែលសហការជាមួយក្រសួង និងមន្ទីររដ្ឋាភិបាល។ ជាមួយគ្នានេះដែរកញ្ចប់ពិសេសដែលកំពុងស្នើសុំដើម្បីទាក់ទាញភ្ញៀវមានដូចជា៖ ការចំណាយរយៈពេលពីរយប់សម្រាប់ធ្វើចត្តាឡីស័កនៅទីក្រុងបាងកក និងទទួលបានការស្នាក់នៅឥតគិតថ្លៃមួយយប់។ បង់ថ្លៃស្នាក់នៅចំនួនពីយប់ នឹងបានការស្នាក់នៅឥតគិតថ្លៃមួយយប់បន្ថែមរួមទាំងការដឹកជញ្ជូនឥតគិតថ្លៃទៅកាន់សណ្ឋាគារផ្សេងណាមួយ