ប្រតិភូធុរកិច្ច និងវិនិយោគិនអាល្លឺម៉ង់ជាច្រើនរូប មកស្វែងរកការវិនិយោគបន្ថែមនៅកម្ពុជាហើយចាប់អារម្មណ៍វិនិយោគក្នុងវិស័យសំណង់ ទេសចរណ៍ ការផ្គត់ផ្គង់ទឹកស្អាត ការកែច្នៃឡើងវិញ ព័ត៌មានវិទ្យា វិនិយោគបៃតង និងរចនាសម្ព័ន្ធឧស្សាហកម្មនៅកម្ពុជា។ យោងតាមការចុះផ្សាយ ក្រុមប្រឹក្សាអភិវឌ្ឍន៍កម្ពុជា បានឱ្យដឹថា ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នាព្រឹកថ្ងៃទី១០ ខែឧសភា ឆ្នាំ២០២៤ នៅទីស្តីការក្រុមប្រឹក្សាអភិវឌ្ឍន៍កម្ពុជា ឯកឧត្តម នុត អ៊ុនវ័ណរ៉ា អគ្គលេខាធិការរងគណៈកម្មាធិការវិនិយោគកម្ពុជា និងសហការី បានទទួលជួបគណៈប្រតិភូធុរកិច្ចនិងវិនិយោគអាល្លឺម៉ង់ចំនួនប្រមាណ៣០រូប ដឹកនាំដោយលោក Alexander Ziehe ប្រធានសមាគមធុរកិច្ចអាល្លឺម៉ង់ (German

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅថ្ងៃទី១០ ខែឧសភា ឆ្នាំ២០២៤ បានទទួលជួបតំណាងក្រុមហ៊ុន Hainan Litree Purifying Technology Co., Ltd. និងបានពិភាក្សាការងារដោយផ្តោតលើគម្រោងរបស់ក្រុមហ៊ុន ក្នុងការពង្រីកការវិនិយោគរបស់ខ្លួនក្នុងវិស័យទឹកស្អាតនៅកម្ពុជា។ នាយកប្រតិបត្តិ លោកបណ្ឌិត Cai Yunlong បានរាយការណ៍ថា ក្រុមហ៊ុន Hainan Litree Purifying Technology ត្រូវបានបង្កើតឡើងក្នុងឆ្នាំ១៩៩២ និងបានកសាងកេរ្តិ៍ឈ្មោះខាងបច្ចេកវិទ្យា

យោងតាមការចុះផ្សាយរបស់សារព័ត៌មាន Nikkei Asia បានឱ្យដឹងថា​ ក្រុមហ៊ុនផ្គត់ផ្គង់គ្រឿងបន្លាស់ដ៏ធំរបស់ជប៉ុន MinebeaMitsumi គ្រោងបោះទុនវិនិយោគសង់រោងចក្រមួយនៅកម្ពុជា ក្នុងទំហំទឹកប្រាក់ប្រមាណ ៣២ពាន់លានយ៉េន ស្មើនឹងប្រមាណជាង ២០៥ លានដុល្លារ។ (រូបតំណាង) សារព័ត៌មានខាងលើ បានបញ្ជាក់ថា ការសង់រោងចក្រថ្មីនៅកម្ពុជានេះ គឺដើម្បីបំពេញតម្រូវការដែលកំពុងកើនឡើងពីសំណាក់ឧស្សាហកម្មរថយន្ត និងឧស្សាហកម្មផ្សេងៗទៀត។ បើយោងតាមផែនការ ការសាងសង់រោងចក្រនៅកម្ពុជា នឹងចាប់ផ្តើមនៅឆ្នាំសារពើពន្ធ២០២៤ នេះ ហើយរំពឹងថាចាប់ផ្ដើមដាក់ឱ្យដំណើរការនៅដើមឆ្នាំសារពើពន្ធឆ្នាំ២០២៦ ខណៈរោងចក្រនេះ នឹងផលិតគ្រឿងបន្លាស់រថយន្ត និងគ្រឿងបន្លាស់សម្រាប់គ្រឿងចក្រ។ សូមបញ្ជាក់ផងដែរថា ក្រុមហ៊ុន MinebeaMitsumi បានសម្រេចមកបោះទុនវិនិយោគនៅកម្ពុជាតាំងពីឆ្នាំ២០១១ ទទួលបានជោគជ័យខ្លាំង ពោល គឺចាប់ផ្ដើមពីទុន ២៣លានដុល្លារ

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា នៅក្នុងឱកាសចូលជួបពិភាក្សាការងារជាមួយ លោក Hosaka Shin អនុរដ្ឋមន្ត្រីទទួលបន្ទុកកិច្ចការអន្តរជាតិ ក្នុងគោលបំណងពិនិត្យ និងពិភាក្សាអំពីកាលានុវត្តភាពនៃកិច្ចសហប្រតិបត្តិការចំពោះមុខរវាងក្រុមប្រឹក្សាអភិវឌ្ឍន៍កម្ពុជា ជាមួយក្រសួងសេដ្ឋកិច្ច ពាណិជ្ជកម្ម និងឧស្សាហកម្ម នៃប្រទេសជប៉ុន នាថ្ងៃ ទី៧ ខែឧសភា ឆ្នាំ២០២៤កន្លងទៅនេះ ឯកឧត្តម ស៊ុន ចាន់ថុល ឧបនាយករដ្ឋមន្ត្រី បានថ្លែងអំណរគុណជូនចំពោះរដ្ឋាភិបាល និងប្រជាជនជប៉ុន ដែលបាន និងកំពុងជួយគាំទ្រដល់មាគ៌ាអភិវឌ្ឍន៍សង្គម-សេដ្ឋកិច្ចកម្ពុជាចាប់តាំងពីទសវត្សរ៍៩០ រហូតមកដល់បច្ចុប្បន្ន។ ឆ្លៀតនាឱកាសនោះ ឯកឧត្តមឧបនាយករដ្ឋមន្ត្រី បានលើកឡើងអំពីស្ថានភាពនៃបរិស្ថានធុរកិច្ច និងបរិយាកាសវិនិយោគក្នុងតំបន់ និងសកល ដែលទាមទារឱ្យកម្ពុជា និងជប៉ុនខិតខំយកអស់កម្លាំងកាយចិត្តក្នុងការប្រែក្លាយបញ្ហាប្រឈមទៅជាឱកាសសម្រាប់ការរីកចម្រើនឆ្ពោះទៅមុខ។

ក្រុមហ៊ុន MinebeaMitsumi ដែលជាក្រុមហ៊ុនដ៏ធំមួយរបស់ជប៉ុន បានចុះហត្ថលេខាជាមួយកម្ពុជា លើកិច្ចព្រមព្រៀងជួលដីឧស្សាហកម្មរយៈពេលវែង។ នេះបើយោងតាមការដកស្រង់ពីការចុះផ្សាយរបស់ ក្រុមប្រឹក្សាប្រឹក្សាអភិវឌ្ឍន៍កម្ពុជា កាលពីថ្ងៃទី០៩ ខែឧសភា ឆ្នាំ២០២៤។ ពិធីចុះហត្ថលេខាលើកិច្ចព្រមព្រៀង នេះ ត្រូវបានធ្វើឡើងនៅក្នុងជំនួបពិភាក្សាការងារ រវាងឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក.អ.ក. អមដោយ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន និងគណៈប្រតិភូកម្ពុជា ជាមួយលោក Yoshihisa Kainuma ប្រធានក្រុមហ៊ុន ក្នុងគោលបំណងពង្រឹង និងពង្រីកកិច្ចសហប្រតិបត្តិការក្នុងភាពជាដៃគូរវាងរាជរដ្ឋាភិបាល និងវិស័យឯកជនឱ្យកាន់តែយល់ចិត្តគ្នាទៅវិញទៅមកបន្ថែមមួយកម្រិតទៀត កាលពីរសៀលថ្ងៃព្រហស្បតិ៍ ទី៩

ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យនៃក្រសួងកសិកម្ម រុក្ខាប្រមាញ់ និងនេសាទ បានលើកឡើងថា បច្ចុប្បន្នគ្រាប់ស្វាយចន្ទីត្រូវបាននាំចេញទាំងជាប់សំបកក្នុងតម្លៃចន្លោះពី១ដុល្លារ ទៅ១,៥ដុល្លារ ក្នុង១គីឡូ ប៉ុន្តែបើកែច្នៃរួចទើបនាំចេញតម្លៃអាចកើនឡើងរហូតដល់ទៅ ៣-៤ដង។ តាមរយៈការបង្ហោះនៅលើផេកផ្លូការនាថ្ងៃទី១០ ខែឧសភា ឆ្នាំ២០២៤ ឯកឧត្តមបានលើកឡើងដូច្នេះថា « កម្ពុជា គឺជាប្រទេសផលិតស្វាយចន្ទីធំជាងគេមួយនៅលើពិភពលោករួចហើយ នៅឡើយតែការច្នៃប៉ុណ្ណោះ។ បច្ចុប្បន្នយើងនាំចេញគ្រាប់ស្វាយចន្ទីទាំងជាប់សំបក ក្នុងរង្វង់ពី ៧០មុឺនតោន ទៅ៨០មុឺនតោន ក្នុងថ្លៃចន្លោះពី១ដុល្លារ ទៅ១,៥ដុល្លារ ក្នុង១គីឡូ ធ្វើឱ្យវិស័យនេះមានទំហំប្រហែល ១ពាន់លានដុល្លាររួចបាត់ទៅហើយ។ ប៉ុន្តែប្រសិនបើយើងកែច្នៃរួចបានធ្វើការនាំចេញវិញ វិស័យនេះនឹងអាចមានសក្តានុពលនាំមកនូវតម្លៃបន្ថែមកើនឡើងរហូត ៣-៤ដង លើសពីនេះ

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា សម្តេចធិបតី ហ៊ុន ម៉ាណែត បានសម្រេចចុះហត្ថលេខាអនុម័តលើគម្រោងធំៗ១៤ ជាមួយទុនវិនិយោគ ៤៨០លានដុល្លារអាមេរិក ដើម្បីបើកឱកាសវិនិយោគ និងទាក់ទាញអ្នកវិនិយោគមកថ្មីៗនៅកម្ពុជាបន្ថែមទៀត។ ថ្លែងក្នុងឱកាសអញ្ជើញជាអធិបតីប្រកាសបើកឱ្យដំណើរការជាផ្លូវការសមាគមសហព័ន្ធអ្នកវិនិយោគកម្ពុជា និងពិសាអាហារសាមគ្គី នៅល្ងាចថ្ងៃទី៩ ខែឧសភា ឆ្នាំ២០២៤ នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីព្រះរាជាណា ចក្រកម្ពុជា មានប្រសាសន៍ថា គិតត្រឹមខែមេសា ឆ្នាំ២០២៤ កម្ពុជាបានអនុម័តលើគម្រោងវិនិយោគថ្មី និងគម្រោងពង្រីកផលិតកម្មសរុបចំនួន១២៨ ដែលមានទុនវិនិយោគសរុបជាង ២.៥ពាន់លានដុល្លារអាមេរិក និងអាចបង្កើតការងារបានជាង ១៣០ពាន់កន្លែង។ នេះជាលទ្ធផលខិតខំប្រឹងប្រែង៨ខែមកនេះ ។ សម្តេចធិបតី

ព្រឹត្តិបត្រព័ត៌មានប្រចាំសប្តាហ៍ លេខៈ៥៨ ដែលបានចេញផ្សាយនៅថ្ងៃទី០៩ ខែឧសភា ឆ្នាំ២០២៤ នេះ បានឱ្យដឹងថា ចាប់ពីថ្ងៃទី១ ខែមិថុនា ដល់ថ្ងៃទី៣០ ខែវិច្ឆិកា ឆ្នាំ២០២៤ ខាងមុខនេះ ពោលគឺនៅសល់ប្រមាណ ៣សប្តាហ៍ទៀតប៉ុណ្ណោះ រដ្ឋបាលសារពើពន្ធ នឹងចាប់ផ្តើមប្រមូលពន្ធលើមធ្យោបាយដឹកជញ្ជូនសម្រាប់ឆ្នាំ២០២៤។ ពន្ធលើមធ្យោបាយដឹកជញ្ជូន ជាប្រភេទពន្ធប្រចាំឆ្នាំ ដែលត្រូវអនុវត្ត ចំពោះមធ្យោបាយដឹកជញ្ជូននៅក្នុងព្រះរាជាណាចក្រកម្ពុជា ទាំងផ្លូវគោក និងផ្លូវទឹក ដូចជា កប៉ាល់ សាឡង់ ទូក កាណូត អូប័រ រថយន្ត ក្បាលរថយន្តសណ្តោង រ៉ឺម៉កសណ្តោង ស៊ីមីរ៉ឺម៉កសណ្តោង ទោចក្រយានយន្ត