សេដ្ឋកិច្ចរបស់ប្រទេសអាឡឺម៉ង់ អាចនឹងងើបឡើងវិញនៅខែតុលា ខាងមុខនេះបន្ទាប់ពីមានការឆ្លងរាលដាលនៃជំងឺ Covid-19 នេះបើតាមសម្តីរបស់រដ្ឋមន្រ្តីក្រសួងសេដ្ឋកិច្ចលោក Peter Altmaier ។ លោកបាននិយាយនៅក្នុងបទសម្ភាសន៍មួយនៅប្រទេសអាឡឺម៉ង់ថា « ខ្ញុំប្រាកដណាស់ថាការធ្លាក់ចុះនៃសេដ្ឋកិច្ចរបស់យើងអាចត្រូវបានបញ្ឈប់បន្ទាប់ពីរដូវក្តៅបានបញ្ចប់ ហើយចាប់ពីខែតុលា ខាងមុខនេះសេដ្ឋកិច្ចអាចចាប់ផ្តើមរីកលូតលាស់ឡើងវិញម្តងទៀតនៅប្រទេសអាឡឺម៉ង់ » ។ លោក Altmaier បានបន្ថែមទៀតថា ខណៈពេលដែលសេដ្ឋកិច្ចនឹងធ្លាក់ចុះ ៦% នៅឆ្នាំ ២០២០ កំណើនសេដ្ឋកិច្ចជាង ៥% អាចនឹងកើតមាននៅឆ្នាំ ២០២១ ៕ អត្ថបទ៖ នីតា ប្រភព៖ reuters

រដ្ឋាភិបាលអង់គ្លេស​ នឹងបង្កើនចំនួនគ្រូបង្វឹកធ្វើការ (Work coaches) របស់ខ្លួនទ្វេដងដែលជាផ្នែកមួយនៃផែនការរបស់រដ្ឋាភិបាល ដើម្បីដោះស្រាយការកើនឡើងនៃភាពអត់ការងារធ្វើរបស់ប្រជាជន ដែលបណ្តាលមកពីជំងឺ Covid-19 នេះបើយោងតាម ក្រសួងហិរញ្ញវត្ថុអង់គ្លេសបានមាននិយាយកាលពីថ្ងៃទី៤ ខែកក្កដា កន្លងទៅ។ ក្រសួងក៏បានបន្ថែមទៀតថា ចំនួនគ្រូបង្វឹកនៅក្នុងមជ្ឈមណ្ឌលការងារអង់គ្លេសនឹងកើនឡើងទ្វេដងដល់ទៅ ២៧,០០០ នាក់ក្នុងតម្លៃសរុប ៨០០ លានផោន (៩៩៧ លានដុល្លារ) ។ គ្រូបង្វឹកនឹងផ្តល់ការគាំទ្រដល់អ្នករកការងារធ្វើ ដើម្បីបង្កើតជំនាញ និងលើកកម្ពស់ទស្សនវិស័យការងាររបស់ពួកគេ។ ទន្ទឹមនឹងនេះ លោក Rishi Sunak រដ្ឋមន្រ្តីក្រសួងហិរញ្ញវត្ថុ គ្រោងនឹងប្រកាសនូវជំហានបន្ទាប់របស់លោកសម្រាប់ដឹកនាំសេដ្ឋកិច្ចដ៏ធំបំផុតទី ៥ របស់ពិភពលោកឱ្យនៅឆ្ងាយពីការធ្លាក់ចុះនៃការបិទប្រទេស ដែលបណ្តាលឱ្យទិន្នផលមានការធ្លាក់ចុះរហូតដល់ ២០%

ក្រុមហ៊ុន McDonald’s នៅសហរដ្ឋអាមេរិកបានផ្អាកផែនការបើកឡើងវិញរយៈពេល ២១ ថ្ងៃបន្តទៀត ដោយសារករណីឆ្លងជំងឺ Covid-19 បានរីករាលដាលពាសពេញផ្ទៃប្រទេស។ ទន្ទឹមនឹងនេះ រដ្ឋ Michigan រដ្ឋ Colorado និងរដ្ឋ Florida បានផ្អាកការបើកសេដ្ឋកិច្ចរបស់ខ្លួនឡើងវិញដោយសារតែនៅក្នុងថ្ងៃអង្គារ កន្លងទៅនេះករណីឆ្លងជំងឺមានកម្រិតខ្ពស់ជាងកាលពីខែមេសា ដែលមន្រ្តីខ្លះបានគិតថាការឆ្លងនេះបានឈានដល់កម្រិតកំពូល។ ហាងជាង ២២០០ កន្លែងរបស់ក្រុមហ៊ុន McDonald នៅសហរដ្ឋអាមេរិកបានបើកឡើងវិញ ដែលស្នើនឹង ១៥% នៃហាងសរុបរបស់ McDonald នៅទូរទាំងសហរដ្ឋអាមេរិក។ ទោះជាយ៉ាងនេះក្ដី ហាងដែលបានបើកឡើងវិញរួចហើយនឹងមិនតម្រូវឱ្យបិទវិញទេ ខណៈមន្រ្តីមូលដ្ឋានសម្រេចឱ្យពួកគេបើកឡើងវិញ ប៉ុន្តែត្រូវតែបន្តអំពីវិធានការសុវត្ថិភាពរួមមាន៖ ការពាក់ម៉ាស់ឱ្យបានត្រឹមត្រូវ និងប្រកាន់ខ្ជាប់នូវនីតិវិធីពិនិត្យសុខភាព

បន្ទាប់ពីភាពមិនប្រាកដប្រជាអស់ជាច្រើនខែមហាសេដ្ឋី Richard Branson ជាអ្នកដែលមានគ្រប់យ៉ាងត្រូវបានគេមើលឃើញថាបានរងការគំរាមកំហែងពីវីរុស Covid-19 ដែលនាំឲ្យអាណាចក្រជំនួញរបគាត់ដូចជា Virgin Group ដាំដូងចុះយ៉ាងលឿន។ ប៉ុន្តែគិតមកទល់ពេលនេះ រូបលោក និងក្រុមហ៊ុនរួចផុតពីការដួលរលំនៅក្នុងវិបត្តិនេះ ដោយតាមរបាយការណ៍បានចេញនៅសប្តាហ៍នេះ បា​នឲ្យដឹងថាក្រុមហ៊ុន Virgin Group បានរៃអង្គាសប្រាក់បានចំនួន ២៥០ លានដុល្លារដើម្បីជួយគាំទ្រ Virgin Atlantic ក្នុងការរៀបចំរចនាសម្ព័ន្ធឡើងវិញនឹងត្រូវធ្វើឡើងនៅពាក់កណ្តាលខែកក្កដានេះ។ ដំណឹងនេះបង្ហាញពីអ្វីដែលអាចជាការចាប់ផ្តើមក្នុងការបញ្ចប់នៃរយៈពេលដ៏ច្របូកច្របល់មួយរបស់មហាសេដ្ឋីរូបនេះ ក្នុងចំណោមមហាសេដ្ឋីៗរបស់សហរដ្ឋអាមេរិក។ ដោយចាប់តាំងពីខែមីនាមក លោក Branson បានជួបនឹងបញ្ហាយ៉ាងច្រើនរាប់មិនអស់ ទាំងការខាតបង់ចំណូល និងការចោទប្រកាន់ពីសភាដែលបានិយាយថា គាត់គួរតែប្រើទ្រព្យសម្បត្តិសុទ្ធរបស់គាត់ ដើម្បីធានាអាជីវកម្មរបស់គាត់ និងសំណួរអំពីស្ថានភាពពន្ធ និងការស្នាក់នៅរបស់គាត់នៅកោះ

រដ្ឋាភិបាលថៃចង់ទាក់ទាញក្រុមហ៊ុនបច្ចេកវិទ្យាអាមេរិកមកវិនិយោគនៅក្នុងប្រទេស ខណៈវិនិយោគិនអាមេរិកកំពុងត្រូវបានគេជម្រុញឲ្យបង្កើតមជ្ឈមណ្ឌលដែលមានលក្ខណៈដូចទៅនឹងតំបន់ Silicon Valley សម្រាប់ក្រុមហ៊ុនបច្ចេកវិទ្យាច្នៃប្រឌិតថ្មីនៅក្នុងច្រករបៀងសេដ្ឋកិច្ចភាគខាងកើត (EEC) ដោយរដ្ឋាភិបាលបានសន្យាថានឹងបង្កើតកញ្ចប់ផ្សព្វផ្សាយពិសេសសម្រាប់ក្រុមហ៊ុនទាំងនោះ។ តាមរយៈជំនួបពិភាក្សារវាងឧបនាយករដ្ឋមន្រ្តី Somkid Jatusripitak ជាមួយលោក Michael George DeSombre ឯកអគ្គរដ្ឋទូតសហរដ្ឋអាមេរិកបានឲ្យដឹងថា ភាគីទាំងពីរបាននិយាយគ្នាអំពីក្របខ័ណ្ឌសម្រាប់ធ្វើការរួមគ្នាដើម្បីពង្រឹងសេដ្ឋកិច្ច និងជំរុញការវិនិយោគរបស់សហរដ្ឋអាមេរិកនៅប្រទេសថៃ។ ក្នុងនោះលោក Somkid Jatusripitak បានលើកឡើងផងដែរថា បណ្តាប្រទេសនានាគួរតែបង្កើតមជ្ឈមណ្ឌលដូចនឹង Silicon Valley ជាកន្លែងដែលមានក្រុមហ៊ុនថ្មីៗជាច្រើន និងក្រុមហ៊ុនបច្ចេកវិទ្យាសកលនៅក្នុងតំបន់ EEC រួមទាំងការបង្កើតសាកលវិទ្យាល័យ ការចាប់ផ្តើមអាជីវកម្ម និងក្រុមហ៊ុនបច្ចេកវិទ្យាខ្ពស់ រួមទាំងមជ្ឈមណ្ឌលស្រាវជ្រាវនិងអភិវឌ្ឍន៍។ លោកបានបន្តថា ប្រទេសថៃនៅតែមានការទាក់ទាញច្រើនសម្រាប់ការវិនិយោគបរទេស ខណៈប្រទេសនេះផ្តល់នូវទីតាំងសមស្របបំផុតសម្រាប់ការវិនិយោគ

ប្រទេសអាឡឺម៉ង់ ត្រៀមទឹកប្រាក់ចំនួន ៤០ ពាន់លានអឺរ៉ូ ឬប្រមាណ ៤៥ ពាន់លានដុល្លារ ដល់តំបន់ដែលពឹងផ្អែកលើធ្យូងថ្មដើម្បីជួយពួកគេក្នុងការផ្លាស់ប្ដូរ នៅពេលដែលចេញច្បាប់បញ្ឈប់ស្ថានីយ៍ថាមពលធ្យូងថ្មក្នុងប្រទេសនៅឆ្នាំ ២០៣៨ ។ ដោយច្បាប់នេះត្រូវបានអនុម័តដោយសភាកាលពីថ្ងៃសុក្រ កន្លងទៅ។ រដ្ឋមន្រ្តីក្រសួងសេដ្ឋកិច្ច និងថាមពលលោក Peter Altmaier បានប្រាប់អ្នកយកព័ត៌មានថា ការអនុម័តច្បាប់នេះគឺជាចំណុចរបត់ប្រវត្តិសាស្ត្រមួយ ដោយលោកបាននិយាយថាប្រទេសអាល្លឺម៉ង់នឹងបន្តធ្វើការផ្លាស់ប្តូរថាមពលប្រកបដោយភាពជោគជ័យ។ ទន្ទឹមនឹងនេះ ប្រទេសអាឡឺម៉ង់ក៏បានសំរេចចិត្តបញ្ឈប់រោងចក្រថាមពលនុយក្លេអ៊ែរនៅឆ្នាំ ២០២២ ។ ដោយគោលនយោបាយនេះត្រូវបានបង្កើតឡើង បន្ទាប់ពីមានគ្រោះមហន្តរាយនុយក្លេអ៊ែរ Fukushima នៅក្នុងឆ្នាំ ២០១១ ។ គួររំលឹកផងដែរថា​ ៤២% នៃការប្រើប្រាស់ថាមពលសរុបរបស់អាល្លឺម៉ង់ បានមកពីថាមពលកកើតឡើងវិញក្នុងឆ្នាំ

ការស្ទង់មតិ​មួយបានបង្ហាញថា ក្រុមហ៊ុនជប៉ុនជាង ៣០០ កំពុងរងផលប៉ះពាល់ដោយការសម្រេចចិត្តរបស់សហរដ្ឋអាមេរិកក្នុងការព្យួរការចេញទិដ្ឋាការការងារមួយចំនួនរហូតដល់ដំណាច់ឆ្នាំ។ នេះបើយោងតាមអង្គការពាណិជ្ជកម្មក្រៅប្រទេសជប៉ុន ឬ JETRO ដែលបានធ្វើការស្ទង់មតិចាប់ពីថ្ងៃទី២៦ ខែមិថុនា រហូតដល់ថ្ងទី១ ខែកក្កដា ឆ្នាំ២០២០នេះ។ គួរម្លឹកផងដែរថា រដ្ឋាភិបាលសហរដ្ឋអាមេរិកបានប្រកាសកាលពីថ្ងៃទី២២ ខែមិថុនា កន្លងទៅនេះថា ខ្លួននឹងបិទការចូលជាបណ្ដោះអាសន្នរបស់ពលករបរទេសមួយចំនួន ដើម្បីការពារ​ការងារក្នុងស្រុកក្នុងអំឡុងពេលផ្ទុះឡើងនៃវីរុស Covid-19។ JETRO បានធ្វើការស្ទង់មតិក្រុមហ៊ុនជប៉ុនដែលប្រតិបត្តិការអាជីវកម្មនៅអាមេរិក ខណៈក្រុមហ៊ុន ៣០៨ ឬជាង ៣០% នៃអ្នកឆ្លើយសំណួរបាននិយាយថា ពួកគេនឹងប្រឈមការលំបាកក្នុងការផ្តល់សេវាកម្មដល់ក្រុមហ៊ុនអាមេរិករបស់ពួកគេ។ ការស្ទង់មតិបានរកឃើញថានិយោជិកសរុប ១,៤០៦ នាក់នឹងមានបញ្ហាចំពោះទិដ្ឋាការ។ ជាមួយគ្នានេះអ្នកឆ្លើយសំណួរច្រើនជាង ៣៥% បាននិយាយថា ចំណាត់ការរបស់សហរដ្ឋអាមេរិកកំពុងប៉ះពាល់ដល់សកម្មភាពអាជីវកម្មរបស់ពួកគេ

ប្រទេសឥណ្ឌូនេស៊ី បានទទួលភ្ញៀវទេសចរបរទេសត្រឹមតែ ១៦៣,៦៤៦ នាក់ប៉ុណ្ណោះនៅក្នុងខែឧសភា ​​​​នេះដែលមានការធ្លាក់ចុះរហូតដល់ ៨៦.៩% បើធៀបទៅនឹងឆ្នាំមុនដោយសារជំងឺរាតត្បាត Covid-19 នេះបើយោងតាម ស្ថិតិឥណ្ឌូនេស៊ី (BPS) បានប្រកាសនៅថ្ងៃទី ១ ខែកក្កដា កន្លងទៅ។ លោក Suhariyanto ប្រធាន BPS បាននិយាយថា វិស័យទេសចរណ៍របស់ប្រទេសនេះនៅតែរងផលប៉ះពាល់យ៉ាងធ្ងន់ធ្ងរដោយជំងឺ Covid-19 ។ លោកបានបន្ថែមទៀតថា រដ្ឋាភិបាលបានរៀបចំយុទ្ធសាស្រ្តដើម្បីធ្វើឱ្យវិស័យទេសចរណ៍ងើបឡើងវិញ ប៉ុន្តែការងើបឡើងវិញនេះនឹងចំណាយពេលវេលាយូរពីព្រោះយើងមិនដឹងថាវិបត្តិនៃជំងឺ Covid-19 នឹងបញ្ចប់នៅពេលណានោះទេ។ ទន្ទឹមនឹងនោះ លោកបានបន្តទៀតថាវិស័យទេសចរណ៍ គឺជាវិស័យមួយក្នុងចំណោមវិស័យដែលរងគ្រោះធ្ងន់ធ្ងរបំផុតដោយសារការរីករាលដាលនៃជំងឺ ដែលគោលដៅទេសចរណ៍ជាច្រើនគ្មានភ្ញៀវទាល់តែសោះ ចាប់តាំងពីខែមីនា មកដោយសារតែបណ្តាប្រទេសនៅជុំវិញពិភពលោកបានដាក់កំហិតលើការធ្វើដំណើរ