គម្រោងសាងសង់ផ្លូវជាតិលេខ៣ មកដល់ពេលនេះសម្រេចបាន ៨០% ហើយ ខណៈក្រុមហ៊ុនកំពុងសាងសង់សួនចែកទ្រូងផ្លូវ និងស្ពានរំលងផ្លូវ។ ផ្លូវនេះត្រូវបានសាងសង់ឡើងតាមបទដ្ឋានអន្តរជាតិ សម្រាប់ល្បឿនអតិបរមា ៨០គីឡូម៉ែត្រក្នុងមួយម៉ោង។ ឯកឧត្ដម ខាន់ ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន កាលពីថ្ងៃទី១០ ខែកញ្ញា ឆ្នាំ២០២០ បានដឹកនាំក្រុមការងារបច្ចេកទេសចុះពិនិត្យស្ថានភាពសាងសង់ស្ពានរំលងផ្លូវជាតិលេខ៣ និងវឌ្ឍនភាពសាងសង់ផ្លូវជាតិលេខ៣ ដោយមានការចូលរួមពីថ្នាក់ដឹកនាំជាន់ខ្ពស់ក្រសួង អភិបាលរងខេត្តតាកែវ ប្រធានមន្ទីរសាធារណការ និងដឹកជញ្ជូនខេត្តតាកែវ និងខេត្តកំពង់ស្ពឺ អភិបាលនៃគណៈអភិបាលស្រុកតាមដងផ្លូវ មន្ត្រីបច្ចេកទេស តំណាងក្រុមហ៊ុនសាងសង់ និងក្រុមហ៊ុនប្រឹក្សាបច្ចេកទេសផងដែរ។ ឯកឧត្ដមរដ្ឋលេខាធិការបានឱ្យដឹងថា ការសាងសង់សួនច្បារខណ្ឌទ្រូងផ្លូវនេះមានសារៈសំខាន់ណាស់ក្នុងការកាត់បន្ថយការកកស្ទះ និងគ្រោះថ្នាក់ចរាចរណ៍ ព្រមទាំងបានរំលេចនូវសោភណ្ឌភាពដងផ្លូវផងដែរ ហើយតាមលក្ខណៈបច្ចេកទេសការសាងសង់សួនច្បារចែកទ្រូងផ្លូវ គឺត្រូវរក្សាចន្លោះទ្រូងផ្លូវត្រង់ចំណុចដែលមានផ្លូវធំឆ្លងកាត់

យោងតាមការចុះផ្សាយរបស់សារព័ត៌មាន Japantimes បានឲ្យដឹងថា សេដ្ឋកិច្ចជប៉ុនបានធ្លាក់ចុះច្រើនជាងការប៉ាន់ស្មានដំបូងក្នុងត្រីមាសទី២ ដោយសារការចំណាយមូលធនបានរងផលប៉ះពាល់ពីវិបត្តិ Covid-19។ ការធ្លាក់ចុះនេះបង្កជាបញ្ហាដ៏គួរឲ្យព្រួយបារម្ភសម្រាប់មេដឹកនាំថ្មី អំពីការប្រឈមនឹងការចូលនៃវិបត្តិសេដ្ឋកិច្ចកាន់តែជ្រៅ។ សេដ្ឋវិទូ Masaki Kuwahara នៅក្រុមហ៊ុន Nomura Securities Co បាននិយាយថា នាយករដ្ឋមន្រ្តីដែល​កាន់តំណែងបន្ទាប់ នឹងត្រូវចាត់វិធានការលើវីរុស ដែលជាអាទិភាពទីមួយ។ ខណៈសេដ្ឋកិច្ចអាចនឹងមើលឃើញការស្ទុះងើបឡើងទ្វេដង ប៉ុន្តែល្បឿននៃការស្តារឡើងវិញនឹងយឺត »។ គួរឲ្យដឹងផងដែរថា ក្រុមអ្នកវិភាគមើលឃើញថាកំណើនផលិតក្នុងស្រុកសរុបបានកើនឡើងប្រហែល ១៣% នៅត្រីមាសនេះ ដែលមិនគ្រប់គ្រាន់សម្រាប់ការធ្លាក់ចុះ ៣ ត្រីមាសជាប់ៗគ្នា។ ជាមួយគ្នានេះសេដ្ឋវិទូរបស់ Bloomberg បាននិយាយថា សេដ្ឋកិច្ចអាចនឹងមិនកើនឡើងដល់ទំហំមុនពេលវីរុសរាតត្បាតទេ ព្រោះវិបត្តិនេះបានពន្យារពេលការធ្វើកំណែទម្រង់សំខាន់ៗដែលត្រូវការជាចាំបាច់

ឯកឧត្ដមបណ្ឌិត ថោង ខុន រដ្ឋមន្រ្តីនៃក្រសួងទេសចរណ៍ បានឲ្យដឹងថា នៅក្នុងឱកាសឈប់សម្រាកថ្ងៃបុណ្យចូលឆ្នាំថ្មីកន្លងមក រកចំណូលពីទេសចរក្នុងស្រុកបានប្រមាណជាង ១០០លានដុល្លារអាមេរិក ចាក់បញ្ចូលក្នុងចរន្តសេដ្ឋកិច្ចកម្ពុជា និងបង្កើនឱ្យបណ្តាអាជីវកម្មដែលបានផ្អាកបណ្តោះអាសន្នបានបើកដំណើរការឡើងវិញជាង ៦០០អាជីវកម្ម ហើយមានអ្នកបម្រើការងារក្នុងវិស័យទេសចរណ៍ប្រមាណជាង ៧,០០០នាក់ បានត្រឡប់ចូលធ្វើការងារវិញ។ ឯកឧត្ដមបណ្ឌិតបានលើកឡើងដូច្នេះ​នៅក្នុងកិច្ចប្រជុំបូកសរុបលទ្ធផលការងារអនុវត្តវិធានសុវត្ថិភាពទេសចរណ៍ និងចលនាទេសចរក្នុងស្រុក នាកំលុងថ្ងៃឈប់សម្រាកបុណ្យចូលឆ្នាំថ្មី នៅទីស្នាក់ការ NOCC នាថ្ងៃទី១០ ខែកញ្ញា ឆ្នាំ២០២០នេះ។ នៅក្នុងកិច្ចប្រជុំនោះផងដែរ ឯកឧត្តមបណ្ឌិតបានជំរុញឱ្យអាជ្ញាធរមូលដ្ឋាន និងផ្នែកពាក់ព័ន្ធរកវិធីសាស្ត្ររបន្ថែមក្នុងការទប់ស្កាត់ COVID-19 នាកំលុងពេលភ្ជុំបិណ្ឌនេះ។ ខណៈឯកឧត្តមរដ្ឋមន្រ្តីបានបង្ហាញពីភាពជោគជ័យក្នុងឱកាសថ្ងៃឈប់សម្រាកបុណ្យចូលឆ្នាំថ្មីកន្លងមក ដែលពុំមានករណីឆ្លង COVID-19 នៅក្នុងគោលដៅទេសចរណ៍នានា ប៉ុន្តែទោះយ៉ាងណានៅក្នុងឱកាសឈប់សម្រាកបុណ្យភ្ជុំបិណ្ឌខាងមុខនេះ ឯកឧត្ដមបានជំរុញឱ្យមន្ទីរទេសចរណ៍ និងអាជ្ញាធរមូលដ្ឋានរកវិធីសាស្ត្របន្ថែម

ក្រុមហ៊ុនអាកាសចរណ៍ Singapore Airlines បានប្រកាសថា ខ្លួននឹងកាត់បន្ថយបុគ្គលិកចំនួន ៤,៣០០នាក់ ឬប្រហែល ២០% នៃបុគ្គលិករបស់ខ្លួន ដោយសារតែផលប៉ះពាល់នៃជំងឺរាតត្បាត Covid-19 ដែលបណ្ដាលឱ្យមានការកាត់បន្ថយបុគ្គលិកច្រើនបំផុតក្នុងប្រវត្តិសាស្ត្រ។ Singapore Airlines បានបញ្ជាក់ជាថ្មីពីការព្យាករណ៍របស់ខ្លួន​ ដែលខ្លួនរំពឹងថានឹងដំណើរការតិចជាង ៥០% នៃជើងហោះហើរធម្មតារបស់ខ្លួនត្រឹមថ្ងៃទី ៣១ ខែមីនា ឆ្នាំ ២០២១ ។ ដោយបច្ចុប្បន្ននេះ Singapore Airlines ដំណើរការជើងហោះហើរត្រឹមតែ ៨% ប៉ុណ្ណោះ។​ ក្រុមហ៊ុនអាកាសចរណ៍មួយនេះ មិនមានជើងហោះហើរក្នុងស្រុកនោះទេ ដោយពឹងផ្អែកទាំងស្រុងលើតម្រូវការអន្តរជាតិ ខណៈពេលដែលព្រំដែនជាច្រើននៅតែបិទបានធ្វើឱ្យ Singapore

នៅពេលដែលប្រទេសជាច្រើនកំពុងត្រៀមសម្រាប់វិបត្តិសេដ្ឋកិច្ចពិភពលោក ប្រទេសវៀតណាមអាចជៀសផុតពីបញ្ហានេះ ហើយពលរដ្ឋរបស់ពួកគេជឿជាក់ថា ប្រទេសរបស់ពួកគេនឹងអាចគេចផុតពីវិបត្តិ។ សេដ្ឋកិច្ចពិភពលោកបានប្រឈមមុខនឹងការធ្លាក់ចុះយ៉ាងខ្លាំងចាប់តាំងពីការរីករាលដាលនៃជំងឺ Covid-19 ហើយប្រទេសជាច្រើនកំពុងតស៊ូជួយប្រជាជនរបស់ពួកគេដោយមិនត្រឹមតែផ្ដល់នូវការរក្សាសុខភាពឲ្យបានល្អប៉ុណ្ណោះទេ តែថែមទាំងជួយប្រជាជនតាមរយៈការឧបត្ថម្ភជាសាច់ប្រាក់ ឬ សម្ភារៈផ្សេងៗ ដើម្បីផ្គត់ផ្គង់ជីវភាពក្នុងអំឡុងពេលមានវិបត្តិ ខណៈមនុស្សជាច្រើនបានបាត់បង់ការងារ ហើយគ្មានប្រភពចំណូល​។ ប្រការនេះបាននាំឱ្យមានវិបត្តិសេដ្ឋកិច្ចនៅក្នុងប្រទេសជាច្រើន ហើយមានការព្រួយបារម្ភយ៉ាងខ្លាំងដែលថាវិបត្តិសេដ្ឋកិច្ចពិភពលោកនឹងធ្លាក់មកលើប្រទេសវៀតណាម។ ឧស្សាហកម្មជាច្រើនបានបិទទ្វារហើយមានជំនឿកាន់តែខ្លាំងឡើងថា វានឹងកាន់តែអាក្រក់ទៅៗ។ ប៉ុន្តែទោះបីជាយ៉ាងណាក្ដីប្រទេសនៅក្នុងតំបន់អាស៊ីអាគ្នេយ៍មួយនេះជឿជាក់យ៉ាងមុតមាំថា សេដ្ឋកិច្ចរបស់ខ្លួននឹងមិនធ្លាក់ចូលទៅក្នុងវិបត្តិសេដ្ឋកិច្ចឡើយ។ អ្នកវិភាគសេដ្ឋកិច្ចជាច្រើន បានជឿជាក់ថា ប្រទេសវៀតណាមជា ប្រទេសមួយដែលនឹងជួបប្រទះព្យុះសេដ្ឋកិច្ចនេះ ប៉ុន្តែមិនមានការខូចខាតច្រើនពេកនោះទេ។ ជាក់ស្ដែងដោយសារតែ វៀតណាមបានដាក់ចេញវិធានការជាច្រើនមិនថាទាំងទប់ស្កាត់វីរុស និងរក្សាលំនឹងសេដ្ឋកិច្ច រួមទាំងប្រជាជនរបស់ខ្លួន។ ហើយវិធានការដែលដាក់ចេញទៀតសោត ត្រូវបានអ្នកវិភាគយល់ឃើញថា បានឈានទៅរកភាពជោគជ័យ ក្នុងនោះមានវិធានការទប់ស្កាត់វីរុស និងវិធានការកសាងទំនុកចិត្តរបស់ប្រជាជនជាដើម៕ អត្ថបទ៖

ពាណិជ្ជកម្មឆ្លងព្រំដែនរបស់ថៃបានធ្លាក់ចុះ ៨.៥% បើធៀបនឹងឆ្នាំមុនក្នុងរយៈពេល ៧ ខែដំបូង ដែលភាគច្រើនបណ្ដាលមកពីការបិទច្រកព្រំដែន ដើម្បីការពារការរីករាលដាលនៃជំងឺ Covid-19 និងការធ្លាក់ចុះនៃសេដ្ឋកិច្ចរបស់ប្រទេសជិតខាង។ នាយកដ្ឋានពាណិជ្ជកម្មបរទេសថៃបានរាយការណ៍ថា ការធ្វើពាណិជ្ជកម្មឆ្លងព្រំដែន រួមទាំងពាណិជ្ជកម្មឆ្លងកាត់មានចំនួនសរុប ៧៤១ ពាន់លានបាត (ជាង ២៣ ពាន់លានដុល្លារ) សម្រាប់ខែមករា ដល់ខែកក្កដា។ ក្នុងចំណោមតួលេខសរុបការនាំចេញមានចំនួន ៤២៩ ពាន់លានបាតធ្លាក់ចុះ ៨.២% បើធៀបនឹងឆ្នាំមុន ខណៈការនាំចូលធ្លាក់ចុះ ៩% ស្មើនឹង ៣១២ ពាន់លានបាត ដែលធ្វើឱ្យអតិរេកពាណិជ្ជកម្មមានចំនួន ១១៦ ពាន់លានបាត។ ទន្ទឹមនឹងនេះ ពាណិជ្ជកម្មទ្វេភាគីជាមួយម៉ាឡេស៊ីមានចំនួនសរុប

កិច្ចពិគ្រោះយោបល់កម្រិតវិស័យរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋសហព័ន្ធអាល្លឺម៉ង់ ស្តីពីការអភិវឌ្ឍសេដ្ឋកិច្ចប្រកបដោយបរិយាប័ន្ន កាលពីថ្ងៃទី ៩ ខែកញ្ញា ឆ្នាំ ២០២០ នៅទីស្តីការក្រុមប្រឹក្សាអភិវឌ្ឍន៍កម្ពុជា ដែលភាគីកម្ពុជាដឹកនាំដោយ ឯកឧត្តម ឈៀង យ៉ាណារ៉ា រដ្ឋមន្រ្តីប្រតិភូអមនាយករដ្ឋមន្រ្តី និងជាអគ្គលេខាធិការគណៈកម្មាធិការនីតិសម្បទា និងអភិវឌ្ឍន៍កម្ពុជានៃក្រុមប្រឹក្សាអភិវឌ្ឍន៍កម្ពុជា និងភាគីអាល្លឺម៉ង់ដឹកនាំដោយលោក Sascha Reebs លេខាទី១ ទទួលបន្ទុកផ្នែកកិច្ចសហប្រតិបត្តិការនៃសា្ថនទូតសាធារណរដ្ឋសហព័ន្ធអាល្លឺម៉ង់ប្រចាំព្រះរាជាណាចក្រកម្ពុជា បានពិភាក្សា និងកំណត់ទិសដៅ និងអាទិភាពសម្រាប់កម្មវិធីស្តីពីការលើកកម្ពស់ភាពប្រកួតប្រជែងរបស់សហគ្រាសនៅកម្ពុជា។ ក្នុងនោះភាគីទាំងពីរ បានឯកភាពផ្តោតចម្បងលើការអភិវឌ្ឍសេដ្ឋកិច្ចប្រកបដោយបរិយាប័ន្ន និង​ចីរភាពដោយប្តូរពីការអភិវឌ្ឍសេដ្ឋកិច្ចមូលដ្ឋានបែបលក្ខណៈគ្រួសារ ដែលផ្តោតលើតែវិស័យ​ក​​សិកម្មទៅជាការធ្វើពិពិធកម្ម និងទំនើបកម្មសេដ្ឋកិច្ចដែលផ្តោតការគាំទ្រដល់សហគ្រាសធុនតូច និ​ង​មធ្យមនៅកម្ពុជា ក្នុងវិស័យឧស្សាហកម្ម កសិឧស្សាហកម្ម ការកែច្នៃចំណីអាហារ និងការបណ្តុះបណ្តាលបចេ្ចកទេសដោយបញ្ចូលនូវការប្រើប្រាស់បច្ចេកវិទ្យា

វេជ្ជបណ្ឌិត Shigeaki Hinohara មានជីវិតដ៏អស្ចារ្យដោយសារហេតុផលជាច្រើន​ ដោយចាប់ផ្ដើមដំបូងជាគ្រូពេទ្យ និងអ្នកជំនាញ ដែលមានអាយុវែង រស់នៅរហូតដល់អាយុ ១០៥ឆ្នាំ។ នៅពេលគាត់ទទួលមរណភាពនៅក្នងឆ្នាំ២០១៧ លោក Hinohara គឺជាប្រធានក្រុមសាកលវិទ្យាល័យអន្ដរជាតិ St.Luke និងជាប្រធានកិត្តិយសនៃមន្ទីរពេទ្យអន្ដរជាតិ St. Luke នៅទីក្រុងតូក្យូ។ មិនត្រឹម​មុខងារ ឋានៈនោះទេ ដែលធ្វើឲ្យគាត់ល្បីល្បាញ គឺមានរឿងមួយទៀតដែលធ្វើឲ្យមនុស្សគ្រប់គ្នានៅក្នុងប្រទេសជប៉ុនស្គាល់គាត់នោះគឺសៀវភៅដែលជាការនិពន្ធរបស់គាត់ដែលមានឈ្មោះថា៖ « រស់នៅល្អ គឺរស់បានយូរ »។ វេជ្ជបណ្ឌិត Hinohara បានផ្ដល់ដំបូន្មានដែលជួយធ្វើឲ្យប្រទេសជប៉ុនក្លាយជាមេដឹកពិភពលោកដែលមានអាយុវែង។ យ៉ាងណាមិញខាងក្រោមនេះ ជាដំបូន្មានមួយចំនួនរបស់គាត់៖ ១.កុំ​ចូលនិវត្តន៍ ប៉ុន្តែបើសិនជាអ្នកមិនអាចធ្វើបាន គួរចូលនិវត្តន៍នៅពេលអាយុលើសពី