ក្រុមហ៊ុនអេឡិចត្រូនិចយក្សរបស់សហរដ្ឋអាមេរិកបានប្រកាសកាលពីថ្មីៗនេះថា ក្រុមហ៊ុន Amazon នឹងបង្កើតការងារជាអចិន្រ្តៃយ៍ចំនួន ៧,០០០ កន្លែងនៅចក្រភពអង់គ្លេសនៅចុងឆ្នាំនេះ។ ហាងលក់រាយ និងហាងលក់អាហារនៅអង់គ្លេសជាច្រើនបានរួមគ្នាបង្កើតការងាររាប់ពាន់កន្លែង បន្ទាប់ពីការចាក់សោរប្រទេសដែលបណ្ដាលមកពីជំងឺរាតត្បាត​ Covid-19 ហើយក៏មានក្រុមហ៊ុនលក់ទំនិញធំៗផ្សេងទៀតកំពុងបង្កើតការងារជាច្រើន ដើម្បីទប់ទល់នឹងតម្រូវការតាមអ៊ិនធឺណេត។ ក្រុមហ៊ុន Amazon បាននិយាយថា ខ្លួននឹងបន្ថែមការងារជាអចិន្ត្រៃយ៍ចំនួន ៧,០០០ នៅចុងឆ្នាំ ២០២០ នៅលើគេហទំព័រជាង ៥០ កន្លែងរួមទាំងការិយាល័យក្រុមហ៊ុន និងមជ្ឈមណ្ឌលបំពេញការងារថ្មីចំនួន ២ ទៀត។ ទន្ទឹមនឹងនេះ លោក Stefano Perego អនុប្រធានផ្នែករបស់ក្រុមហ៊ុន Amazon បាននិយាយថា ក្រុមហ៊ុនរបស់លោកកំពុងជួលបុគ្គលិកដែលមានជំនាញយរាប់ពាន់នាក់នៅក្នុងជួរការងារល្អៗជាច្រើន ដូចជា៖

ស្ថាបនិកក្រុមហ៊ុន Alibaba លោក Jack Ma បានចូលនិវត្តន៍នៅថ្ងៃទី១០ ខែកញ្ញា ឆ្នាំ២០១៩ ដោយវិលត្រលប់ទៅរកអាជីពជាគ្រូបង្រៀនវិញ។ នៅពេលដែលមហាសេដ្ឋីរូបនេះ បានប្រកាសថាលោកគ្រោងចូលនិវត្តន៍នៅអាយុ ៥៤ឆ្នាំ ពោលគឺមុនអាយុ​ដែលត្រូវចូលនិវត្តន៍មួយឆ្នាំ បានបន្សល់ទុកនូវចង្ងល់យ៉ាងច្រើនពីបុគ្គលល្បីៗ សូម្បីតែប្រធានាធិបតីរុស្ស៊ី លោក Vladimir Putin។ នៅ​ឯវេទិកាសេដ្ឋកិច្ចបូពា៌ដែលបានប្រារព្ធឡើងនៅទីក្រុង Valdivostok ប្រទេសរុស្ស៊ីលោក Putin បានធ្វើកិច្ចពិភាក្សាតុមូលស្តី ពីភាពជាសហគ្រិន ហើយនៅពេលដែលលោកបានឃើញលោក Jack Ma គាត់ចង់សួរថា ហេតុអ្វីបាន ជាមហាសេដ្ឋីរូបនេះសម្រេចចិត្តចូលនិវត្តន៍លឿនបែបនេះ។ នៅក្នុងអំឡុងកិច្ចពិភាក្សាតុមូលនោះ ប្រធានាធិបតីរុស្ស៊ីសួរទៅកាន់លោក Jack Ma

ប្រទេសបារាំង បានប្រកាសពីផែនការចំណាយ ១០០ ពាន់លានអឺរ៉ូ ឬជាង ១១៨ ពាន់លានដុល្លារដើម្បីធ្វើឱ្យសេដ្ឋកិច្ចរបស់ខ្លួនទៅរកភាពប្រសើរឡើងវិញ ដូចមុនពេលមិនទាន់មានជំងឺរាតត្បាត​ Covid-19 ។ ផែនការនេះ បានបង្ហាញនៅថ្ងៃព្រហស្បតិ៍ ទី ៣ ខែសីហា ដែលត្រូវបានគេហៅថា ” France Reboot ” ដែលជាផែនការជម្រុញធំបំផុតរបស់បារាំងដែលមិនធ្លាប់មាន ហើយការចំណាយនេះមានទំហំច្រើនជាងវិបត្តិហិរញ្ញវត្ថុពិភពលោកកាលពីឆ្នាំ ២០០៨ ។ សេដ្ឋកិច្ចរបស់បារាំង បានធ្លាក់ចុះជិត ១៤% នៅក្នុងត្រីមាសទី២ ។ ទន្ទឹមនឹងនេះ ថវិកាជិត ១/៣ នៃថវិការជម្រុញនឹងត្រូវចំណាយទៅលើការអភិវឌ្ឍន៍ប្រភពថាមពលស្អាតដូចជា៖ អ៊ីដ្រូសែន

រដ្ឋាភិបាលថៃបានសន្យាថា នឹងលុបចោលការកំណត់តម្លៃទ្វេដង (dual pricing) លើជនបរទេសឲ្យបានឆាប់តាមដែលអាចធ្វើទៅបាន ខណៈពេលដែលជនបរទេសមិនអាចទទួលបានប្រាក់លើកទឹកចិត្តពីកញ្ចប់ជំរុញទេសចរណ៍ដូចប្រជាពលរដ្ឋថៃ។ តម្លៃទ្វេដង (dual pricing) គឺជាការអនុវត្តនៃការកំណត់តម្លៃខុសគ្នានៅក្នុងទីផ្សារផ្សេងៗគ្នា សម្រាប់ផលិតផល ឬ សេវាកម្មតែមួយ។ យុទ្ធសាស្រ្តនេះអាចត្រូវបានប្រើដោយអាជីវកម្មសម្រាប់ហេតុផលជាច្រើន ឧទាហរណ៍ដូចជា នៅតាមប្រទេសនីមួយៗ ជាពិសេសនៅតាមតំបន់ទេសចរណ៍គឺមានតម្លៃសម្រាប់ភ្ញៀវបរទេស និងភ្ញៀវជាតិ។ លោក Yuthasak Supasorn អភិបាលនៃអាជ្ញាធរទេសចរណ៍ថៃ (TAT) បានមានប្រសាសន៍ថា យុទ្ធនាការជំរុញការធ្វើដំណើររួមគ្នារបស់យើងត្រូវបានអនុវត្តដោយថវិកាពីច្បាប់កំចីដែលមានពេលវេលា និងគោលបំណងច្បាស់លាស់ ដែលពិបាកក្នុងការរួមបញ្ចូលជនបរទេស។ ប៉ុន្តែ TAT នឹងពិភាក្សាអំពីការបញ្ឈប់តម្លៃទ្វេដង សម្រាប់ជនបរទេស ជាមួយឧទ្យានជាតិសត្វព្រៃ និងអភិរក្សរុក្ខជាតិ ក៏ដូចជាតំបន់ទេសចរណ៍ល្បីៗ។

ការកាត់បន្ថយការងារនៅសហរដ្ឋអាមេរិកក្នុងឆ្នាំនេះ បានកើនឡើង ២៣១% បើធៀបទៅនឹងរយៈពេលដូចគ្នាកាលពីឆ្នាំ ២០១៩ ដោយសារជំងឺរាតត្បាត​ Covid-19 បានបំផ្លាញដល់សេដ្ឋកិច្ច នេះបើយោងតាមរបាយការណ៍ថ្មីមួយកាលពីថ្ងៃទី ៣ ខែសីហា។ បើទោះបីជា ល្បឿននៃការបញ្ឈប់ការងារដែលត្រូវបានប្រកាសថយចុះក៏ដោយ ការកាត់បន្ថយចំនួនការងារដែលត្រូវបានប្រកាសដោយនិយោជិកដែលមានមូលដ្ឋាននៅសហរដ្ឋអាមេរិកនៅខែសីហា បានកើនឡើងខ្ពស់ជាងកំណត់ត្រាប្រចាំឆ្នាំដែលបានកំណត់កាលពីឆ្នាំ ២០០១ ។ ទិន្នន័យនេះ គឺជាការចង្អុលបង្ហាញចុងក្រោយបង្អស់នៃស្ថានភាពការងារដ៏អាក្រក់ ដែលបុគ្គលិកអាមេរិកជាច្រើនបានប្រឈមមុខ នៅពេលដែលប្រទេសនេះទទួលរងនូវការផ្ទុះឡើងនូវជំងឺឆ្លងដ៏សាហាវបំផុតនៅលើពិភពលោក។ លោក Andrew Challenger អនុប្រធានជាន់ខ្ពស់របស់ក្រុមហ៊ុនបានមានប្រសាសន៍ថា « វិស័យដែលបានកាត់បន្ថយការងារច្រើនជាងគេកាលពីខែមុន គឺវិស័យដឹកជញ្ជូនពីព្រោះក្រុមហ៊ុនអាកាសចរណ៍ចាប់ផ្តើមធ្វើការសម្រេចចិត្តកាត់បន្ថយបុគ្គលិក បន្ទាប់ពីមានការថយចុះនៃការធ្វើដំណើរ »។ ខណៈចំនួនក្រុមហ៊ុនកាន់តែច្រើនឡើងៗ ដែលពីដំបូងឡើយពួកគេមានការកាត់បន្ថយការងារបណ្តោះអាសន្ន ឬកាត់បន្ថយប្រាក់ខែ ប៉ុន្តែឥឡូវនេះពួកគេបានបញ្ឈប់ការងារតែម្ដង។

យោងតាមការចុះផ្សាយរបស់ក្រសួងសាធារណការ និងដឹកជញ្ជូនមុននេះបន្តិចបានឲ្យដឹងថា នៅតំបន់ភាគខាងជើងរាជធានីភ្នំពេញ នឹងមានមហាវិថីថ្មីមួយទៀត ដែលនឹងចូលខ្លួនដើម្បីកាត់បន្ថយការកកស្ទះចរាចរនៅតំបន់នៅតំបន់នោះ។ តាមប្រភពដដែលបានបញ្ជាក់ថា ដើម្បីកាត់បន្ថយការកកស្ទះចរាចរនៅតំបន់ភាគខាងជើងរាជធានីភ្នំពេញ រដ្ឋបាលរាជធានីភ្នំពេញ នឹងបើកការដ្ឋានស្ថាបនាមហាវិថីថ្មី ទទឹង ៣០ម៉ែត្រ ស្របប្រឡាយមេខាងជើងរាជធានីភ្នំពេញ ចាប់ពីផ្លូវលេខ ១០០៣ (ផ្លូវបត់ចូលផ្សារទំនើបអេអន ម៉ល សែនសុខ) ដល់មហាវិថី ឈ្នះឈ្នះ ក្នុងខណ្ឌឫស្សីកែវ នៅដើមសប្តាហ៍ក្រោយ ស្ថិតក្រោមអធិបតីភាពឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ៕ អត្ថបទ៖ លីនី ប្រភព៖ ក្រសួងសាធារណការ និងដឹកជញ្ជូន

ក្រុមប្រឹក្សាប្រាក់ឈ្នួលជាតិបានណែនាំដល់រដ្ឋាភិបាលឱ្យរក្សាប្រាក់ឈ្នួលអប្បបរមាឱ្យនៅដដែលរហូតដល់ចុងឆ្នាំ ២០២១ ជំនួសឱ្យការដំឡើងប្រាក់ខែតាមការគ្រោងទុក។ មូលហេតុដែលបណ្ដាលក្រុមប្រឹក្សាណែនាំដូច្នេះ គឺដោយសារតែចំនួនសហគ្រាសដែលបានរងប៉ះពាល់យ៉ាងធ្ងន់ធ្ងរដោយជំងឺរាតត្បាតរ៉ាំរ៉ៃ (COVID-19) និងកំពុងប្រឈមនឹងការលំបាកផ្នែកហិរញ្ញវត្ថុ។ បើតាមសេចក្ដីរាយការណ៍មួយបានឲ្យដឹងថា ការរក្សាប្រាក់ឈ្នួលអប្បបរមាបច្ចុប្បន្ននឹងបង្កើនលក្ខខណ្ឌអំណោយផលសម្រាប់សហគ្រាសក្នុងការងើឡើងវិញ និងធានានូវជីវភាពរស់នៅរបស់នយោជិក។ បច្ចុប្បន្ននេះប្រាក់ឈ្នួលអប្បបរមាប្រចាំខែគឺ ៤.៤២ លានដុង (១៩១ ដុល្លារអាមេរិក) សម្រាប់នយោជិកនៅហាណូយ និងទីក្រុងហូជីមិញ ហើយប្រាក់ចំនួន ៣.៩២ លានដុង (១៦៧ ដុល្លារ) សម្រាប់អ្នករស់នៅតាមទីក្រុងមួយចំនួនដូចជា កាន់ថូ ដាណាង និងហៃផុង។ ដោយឡែកនៅតាមបណ្ដាខេត្តដូចជា បាក់នីញ បាក់ជាំង និងហៃដុង កម្រិតប្រាក់ឈ្នួលត្រូវបានកំណត់ត្រឹម ៣.៣៣ លានដុង (១៤១

ក្នុងរយៈពេល ៧ ឆ្នាំជាប់ៗគ្នានេះ ប្រទេសសិង្ហបុរីបានរក្សាតំណែងកំពូលជាប្រទេសច្នៃប្រឌិតថ្មីបំផុតនៅអាស៊ីប៉ាស៊ីហ្វិក ក្នុងសន្ទស្សន៍ច្នៃប្រឌិតពិភពលោកចុងក្រោយ ដោយបានរក្សាចំណាត់ថ្នាក់ទី៨ របស់ខ្លួននៅក្នុងចំណាត់ថ្នាក់ពិភពលោក។ សម្រាប់ប្រទេសដែលទទួលបានចំណាត់ថ្នាក់ គឺផ្អែកលើសូចនាករចំនួន ៨០ រួមមាន៖ ការបង្កើតកម្មវិធីតាមទូរស័ព្ទចល័ត និងភាពងាយស្រួលនៃការចាប់ផ្តើមអាជីវកម្ម។ ខណៈនៅទូទាំងពិភពលោក ប្រទេសសឹង្ហបុរីឈរនៅលើលំដាប់កំពូលក្នុងបញ្ជីសម្រាប់ធាតុចូលនៃការច្នៃប្រឌិត ដែលត្រូវបានវាស់វែងដោយសូចនាករដូចជា ចំណេះដឹងរបស់ប្រជាជន និងការស្រាវជ្រាវស្ថេរភាពនយោបាយ ក៏ដូចជាភាពទំនើបនៃទីផ្សារ។ ទោះបីជាយ៉ាងនេះក្ដី បរិមាណប៉ាតង់ និងប័ណ្ណកម្មសិទ្ធិបញ្ញាដែលបានបង្កើត ក៏ដូចជាលទ្ធផលច្នៃប្រឌិតរួមមាន៖ យីហោខ្សែភាពយន្តលក្ខណៈជាតិ និងការបង្កើតមាតិកាតាមអ៊ីនធឺណិត ស្ថិតនៅចំណាត់ថ្នាក់ទី១៥ ៕ អត្ថបទ៖ នីតា ប្រភព៖ vietnamplus