ធនាគារអភិវឌ្ឍន៍អាស៊ីយល់ព្រមផ្ដល់ប្រាក់កម្ចី ១២៧.៨ លានដុល្លារ ដើម្បីគាំទ្រដល់ការកសាងបណ្តាញបញ្ជូនអគ្គិសនី និងស្ថានីយក្រោមដីនៅកម្ពុជា នេះបើយោងតាមការឲ្យដឹងពីធនាគារតាមរយៈសេចក្ដីប្រកាសព័ត៌មានមួយ។ យោងតាមសេចក្ដីថ្លែងការណ៍របស់ (ADB) បានឲ្យដឹងថា គម្រោងនេះនឹងជួយដល់រាជធានីភ្នំពេញ និងខេត្តចំនួន ៣ ផ្សេងទៀត ជាមួយនឹងការផ្គត់ផ្គង់អគ្គិសនីប្រកបដោយស្ថេរភាព និងអាចទុកចិត្តបាន។ នាយកប្រចាំប្រទេសរបស់ធនាគារអភិវឌ្ឍន៍អាស៊ីប្រចាំប្រទេសកម្ពុជាលោកស្រី Sunniya Durrani បានមានប្រសាសន៍ថា៖ « ការ​ផ្តល់​ជំនួយ​បន្តរបស់ ADB ក្នុង​ការរៀបចំ​ផែនការ​បណ្តាញ​ថាមពល​នេះ នឹង​ជួយ​ដល់​កម្ពុជាឱ្យ​ទទួល​បានការ​ផ្គត់ផ្គង់​ថាមពល​បាន​គ្រប់គ្រាន់ មានតម្លៃ​សមរម្យ និង​មាន​និរន្តរភាព​បរិស្ថាន ដើម្បី​គាំទ្រ​ដល់​ការ​អភិវឌ្ឍ​ប្រកបដោយ​សមធម៌ »។ ទន្ទឹមនឹងនេះសេចក្ដីថ្លែងការណ៍បានឲ្យដឹងថា រដ្ឋាភិបាលបានកំណត់ការអភិវឌ្ឍវិស័យថាមពលជាអាទិភាពរបស់ជាតិ ព្រោះថាការផ្គត់ផ្គង់អគ្គិសនីកាន់តែរឹងមាំនឹងជំរុញផលិតភាពសេដ្ឋកិច្ច និងគុណភាពជីវិត។ ខណៈគម្រោងនេះនឹងជួយបង្កើនដល់ អគ្គិសនីកម្ពុជា

រដ្ឋមន្រ្តីការបរទេសអាមេរិកលោក Mike Pompeo បានបញ្ជាក់ពីការប្តេជ្ញាចិត្តរបស់សហរដ្ឋអាមេរិកក្នុងការធ្វើជាដៃគូជាមួយបណ្តាប្រទេសអាស៊ាន ក្នុងកិច្ចខិតខំប្រឹងប្រែងស្តារសេដ្ឋកិច្ចឡើងវិញ។ លោក Pompeo បានធ្វើសេចក្តីថ្លែងការណ៍នេះនៅពេលចូលរួមកិច្ចប្រជុំនិម្មិតនៃកិច្ចប្រជុំថ្នាក់រដ្ឋមន្រ្តីការបរទេស នៃកិច្ចប្រជុំកំពូលអាស៊ីបូព៌ាលើកទី១០ រវាងប្រទេសអាស៊ានទាំង១០ និងដៃគូរបស់ពួកគេ ដែលរួមមានចិន ឥណ្ឌា ជប៉ុន សាធារណរដ្ឋកូរ៉េ អូស្ត្រាលី នូវែលហ្សេឡង់ រុស្ស៊ី និងសហរដ្ឋអាមេរិក និងកិច្ចប្រជុំថ្នាក់រដ្ឋមន្រ្តីអាស៊ាន-សហរដ្ឋអាមេរិកប្រចាំឆ្នាំ ដែលធ្វើឡើងតាមប្រព័ន្ធអ៊ិនធើណេតក្នុងក្របខ័ណ្ឌនៃកិច្ចប្រជុំរដ្ឋមន្ត្រីការបរទេសអាស៊ានលើកទី៥៣ និងកិច្ចប្រជុំពាក់ព័ន្ធនានាចាប់ពីថ្ងៃទី៩ ដល់ថ្ងៃទី១២ ខែកញ្ញា។ នៅឯកិច្ចប្រជុំនោះលោក បានកោតសរសើរចំពោះបណ្តាប្រទេសអាស៊ាន ចំពោះការឆ្លើយតបប្រកបដោយតម្លាភាពរបស់ខ្លួនចំពោះជំងឺរាតត្បាត Covid-19 ហើយបានកោតសរសើរចំពោះវៀតណាម ដែលជាប្រធានអាស៊ានចំពោះការងាររបស់ខ្លួនដែលបានកោះប្រជុំរដ្ឋមន្ត្រីការបរទេសអាស៊ានក្នុងអំឡុងពេលដែលមិនធ្លាប់មាន។ ទន្ទឹមនឹងនេះលោកបានបញ្ជាក់ជាថ្មីនូវការគាំទ្ររបស់សហរដ្ឋអាមេរិក ចំពោះទស្សនវិស័យអាស៊ានស្តីពីឥណ្ឌូ-ប៉ាស៊ីហ្វិកនិងតួនាទីរបស់ខ្លួនក្នុងការណែនាំការចូលរួមរបស់អាមេរិកជាមួយអាស៊ាន និងបានសង្កត់ធ្ងន់ថែមទៀតអំពីតួនាទីសំខាន់របស់ប្លុកនេះស្ថិតនៅចំណុចកណ្តាល នៃចក្ខុវិស័យអាមេរិកសម្រាប់តំបន់ឥណ្ឌូ

យោងតាមរបាយការណ៍របស់រដ្ឋាភិបាលកូរ៉េខាងត្បូងបានឱ្យដឹងថា សេដ្ឋកិច្ចរបស់ប្រទេសកូរ៉េខាងត្បូងត្រូវបានប្រឈមមុខជាមួយនឹងភាពមិនប្រាកដប្រជា ខណៈពេលដែលមានការកើនឡើងជាថ្មីនៃជំងឺរាតត្បាត Covid-19 ។ ក្រសួងសេដ្ឋកិច្ច និងហិរញ្ញវត្ថុកូរ៉េខាងត្បូង​ បាននិយាយនៅក្នុងរបាយការណ៍វាយតម្លៃសេដ្ឋកិច្ចប្រចាំខែរបស់ខ្លួនថា ការលេចចេញជាថ្មីនៃជំងឺរាតត្បាត និងយុទ្ធនាការរឹតត្បិតក្នុងប្រទេស បានធ្វើឱ្យមានភាពមិនប្រាកដប្រជាដល់សេដ្ឋកិច្ចក្នុងស្រុក។ ដោយបានកត់សម្គាល់ថា ការប្រើប្រាស់បានថយចុះ ខណៈដែលការនាំចេញ និងផលិតកម្មមានភាពប្រសើរឡើងនាពេលថ្មីៗនេះ។ ជំងឺរាតត្បាត Covid-19 បានកើតឡើងម្ដងទៀតនៅកូរ៉េខាងត្បូង ជាមួយនឹងចំនួនករណីឆ្លងថ្មីបានកើនឡើងជាលំដាប់ចាប់តាំងពីថ្ងៃទី ១៤ ខែសីហា។ ដើម្បីដោះស្រាយការផ្ទុះឡើងវិញនៃជំងឺរាតត្បាតនេះ រដ្ឋាភិបាលកូរ៉េបានរឹតបន្តឹងគោលការណ៍ណែនាំក្នុងសង្គម ទាក់ទងនឹងការលក់រាយក្រៅប្រព័ន្ធអ៉ីនធឺណេត និងឧស្សាហកម្មសេវាកម្ម។ ខណៈប្រាក់ចំណូលនៃហាងលក់ទំនិញបានធ្លាក់ចុះ ៧.៧% នៅក្នុងខែសីហា បន្ទាប់ពីការធ្លាក់ចុះ ២.៩% កាលពីខែកក្កដា និងការលក់បញ្ចុះតម្លៃបន្តធ្លាក់ចុះក្នុងរយៈពេល ៤ ខែជាប់ៗគ្នា។

ការស្ទង់មតិមួយដែលត្រូវបានចេញផ្សាយកាលពីថ្ងៃព្រហស្បតិ៍បានបង្ហាញថា ក្រុមហ៊ុនចិននៅក្នុងសហភាពអឺរ៉ុបមានទស្សនៈមិនអំណោយផលជាងឆ្នាំមុន ចំពោះភាពងាយស្រួលនៃការធ្វើពាណិជ្ជកម្មនៅក្នុងប្លុកនេះ ប៉ុន្តែពួកគេមានឆន្ទៈក្នុងការបង្កើនការវិនិយោគនៅពេលស្ថានភាពកាន់តែប្រសើរឡើង។ ការស្ទង់មតិត្រូវធ្វើឡើងដោយសភាពាណិជ្ជកម្មចិនទៅកាន់សហភាពអ៊ឺរ៉ុប (CCCEU) និង Roland Berger​ ដែលជាទឹកប្រឹក្សាយុទ្ធសាស្ត្រសកល វាគឺជាផ្នែកមួយនរបាយការណ៍​អនុសាសន៍ប្រចាំឆ្នាំរបស់ CCCEU ដែលមានចំណងជើងថា « ធ្វើសកម្មភាពដើម្បីអនាគតរួម៖ សហគ្រាសចិននៅសហភាពអឺរ៉ុបខិតខំដើម្បីកំណើនចំពេលមានភាពយឺតយ៉ាវ និងឧបសគ្គនៃបទប្បញ្ញត្តិ »។ យោងតាមការស្ទង់់មតិនេះ រកឃើញថាក្រុមហ៊ុនចិននៅសហភាពអឺរ៉ុបបានផ្តល់ពិន្ទុ ៧០ ដល់បរិយាកាសអាជីវកម្មទូទៅ គឺទាបជាង ៧៣ ពិន្ទុក្នុងឆ្នាំ២០១៩ ។ ការស្ទង់មតិនេះក៏បានរកឃើញថា ប្រសិនបើភាពងាយស្រួលនៃការធ្វើជំនួញនៅក្នុងសហគមន៍អ៊ឺរ៉ុបមានភាពប្រសើរឡើង ៦០% ពិចារណាការវិនិយោគកាន់តែច្រើន ហើយជិត ២០% មានបំណងបង្កើនការវិនិយោគនៅទីនោះយ៉ាងជាក់លាក់។ ជាមួយគ្នានេះដែរផ្អែកល់ការស្ទង់មតិនេះ

លោក Bill Gates ធ្លាប់បានជាអ្នកដែលមានជាងគេបំផុត​នៅលើពិភពលោក បន្ទាប់ពីគាត់បានបង្កើតក្រុមហ៊ុន Microsoft នៅឆ្នាំ១៩៧៥។ នៅក្នុងឆ្នាំ២០១៨ មហាសេដ្ឋីរូបនេះមានទ្រព្យសម្បត្តិចំនួន ៩០ ពាន់លានដុល្លារ ហើយបច្ចុប្បន្នគាត់មានទ្រព្យសម្បត្តិចំនួន ៩៨ ពាន់លានដុល្លារ ក្នុងនាមជាបុរសដែលមានបំផុតលំដាប់ទី២ លើពិភពលោកបន្ទាប់ពីស្ថាបនិក Amazon លោក Jeff Bezos។ លោក Bill Gates ត្រូវបានមនុស្សជាច្រើននៅលើពិភពលោកស្គាល់ មិនត្រឹមតែជាស្ថាបនិកក្រុមហ៊ុនបច្ចេកវិទ្យាដ៏ធំ Microsoft ប៉ុណ្ណោះទេ គាត់ក៏ជាមហាសេដ្ឋីសប្បុរសធម៌មួយរូបផងដែរ ក្នុងនាមជាម្ចាស់មូលនិធិ Gates Foundation ហើយគាត់ក៏ជាអ្នកបំផុសគំនិត រួមទាំងផ្ដល់ដំបូន្មាន និងចែករំលែកបទពិសោធន៍ដល់មនុស្សជំនាន់ក្រោយទៀតផង។

ក្រសួងហិរញ្ញវត្ថុថៃនឹងបញ្ឈប់ការផ្ទេរប្រាក់ចំនួន ៥,០០០បាត (ជិត ២០០ ដុល្លារ) សម្រាប់ការឆ្លើយតបនឹងវិបត្តិជំងឺរាតត្បាត Covid-19 ដែលបានយាយីដល់ពលរដ្ឋរបស់ខ្លួន នៅថ្ងៃទី៣០ ចុងខែកញ្ញានេះ ខណៈមនុស្សជាង ៥ ម៉ឺននាក់ នៅមិនទាន់បានទទួលប្រាក់នេះគ្រប់គ្នានៅឡើយទេ ដោយសារដំណើរការផ្ទេរប្រាក់ចូលទៅក្នុងគណនីធនាគាររបស់ពលរដ្ឋមានបញ្ហា (glitche)។ អ្នកនាំពាក្យក្រសួងហិរញ្ញវត្ថុថៃលោក Lawaron Sangsanit បាននិយាយថា ការផ្ទេរប្រាក់ជូនពលរដ្ឋបានចាប់ផ្តើមតាំងតែពីខែមេសា ក្នុងរយៈពេល ៣ខែ ប៉ុន្តែមនុស្សមួយចំនួនមិនបានទទួលចំណែករបស់ពួកគេនៅឡើយទេ ដោយសារបញ្ហាផ្សេងៗ ដូចជាគណនីធនាគាររបស់ពួកគាត់មិនបានបង្កើតសម្រាប់ទទួលការផ្ទេរប្រាក់ជាដើម។ រំលឹកដែរថាកាលពីខែមេសា រដ្ឋាភិបាលថៃបានដាក់ចេញនូវកម្មវិធី “Rao Mai Ting Gun” ដែលជាគម្រោងបែងចែកប្រាក់ដល់ពលរដ្ឋ រួមទាំងកម្មករបណ្តោះអាសន្ន

ការកើនឡើងនៃអត្រាធ្វើអត្តឃាតនៅប្រទេសថៃមានការកើនឡើងដោយសារ បញ្ហាសេដ្ឋកិច្ច ការរិតត្បិតនិងការរាតត្បាតនៅលើពិភពលោក រួមជាមួយបញ្ហាពាក់ព័ន្ធនឹងអាជីវកម្ម។ ទិន្នន័យនេះត្រូវបានប្រកាសកាលពីម្សិលមិញ ស្របពេលទៅនឹងទិវា បង្ការការធ្វើអត្តឃាតពិភពលោក។ នាយកដ្ឋានសុខភាពផ្លូវចិត្តបានចេញរបាយការណ៍មួយដែលបង្ហាញថា មនុស្សចំនួន ២,៥៥១ នាក់ បានសម្លាប់ខ្លួនចាប់ពីខែមករា ដល់ចុងខែ កក្កដា ឆ្នាំ២០២០ ។ ចំនួននេះ គឺកើនឡើង ២២% បើប្រៀបធៀបទៅនឹងរយៈពេល ៦ ខែដំបូងនៃឆ្នាំមុន។ យោងតាមមន្រ្តីសុខាភិបាលបានឲ្យដឹងថា បញ្ហាផ្ទាល់ខ្លួន សម្ពាធសេដ្ឋកិច្ច ការធ្លាក់ចិត្ត និងការសេពសុរា បានធ្វើឲ្យករណីសម្លាប់ខ្លួនមានការកើនឡើង ហើយមើលទៅហាក់ដូចជាជាប់ទាក់ទងនឹងវិបត្តិសេដ្ឋកិច្ចរបស់ប្រទេសថៃនាពេលបច្ចុប្បន្ននេះ។ ដោយឡែកអគ្គនាយកផ្នែកសុខភាពផ្លូវចិត្តថៃលោក Kiartipoom Wongrachit បាននិយាយថា ការកើនឡើងនៃចំនួននេះគឺជាក្តីបារម្ភដ៏ធំមួយ។

សេដ្ឋកិច្ចរបស់ចក្រភពអង់គ្លេស បានកើនឡើង ៦.៦% នៅក្នុងខែកក្កដា នេះបើយោងតាមការិយាល័យស្ថិតិជាតិ (ONS) ប៉ុន្តែទិន្នផលនៅតែទាបជាងកម្រិតមុនពេលមានជំងឺរាតត្បាត Covid-19 ។ នេះគឺជាខែទី៣ ហើយដែលសេដ្ឋកិច្ចអង់គ្លេសបានបន្តកើនឡើង ប៉ុន្តែ ONS បាននិយាយថា ចក្រភពអង់គ្លេសត្រូវបានរកឃើញថា មានតែជាងពាក់កណ្តាលនៃទិន្នផលប៉ុណ្ណោះដែលបានងើបឡើងវិញ ដែលបណ្តាលមកពីជំងឺរាតត្បាត។ ហាងកាត់សក់ និងហាងស្រាបានរួមចំណែកក្នុងការកើនឡើង បន្ទាប់ពីឧស្សាហកម្មទាំងពីរនេះត្រូវបានអនុញ្ញាតឱ្យបើកដំណើរការឡើងវិញនៅខែកក្កដា។ ទោះយ៉ាងណា សេដ្ឋកិច្ចចក្រភពអង់គ្លេសនៅតែទាបជាង ១១.៧% បើប្រៀបធៀបនឹងខែកុម្ភៈ ហើយកំណើននៅខែកក្កដា គឺទាបជាងការកើនឡើង ៨.៧% ក្នុងខែមិថុនា៕ អត្ថបទ៖ នីតា ប្រភព៖ bbc