យោងតាមក្រសួងកសិកម្ម រុក្ខាប្រមាញ់ និងនេសាទកម្ពុជា (MAFF) បានឲ្យដឹងថា ប្រទេសកម្ពុជាកំពុងត្រៀមសម្រាប់ការដឹកជញ្ជូនសាច់គោលើកដំបូងទៅកាន់ទីផ្សារប្រទេសចិន។ ក្រសួងបាននិយាយថា ប្រទេសកម្ពុជានឹងទទួលបានអត្ថប្រយោជន៍ពីសង្គ្រាមពាណិជ្ជកម្ម រវាងសហរដ្ឋអាមេរិក និងចិន និងភាពតានតឹងពាណិជ្ជកម្មរវាងចិន និងអូស្ត្រាលី ដែលជាប្រទេសនាំចេញសាច់គោភាគច្រើនទៅប្រទេសចិន។ ថ្លែងនៅក្នុងពិធីចុះហត្ថលេខាលើកិច្ចសន្យា ដែលមានការចូលរួមពីសហគមន៍កសិកម្មចំនួន ៥៨ និងអ្នកនាំចេញនៅ MAFF នាថ្ងៃទី ២៩ ខែកញ្ញា ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទមានប្រសាសន៍ថា រដ្ឋាភិបាលកំពុងធ្វើពិពិធកម្មផលិតផលកសិកម្ម ហើយសាច់គោគឺជាអាហារសក្តានុពលមួយក្នុងការនាំចេញទៅប្រទេសចិន។ នាពេលអនាគតឆាប់ៗនេះ ប្រជាជាតិអាស៊ីអាគ្នេយ៍នឹងពង្រីកទីផ្សារជាពិសេសផលិតផលកសិកម្មសម្រាប់នាំចេញ។ ឯកឧត្តមរដ្ឋមន្ត្រី បានមានប្រសាសន៍ថា កម្ពុជា

រដ្ឋាភិបាលស្រីលង្កាបានលុបចោលគម្រោងផ្លូវដែកធុនស្រាលដែលត្រូវបានសាងសង់ដោយមានជំនួយហិរញ្ញវត្ថុរបស់ជប៉ុននៅក្នុងទីក្រុងកូឡុំបូ ដែលជាទីក្រុងធំបំផុតរបស់ប្រទេស។ នេះបើយោងតាមការចុះផ្សាយរបស់សារព័ត៌មានថៃ Bangkok Post នៅថ្ងៃទី៣០ ខែកញ្ញានេះ។ ប្រភពដដែ​លបានឲ្យដឹងថា ហេតុផលដែលបានធ្វើឲ្ស្រីលង្កាបានលុបចោលគម្រោងនេះ គឺដោយសារផ្ទះ និងកន្លែងធ្វើជំនួញជាច្រើននឹងត្រូវបំផ្លាញក្នុងកំឡុងពេលសាងសង់ តំបន់ដីសើមសំខាន់ៗនឹងត្រូវខូចខាតយ៉ាងធ្ងន់ធ្ងរការចំណាយលើការសាងសង់ផ្លូវឡើងភ្នំនឹងមានទំហំធំធេង ហើយថ្លៃដើមប្រតិបត្តិការហួសកំរិត។ គួរឲ្យដឹងផងដែរថា ទីភ្នាក់ងារសហប្រតិបត្តិការអន្តរជាតិជប៉ុន (JICA) បានចុះហត្ថលេខាលើកិច្ចព្រមព្រៀងប្រាក់កម្ចីសម្បទានជាមួយប្រទេសស្រីលង្កាក្នុងទឹកប្រាក់ប្រមាណ ៣០ ពាន់លានយ៉េន (ប្រហែល ២៨៤ លានដុល្លារ) កាលពីខែមីនា ឆ្នាំមុន សម្រាប់ប្រព័ន្ធផ្លូវដែកធុនស្រាលដែលការចំណាយសរុបនឹងមានប្រមាណ ២​.៣ ពាន់លានដុល្លារអារមេរិក។ អ្នកនាំពាក្យ​គណៈរដ្ឋមន្រ្តីលោក Keheliya Rambukwella បាន​ប្រាប់អ្នកយកព័ត៌មានថា៖ « ឥឡូវនេះយើងកំពុងតែគិតអំពីគម្រោងដែលមានប្រសិទ្ធភាពជាងនេះ ដែលអាចទទួលបានលទ្ធផលដូចគ្នា

Walt Disney បានប្រកាសកាលពីពេលថ្មីៗនេះថា ក្រុមហ៊ុនរបស់ខ្លួននឹងបញ្ឈប់បុគ្គលិកចំនួន ២៨,០០០ នាក់នៅអាមេរិកក្នុងផ្នែកឧទ្យានកម្សាន្តរបស់ខ្លួន ខណៈពេលដែលកន្លែងកម្សាន្តរបស់ខ្លួនមានការលំបាកក្នុងការកំណត់ចំនួនចូលរបស់ភ្ញៀវ និងការបន្តបិទ Disneyland នៅរដ្ឋ California ដោយសារតែជំងឺរាតត្បាត Covid-19 ។ Disney បាននិយាយនៅក្នុងសេចក្តីថ្លែងការណ៍មួយថា ប្រហែល ២/៣ នៃនិយោជិកដែលបានបញ្ឈប់គឺជាបុគ្គលិកក្រៅម៉ោង។ Disney បានបិទសួនកម្សាន្តរបស់ខ្លួននៅជុំវិញពិភពលោក នៅពេលដែលជំងឺ Covid-19 ចាប់ផ្តើមរីករាលដាលនៅដើមឆ្នាំនេះ។ ប៉ុន្តែ Disneyland បានបើកដំណើរការជាបណ្តើរៗ ទោះបីជាក្រុមហ៊ុនត្រូវបានបង្ខំឱ្យកំណត់ចំនួនភ្ញៀវទេសចរ ដើម្បីអនុញ្ញាតឱ្យមានការរក្សាគម្លាតពីគ្នាក៏ដោយ។ លោក Josh D’Amaro ប្រធានអង្គភាពឧទ្យាន Disney

មជ្ឈមណ្ឌលគ្រប់គ្រងស្ថានការណ៍ជំងឺ Covid-19 (CCSA) របស់ថៃបានប្រកាសថា ខ្លួនបានសំរេចបន្តរយៈពេលអនុគ្រោះសម្រាប់ការបន្តទិដ្ឋាការ សម្រាប់ជនបរទេសដែលជាប់គាំងនៅក្នុងប្រទេសថៃរហូតដល់ថ្ងៃទី ៣១ ខែតុលា ដោយសារជំងឺរាតត្បាត​ Covid-19 ។ យោងតាមអ្នកនាំពាក្យរបស់ CCSA លោក Taweesin Visanuyothin បានសំរេចថា ការសម្រេចចិត្តនេះមិនមានការហោះហើរច្រើនទេ ហើយជនបរទេសដែលជាប់គាំងនៅក្នុងប្រទេសថៃ បានសម្តែងការព្រួយបារម្ភអំពីការកើនឡើងនៃចំនួនអ្នកឆ្លងជំងឺ Covid-19 នៅក្នុងប្រទេសរបស់ពួកគេ។ កាលពីខែកក្កដា អាជ្ញាធរថៃបានផ្តល់ការពន្យារពេលទិដ្ឋាការ ដោយស្វ័យប្រវត្តិចាប់ពីចុងខែមីនា ដល់ថ្ងៃទី ២៦ ខែកញ្ញា ដល់ជនបរទេសទាំងអស់។ នៅខែតុលា បទបញ្ជាអន្តោប្រវេសន៍ថ្មីនឹងអនុញ្ញាតឱ្យជនបរទេសដាក់ពាក្យសុំពន្យារពេល ៦០ ថ្ងៃបន្តនៅក្នុងប្រទេសថៃ ប៉ុន្តែប្រសិនបើពួកគេមិនអាចចាកចេញបានដោយសារតែការហោះហើរមានកំណត់

ភោជនីយដ្ឋាន Nusr-Et Boston ដែលជាភោជនីយដ្ឋានចុងក្រោយបង្អស់ពីតារា Instagram លោក “ Salt Bae” ដែលមានឈ្មោះពិតថា Nusret Gökçe ត្រូវបានបិទទ្វារកាលពីថ្ងៃសៅរ៍ បន្ទាប់ពីចាប់ផ្ដើមដំំណើរការលក់មិនទាន់បានមួយខែស្រួលបួលផង។ នេះបើយោងតាមការចេញផ្សាយរបស់សារព័ត៌មាន foxnews កាលពីថ្ងៃទី២៩ ខែកញ្ញា កន្លងទៅនេះ។ បើយោងតាមប្រភពដដែលបានឲ្យដឹងថា​ ភោជនីយដ្ឋានរបស់កំពូលចុងភៅរូបនេះ ត្រូវបានបញ្ជាឲ្យបិទទ្វារ ដោយសារក្រុមមន្រ្តីបានរកឃើញថា រំលោភបំពាននូវវិធានការទប់ស្កាត់វីរុស Covid-19 របស់រដ្ឋាភិបាល និងបទបញ្ញត្តិសុវត្ថិភាពអគ្គិភ័យ។ មិនតែប៉ុណ្ណោះអាជ្ញាប័ណ្ណស្រារបស់ភោជនីយដ្ឋានក៏ត្រូវបានផ្អាកដោយគ្មានកំណត់ដែរ។ គួរឲ្យដឹងផងដែរថា ភោជនីយដ្ឋាន Nusr-Et Boston បានបើកការសម្ពោធនៅថ្ងៃទី១៨ ខែកញ្ញា

« ក្នុងនាមជាបុរសដែលមានជាងគេបំផុត នៅក្នុ​ងផ្នូរមិនសំខាន់សម្រាប់ខ្ញុំទេ។ អ្វីដែលសំខាន់សម្រាប់ខ្ញុំនោះ គឺការគេងដែលមានអារម្មណ៍ថា យើងបានធ្វើអ្វីមួយដ៏អស្ចារ្យ » នេះគឺសម្ដីរបស់កំពូលអ្នកបង្កើត​បច្ចេកវិទ្យា លោក Steve Jobs ស្ថាបនិកនៃក្រុមហ៊ុន Apple។ លោក Steve Jobs បានចំណាយពេលជាច្រើនឆ្នាំនៃការខិតខំប្រឹងប្រែង ការប្តេជ្ញាចិត្ត និងការតស៊ូដើម្បីកសាងក្រុមហ៊ុន Apple ឱ្យក្លាយជាក្រុមហ៊ុនដ៏ល្បីនាសព្វថ្ងៃនេះ។ បើរាប់ចាប៉ពី MacBook មកដល់ទូរស័ព្ទ iPhone ហើយគិតពីអ្វីដែល Jobs បានធ្វើ គឺវាពិតជាអស្ចារ្យណាស់ ព្រោះគាត់បានផ្លាស់ប្ដូររបៀបរស់នៅរបស់យើងគ្រប់គ្នា។ ទោះយ៉ាងណាក្ដី អ្វីដែលគាត់បានបង្កើតឡើងនេះ មិនមែនជាអំណោយដ៏ធំពីកំពូលមនុស្សរូបនេះនោះទេ អំណោយដ៏ធំបំផុតរបស់

យោងតាមធនាគារពិភពលោក (WB) បានឱ្យដឹងថា ការរីករាលដាលនៃជំងឺរាតត្បាត Covid-19 ត្រូវបានគេរំពឹងថា នឹងនាំឱ្យមានកំណើនសេដ្ឋកិច្ចទាបបំផុតក្នុងរយៈពេលជាង ៥០ ឆ្នាំនៅអាស៊ីបូព៌ា និងប៉ាស៊ីហ្វិកក៏ដូចជាប្រទេសចិនផងដែរ។ WB បាននិយាយថា នៅតាមដំបន់នៅឆ្នាំនេះត្រូវបានគេព្យាករថា នឹងកើនឡើងត្រឹមតែ ០.៩% ដែលជាអត្រាទាបបំផុតចាប់តាំងពីឆ្នាំ ១៩៦៧ ។ កំណើនសេដ្ឋកិច្ចនៅក្នុងប្រទេសចិន ត្រូវបានគេរំពឹងថា នឹងកើនឡើង ២% នៅឆ្នាំនេះ ដែលជំរុញដោយការចំណាយរបស់រដ្ឋាភិបាល ការនាំចេញ និងអត្រានៃការឆ្លងជំងឺ Covid-19 ដែលមានអត្រាទាបចាប់តាំងពីខែមីនា ប៉ុន្តែមានការថយចុះក្នុងការប្រើប្រាស់នៅក្នុងស្រុក។ WB បានបន្តថា តំបន់អាស៊ីបូព៌ា និងប៉ាស៊ីហ្វិកត្រូវបានគេព្យាករថានឹងមានការធ្លាក់ចុះ ៣.៥%

ខណៈពេលដែលសេដ្ឋកិច្ចសហរដ្ឋអាមេរិក បានស្ទុះងើបឡើងវិញលឿនជាងការរំពឹងទុក បន្ទាប់ពីការធ្លាក់ចុះយ៉ាងខ្លាំងនៅក្នុងត្រីមាសទី២ ការងារសហរដ្ឋអាមេរិកប្រហែលជានឹងមិនងើបឡើងវិញដល់កម្រិតមុនពេលមានជំងឺរាតត្បាត Covid-19 ឡើយរហូតដល់ឆ្នាំ ២០២៣ ។ លោក Patrick Harker ប្រធាន Philadelphia ធនាគារបម្រុងសហព័ន្ធបាននិយាយថា « សេណារីយ៉ូនៃកំណើនជាបន្ត ដែលខ្ញុំបានបង្ហាញគឺអាស្រ័យលើការធ្លាក់ចុះនៃអត្រាឆ្លងជំងឺ Covid-19 ថ្មីដែលអាចបណ្តាលមកពីការពាក់ម៉ាស់ជាសកល ជាពិសេសគឺការស្នាក់នៅក្នុងផ្ទះ »។ លោកបន្តថា « យើងក៏សន្មតថា​ វ៉ាក់សាំងនឹងអាចត្រូវបានគេប្រើយ៉ាងទូលំទូលាយ នៅពាក់កណ្តាលឆ្នាំក្រោយ។ ប៉ុន្តែ ជំងឺ Covid-19 បានបង្រៀនឱ្យពិភពលោកទទួលបានការឈឺចុកចាប់ និងពិបាកក្នុងការគ្រប់គ្រងណាស់ »។ លោក Harker