ក្រុមហ៊ុនរថយន្តប្រណិត Rolls-Royce របស់ចក្រភពអង់គ្លេស បានបិទទ្វារក្រុមហ៊ុនចែកចាយរបស់ខ្លួននៅក្នុងប្រទេសវៀតណាម ហើយកំពុងស្វែងរកដៃគូថ្មីដើម្បីជំនួសវិញ។ នេះបើយោងតាមការចុះផ្សាយរបស់សារព័ត៌មាន retailnews កាលពីថ្ងៃទី១៥ ខែតុលា ឆ្នាំ២០២០ ម្សិលមិញនេះ។ ក្រុមហ៊ុនបាននិយាយកាលពីថ្ងៃអង្គារថា មូលហេតុដែលខ្លួនសម្រេចបិទក្រុមហ៊ុនចែកចាយរថយន្តនៅវៀតណាមដែលមានឈ្មោះថា Regal Motor Cars នៅទីក្រុងហាណូយ ព្រោះក្រុមហ៊ុនមិនបានបង្ហាញថា មិនមានប្រសិទ្ធិភាពដូចការរំពឹងទុកនោះទេ។ ប៉ុន្តែទោះជាយ៉ាងណាក៏ដោយសេវាកម្ម នឹងនៅតែមិនប៉ះពាល់ដល់អតិថិជនដែលមានស្រាប់ ដោយ Regal បន្តផ្តល់វារហូតដល់ក្រុមហ៊ុនតែងតាំងអ្នកចែកចាយថ្មី។ គួរឲ្យដឹងផងដែរថា ហាងចែកចាយនេះបានបើកនៅឆ្នាំ២០១៤ ជាមួយបន្ទប់តាំងបង្ហាញនៅលើផ្លូវ Thuong Kiet Street និងមជ្ឈមណ្ឌលសេវាកម្មនៅផ្លូវ Nguyen Van Linh។

យោងតាមមន្ត្រីសុខាភិបាលចិនបានឱ្យដឹងថា វ៉ាក់សាំងការពារជំងឺ Covid-19 ចំនួន ២ ដូសដែលមានតម្លៃ ៦០ ដុល្លារត្រូវបានផ្តល់ជូនសម្រាប់ប្រជាជនមួយចំនួន នៅក្នុងទីក្រុងភាគខាងកើតនៃប្រទេសចិន។ ក្រុមមន្រ្តីនៅក្នុងទីក្រុង Jiaxing ប្រទេសចិនបាននិយាយកាលពីថ្ងៃព្រហស្បតិ៍ ទី ១៥ ខែតុលាថា ប្រជាជនដែលមានអាយុចន្លោះពី ១៨ ដល់ ៥៩ ឆ្នាំដែលមានតម្រូវការបន្ទាន់ អាចស្វែងរកការពិគ្រោះយោបល់នៅតាមគ្លីនិក ដើម្បីចាក់វ៉ាក់សាំង Sinovac Biotech ដែលអាជ្ញាធរបានផ្តល់ដល់ក្រុមបុគ្គលិកពេទ្យ។ ពួកគេមិនបាននិយាយថា តើមានមនុស្សប៉ុន្មាននាក់នៅក្នុងទីក្រុងដែលត្រូវទទួលបានការចាក់វ៉ាក់សាំងនេះទេ ដោយវ៉ាក់សាំងមានចំនួន ២ ដូសត្រូវចាក់ចំនួនពីរដង ដោយចាក់លើកទី១ ហើយត្រូវរងចាំរយៈពេល ២៨ ថ្ងៃទើបត្រូវចាក់ម្ដងទៀត

ដូចដែលយើងបានដឹងរួចមកហើយថា ស្ថាបនិកក្រុមហ៊ុន Microsoft គឺលោក Bill Gates តែងតែខ្វាយខ្វល់ និងលើកឡើងជារឿយៗអំពីរោគរាតត្បាតនានា ជាក់ស្ដែងចំពោះជំងឺរាតត្បាត covid-19 មហាសេដ្ឋីរូបនេះ តែងតែនិយាយណែនាំរហូត ចាប់តាំងពីរោគចាប់ផ្ដើមផ្ទុះឡើង​ រហូតគេអាចង្កើតវ៉ាក់សាំងបាន។ យ៉ាងណាមិញស្របពេលដែលអត្រាអ្នកឆ្លងជំងឺនេះកើនឡើងដល់ជាង ៣៩ លាននាក់ កាលពីថ្ងៃ អាទិត្យ កន្លងទៅនេះ ក្នុងបទសម្ភាសន៍ជាមួយ NBC News លោក Bill Gates បាននិយាយថា៖ « យើងអាចវិលត្រឡប់មករកសភាពធម្មតាវិញបន្ទាប់ពីរោគរាតត្បាត នៅពេលមានវ៉ាក់សាំងដែលមានប្រសិទ្ធភាព និងមានតំលៃសមរម្យ »។ លោកបានពន្យល់ថា មធ្យោបាយតែមួយគត់ដើម្បីធ្វើឱ្យមានសភាពដូចដើមវិញ

ប្រជាជនហ្វីលីពីនយ៉ាងតិច ៤.៨ លាននាក់នៅក្នុងឧស្សាហកម្មទេសចរណ៍ ត្រូវបានរងផលប៉ះពាល់យ៉ាងធ្ងន់ធ្ងរ ដោយជំងឺរាតត្បាត Covid-19 ។ រដ្ឋមន្រ្តីក្រសួងទេសចរណ៍ហ្វីលីពីនលោកស្រី Bernadette Romulo-Puyat បាននិយាយថា រហូតមកដល់ពេលនេះចំណូលទេសចរណ៍អន្តរជាតិ ៧៧% បើធៀបនឹងឆ្នាំមុន ត្រូវបានបាត់បង់ដោយសារការហាមឃាត់មិនឱ្យភ្ញៀវទេសចរអន្តរជាតិមកទស្សនា។ លោកស្រីបានបន្ថែមថា វិស័យទេសចរណ៍បានផ្តល់ការងារដល់ប្រជាជនចំនួន ៥.៧ លាននាក់នៅក្នុងឆ្នាំ ២០១៩ ។ រហូតមកដល់សព្វថ្ងៃនេះកម្មករចំនួន ៤.៨ លាននាក់បានរងផលប៉ះពាល់ ដែលបណ្ដាលឱ្យពួកគេបាត់បង់ការងារ ឬកាត់បន្ថយប្រាក់ខែ។ នៅឆ្នាំ ២០១៩ ហ្វីលីពីនបានកត់ត្រាចំនួនភ្ញៀវទេសចរណ៍អន្តរជាតិចំនួន ៨.២៦ លាននាក់ និង ១១០ លាននាក់នៃការមកដល់នៃភ្ញៀវទេសចរណ៍ក្នុងស្រុក។

ឯកអគ្គរដ្ឋទូតរុស្ស៊ី ដែលទើបតែតែងតាំងថ្មី គឺឯកឧត្តម អាណាតូលី បូរូវីក ( Anatoly BOROVIK ) បានបញ្ជាក់ថា អ្នកវិនិយោគទុនរុស្ស៊ីមានការចាប់អារម្មណ៍ជាខ្លំាងក្នុងការបណ្តាក់ទុននៅកម្ពុជា ក្នុងវិស័យជាច្រើនរួមមាន វិស័យថាមពលជាដើម។ ឯកឧត្តមឯកអគ្គរដ្ឋទូតបានធ្វើការបញ្ជាក់បែបនេះ នៅក្នុងជំនួបសម្ដែងការគួរសមជាមួយសម្តេចអគ្គមហាពញាចក្រី ហេង សំរិន ប្រធានរដ្ឋសភា នាព្រឹកថ្ងៃទី១៦ ខែតុលា ឆ្នាំ២០២០ នេះ។ នៅក្នុងជំនួបនោះដែរ សម្តេចអគ្គមហាពញាចក្រី ហេង សំរិន បានស្វាគមន៍ និងគាំទ្រចំពោះបេសកកម្មការទូតរបស់អាណាតូលី បូរូវីក នៅកម្ពុជា និងបានបញ្ជាក់ថា រដ្ឋសភាកម្ពុជា ពេញចិត្តចំពោះវឌ្ឍនភាពនៃកិច្ចសហ ប្រតិបត្តិការនានា

រោគរាតត្បាត Covid-19 បាននាំឱ្យចំណូលពន្ធនៅភូកេតត្រូវកាត់បន្ថយពាក់កណ្តាល ខណៈការបិទច្រកព្រំដែន ហាមឃាត់ភ្ញៀវទេសចរអន្តរជាតិ បានធ្វើឱ្យចំណូលពន្ធសម្រាប់គោលដៅកោះដ៏ល្បីល្បាញមួយនេះធ្លាក់ចុះ។ ចាប់ពីខែមករាដល់ខែសីហា ចំណូលពន្ធសរុបពីមួយឆ្នាំទៅមួយឆ្នាំបានធ្លាក់ចុះជាង ៤៦% នេះបើយោងតាមទិន្នន័យពីការិយាល័យចំណូលតំបន់ភូកេតដែលទទួលបានពីសារព័ត៌មានភូកេត។ ប្រភពដដែលបានឲ្យដឹងថា នៅក្នុងខែមករា ខណៈពេលដែលវីរុសនៅតែបន្តរាតត្បាតនៅក្នុងប្រទេសចិន ប្រាក់ចំណូលពីពន្ធប្រចាំឆ្នាំរបស់ភូកេតកើនឡើង ៥.៣៨% កើនពី ១.០៣ ពាន់លានបាត ដល់ ១.០៩ ពាន់លានបាត។ ដោយឡែកនៅពេលវីរុសឆ្លងរីករាលដាលនៅដំណាច់ខែមករានោះ ប្រាក់ចំណូលពន្ធបានធ្លាក់ចុះ ៥.២២% ដោយធ្លាក់ចុះដល់ ១.០៣ ពាន់លានបាត។ ចំនួននេះបានធ្លាក់ចុះបន្ថែមទៀត នៅពេលដែលការរីករាលដាលបានឆ្លងពាសពេញពិភពលោក ហើយប្រទេសថៃបានបិទព្រំដែនរបស់ខ្លួនដោយហាមឃាត់ភ្ញៀវទេសចរអន្តរជាតិ។ ជាក់ស្ដែងក្នុងខែមីនា នៅពេលការផ្ទុះឡើងនៃវីរុស Covid-19 ត្រូវបានប្រកាសថា

យោងតាមរបាយការណ៍របស់ធនាគារពិភពលោក (WB) បានបង្ហាញថា ប្រទេសឥណ្ឌូនេស៊ីត្រូវបានដាក់បញ្ចូលក្នុងបញ្ជីប្រទេសមានប្រាក់ចំណូលមធ្យមចំនួន ១០ ប្រទេស ដែលមានបំណុលបរទេសច្រើនជាងគេបំផុតនៅលើពិភពលោក។ បំណុលក្រៅប្រទេសរបស់ឥណ្ឌូនេស៊ី បានកើនឡើងដល់ ៤០២.០៨ ពាន់លានដុល្លារ ក្នុងឆ្នាំ ២០១៩ ពីចំនួន ១៧៩.៤ ពាន់លានដុល្លារដែលបានកត់ត្រាកាលពី ១០ ឆ្នាំមុន។ កាលពីឆ្នាំមុនបំណុលរយៈពេលវែងបានកើនដល់ ៣៥៤.៥៤ ពាន់លានដុល្លារ ខណៈពេលដែលបំណុលរយៈពេលខ្លីមានត្រឹម ៤៤.៧៩ ពាន់លានដុល្លារ។ គួរឱ្យដឹងផងដែរថា WB បានកត់សម្គាល់ថា បំណុលបរទេសរបស់បណ្តាប្រទេសដែលមានប្រាក់ចំណូលទាប និងមធ្យមនៅទូទាំងពិភពលោកបានកើនឡើងដល់ ៨ ទ្រីលានដុល្លារនៅក្នុងឆ្នាំ ២០១៩ ។ តួលេខនេះ

ប្រធានាធិបតីហ្វីលីពីនលោក Rodrigo Duterte បាននិយាយកាលពីថ្ងៃទី១៤ ខែតុលា ថា លោកត្រូវការទឹកប្រាក់បន្ថែមទៀត ដើម្បីផ្គត់ផ្គង់វ៉ាក់សាំងដល់ប្រជាជននៅទូទាំងប្រទេស ខណៈរដ្ឋាភិបាលមានប្រាក់សម្រាប់ផ្គត់ផ្គង់វ៉ាក់សាំងការពារជំងឺកូវីដ-១៩ រួចទៅហើយ តែផ្គត់ផ្គង់បានតែជនក្រីក្រ ប៉ូលីស និងយោធាប៉ុណ្ណោះ នេបើយោងតាមការរាយការណ៍ពីសារព័ត៌មានរ៉យទ័រ។ នៅក្នុងសុន្ទរកថាតាមទូរទស្សន៍មួយ ប្រធានាធិបតីរូបនេះបាននិយាយថា៖ « ប្រជាជនទាំងអស់គួរតែទទួលបានវ៉ាក់សាំងគ្រប់ៗគ្នា ហើយលោកពេញចិត្តនឹងការផ្គត់ផ្គង់វ៉ាក់សាំងកូវីដ-១៩ មកពីប្រទេសរុស្ស៊ី ឬ ចិន »។ វ៉ាក់សាំងរបស់ប្រទេសទាំងពីរនេះ បានដាក់ពាក្យស្នើសុំ ដើម្បីធ្វើការពិសោធន៍ព្យាបាលជំងឺរបស់ពួកគេនៅក្នុងប្រទេសហ្វីលីពីន។ យ៉ាងណាមិញក្រៅពីវ៉ាក់សាំងរបស់រុស្ស៊ី និងចិន ប្រទេសហ្វីលីពីនក៏កំពុងវាយតម្លៃទៅលើវ៉ាក់សាំងរបស់ក្រុមហ៊ុន Johnson & Johnson ដែលកំពុងអនុវត្តការសាកល្បងដំណាក់កាលទី៣ នៃវ៉ាក់សាំងកូវីដ-១៩។