ប្រធានាធិបតីអាមេរិកលោក Joe Biden បានមានប្រសាសន៍ថា រដ្ឋបាលរបស់លោក បានចាក់វ៉ាក់សាំងការពារវីរុស Covid-19 ចំនួន ២០០ លានម្ជុល (Shot) ដោយបំពេញគោលរបស់ប្រធានាធិបតីរូបនេះមុនពេលកំណត់។ គួររម្លឹកថា លោក Biden បានសន្យាថា នឹងផ្តល់នូវវ៉ាក់សាំង ២០០ លានម្ជុល (Shot) ឬ ស្មើនឹង ១០០លានដូសនេះក្នុងរយៈពេល ១០០ថ្ងៃដំបូងរបស់លោក នៃការចូលកាន់ដំណែង។ នាពេលនោះលោកបានមានប្រសាសន៍ថា « ១០០ ថ្ងៃដំបូងរបស់ខ្ញុំនឹងមិនបញ្ចប់វីរុស Covid-19 ទេ តែយើងអាចផ្លាស់ប្តូរកម្រិតនៃជំងឺ និងផ្លាស់ប្តូរជីវិតនៅអាមេរិកឱ្យប្រសើរឡើង »។

Royal International Corporation ដែលប្រតិបត្តិការកាស៊ីណូធំជាងគេនៅភាគខាងជើងទីក្រុង Ha Long ប្រទេសវៀតណាមបានរាយការណ៍ពីការខាតបង់ក្រោយបង់ពន្ធជិត ១.២៧ ពាន់លានដុង (១.១៧ លានដុល្លារ) ក្នុងត្រីមាសទី១។ ក្រុមហ៊ុនបានឲ្យដឹងបន្ថែមថា ការខាតបង់លើកនេះគឺជា ត្រីមាសទី៦ ហើយ ពោលគឺ ខាត ៦ត្រីមាសជាប់ៗគ្នាតែម្ដង បន្ទាប់ពីក្រុមហ៊ុនបានរាយការណ៍ពីការខាតបង់កន្លងមក។ នៅក្នុងរបាយការណ៍ហិរញ្ញវត្ថុរបស់ខ្លួន ក្រុមហ៊ុនដែលចុះបញ្ជីមូលបត្រ HCMC មួយនេះ បានស្តីបន្ទោសការខាតបង់ដោយសារតែផលប៉ះពាល់នៃការផ្ទុះឡើងរលកថ្មីនៃ Covid-19 ដែលបានកើតឡើងនៅចុងខែមករាឆ្នាំនេះ។ ការផ្ទុះនេះ បានធ្វើឲ្យប្រាក់ចំណូលនៅត្រីមាសទី១ ធ្លាក់ចុះ ២៤% ពីមួយឆ្នាំទៅមួយឆ្នាំមកត្រឹម ២៧ ពាន់លានដុង

ដើម្បី​ចូលរួមចំណែក​ក្នុង​ប្រយុទ្ធ​ប្រឆាំងនឹង​ការរីក​រាលដាល​នៃ​ជំងឺ​កូ​វីដ​-១៩ ក្នុងប្រទេស​កម្ពុជា កាលពី​ថ្ងៃទី​២០ ខែមេសា ឆ្នាំ​២០២១ ម្សិលមិញ​នេះ រដ្ឋាភិបាល​វៀតណាម បានផ្តល់​ជំនួយ​សប្បុរ​ស​ធម៌​ជា​ថវិកា​ចំនួន ៣០០ ០០០​ដុល្លារ​អាមេរិក ដល់​រាជរដ្ឋាភិបាល និង​ប្រជាជន​កម្ពុជា​។ នេះ​បើ​យោងតាម​សេចក្តីប្រកាស​ព័ត៌មាន​របស់​ក្រសួងការបរទេស និង​សហប្រតិបត្តិការ​អន្តរជាតិ ដែល​ទីភ្នាក់ងារសារព័ត៌មាន​កម្ពុជា (AKP) ទទួលបានកាលពីពេលថ្មីៗនេះ​។​ ​សេចក្តីប្រកាស​ព័ត៌មាន​បានបញ្ជាក់​បន្ថែម​ថា ថ្នាក់ដឹកនាំ​វៀតណាម ក៏បាន​សម្តែង​នូវ​ជំនឿ​ជឿជាក់​យ៉ាង​មុតមាំ​ថា ក្រោម​ការដឹកនាំ​ដ៏​ឈ្លាសវៃ​របស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ប្រទេស​កម្ពុជា​នឹង​អាច​ជម្នះ​បាន​នូវ​ការលំបាក​បង្កដោយ​រោគរាតត្បាត​នេះ​ដោយ​ជោគជ័យ និង​ងើប​ឡើងវិញ​យ៉ាងរឹងមាំ​ជាង​មុន ក្នុងពេល​ឆាប់ៗ​ខាងមុខ​។​ ​ដោយឡែក រាជរដ្ឋាភិបាល និង​ប្រជាជន​កម្ពុជា ក៏បាន​ថ្លែងអំណរគុណ​យ៉ាង​ជ្រាលជ្រៅ​ចំពោះ​រដ្ឋាភិបាល និង​ប្រជាជន​វៀតណាម

នៅថ្ងៃទី២១ ខែមេសា ឆ្នាំ២០២១នេះ ក្រសួងពាណិជ្ជកម្ម បង្ហាញតំបន់គោលដៅតម្លើងស្តង់ដាក់លក់ គ្រឿងឧបភោគបរិភោគ ជូនប្រជាពលរដ្ឋរស់នៅក្នុងតំបន់ក្នុងតំបន់ក្រហម។ សូមបញ្ជាក់ថា នៅថ្ងៃទី២២ ខែមេសា ឆ្នាំ២០២១ ក្រសួងពាណិជ្ជកម្មនឹងបន្ថែមបន្លែមួយចំនួន មានដូចជា ស្ពៃក្តោប ត្រសក់ ត្រប់ស្រួយ ពោត ជាដើម ហើយក្រសួងកសិកម្មរុក្ខាប្រមាញ់ និងនេសាទ នឹងសម្របសម្រួលអោយមានត្រី សាច់សំរាប់ការងារនេះផងដែរ៕ ប្រភព៖ ក្រសួងព័ត៌មាន

ក្រសួងកសិកម្មបាន រុក្ខប្រមាញ់ និងនេសាទបានឱ្យដឹងថា បច្ចុប្បន្នកម្ពុជា មានតម្រូវការបន្លែក្នុងស្រុកប្រចាំ ឆ្នាំប្រមាណ ១លានតោន ប៉ុន្តែការផលិត និងផ្គត់ផ្គង់ក្នុងស្រុកបានប្រមាណ ០.៧៥លានតោនប៉ុណ្ណោះ ដូច្នេះហើយក្រសួង បាននិងកំពុងជំរុញឱ្យប្រជាពលរដ្ឋដាំដុះឱ្យបានច្រើនបន្ថែមទៀត ដើម្បីអាចឆ្លើយតបទៅនឹងតម្រូវការរបស់ប្រជាពលរដ្ឋ និងកាត់បន្ថយការនាំចូល។ ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងដូច្នេះ ឆ្លើយតបទៅនឹងទស្សនៈរបស់បុគ្គលមួយចំនួន ដែលបានបង្ហោះផ្សព្វផ្សាយតាមប្រព័ន្ធបណ្តាញសង្គមថា “ហេតុអ្វីនៅតែនាំចូលបន្លែពីក្រៅប្រទេស”។ ជុំវិញទស្សនៈនេះ ក្រសួងកសិកម្ម បានបកស្រាយបំភ្លឺនូវចំណុចមួយចំនួនពាក់ព័ន្ធនឹងប្រធានបទខាងលើថា តម្រូវការបន្លែក្នុងស្រុកប្រចាំឆ្នាំ មានប្រមាណ ១លានតោន ប៉ុន្តែការផលិត និងផ្គត់ផ្គង់ក្នុងស្រុកបានប្រមាណ ០.៧៥លានតោន។ ដូច្នេះក្រសួងអាចផ្គត់ផ្គង់បានប្រហែល ៧៥ភាគរយ ជាមធ្យម (អាចប្រែប្រួលតាមរដូវ

យោងតាមការចុះផ្សាយរបស់សារព័ត៌មានមួយរបស់ប្រទេសថៃ បានឲ្យដឹងថា ប្រជាជនថៃអាចទទួលបានលិខិតឆ្លងដែនវ៉ាក់សាំង (vaccine passports) ដើម្បីធ្វើដំណើរទៅបរទេស។ ប្រភពដដែលបានឲ្យដឹងថា ព្រឹត្តិប័ត្រព័ត៌មាន Royal Gazette បានផ្សព្វផ្សាយគោលការណ៍ណែនាំស្តីពីការចេញវិញ្ញាបនប័ត្រនៃការចាក់ថ្នាំបង្ការ រឺ លិខិតឆ្លងដែនវ៉ាក់សាំង ដែលនឹងត្រូវចុះហត្ថលេខាដោយលោកវេជ្ជបណ្ឌិត Opas Karnkawinpong អគ្គនាយកនៃអគ្គនាយកដ្ឋានត្រួតពិនិត្យជំងឺ។ ក្នុងការផ្សព្វផ្សាយនោះបានបង្ហាញថា វិញ្ញាបនប័ត្រនេះ នឹងត្រូវសរសេរជាភាសាអង់គ្លេស ហើយនឹងមានឈ្មោះអ្នកកាន់ព័ត៌មានផ្ទាល់ខ្លួនក៏ដូចជាព័ត៌មានលំអិតនៃការចាក់វ៉ាក់សាំង Covid-19 ដែលអាចត្រូវបានប្រើសម្រាប់ការធ្វើដំណើរទៅបរទេស។ ជាមួយគ្នានេះដែរ វិញ្ញាបនប័ត្រនេះនឹងត្រូវបានចេញឱ្យតែអ្នកដែលបានទទួលវ៉ាក់សាំង ដែលត្រូវបានចុះបញ្ជីក្រោមច្បាប់នៃឱសថរបស់ប្រទេសថៃ ឬ ត្រូវបានបញ្ជាក់ដោយអង្គការសុខភាពពិភពលោកតែប៉ុណ្ណោះ។ លើសពីនេះឯកសារត្រូវតែមានហត្ថលេខារបស់អគ្គនាយកនៃនាយកដ្ឋានប្រយុទ្ធនឹងជំងឺ ឬ អ្នកដែលត្រូវបានជ្រើសរើស ក៏ដូចជាត្រារបស់ទីភ្នាក់ងារ ហើយលិខិតឆ្លងដែនវ៉ាក់សាំងមួយនឹងបញ្ជាក់បានតែបុគ្គលម្នាក់ប៉ុណ្ណោះ៕ អត្ថបទ៖

បើទោះបីជាប្រទេសថៃកំពុងចាក់វ៉ាក់សាំងការពារ​ Covid-19 ដែលអាចជួយឲ្យស្ថានភាពប្រទេសត្រឡប់ទៅដូចមុនពេលផ្ទុះវីរុសបានលឿនជាងមុនក៏ដោយ ក៏បំណុលគ្រួសាររបស់ប្រជាជនថៃត្រូវបានគេរំពឹងថា នឹងកើនឡើង។ អ្នកវិភាគនៅ Kasikorn Research បានបង្ហើបថា តាមពិតទៅបំណុលរបស់ប្រជាជនថៃអាចឈានដល់ ៨៩-៩១% នៅដំណាច់ឆ្នាំនេះ។ នៅក្នុងការស្ទង់មតិថ្មីៗនេះ KResearch បានឲ្យដឹងថា អ្នកឆ្លើយតប ១០.៨% បង្ហាញថាអាចនឹងជាប់គាំងនៅក្នុងវិបត្តិហិរញ្ញវត្ថុ។ ក្នុងចំណោមអ្នកដែលអាចជាប់គាំង អ្នកខ្លះបានបង្ហាញពីការធ្លាក់ចុះប្រាក់ចំណូល អសមត្ថភាពក្នុងការកាត់បន្ថយចំណាយ និងបន្ទុកក្នុងការសងបំណុលខ្ពស់ ដោយក្នុងមួយខែលើសពី ៥០% នៃប្រាក់ចំណូលប្រចាំខែរបស់ពួកគេ។ ក្រុមអ្នកឆ្លើយសំណួរស្ទង់មតិនេះក៏មានការព្រួយបារម្ភផងដែរថា ខ្លួនប្រហែលជាមិនអាចផ្គត់ផ្គង់តម្រូវការមូលដ្ឋានរបស់ខ្លួនទៀតនោះទេ។ គួរឲ្យរម្លឹកផងដែរថា តួលេខបំណុលរបស់ប្រជាជនថៃនៅត្រីមាសទី៣ ឆ្នាំ២០២០ ទាបជាង ៨៦.៦% និងដំណាច់ឆ្នាំ ៨៩.២%។

យោងតា​មការចុះផ្សាយរបស់ទូរទស្សន៍ជាតិកម្ពុជាមុននេះបន្តិចបានឲ្យដឹងថា ក្រសួងពាណិជ្ជកម្ម ប្រកាសដាក់ឲ្យប្រើប្រាស់ទីផ្សារអនឡាញក្រសួងពាណិជ្ជកម្ម សម្រាប់គ្រឿងឧបភោគបរិភោគចាំបាច់ ក្នុងអំឡុងពេលបិទខ្ទប់ភូមិសាស្រ្ត រាជធានីភ្នំពេញ និងក្រុងតាខ្មៅខេត្តកណ្តាល។ ជាមួយគ្នានេះដែរ ក្រសួងបានចេញសេចក្ដីប្រកាសមួយដែលរៀបរាប់លម្អិតដូច្នេះថា៖ ប្រភព៖ ទូរទស្សន៍ជាតិកម្ពុជា