ផ្សារទំនើប អ៉ីអន ម៉ល នាថ្ងៃទី២៥ ខែវិច្ឆិកា ឆ្នាំ២០២១ នេះបានឱ្យដឹងថា ខាងផ្សារទាំងពីរសាខាកំពុងរៀបចំសម្រាប់ថ្ងៃ Black Friday ដើម្បីធ្វើការបញ្ចុះតម្លៃរហូតដល់ ៥០% លើមុខទំនិញ និងហាងរាប់រយកន្លែងនៅក្នុងផ្សារលំដាប់អន្តរជាតិមួយនេះ។ កម្មវិធីប្រូម៉ូសិនពិសេស មានរយៈពេលតែ ៣ថ្ងៃប៉ុណ្ណោះគឺ ចាប់ពីថ្ងៃទី២៦ ២៧ ២៨ ខែវិច្ឆិកា ឆ្នាំ២០២១ ខាងមុខនេះ។ គួរបញ្ជាក់ផងដែរថា Black Friday គឺជាឈ្មោះក្រៅផ្លូវការដែលប្រើដើម្បីពណ៌នាថ្ងៃឈប់សម្រាកបន្ទាប់ពីពិធីបុណ្យ Thanksgiving ។ ជាទូទៅ វាជាថ្ងៃដើរទិញឥវ៉ាន់ដ៏មមាញឹកបំផុតប្រចាំឆ្នាំ ព្រោះជាពេលចាប់ផ្តើមរដូវវិស្សមកាល។ រដូវកាលនេះ សំខាន់ណាស់សម្រាប់សេដ្ឋកិច្ច

យោងតាមអង្គការ ពលកម្មអន្តរជាតិ (ILO) បានឱ្យដឹងថា ភាពអត់ការងារធ្វើក្នុងចំណោមយុវជន និងយុវនារីក្នុងប្រទេសថៃបានឈានដល់កម្រិតខ្ពស់មួយដែលមិនធ្លាប់កើតមានក្នុងប៉ុន្មានឆ្នាំថ្មីៗនេះ ដោយសារឥទ្ធិពលនៃជំងឺរាតត្បាត Covid-19 ។ ទីភ្នាក់ងារអង្គការសហប្រជាជាតិបាននិយាយនៅក្នុងការធ្វើបច្ចុប្បន្នភាពទីផ្សារការងាររបស់ប្រទេសថៃដែលបានចេញផ្សាយនៅសប្តាហ៍នេះថា ការងាររបស់យុវជនបានធ្លាក់ចុះ ៧% នៅក្នុងត្រីមាសទីមួយនៃឆ្នាំ២០២១ ពីត្រីមាសទី៤ នៃឆ្នាំ២០១៩ ហើយអត្រាអត់ការងារធ្វើរបស់យុវជនបានកើនឡើង ៣% ទាំងបុរស និងស្រ្តី។ ជាមួយគ្នានេះដែរ យោងតាមរបាយការណ៍ ការរឹតបន្តឹងទាក់ទងនឹងជំងឺរាតត្បាត ប៉ះពាល់ដល់ការងារនៅក្នុងគ្រឹះស្ថានតូចៗដែលមានបុគ្គលិកតិចជាង ៥០នាក់។ ហើយការងាររបស់យុវជននៅក្នុងគ្រឹះស្ថានទាំងនេះបានរងទុក្ខច្រើនបំផុត ដោយធ្លាក់ចុះ ១៨% សម្រាប់យុវជន និង ២៤% សម្រាប់យុវនារី។ លោក Graeme Buckley

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ឯកឧត្តម ប៊ុន រដ្ឋា នាយកអាកាសយានដ្ឋានអន្តរជាតិសៀមរាប បានថ្លែងនៅក្នុងកិច្ចប្រជុំពិភាក្សាស្តីអំពីកិច្ចប្រតិបត្តិស្តង់ដារវិធានសុវត្ថិភាព SOP ដើម្បីទទួលភ្ញៀវទេសចរបរទេសវ៉ាក់សាំងពេញលេញ កាលពីរសៀលថ្ងៃ៥រោច ខែកត្តិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃពុធ ទី២៤ ខែវិច្ឆិកា ឆ្នាំ២០២១ថា អាកាសយាន ដ្ឋានអន្តរជាតិសៀមរាប បានត្រៀមខ្លួនរួចជាស្រេចហើយ ជាមួយនឹងការរង់ចាំស្វាគមន៍ទទួល ភ្ញៀវទេសចរបរទេសវ៉ាក់សាំងពេញលេញ ដែលត្រូវចូលមកទស្សនាខេត្តសៀមរាប។ នៅក្នុងកិច្ចប្រជុំនេះ ក៏បានវាយតម្លៃថា កិច្ចការធានា ការពារសុវត្ថិភាពភ្ញៀវ វាមិនត្រឹមតែជាការឱ្យតម្លៃលើសេវាបដិសណ្ឋារកិច្ចប៉ុណ្ណោះទេ តែនេះគឺជាកិច្ចរក្សាតម្លៃ និងកត្តិយសរបស់ជាតិ។ ឯកឧត្តម ប៊ុន រដ្ឋា

សម័យឌីជីថល កាន់តែជឿនលឿនជាពិសេសវិស័យធនាគារកំពុងតែបានពង្រីកខ្លួនកាន់តែខ្លាំង តាមរយៈការធ្វើទំនើបកម្មប្រព័ន្ធធនាគារតាមបែបឌីជីថល ហើយវាក៏កំពុងតែពេញនិយមខ្លាំងនៅក្នុងសម័យបច្ចុប្បន្ននេះដូចគ្នា ដោយសារតែវាចំណាយពេលវេលាតិចជាងមុនក្នុងការធ្វើប្រតិបត្តិការណ៍នានាដូចជាដកប្រាក់ ផ្ទេរប្រាក់ក្នុងរឺក្រៅប្រទេស និងការទូទាត់ជាដើម។ ប៉ុន្តែបងប្អូនមួយចំនួនមិនបានចាប់អារម្មណ៍ពីគុណវិបត្តិមួយចំនួនតូច ជុំវិញការប្រើប្រាស់ធនាគារតាមបែបឌីជីថលនេះទេ ដោយយើងមិនគួរប្រើប្រាស់គណនីធនាគារតែមួយនោះទេ ព្រោះប្រសិនបើធនាគារមួយនោះមានបញ្ហាបច្ចេកទេសណាមួយ វានឹងធ្វើអោយអ្នកមានការលំបាក រឺយឺតយ៉ាវក្នុងការបន្ទាន់ណាមួយដូចជាទូទាត់ប្រាក់ក្នុងទំហំធំ រឺតូចទៅតាមកាលៈទេសៈជាក់ស្តែង។ នៅព្រឹកថ្ងៃទី២៥ ខែវិច្ឆិកា ឆ្នាំ២០២១ App របស់ធនាគារ ABA ដែលអាចនិយាយបានថាជាធនាគារទី១ នៅកម្ពុជា ដែលមានអ្នកប្រើប្រាស់ ABA Mobile ច្រើនជាងគេបានមានបញ្ហាបច្ចេកទេស ធ្វើអោយអ្នកប្រើប្រាស់មួយចំនួនមិនអាចធ្វើការទូទាត់បានទាំងអស់ លុះត្រាតែធ្វើដំណើរទៅកាន់សាខាធនាគារ ដើម្បីធ្វើការដកសាច់ប្រាក់សុទ្ធយកមកទូទាត់។ ដោយក្នុងនោះធនាគារ ABA ក៏បានបង្ហោះសារនៅលើទំព័រ Facebook ផ្លូវការថា៖

យោងតាមការចុះផ្សាយរបស់ក្រសួងព័ត៌មានតាមរយៈសារសម្លេងបានឱ្យដឹងថា សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រាប់លោក ង្វៀន ហ៊ុយតាំង ឯកអគ្គរដ្ឋទូតវៀតណាម ប្រចាំនៅកម្ពុជាថា កម្ពុជា និងវៀតណាម គួរមានកិច្ចព្រមព្រៀងមួយស្តីពីកិច្ចសហប្រតិបត្តិការលើការធ្វើកសិកម្មតាមព្រំដែនរវាងប្រទេសទាំងពីរ។ សម្តេចតេជោ ហ៊ុន សែន បានលើកពីចំណងចង់ឱ្យមានកិច្ចព្រមព្រៀងស្តីពីកិច្ចសហប្រតិបត្តិការលើការធ្វើកសិកម្មនៅតាមព្រំដែនជាមួយវៀតណាមនេះ ក្នុងពេលសម្តេចអនុញ្ញាតឱ្យ ង្វៀន ហ៊ុយតាំង ដែលជាឯកអគ្គរដ្ឋទូតថ្មីរបស់វៀតណាម ប្រចាំនៅកម្ពុជា ចូលជួបសម្តែងការគួរសមនៅព្រឹកថ្ងៃពុធ ទី២៤ ខែវិច្ឆិកា ឆ្នាំ២០២១នេះ។ បើតាមឯកឧត្តម អ៊ាង សុផល្លែត ជំនួយការផ្ទាល់របស់សម្តេចតេជោ បានឱ្យដឹងថា នៅក្នុងជំនួបនេះសម្តេចតេជោ បានកត់សម្គាល់ពីភាពល្អប្រសើរនៃការធ្វើពាណិជ្ជកម្មរវាងកម្ពុជា និងវៀតណាម

ប្រធានាធិបតីចិន លោក Xi Jinping បានសន្យាបន្តគាំទ្រសមាជិកអាស៊ាន ក្នុងការប្រយុទ្ធប្រឆាំងនឹងជំងឺរាតត្បាតកូវីដ-១៩ និងការស្តារសេដ្ឋកិច្ចឡើងវិញ ក្នុងអំឡុងកិច្ចប្រជុំកំពូលពិសេស ដើម្បីរំលឹកខួបលើកទី៣០ នៃទំនាក់ទំនងកិច្ចសន្ទនាចិន-អាស៊ាន នៅថ្ងៃទី២២ ខែវិច្ឆិកា។ នៅក្នុងសុន្ទរកថា មេដឹកនាំចិនបាននិយាយថា ប្រទេសចិនបានត្រៀមខ្លួនរួចជាស្រេចក្នុងការផ្តល់ជំនួយអភិវឌ្ឍន៍ដល់អាស៊ានចំនួន ១.៥ ពាន់លានដុល្លារបន្ថែមទៀតក្នុងរយៈពេលបីឆ្នាំខាងមុខ។ ហើយថ្មីៗនេះប្រទេសចិនបានដាក់ចេញនូវគំនិតផ្តួចផ្តើមអភិវឌ្ឍន៍សកលដើម្បីអំពាវនាវឱ្យមានកិច្ចខិតខំប្រឹងប្រែងរួមគ្នារបស់សហគមន៍អន្តរជាតិក្នុងការដោះស្រាយបញ្ហាប្រឈម ជំរុញការស្តារសេដ្ឋកិច្ចពិភពលោក និងពន្លឿនការអនុវត្តរបៀបវារៈឆ្នាំ២០៣០ របស់អង្គការសហប្រជាជាតិសម្រាប់ការអភិវឌ្ឍន៍ប្រកបដោយចីរភាព។ ទន្ទឹមនឹងនេះ ប្រទេសចិន​បាន​ត្រៀម​ខ្លួន​ជា​ស្រេច​ដើម្បី​ធ្វើ​ការ​ជាមួយ​បណ្តា​ប្រទេស​អាស៊ាន​ដើម្បី​រួម​គ្នា​បង្កើត “ខែល​សុខភាព” សម្រាប់​តំបន់។ ក្រោមគំនិតផ្តួចផ្តើមនេះ ប្រទេសចិនមានឆន្ទៈក្នុងការបរិច្ចាគវ៉ាក់សាំងការពារជំងឺកូវីដ១៩បន្ថែមចំនួន ១៥០លានដូស ដល់បណ្តាប្រទេសអាស៊ាន ដើម្បីគាំទ្រដល់អត្រាការចាក់វ៉ាក់សាំងកាន់តែខ្ពស់នៅក្នុងប្រទេសក្នុងតំបន់។ ជាមួយគ្នានេះ លោក Xi បាននិយាយថា

យោងតាមការចុះផ្សាយរបស់ក្រសួងព័ត៌មានបានឱ្យដឹងថា នៅក្នុងជំនួបពិភាក្សាការងារជាមួយឯកអគ្គរដ្ឋទូតវៀតណាមថ្មីប្រចាំកម្ពុជា សម្ដេចតេជោនាយករដ្ឋមន្ត្រីមានកម្ពុជា បានស្នើឲ្យវៀតណាមជំរុញឱ្យមានការហោះហើរត្រង់រវាងកម្ពុជានិងវៀតណាមឡើងវិញ។ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជានាវិមានសន្តិភាព នៅព្រឹកថ្ងៃទី២៤ ខែវិច្ឆិកា ឆ្នាំ ២០២១នេះ បានទទួលជួបពិភាក្សាការងារជា មួយឯកឧត្តម ង្វៀន ហ៊ុយតាំង (Nguyen Huy Tang )អគ្គរដ្ឋទូតវៀតណាមថ្មីប្រចាំនៅកម្ពុជា ។ ឯកឧត្តមអ៊ាង សុផល្លែត ជំនួយការផ្ទាល់សម្ដេចតេជោហ៊ុនសែន ប្រាប់អ្នកសារព័ត៌មានក្រោយបញ្ចប់ជំនួបឱ្យដឹងថា ក្នុងជំនួបនោះឯកឧត្តម ង្វៀន ហ៊ុយតាំង (Nguyen Huy Tang ) បានគោរពជម្រាបជូនសម្តេចតេជោនាយករដ្ឋមន្ត្រីថា

ក្រុមហ៊ុនបច្ចេកវិទ្យាយក្សរបស់កូរ៉េខាងត្បូង Samsung Electronics បាននិយាយថា ខ្លួននឹងសាងសង់រោងចក្រផលិតបន្ទះឈីប ថ្មីមួយនៅសហរដ្ឋអាមេរិក ចំពេលមានការខ្វះខាតជាសកលនៃបន្ទះឈីបកុំព្យូទ័រ។ ក្រុមហ៊ុនលំដាប់អន្តរជាតិមួយនេះ បានប្រកាសកាលពីថ្ងៃពុធថា ខ្លួននឹងវិនិយោគទឹកប្រាក់ប្រមាណ ១៧ពាន់លានដុល្លារនៅក្នុងរោងចក្រ ដែលនឹងជំរុញការផលិតឧបករណ៍អេឡិចត្រូនិកកម្រិតខ្ពស់ ដោយរោងចក្រថ្មីនេះ នឹងមានទីតាំងនៅ Taylor រដ្ឋ Texas។ ការសាងសង់នឹងចាប់ផ្ដើម​នៅ​ឆមាស​ទី​មួយ​ឆ្នាំ​ក្រោយ ដោយ​មាន​គោល​បំណង​ចាប់​ផ្តើម​ផលិត​កម្ម​នៅ​ពាក់​កណ្តាល​ចុង​ឆ្នាំ​ ២០២៤។ រោងចក្របន្ទះឈីបថ្មីនេះ នឹងក្លាយជាកន្លែងទីពីររបស់ក្រុមហ៊ុន Samsung នៅសហរដ្ឋអាមេរិក ហើយ​ត្រូវ​បាន​គេ​រំពឹង​ថា​នឹង​បង្កើត​ការងារ​ប្រហែល​ ២០០០ កន្លែង​សម្រាប់​កម្មករ​ដែល​មាន​ជំនាញបច្ចេកវិទ្យា​ខ្ពស់។ លោក Kim Ki-nam អនុប្រធាន Samsung បាននិយាយថា៖ ជាមួយនឹងសមត្ថភាពផលិតកាន់តែច្រើន