យោងតាមការចុះផ្សាយរបស់ក្រសួងព័ត៌មានបានឱ្យដឹងថា រាជរដ្ឋាភិបាលបានប្តេជ្ញាចិត្តយ៉ាងមុតមាំក្នុងការកែទម្រង់ឱ្យកាន់តែស៊ីជម្រៅ និង លើកទឹកចិត្តដល់វិនិយោគិនឱ្យមកបោះទុននៅកម្ពុជាកាន់តែច្រើន ដើម្បីទាក់ទាញអ្នកវិនិយោគមកកម្ពុជាបន្ថែមទៀត។ តាមរយៈសារលិខិតក្នុងឱកាសពិធីបុណ្យចូលឆ្នាំថ្មីប្រពៃណីជាតិ ឆ្នាំខាល ចត្វាស័ក ព.ស.២៥៦៦ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានមានប្រសាសន៍ថា ក្នុងឆ្នាំ២០២១កន្លងទៅ និងរហូតមកដល់ជិតពាក់កណ្តាលឆ្នាំ២០២២នេះ កម្ពុជាក៏ដូចបណ្ដាប្រទេសនៅលើពិភពលោកបាននិងកំពុងទទួលរងនូវផលប៉ះពាល់អវិជ្ជមានពីជំងឺកូវីដ-១៩ មកលើបញ្ហា សុខភាព សង្គម សេដ្ឋកិច្ច និងជីវភាពរស់នៅប្រចាំថ្ងៃរបស់ប្រជាជន ហើយថែមទាំងអាចបន្ទច់បង្អាក់ដល់ កិច្ចដំណើរការអភិវឌ្ឍឈានឡើងរបស់កម្ពុជាផងដែរ។ សម្តេចតេជោ បន្តថា ក្នុងឆ្នាំ២០២១កន្លងទៅ សេដ្ឋកិច្ចកម្ពុជាមានកំណើន ប្រមាណ២,៤% ហើយសម្រាប់ឆ្នាំ២០២២នេះ តាមការប៉ាន់ស្មាន សេដ្ឋកិច្ចកម្ពុជាអាចមានកំណើនក្នុងអត្រា ៤,៨%។ កម្ពុជាបានអនុវត្តគោលនយោបាយម៉ាក្រូសេដ្ឋកិច្ចប្រកបដោយភាពប្រុងប្រយ័ត្ន

យោងតាមការចុះផ្សាយរបស់សារព័ត៌មាន NHK បានឱ្យដឹងថា រដ្ឋាភិបាលជប៉ុន បានដាក់ទណ្ឌកម្មជាផ្លូវការលើរុស្ស៊ីដែលរួមបញ្ចូលទាំងការបង្កកទ្រព្យសម្បត្តិកូនស្រី ២នាក់របស់លោកប្រធានាធិបតី Vladimir Putin។ សារព័ត៌មានដដែលបានឱ្យដឹងថា គណៈរដ្ឋមន្រ្តីបានអនុម័តទណ្ឌកម្មកាលពីអង្គារ ដោយនិយាយថា ទង្វើដែលប្រព្រឹត្តដោយកងកម្លាំងរុស្ស៊ី ស្មើនឹងឧក្រិដ្ឋ..កម្មសង្គ្រាម ហើយពិតជាមិនអាចអត់ឱនបានឡើយ។ ជាមួយគ្នានេះមនុស្សជិត ៤០០នាក់ នឹងត្រូវបានបញ្ចូលទៅក្នុងបញ្ជីនៃអ្នកដែលត្រូវបង្កកទ្រព្យសម្បត្តិ ហើយក្នុងនោះរួមមានកូនស្រីរបស់លោក ពូទីន សមាជិកសភាជាតិ និងមនុស្សដែលមានទំនាក់ទំនងជាមួយផ្នែកយោធា។ ក្រៅពីនេះក៏មានស្ថាប័នហិរញ្ញវត្ថុធំជាងគេ Sberbank និងធំលំដាប់ទីបួនរបស់រុស្ស៊ី Alfa Bank ក៏នឹងត្រូវបង្កកទ្រព្យសម្បត្តិរបស់ពួកគេ រួមជាមួយនឹងអង្គការពាក់ព័ន្ធយោធាចំនួន ២៦ និងក្រុមហ៊ុនរបស់រដ្ឋផងដែរ។ លើសពីនេះ ការវិនិយោគថ្មីនៅក្នុងប្រទេសរុស្ស៊ី នឹងត្រូវបានហាមឃាត់ ហើយការនាំចូលគ្រឿងចក្រ

យោងតាមការចុះផ្សាយរបស់ក្រសួងព័ត៌មានមុននេះបន្តិចបានឱ្យដឹងថា រាជរដ្ឋាភិបាល ជំរុញការតភ្ជាប់ខ្សែបណ្តាញចរន្តប្រើប្រាស់អគ្គិសនី ឱ្យដល់ផ្ទះប្រជាពលរដ្ឋឱ្យបាន ១០០ភាគរយ ដើម្បីបំពេញឱ្យបានតាមតម្រូវការប្រើប្រាស់អគ្គិសនីជូនប្រជាពលរដ្ឋ ខណៈបច្ចុប្បន្នការងារនេះសម្រេចបានប្រមាណ ៩៧,៥៣ ភាគរយ។ សម្តេចអគ្គមហាសេនាបតីតេជោ ហ៊ុន សែន នាយករដ្ឋ មន្រ្តីនៃព្រះរាជាណាចក្រកម្ពុជា តាមរយៈសារលិខិតជូនរួមជាតិអបអរសាទក្នុងពិធីបុណ្យចូលឆ្នាំថ្មីប្រពៃណីជាតិ បានគូសបញ្ជាក់ថា ចំពោះវិស័យថាមពលអគ្គិសនីវិញ នៅឆ្នាំ២០២១ កន្លងទៅ បរិមាណថាមពលនៃប្រភពផ្គត់ផ្គង់អគ្គិសនីក្នុងស្រុកផ្ទាល់របស់កម្ពុជា សម្រេចបានជាង៩ ៧០៩ លានគីឡូវ៉ាត់ម៉ោង បើធៀបនឹងឆ្នាំមុនដែលមានជាង៨ ៦១៤លានគីឡូវ៉ាត់ម៉ោង កើនឡើង៧,៨៦%។ សម្តេចតេជោ បានបន្តថា ការតភ្ជាប់ខ្សែបណ្តាញចរន្តឱ្យដល់ប្រជាពលរដ្ឋជាអ្នកប្រើប្រាស់ថាមពលអគ្គិសនីតាមខ្នងផ្ទះរហូតដល់ឆ្នាំ២០២១ នេះ គេហដ្ឋានប្រជាពលរដ្ឋសុទ្ធសាធបានកើនដល់ប្រមាណជាង៣លាន១សែនខ្នងផ្ទះ ត្រូវជាប្រមាណ ៨៦,៤៣% នៃចំនួនសរុបប្រមាណជាង៣លាន៦សែនខ្នងផ្ទះនិងគ្របដណ្តប់ដល់ភូមិប្រមាណ៩៧,៥៣%

មូលនិធិរូបបិយវត្ថុអន្តរជាតិ (IMF) បានបង្កើតគណនីថ្មីពិសេសមួយ ដើម្បីអនុញ្ញាតឱ្យម្ចាស់ជំនួយ​ និងអង្គការអន្តរជាតិនូវមធ្យោបាយសុវត្ថិភាពក្នុងការបញ្ជូនធនធានហិរញ្ញវត្ថុទៅកាន់ប្រទេសអ៊ុយក្រែនដែលត្រូវខ្ទេចខ្ទាំដោយសារសង្រ្គាម។ ក្រុមប្រឹក្សាប្រតិបត្តិរបស់ (IMF) បានអនុម័តការបង្កើតគណនីថ្មីនេះកាលពីថ្ងៃសុក្រ បន្ទាប់ពីរដ្ឋាភិបាលកាណាដាបានស្នើរផ្តល់ប្រាក់រហូតដល់ ១ពាន់លានដុល្លារកាណាដា តាមរយៈរថយន្តដែលត្រូវគ្រប់គ្រងដោយ (IMF)។ គណនីនេះនឹងអនុញ្ញាតឱ្យម្ចាស់ជំនួយផ្ដល់ជំនួយ និងប្រាក់កម្ចីដើម្បីជួយរដ្ឋាភិបាលអ៊ុយក្រែនបំពេញសមតុល្យនៃការទូទាត់ និងតម្រូវការថវិកា និងជួយធ្វើឱ្យសេដ្ឋកិច្ចមានស្ថិរភាព ខណៈដែលប្រទេសនេះនូវតែបន្តការពារប្រឆាំងនឹងការឈ្លានពានដ៏សាហាវរបស់រុស្ស៊ី។ បុគ្គលិក (IMF) កាលពីខែមុនបាននិយាយថា សេដ្ឋកិច្ចរបស់ប្រទេសអ៊ុយក្រែនត្រូវបានគេរំពឹងថា នឹងធ្លាក់ចុះ ១០ភាគរយនៅឆ្នាំ២០២២ ដែលជាលទ្ធផលនៃការលុកលុយ ប៉ុន្តែបានព្រមានថា ទស្សនវិស័យអាចនឹងកាន់តែអាក្រក់ទៅៗ ប្រសិនបើជម្លោះបន្តអូសបន្លាយ។ គួរបញ្ជាក់ថា រដ្ឋាភិបាលអ៊ុយក្រែនកំពុងស្វែងរកហិរញ្ញប្បទានបរទេសប្រហែល ៤ពាន់លានអឺរ៉ូ បន្ថែមពីលើចំនួនប្រហែល ៣ពាន់លានអឺរ៉ូដែលខ្លួនបានទទួលរួចហើយដើម្បីដោះស្រាយការខ្វះខាតថវិកា នេះបើយោងតាមរដ្ឋមន្ត្រីក្រសួងហិរញ្ញវត្ថុអ៊ុយក្រែនលោក Serhiy

មហាសេដ្ឋី Elon Musk បានបដិសេធមិនចូលរួមក្នុងក្រុមប្រឹក្សាភិបាលរបស់ Twitter បន្ទាប់ពីក្លាយជាម្ចាស់ភាគហ៊ុនធំជាងគេរបស់ បណ្ដាញសង្គមយក្សមួយនេះ ជាមួយនឹងភាគហ៊ុន ៩.២%។ ការបដិសេធនេះ បានបង្កភាពភ្ញាក់ផ្អើលដល់អ្នកលេងបណ្ដាញសង្គមមួយនេះ យ៉ាងខ្លាំង ខណៈកន្លងមកមហាសេដ្ឋីរូបនេះបានរិះគន់ និងមានបំណងចង់កែប្រែទម្រង់ជាច្រើនរបស់ Twitter។ នាយកប្រតិបត្តិរបស់ Twitter លោក Parag Agrawal បានប្រកាសថា Musk ដែលជាម្ចាស់ភាគហ៊ុនដ៏ធំបំផុតរបស់ក្រុមហ៊ុនប្រព័ន្ធផ្សព្វផ្សាយសង្គម នឹងមិនចូលរួមក្នុងក្រុមប្រឹក្សាភិបាលរបស់ខ្លួនទេ។ មហាសេដ្ឋីអាមេរិករូបនេះ ត្រូវបានផ្តល់ជូនកៅអីក្រុមប្រឹក្សាភិបាលកាលពីថ្ងៃអង្គារ ជាមួយនឹងការតែងតាំងរបស់គាត់ដែលមានសុពលភាពចាប់ពីថ្ងៃសៅរ៍។ លោក Agrawal នៅក្នុង twitter បានប្រកាសពីការសម្រេចចិត្តរបស់ Musk ក្នុងការមិនចូលរួមក្រុមប្រឹក្សាភិបាល។

នៅពេលនិយាយអំពីការវិនិយោគ ការធ្វើជំនួញ ឬការដំណើរការជីវិតផ្ទាល់ខ្លួនមហាសេដ្ឋី Warren Buffett តែងតែនិយាយអ្វីដែលត្រឹមត្រូវដើម្បីផ្តល់នូវប្រាជ្ញា និងការបំផុសគំនិត។ ជាក់ស្ដែងកាលពី ១៥ឆ្នាំមុន នៅពេលសួរសំណួរពីម្ចាស់ភាគហ៊ុន និងអ្នកគាំទ្រនៅឯកិច្ចប្រជុំប្រចាំឆ្នាំក្រុមហ៊ុន Berkshire Hathaway មហាសេដ្ឋី Buffett ត្រូវបានក្មេងជំទង់ចោទសួរថាតើដំបូន្មានអ្វីដែលគាត់នឹងផ្តល់ឲ្យយុវជនដើម្បីទទួលបានជោគជ័យ? ចំពោះសំណួរនេះមហាសេដ្ឋីលំដាប់ទី៤ លើពិភពលោកបានឆ្លើយថា៖​ « វិធីតែមួយគត់ដែលអ្នកអាចទទួលបានជោគជ័យគឺ ត្រូវចេះជ្រើសរើសមនុស្ស មិនថាអ្នកស្ថិតក្នុងវ័យ ឬ ដំណាក់កាលណាក៏ដោយ ការដើរលេងជាមួយមនុស្សល្អជាងអ្នក ជ្រើសរើសមិត្តរួមការងារដែលមានអាកប្បកិរិយាល្អជាងអ្នក អ្នកនឹងរសាត់តាមទិសដៅនោះ។ មនុស្សដែលអ្នកជ្រើសរើសនៅក្បែរពិតជាសំខាន់ណាស់សម្រាប់ការអភិវឌ្ឍអាជីពរបស់អ្នក។ នៅពេលអ្នកជ្រើសរើសមនុស្សដែលនៅជុំវិញអ្នកជាបុគ្គលដែលល្អ និងឆ្លាតជាងអ្នក ហើយរៀនពីទម្លាប់ជោគជ័យរបស់ពួកគេ អ្នកនឹងស្រូបចំណេះដឹងរបស់ពួកគេ ហើយអ្នកកាន់តែពូកែ និងឆ្លាតជាងមុន»៕

យន្តហោះឯកជនរាប់សិបគ្រឿងដែលជាកម្មសិទ្ធរបស់មហាសេដ្ឋីរុស្ស៊ីត្រូវបានហាមឃាត់មិនឱ្យចាកចេញនៅក្នុងទីក្រុងឌូបៃ បន្ទាប់ពីត្រូវបានគេហោះហើរទៅទីនោះដើម្បីគេចចេញពីការដាក់ទណ្ឌកម្ម។ កាសែត The Wall Street Journal បានរាយការណ៍ថា យន្តហោះឯកជនជាកម្មសិទ្ធិរបស់មហាសេដ្ឋីរុស្ស៊ី ដែលបានហោះទៅកាន់ទីក្រុងឌូបៃ ដើម្បីស្វែងរកការជ្រកកោនពីការដាក់ទណ្ឌកម្ម បន្ទាប់ពីប្រទេសរុស្ស៊ីបានលុកលុយអ៊ុយក្រែនបានជាប់គាំងនៅទីនោះ។ យន្តហោះឯកជនដែលជាប់គាំងនោះមាន ជាង ១០០គ្រឿង ហើយបានចតនៅអាកាសយានដ្ឋានឌូបៃ ចាប់តាំងពីសង្រ្គាមបានចាប់ផ្តើម។ បើយោងតាមគេហទំព័ររបស់ WINGX “ជាមួយនឹងជើងហោះហើរក្រៅប្រទេសចំនួន ៤៩ ក្នុងសប្តាហ៍ដំបូងនៃខែមីនា ការតភ្ជាប់រុស្ស៊ី​ទៅអារ៉ាប់រួម គឺមានភាពមមាញឹកជាងពេលមានការរាតត្បាតដល់ទៅ ៣ដង ប៉ុន្តែមានត្រឹមតែ ២/៣ នៃសកម្មភាពហោះចេញក្រៅក្នុងអំឡុងសប្តាហ៍ចុងក្រោយនៃខែកុម្ភៈ”។ ជាមួយគ្នានេះ រូបភាពពីផ្កាយរណបដែលថតដោយក្រុមហ៊ុនរូបភាពផែនដី Planet Labs ក៏បង្ហាញពីការប្រមូលផ្តុំនៃយន្តហោះឯកជនពីពាក់កណ្តាលខែកុម្ភៈដល់ដើមខែមេសាដែរ នេះបើយោងតាមកាសែត

យោងតាមការចុះផ្សាយរបស់សារព័ត៌មាន bangkokpost បានឱ្យដឹងថា ការលុកលុយរបស់រុស្ស៊ីលើអ៊ុយក្រែនបានបង្កឱ្យមានកង្វះខាតប្រេងឆាដែលចម្រាញ់ចេញពីផ្កាឈូករ័ត្នជាសាកល ដែលបានជំរុញឱ្យតម្លៃប្រេងដែលអាចបរិភោគបានផ្សេងទៀតឡើងដល់កម្រិតខ្ពស់ ហើយធ្វើឱ្យអ្នកផលិតម្ហូបអាហារ និងអ្នកប្រើប្រាស់កំពុងប្រឈមមុខនឹងអតិផរណា។ កង្វះខាតនៃប្រេងផ្កាឈូករ័ត្នរបស់អ៊ុយក្រែនបានបង្កឱ្យមានឥទ្ធិពលដូមីណូ (domino) ធ្វើឱ្យទំនិញផ្សេងៗនៅលើទីផ្សារជាពិសេសទំនិញប្រេងផ្សេងៗទៀតកើនឡើងខ្ពស់ដូចជា គ្រាប់ធញ្ញជាតិ ដូង និងប្រេងអូលីវ ខណៈដែលអ្នកផលិតអាហារស្វែងរកជម្រើសផ្សេង។ តម្លៃប្រេងផ្កាឈូករ័ត្នសកលបានកើនឡើង ៤៤% នៅចុងខែមីនាធៀបនឹងឆ្នាំមុន ខណៈដែលប្រេង rapeseed បានកើនឡើង ៧២% ប្រេង​សណ្តែកសៀង​ឡើង ​៤១% ប្រេងដូង​ឡើង ​៦១% និង​ប្រេង​អូ​លីវ​ឡើង​ ១៥% នេះបើយោងតាមក្រុមហ៊ុនទិន្នន័យទីផ្សារ Mintec Ltd។ គួរបញ្ជាក់ផងដែរថា ប្រទេសអ៊ុយក្រែន គឺជាប្រទេសផលិតប្រេងផ្កាឈូករ័ត្នដ៏សំខាន់ដែលបង្កើតបានជាង ៤៧%