ដូចដែលយើងបានដឹងរួចមកហើយថា ប្រទេសថៃសំបូរទៅដោយកន្លែងប្រមូលផ្ដុំទំនិញជាច្រើនប្រភេទ និងកន្លែងបោះដុំធំៗសម្រាប់អាជីវករមកពីគ្រប់ទិសទី។ ប៉ុន្តែទីផ្សារទាំងនោះ ត្រូវបានផ្អាកមួយរយៈធំដោយសារតែការរាតត្បាតដោយជំងឺកូវីដ-១៩ ហើយទើបតែបើកដំណើរការឡើងវិញខ្លះៗ នាពេលថ្មីៗនេះប៉ុណ្ណោះ។ យ៉ាងណាមិញ ដើម្បីជួយលើវិស័យនេះឱ្យវិលមករកកំណើនដូចមុន ក៏ដូចជាពង្រីកឱ្យកាន់តែធំទូលាយថែមទៀតនោះ ក្រសួងពាណិជ្ជកម្មថៃ បានបង្កើតផែនការដ៏ឈ្លាសវៃមួយ ដែលអាចឱ្យប្រជាជនថៃរកប្រាក់បានកាន់តែច្រើនតាមរយៈការលក់ផលិតផលនានា ជាពិសេសគឺសម្លៀកបំពាក់ដល់ប្រជាជនចិន តាមយៈបណ្ដាញសង្គម TikTok ។ អគ្គនាយកនៃអគ្គនាយកដ្ឋានជំរុញពាណិជ្ជកម្មអន្តរជាតិ ក្រសួងពាណិជ្ជកម្ម លោក Phusit Ratanakun Seriruengrit មានប្រសាសន៍ថា ការលក់ទំនិញម៉ូដតាម TikTok អាចបង្កើត ឱកាសកាន់តែច្រើនសម្រាប់អ្នកលក់ថៃ ក្នុងការទទួលបានប្រាក់ចំណូលពីអតិថិជនចិន ដោយសារ TikTok មានប្រជាប្រិយភាពនៅក្នុងប្រទេសចិន ដោយមានអ្នកប្រើប្រាស់ដល់ទៅ ១.១

យោងតាមការចុះផ្សាយរបស់សារព័ត៌មាន thethaiger បានឱ្យដឹងថា ក្រុមហ៊ុន Tesla បានចុះបញ្ជីនៅក្នុងប្រទេសថៃនៅថ្ងៃទី២៥ ខែ​ឧសភា ឆ្នាំ២០២២ ម្សិលមិញនេះជាមួយដើមទុនដំបូងចំនួន ៣លានបាត (ប្រមាណ ៨៧ម៉ឺនដុល្លារ) សិន។ តាមសារព័ត៌មានដដែល គោលបំណងចម្បងរបស់ក្រុមហ៊ុន Tesla នៅក្នុងប្រទេសថៃ គឺលក់រថយន្តអគ្គិសនី ឬ EVs រួមទាំងដំឡើង និងលក់ប្រព័ន្ធស្តុកថាមពល និងប្រព័ន្ធផលិតថាមពលផងដែរ។ ទោះជាយ៉ាងនេះក្ដី ក្រុមហ៊ុន Tesla ត្រូវបានគេមើលឃើញថា ទំនងជានឹងលក់រថយន្តនៅក្នុងប្រទេសថៃជាជាងផលិត ឬដំឡើងរថយន្ត។ ការមកដល់របស់ក្រុមហ៊ុន Tesla នៅក្នុងប្រទេសថៃ គឺស្របតាមគោលនយោបាយរបស់រដ្ឋាភិបាលក្នុងការជំរុញការប្រើប្រាស់រថយន្តអគ្គិសនីដើម្បីកាត់បន្ថយការបញ្ចេញកាបូន។ ជាមួយគ្នានេះកាល​ពី​ខែ​មីនា

តម្លៃប្រេងសាំងនៅក្នុងប្រទេស​វៀតណាមបានហក់ឡើងដល់ជាង ៣០,០០០ ដុង (ប្រមាណ ១.៣០ ដុល្លារ) ក្នុងមួយលីត្រកាលពីថ្ងៃច័ន្ទ បន្ទាប់ពីអាជ្ញាធរបានកែសម្រួលតម្លៃដែលកើនឡើងនេះជាលើកទី៥ ជាប់ៗគ្នា។ តម្លៃប្រេងសាំងដ៏ពេញនិយម RON 95 និងជីវឥន្ធនៈ E5 RON 92 ទាំងពីរបានកើនឡើង ២.៣% ដល់ ៣០.៦៥០ដុង (១.៣២ដុល្លារ) និង ២៩.៦៣០ដុង (១.២៨ ដុល្លារ)។ ប៉ុន្តែតម្លៃប្រេងម៉ាស៊ូត ប្រេងកាត mazut មានតម្លៃថោកជាង ៣.១​-៤.៧ភាគរយ។ យោងតាមការចុះផ្សាយរបស់សារព័ត៌មាន vnexpress បានឱ្យដឹងថា នេះ​ជា​លើក​ទី​មួយ​ហើយដែល​តម្លៃ​សាំង​នៅ​ប្រទេស​វៀតណាម​ឡើង​លើស​តម្លៃ​ខ្ទង់

យោងតាមការចុះផ្សាយរបស់ក្រសួងព័ត៌មានបានឱ្យដឹងថា សមាគមអភិបាលក្រុងនិយមនិយាយភាសាបារាំង ហៅកាត់ថា (AIMF) សហជីពអន្តរខេត្តសម្រាប់ប្រព័ន្ធអនាម័យនៅតំបន់ប៉ារីស¬ហៅកាត់ថា (SIAAP) ទីភ្នាក់ងារធនធានទឹក តំបន់ណកម៉ង់ឌីហៅកាត់ថា (ASEN) បានរួមគ្នាអនុវត្តន៍នូវគម្រោងផលិតជីសរីរាង្គក្រោមកិច្ចសហការដៃគូអភិវឌ្ឍន៍មកពីសាធារណរដ្ឋបារាំងនៅខេត្តសៀមរាប ដោយប្រើប្រាស់ថវិកាហិរញ្ញប្បទាន សម្រាប់អនុវត្តន៍គម្រោងមានចំនួន ១,៧០០,០០០អឺរ៉ូ (ប្រមាណ ១.៨លានដុល្លារ) ដោយរដ្ឋបាលខេត្ត សៀមរាប ជាម្ចាស់គម្រោង។ លោក ប្រាក់ សោភ័ណ អភិបាលរង នៃគណៈអភិបាលខេត្តសៀមរាប និងលោកស្រី Arianna ARDESI តំណាងសមាគមអភិបាលក្រុងនិយមនិយាយភាសាបារាំង(AIMF) នៅព្រឹក ថ្ងៃទី២៥ ខែឧសភា ឆ្នាំ២០២២ បានអញ្ជើញបើកការដ្ឋានដំណើរការជាផ្លូវការ គម្រោងផលិត ជីសរីរាង្គនេះ។

យោងតាមការចុះផ្សាយរបស់ក្រសួងព័ត៌មាននៅថ្ងៃ​ទី២៥ ខែឧសភា នេះ បានឱ្យដឹងថា សម្ដេចក្រឡាហោម ស ខេង ប្រកាសមិនតម្រូវឱ្យយកថវិកាពីពលរដ្ឋពេលវិលចូលមកលក់ដូរនៅក្នុងផ្សារកំពង់ ពពិលវិញនោះឡើយ បន្ទាប់ពីដាក់ឱ្យប្រើប្រាស់ជាផ្លូវការ។ ថ្លែងក្នុងពិធីសម្ពោធដាក់ឱ្យប្រើប្រាស់ជាផ្លូវការ ផ្សារកំពង់ពពិល ស្ថិតឃុំកំពង់ពពិល ស្រុកពារាំង ខេត្តព្រៃវែង កាលពីថ្ងៃទី២៤ ខែឧសភា ឆ្នាំ២០២២ សម្ដេចក្រឡា ហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួង មហាផ្ទៃមានប្រសាសន៍ថាផ្សារកំពង់ពពិលដែលសាង សង់ក្នុងតម្លៃជាង ១លានដុល្លារអាមេរិកនេះ មានការគាំទ្រពីឥស្សរជន ក្រុមការងារ និងសប្បុរសជនជាច្រើន ហើយថាការចំណាយសាងសង់នេះ គឺមិនមានការតម្រូវឱ្យយកថវិកាពីពលរដ្ឋពេលវិលចូលមកលក់ដូរវិញនោះឡើយ។ សម្ដេចក្រឡាហោម ក៏បានថ្លែងអំណរគុណឥស្សរជន

យោងតាមការចុះផ្សាយរបស់សារព័ត៌មាន The Nation បានឱ្យដឹងថា ប្រជាជនខ្មែរ ជាប់ចំណាត់ថ្នាក់លេខ ៣ ក្នុងចំណោមប្រទេសចំនួន ១០ ដែលបានចំណាយប្រាក់ច្រើនជាងគេទិញខុនដូនៅក្នុងប្រទេសថៃក្នុងត្រីមាសទី១ នៃឆ្នាំ២០២១។ តាមប្រភពដដែលបានឱ្យដឹងថា តម្លៃដែលប្រជាជនខ្មែរបានចំណាយទិញខុនដូនៅប្រទេសថៃមានចំនួន ៤០១ លានបាត (ប្រមាណ ១១.៧លានដុល្លារ)។ ជាមួយគ្នានេះដែរ ចំណាត់ថ្នាក់លេខ​១ ក្នុងនាមជាអ្នកដែលចំណាយច្រើនក្នុងការទិញខុនដូនៅថៃ គឺជនជាតិចិន ដែលចំណាយ ៤.៥៧ ពាន់លានបាត (ប្រមាណ ១៣៣.៥ លានដុល្លារ), លេខ ២ គឺជនជាតិរុស្ស៊ី ដែលចំណាយ ៤៣៥ លានបាត (១២.៧លានដុល្លារ),លេខ

ថ្មីៗនេះនៅលើបណ្ដាញសង្គមហ្វេសប៊ុកមានការចាប់អារម្មណ៍យ៉ាងខ្លាំង ទៅលើកសិករជនជាតិថៃម្នាក់ដែលទើបតែលក់គោបារ ១ក្បាលសោះ ទទួលបានប្រាក់ដល់ទៅរាប់ម៉ឺនដុល្លារ។ យោងតាមការបង្ហោះរបស់ហ្វេសប៊ុកផេកឈ្មោះថា Camcar Collection កាលពីថ្ងៃទី២៤ ខែឧសភា ឆ្នាំ២០២២ ម្សិលមិញនេះ បានបង្ហាញនូវរូបភាពប៉ុន្មានសន្លឹកពីបុរសកសិករជាមួយទឹកមុខដ៏រំភើប។ ប្រភពដដែលបានបង្ហោះដោយអមជាមួយការរៀបរាប់បែបនេះថា៖ “Landcriuser អែបគៀន កសិករថៃម្នាក់ទើបតែលក់គោបារ របស់គាត់បានតម្លៃរហូតដល់ ៦,០០០,០០០បាត ដូរជាលុយដុល្លារប្រហែល ១៨៧,៥០០ដុល្លារ ។ គិតទៅសុំសរសើរ ការអោយតម្លៃកសិករ វាជាកំលាំងចិត្តដែលមិនអាចគណនា បងប្អូនមើលទឹកមុខគាត់ក៏រំភើបជំនួស”។ គួរបញ្ជាក់ថា មុនពេលទទួលបានផ្លែផ្កាដូចពេលនេះ​ បុរសជាម្ចាស់គោដែលមានគណនីហ្វេសប៊ុកឈ្មោះថា แชมป์เปี้ยน อีสาน (ជើងឯកភាគឦសាន) តែងតែបង្ហោះពីការចិញ្ចឹមគោរបស់ខ្លួន ជាមួយនឹងពាក្យពេចន៍លើកទឹកចិត្តយ៉ាងច្រើនដល់អ្នកលេងបណ្ដាញសង្គម កុំឱ្យខ្លាចនឿយហត់

យោងតាមការចុះផ្សាយរបស់សារព័ត៌មាន NHk បានឱ្យដឹងថា ក្រុមហ៊ុនជប៉ុននឹងវិនិយោគ ១២០ពាន់លានយ៉េន (ប្រមាណ ៩៤០លានដុល្លារអាមេរិក) នៅក្នុងប្រទេសឥណ្ឌា។ នាយករដ្ឋមន្រ្តីជប៉ុន Kishida Fumio ត្រូវបានគេរំពឹងថា នឹងបង្ហាញពីការវិនិយោគនេះ ហើយបើតាមសេចក្ដីរាតការណ៍ លោកគ្រោងនឹងប្រកាសអំពីតួលេខនេះ នៅពេលដែលលោកនឹងនាយករដ្ឋមន្រ្តី Narendra Modi នៅក្រៅកិច្ចប្រជុំកំពូល Quad។ ការវិនិយោគក្នុងទំហំទឹកប្រាក់ ៩៤០លានដុល្លារនេះ នឹងចេញមកពីក្រុមហ៊ុនផលិតរបស់ជប៉ុនចំនួន ២៤ ក្នុងនោះ ជាងពាក់កណ្តាលនៃចំនួនទឹកប្រាក់នេះមកពីក្រុមហ៊ុនផលិតគ្រឿងបន្លាស់រថយន្តចំនួន ១៤។ ជាមួយគ្នានេះ ១០០លានដុល្លារ មកពីក្រុមហ៊ុនផលិតម៉ាស៊ីនត្រជាក់​ចំនួន ៦ និងក្រុមហ៊ុនបួនផ្សេងទៀតរួមមាន ក្រុមហ៊ុនផលិតឧបករណ៍វេជ្ជសាស្ត្រ និងផ្នែកអេឡិចត្រូនិច។