ដូចដែលយើងបានដឹងមកហើយ កាលពីខែមុន មហាសេដ្ឋី Elon Musk បានចុះហត្ថលេខាលើកិច្ចព្រមព្រៀងមួយដើម្បីទិញយកក្រុមហ៊ុនបណ្ដាញសង្គមយក្ស Twitter ក្នុង​តម្លៃ ៤៤ ពាន់​លាន​ដុល្លារ ហើយកិច្ចព្រម​ព្រៀង​នេះ​គ្រោង​នឹង​បញ្ចប់​នៅ​ចុង​ឆ្នាំ​នេះ។ ប៉ុន្តែ នាពេលថ្មីៗនេះ លោកបាននិយាយថា ផែនការទិញ Twitter នឹងត្រូវដាក់ផ្អាកជាបណ្ដោះអាសន្ន។ យោងតាមការចុះផ្សាយរបស់សារព័ត៌មាន nhk នាយក​ប្រតិបត្តិ​នៃ​ក្រុមហ៊ុន​ផលិត​រថយន្ត​អគ្គិសនី​របស់​អាមេរិក Tesla បាននិយាយថា គាត់កំពុងកំពុងដាក់ផែនការទិញ Twitter “ផ្អាកជាបណ្តោះអាសន្ន” ខណៈពេលដែលគាត់កំពុងរង់ចាំព័ត៌មានលម្អិតអំពីចំនួនគណនីក្លែងក្លាយនៅលើវេទិកាប្រព័ន្ធផ្សព្វផ្សាយសង្គមមួយនេះ។ នៅក្នុង tweet កាលពីថ្ងៃសុក្រ លោក Musk និយាយថា Twitter ប៉ាន់ស្មានថា

យោងតាមការចុះផ្សាយនៅលើហ្វេសប៊ុកផេក AEON MALL Cambodia CO.,LTD. កាលពីថ្ងៃទី១៣ ខែឧសភា ឆ្នាំ២០២២ បានឱ្យដឹងថា ក្រុមហ៊ុន អ៊ីអន ម៉ល (ខេមបូឌា) ឡូជី ផ្លាស ឯ.ក បានរៀបចំពិធីសម្ភោធបើកការដ្ឋានសាងសង់នូវមជ្ឈមណ្ឌលភណ្ឌាគារគយមានដែនកំណត់ (Customs Bonded Warehouse) ជាគំនិតផ្តួចផ្តើមថ្មីនៃអាជីវកម្មភស្តុភាររបស់ខ្លួននៅតំបន់សេដ្ឋកិច្ចពិសេសកំពង់ផែនៅក្នុងក្រុងព្រះសីហនុ។ ការសាងសង់នេះក្នុងគោលបំណងចាប់ផ្តើមប្រតិបត្តិការនៅឆ្នាំ២០២៣ សម្រាប់ការសម្រេចបាននូវកំពង់ផែពាណិជ្ជកម្មសេរីដែលត្រូវបានផ្ដួចផ្ដើមដោយរាជរដ្ឋាភិបាលនៃព្រះរាជាណាចក្រកម្ពុជាជាមួយនឹងកិច្ចសហប្រតិបត្តិការបច្ចេកទេសរបស់រដ្ឋាភិបាលជប៉ុន និង JICA ។ ក្រុមហ៊ុនបានលើកឡើងថា៖ តាមរយៈការខិតខំប្រឹងប្រែងទាំងនេះ យើងរួមចំណែកក្នុងការអភិវឌ្ឍន៍ប្រទេសជាតិបន្ថែមទៀត តាមរយៈការធ្វើឱ្យប្រសើរឡើងនឹងផ្តល់នូវភាពងាយស្រួលសម្រាប់អតិថិជនរបស់យើងដោយផ្តល់ឱកាសអាជីវកម្ម និងសេវាកម្មដល់អាជីវកម្មជាច្រើនប្រភេទ រួមទាំងអាជីវកម្មរបស់យើងផងដែរ។ គួរបញ្ជាក់ផងដែរថា ក្រុមហ៊ុន

មហាសេដ្ឋី Warren Buffett គឺជាអ្នកវិនិយោគដ៏អស្ចារ្យ ដែលនរណាៗ ក៏ស្គាល់ជាពិសេសសហគ្រិននៅក្នុងពិភពជំនួញណាក៏កោតខ្លាច សរសើរ និងរៀនសូត្រតាមបិតាវិនិយោគនេះដែរ។ លោក ត្រូវបានគេស្គាល់ក្នុងនាមជាម្ចាស់ក្រុមហ៊ុន Berkshire Hathaway ដែលគ្រប់គ្រងក្រុមហ៊ុនជាច្រើន ហើយជាវិនិយោគិនម្នាក់ដែលតែងទទួលបានជោគជ័យរាល់ការវិនិយោគនានា ជាពិសេសការវិនិយោគលើភាគហ៊ុន។ ហើយថ្មីៗនេះ សៀវភៅមួយបានបង្ហាញពីមូលហេតុដែលបិតាវិនិយោគមួយនេះ សម្រេចបណ្ដាក់ទុននៅ Apple ដែលជាក្រុមហ៊ុនតម្លៃទ្រីលានដុល្លារនៅលើពិភពលោកនាពេលបច្ចុប្បន្ន ទាំងដែលលោក Warren មិនចាប់អារម្មណ៍លើការវិនិយោគក្នុងក្រុមហ៊ុនបច្ចេកវិទ្យាឡើយ។ តាមសៀវភៅ លោក Warren បានសម្រេចវិនិយោគលើ Apple បន្ទាប់ពីគាត់បានដឹងថាមិត្តរបស់គាត់ឈ្មោះថា David Gottesman ពិបាកចិត្តយ៉ាងខ្លាំង ដោយសារបាត់ទូរស័ព្ទ iPhone

យោងតាមការចុះផ្សាយរបស់សារព័ត៌មានបរទេសមួយបានឱ្យដឹងថា ភាគហ៊ុនរបស់ក្រុមហ៊ុនស្ករគ្រាប់ Kopiko បានកើនឡើង ៧.៣% ក្រោយមហាសេដ្ឋី Elon Musk នាយកប្រតិបត្តិក្រុមហ៊ុន Tesla បានភ្លក្សស្ករគ្រាប់នេះ ហើយបានលើកមេដៃសរសើរពីរសជាតិដ៏ឈ្ងុយឆ្ងាញ់។ តាមសារព័ត៌មានដដែលបានឱ្យដឹងទៀតថា មហាសេដ្ឋី Elon Musk បានភ្លក្សស្ករគ្រាប់អស់ ២គ្រាប់ហើយព្រមទាំងលើកមេដៃ និងនិយាយសរសើរថា “ឆ្ងាញ់” បន្ទាប់ពីលោក Luhut Pandjaitan រដ្ឋមន្រ្តីសម្របសម្រួលកិច្ចការសមុទ្រ និងការវិនិយោគរបស់ប្រទេសឥណ្ឌូនេស៊ីបានដកស្ករគ្រាប់ដ៏ពេញនិយមរបស់ប្រទេសខ្លួននេះឱ្យលោក Musk នៅក្នុងអំឡុងពេលកិច្ចប្រជុំមួយ។ លុះថ្ងៃបន្ទាប់មក ក្រុមហ៊ុនឥណ្ឌូនេស៊ី Mayora ដែលផលិតស្ករគ្រាប់ Kopiko បានកើនឡើង ៧.៣%

យោងតាមការចុះផ្សាយរបស់សារព័ត៌មាន CNA មុននេះបន្តិចបានឱ្យដឹងថា ប្រធានាធិបតីអាមេរិកលោក Joe Biden បានសន្យាថា នឹងផ្ដល់ជំនួយថវិកាចំនួន ១៥០លានដុល្លារដល់មេដឹកនាំអាស៊ាន ដើម្បីជួយទៅលើហេដ្ឋារចនា​ សន្តិសុខ ការត្រៀមបង្ការជំងឺរាតត្បាត និងការខិតខំប្រឹងប្រែងផ្សេងទៀតក្នុងគោលបំណងទប់ទល់នឹងឥទ្ធិពលរបស់គូប្រជែងខ្លួន គឺប្រទេសចិន។ ការសន្យានេះត្រូវបានលើកឡើងនៅក្នុងឱកាសទទួលស្វាគមន៍មេដឹកនាំអាស៊ានទាំង ១០ នៅសេតវិមាន (White House) នៅរដ្ឋធានីវ៉ាស៊ីនតោនឌីស៉ី សហរដ្ឋអាមេរិក។​ រដ្ឋបាលរបស់លោកសង្ឃឹមថា កិច្ចខិតខំប្រឹងប្រែងនេះនឹងបង្ហាញដល់ប្រទេសនានាថា ក្រុងវ៉ាស៊ីនតោននៅតែផ្តោតលើឥណ្ឌូប៉ាស៊ីហ្វិក និងបញ្ហាប្រឈមរយៈពេលវែងរបស់ចិន ដែលខ្លួនចាត់ទុកជាគូប្រជែងដ៏សំខាន់ បើទោះបីជាមានសង្រ្គាមនៅអ៊ុយក្រែនក៏ដោយ។ ទន្ទឹមនឹងនេះដែរ មន្ត្រីរដ្ឋបាលជាន់ខ្ពស់របស់សហរដ្ឋអាមេរិកបានប្រាប់អ្នកយកព័ត៌មានថា៖ “យើងមិនស្នើសុំឱ្យប្រទេសនានាធ្វើការជ្រើសរើសរវាងសហរដ្ឋអាមេរិក និងចិននោះទេ។ យើងចង់បញ្ជាក់ឱ្យច្បាស់ថា សហរដ្ឋអាមេរិកស្វែងរកទំនាក់ទំនងកាន់តែរឹងមាំ”។ យ៉ាងណាមិញ

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ក្នុងខែមេសា ឆ្នាំ២០២២នេះ អ្នកដំណើរចេញចូលប្រទេសកម្ពុជា តាមផ្លូវអាកាស តាមរយៈអាកាសយានដ្ឋានទាំងបី មានចំនួនជាង ១២ម៉ឺននាក់ កើនឡើងជាង ៥០០% បើធៀបនឹងរយៈពេលដូចគ្នាកាលពីឆ្នាំ២០២១នេះ។ នេះបើតាមការបញ្ជាក់ពីលោក ស៊ិន ចាន់សិរីវុត្ថា អនុរដ្ឋលេខាធិការ និងជាអ្នកនាំពាក្យអាកាសចរស៊ីវិល។ អ្នកនាំពាក្យអាកាសចរស៊ីវិលរូបនេះបានឱ្យដឹងផងដែរថា អ្នកដំណើរចូលមកតាមអាកាសយានដ្ឋានអន្តរជាតិភ្នំពេញ អាកាសយានដ្ឋានខេត្តសៀមរាប និងអាកាសយានដ្ឋានខេត្តព្រះសីហនុ ក្នុងខែមេសាឆ្នាំ២០២២នេះ មានចំនួនជាង ១២ម៉ឺននាក់ កើនឡើងជាង៥០០% បើធៀបនឹងរយៈពេលដូចគ្នា កាលពីឆ្នាំ២០២១។ ដោយពេញមួយខែមេសានេះ មានជើងហោះហើរ ចំនួន ១៧១២ជើង កើនឡើងជាង៩០០ជើង ឬស្មើនឹង១១២% បើធៀបនឹង ឆ្នាំ២០២១

ក្រុមហ៊ុន Apple កាលពីថ្ងៃពុធ ទី១១ ខែឧសភា ម្សិលមិញនេះត្រូវបានទម្លាក់ចេញពីតំណែងជាក្រុមហ៊ុនដ៏មានតម្លៃបំផុតរបស់ពិភពលោក ដោយក្រុមហ៊ុនប្រេងយក្សរបស់ប្រទេសអារ៉ាប៊ីសាអូឌីត Saudi Aramco ។ យោងតាម Yahoo! Finance ក្រុមហ៊ុន Aramco បាន​វ៉ាដាច់ Apple ជាលើកដំបូងចាប់តាំងពីឆ្នាំ២០២០ ដោយការជួញដូរបានកើនដល់ ២.៤៣ទ្រីលានដុល្លារ ប៊ិះនឹងអាចបំបែកកំណត់ត្រារបស់ខ្លួនបាន ខណៈតម្លៃទីផ្សាររបស់ Apple មានតម្លៃតែ ២.៣៧ ទ្រីលានដុល្លារ បន្ទាប់ពីធ្លាក់ចុះ ៥.៥% ឬ ស្មើនឹង ១៤៦.៥០ ក្នុងមួយហ៊ុនកាលពីថ្ងៃពុធម្សិលមិញនេះ។ សារព័ត៌មានដដែលបានឱ្យដឹងទៀតថា ក្រុមហ៊ុនប្រេងយក្សអាចវ៉ាដាច់

យោងតាមការចុះផ្សាយរបស់ក្រសួងព័ត៌មានបានឱ្យដឹងថា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ បានលើកទឹកចិត្តដល់កសិករនៅខេត្តស្ទឹងត្រែងដាំដំឡូងមីពូជខេយូ៥០ឱ្យបានច្រើន ដើម្បីបង្កើនការនាំចេញទៅកាន់ទីផ្សារ ខណៈឆ្នាំ២០២១ កន្លងមកកម្ពុជានាំចេញផលដំឡូងមីបានជាង ១៤លានតោន។ ក្នុងពិធីប្រគល់ផ្ទះសំណាញ់សម្រាប់ការពង្រីកពូជដំឡូងមីឆាប់រហ័សនិងគ្មានជំងឺនៅមន្ទីរកសិកម្មរុក្ខាប្រមាញ់និងនេសាទខេត្តស្ទឹងត្រែង កាលពីថ្ងៃទី ១១ឧសភា ឯកឧត្តមវេងសាខុនរដ្ឋមន្ត្រីក្រសួងកសិកម្មរុក្ខាប្រមាញ់និងនេសាទមានប្រសាសន៍ថា ឆ្នាំ២០២២នេះ កសិករត្រូវនាំគ្នាដាំដំឡូងមីឱ្យបានច្រើន ព្រោះនៅខេត្តស្ទឹងត្រែងមានផ្ទះសំណាញ់ជាមូលដ្ឋានដ៏មានសារសំខាន់សម្រាប់ឱ្យមន្ត្រីបច្ចេកទេសរៀបចំបណ្តុះពូជឈានទៅពង្រីកធនធាននៅក្នុងស្រុកទាំងបរិមាណនិងគុណភាពផ្តល់ទៅកសិករដែលមានលទ្ធភាព ក្នុងការដាំដំណាំដំឡូងមីឱ្យបានច្រើនទទួលបានទិន្នផលខ្ពស់។ ឯកឧត្តមរដ្ឋមន្ត្រីមានប្រសាសន៍បន្ថែមថា នេះជាដំណាំផ្នែកយុទ្ធសាស្ត្រមួយបានជួយកែប្រែជីវភាពរស់នៅរបស់ប្រជាកសិករ ព្រោះផ្ទៃដីនៅខេត្តស្ទឹងត្រែង អំណោយផលទៅលើដំណាំដំឡូងមី ទើបក្រសួងកសិកម្មស្វែងរកពូជធន់នឹងជំងឺមកជូនកសិករដើម្បីជំរុញដល់ការផលិត។ សំឡេង ៖ “ដំឡូងមីនេះគឺមិនអាចចោលបានទេ គឺក្នុងរយៈពេលវែងទៅយើងត្រូវតែជំរុញការផលិតដំឡូងមីនេះ ឱ្យបានច្រើន ដែលកសិករអាចស្រូបយកនូវប្រាក់ចំណូល ពីផលិតផលដំឡូងមីនេះ អ៊ីចឹងហើយបានជាក្រសួងខិតខំប្រឹងប្រែង រឿងបញ្ហាដំឡូងមីនេះ ដែលចាត់ទុកថាជាផលិតផលមួយមានសារសំខាន់”។ ឯកឧត្តម ស្វាយសំអ៊ាង អភិបាលខេត្តស្ទឹងត្រែង មានប្រសាសន៍ថា