ដូចយើងបានដឹងរួចមកហើយថា ប៉ុន្មានថ្ងៃកន្លងមកនេះ អ្នកប្រើប្រាស់សេវាកម្មរបស់ធនាគារ ABA ជាច្រើនបានលើកឡើងពីបញ្ហាដកប្រាក់នៅតាមទូរ ATM។ យ៉ាងណាមិញមកទល់ថ្ងៃទី១១ ខែឧសភា នេះ ធនាគារ ABA បានសម្រេចអនុញ្ញាតឲ្យអ្នកប្រើប្រាស់សេវាធនាគារ អាចដកជាលុយខ្មែរ ក្រោមក្រដាសប្រាក់ ៥ម៉ឺនរៀលបាន។ យោងតាមការចុះផ្សាយរបស់ធនាគារបាននៅលើហ្វេសប៊ុកផេករបស់ខ្លួនបានរៀបរាប់ដូច្នេះថា៖ “ដើម្បីឆ្លើយតបនឹងកំណើនជាបន្តបន្ទាប់នៃអតិថិជនយើងខ្ញុំ និងតម្រូវការប្រាក់រៀលកាន់តែច្រើន យើងខ្ញុំបានបង្កើនការផ្គត់ផ្គង់ប្រាក់រៀល ជាពិសេសក្រដាសប្រាក់ ២០,០០០ រៀល នៅគ្រប់ទូរ ATM និងម៉ាស៊ីនដក-ដាក់ប្រាក់ (CRM) ទាំងអស់របស់យើងខ្ញុំនៅទូទាំងប្រទេស។” កាន់តែពិសេសជាងនេះទៅទៀត អតិថិជនអាចដកប្រាក់ ២០,០០០ រៀល និង ៥០,0០០ រៀលបាន

ការបញ្ជាទិញចង្រ្កានធ្យូងពីររោងចក្រធំមួយក្នុងខេត្ត Trang បានកើនឡើងយ៉ាងខ្លាំង ស្របពេលដែលតម្លៃប្រេង និងហ្គាសសម្រាប់ធ្វើម្ហូបនៅតែបន្តឡើងថ្លៃចាប់មិនឈ្នះ។ លោកស្រី Sirinya Luandee វ័យ ៣៧ឆ្នាំ ម្ចាស់រោងចក្រចង្រ្កានធ្យូង Kuan Thani បាននិយាយថា តម្រូវការចង្រ្កានធ្យូងបានកើនឡើងយ៉ាងខ្លាំងចាប់តាំងពីពាក់កណ្ដាលខែមេសា ហើយទំនងនឹងបន្តកើនឡើងថែមទៀត។ លោកស្រី បានបន្តថា រោងចក្រ​បាន​បង្កើន​សមត្ថភាព​ផលិតចង្រ្កាន​ដល់ ៤,០០០ចង្ក្រាន​ក្នុង​មួយ​ខែ ពី​ចន្លោះ​ពី ២,០០០ ទៅ ៣,០០០ ចង្ក្រាន ខណៈ​រោងចក្រ​ទទួល​បាន​ការ​បញ្ជា​ទិញ​ចង្ក្រាន​ធ្យូង​ជិត ២ម៉ឺន​ចង្រ្កាន។ ជាមួយគ្នានេះ អតិថិជនភាគច្រើនជាអ្នកលក់រាយដែលបានទិញវាសម្រាប់លក់នៅខេត្ត Songkhla, Krabi, Nakhon Si Thammarat,

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានស្នើឱ្យក្រុមហ៊ុន Walmart ពិនិត្យលទ្ធភាពក្នុងការពង្រីកប្រតិបត្តិការធុរកិច្ចនៅកម្ពុជា និងវិនិយោគលើវិស័យដែលមានសក្តានុពលនានាបន្ថែមទៀតនៅកម្ពុជា ក្នុងជំនួបពិភាក្សាការងារជាមួយលោកស្រី Anbinh Phan តំណាងក្រុមហ៊ុន Walmart និងសហការី កាលពីថ្ងៃ១០កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃអង្គារ ទី១០ ខែឧសភា ឆ្នាំ២០២២ នៅទីក្រុងវ៉ាស៊ីនតោន។ នៅក្នុងឱកាសនោះ ឯកឧត្តមរដ្ឋមន្រ្តី បានសម្តែងការស្វាគមន៍យ៉ាងកក់ក្តៅចំពោះ លោកស្រី Anbinh Phan តំណាងក្រុមហ៊ុន Walmart និងសហការី

មហាសេដ្ឋី Elon Musk បាននិយាយកាលពីថ្ងៃអង្គារ ទី១០ ខែឧសភា ថា លោកនឹងលុបចោលការហាមឃាត់របស់ Twitter លើអតីតប្រធានាធិបតីអាមេរិក Donald Trump នៅពេលគាត់ទិញប្រព័ន្ធផ្សព្វផ្សាយសង្គមនេះរួចរាល់។ នេះ គឺជាសញ្ញាច្បាស់លាស់បំផុតមួយនៃចេតនារបស់ Musk ក្នុងការកាត់បន្ថយការសម្របសម្រួលនៃគេហទំព័រដ៏ល្បីល្បាញមួយនេះ។ Musk បាននិយាយទៅកាន់សន្និសីទ Financial Times ថា គាត់និងសហស្ថាបនិក Twitter លោក Jack Dorsey ជឿថាការហាមប្រាមជាអចិន្ត្រៃយ៍គួរតែជាករណី “កម្រ” ហើយត្រូវបានបម្រុងទុកសម្រាប់តែគណនីដែលដំណើរការ bots ឬផ្សព្វផ្សាយសារឥតបានការ។ ជាមួយគ្នានេះ លោកបានបន្ថែមថា

នាយករដ្ឋមន្រ្តីអ៊ុយក្រែនលោក Denys Shmyhal បាននិយាយថា ប្រទេសអ៊ុយមិនអាចនាំចេញផលិតផលកសិកម្មប្រហែល ៩០លានតោន ទៅកាន់ទ្វីបអាហ្រ្វិក អាស៊ី និងអឺរ៉ុបបានទេ ដោយសាររុស្ស៊ីកំពុងបិទផ្លូវចូលតាមរយៈសមុទ្រ។ លោក Shmyhal បានលើកឡើងពីរឿងនេះកាលពីថ្ងៃចន្ទ ក្នុងអំឡុងពេលទស្សនកិច្ចទៅកាន់កំពង់ផែដ៏ធំបំផុតរបស់អ៊ុយក្រែននៅទីក្រុង Odesa ជាមួយប្រធានក្រុមប្រឹក្សាអឺរ៉ុបលោក Charles Michel។ លោកបានបន្ថែមថា អ៊ុយក្រែនកំពុងខាតបង់ប្រហែល ១៧០លានដុល្លារក្នុងមួយថ្ងៃដោយសារតែការបិទផ្លូវ ខណៈនាវាប្រហែល ៧០គ្រឿង ដែលភាគច្រើនជាកប៉ាល់ដឹកទំនិញអ៊ុយក្រែន នៅតែស្ថិតនៅកំពង់ផែនៅលើឆ្នេរសមុទ្រខ្មៅ ដោយសារការភ័យខ្លាចនៃការវាយប្រហារដោយយោធារុស្ស៊ី។ ជាមួយគ្នានេះលោកបានបន្តថា ការបិទផ្លូវនេះបានធ្វើឱ្យតម្លៃស្រូវសាលី ពោត និងផលិតផលផ្សេងទៀតកើនឡើងទូទាំងពិភពលោក ខណៈអ៊ុយក្រែន​ជា​ប្រទេស​នាំ​ចេញ​ស្រូវ​សាលី និង​ពោត​ដ៏​សំខាន់។ ហើយលោកបានចោទប្រកាន់រុស្ស៊ី ពីការព្យាយាមបង្កើតវិបត្តិស្បៀងអាហារពិភពលោកផងដែរ។

យុវជន Joe Franklin បានចាប់ផ្ដើមអាជីវកម្មលក់ស្បែកជើងប៉ាតានៅពេលដែលគាត់មានអាយុត្រឹមតែ ១២ ឆ្នាំប៉ុណ្ណោះ ដោយប្រើលុយ ៣៩៥ ដុល្លារ ដែលបានសន្សំសម្រាប់ធ្វើខួបកំណើតជាដើមទុនក្នុងការចាប់ផ្ដើម។ គាត់បានសន្សំដើម្បីទិញស្បែកជើងដែលកម្រនឹងមានលក់សម្រាប់អ្នកហ្វឹកហាត់ផ្នែកកីឡាមួយចំនួន បន្ទាប់មកដាក់លក់នៅលើបណ្ដាញហ្វេសប៊ុកក្នុងតម្លៃទ្វេដង។ បន្ទាប់ពីចេះរកប្រាក់ចំណេញ នៅអាយុ ១៧ឆ្នាំ Franklin បានក្លាយជាម្ចាស់អាជីវកម្មដែលមានហាងផ្ទាល់ខ្លួននៅក្នុងទីក្រុងឡុងដ៍ ហើយបានងាកទៅរកស្បែកជើងម៉ាកល្បីៗ ដែលជាតម្រូវការដ៏ពេញនិយមរបស់តារារ៉េបអាមេរិកដូចជា Dizzee Rascal និង AJ Tracey។ យុវជនរូបនេះបានទិញស្បែកជើងដែលមានតម្លៃបំផុតគឺ Nike Air Mags ដែលត្រូវបានគេស្គាល់ថា Back to the Future ក្នុងតម្លៃ

ជារឿងដ៏មិនគួរឱ្យជឿមួយ ដោយប្ដីប្រពន្ធមួយគូបានចំណាយប្រាក់ ១០០ដុល្លារ ទិញឡានដែលគេបោះបង់ចោល តែក្រោយមកត្រូវបានមហាសេដ្ឋី Elon Musk នាយកប្រតិបត្តិក្រុមហ៊ុន Tesla បានសុំទិញវិញក្នុងតម្លៃជិត ១លានដុល្លារ នេះបើយើងតាមការចុះផ្សាយរបស់សារព័ត៌មាន cnbc។ ក្រឡេកទៅមើលរឿងរ៉ាវលម្អិត គឺនៅឆ្នាំ១៩៨៩ ប្ដីប្រពន្ធមួយគូមកពីកោះឡុង ទីក្រុងញូវយ៉ក បានចំណាយប្រាក់ប្រហែល ១០០ដុល្លារ ដើម្បីដេញថ្លៃទិញប្រអប់អាថ៌កំបាំងមួយនៅឃ្លាំងទំនិញមួយកន្លែង។ ការដេញថ្លៃនេះ គឺទាំងអ្នកទិញ និងអ្នកលក់មិនបានដឹងថាក្នុងប្រអប់នោះមានអ្វីឡើយ ហើយនៅពេលដេញថ្លៃបាន ប្ដីប្រពន្ធទាំងពីរបានបើកប្រអប់នោះមើល អ្វីដែលគួរ​ឱ្យភ្ញាក់ផ្អើលក្នុងនោះគឺជារថយន្តស្ព័រ Lotus Esprit ឆ្នាំ១៩៧៦ ដែលប្រើក្នុងការថតរឿង James Bond ឆ្នាំ១៩៧៧ ចំណងជើងថា

សង្រ្គាមរវាងរុស្ស៊ី និងអ៊ុយក្រែនដែលនៅតែបន្តអូសបន្លាយមកទល់ពេលនេះ កំពុងធ្វើឱ្យប្រទេស និងបុគ្គលមួយចំនួនឆ្លៀតឱកាសទាញយកផលប្រយោជន៍ជាច្រើន តួយ៉ាងដូចលោក Mukesh Ambani ដែលជាមហាសេដ្ឋីឥណ្ឌា កំពុងសំងំកើបលុយរាប់លានដុល្លារពីសង្រ្គាមមួយនេះ។ យោងតាមការចុះផ្សាយរបស់សារព័ត៌មាន internationalpk បានឱ្យដឹងថា ក្រុមហ៊ុន Reliance Industries Ltd ដែលជាក្រុមហ៊ុនចម្រាញ់ប្រេងរបស់លោក Mukesh Ambani កំពុងប្រមូលទិញប្រេងឆៅពីប្រទេសរុស្ស៊ីក្នុងតម្លៃថោក ហើយយកមកច្នៃនឹងបញ្ចេញលក់វិញ ក្នុងតម្លៃថ្លៃ ខណៈពេលដែលតម្លៃប្រេងនៅសកលលោកកើនឡើងឥតឈប់ឈរ។ ជាមួយគ្នានេះ ក្រុមហ៊ុនក៏កំពុងប្រមូលទិញប្រេងម៉ាស៊ូត និង naphtha បន្ថែមទៀត បន្ទាប់ពីតម្លៃរបស់ប្រេង ២នេះបានកើនឡើង។ គួរបញ្ជាក់ថា ចាប់តាំងពីសង្រ្គាមរុស្ស៊ី-អ៊ុយក្រែនបានចាប់ផ្ដើមរហូតមកដល់ខែកុម្ភៈ ក្រុមហ៊ុនរបស់មហាសេដ្ឋីខាងលើបានទិញប្រេងឆៅរបស់រុស្ស៊ីជាង ៤០លានបារ៉ែល។