(ភ្នំពេញ)៖ យោងតាមការចុះផ្សាយរបស់ក្រសួងព័ត៌មាន បានឱ្យដឹងថា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានឱ្យដឹងថា រាជរដ្ឋាភិបាលកម្ពុជាកំពុងសិក្សាគម្រោងសាងសង់ផ្លូវដែកល្បឿនលឿន ពីរាជធានីភ្នំពេញទៅកាន់ខេត្តព្រះសីហនុ ដើម្បីបម្រើឱ្យវិស័យដឹកជញ្ជូនកាន់តែសម្បូរបែប ក្នុងការជំរុញកំណើនសេដ្ឋកិច្ចជាតិឱ្យកាន់តែរីកចម្រើនបន្ថែមទៀត ។ ថ្លែងក្នុងពិធីសម្ពោធដាក់ឱ្យប្រើប្រាស់ផ្លូវតភ្ជាប់ពីស្រុកព្រៃនប់ទៅក្រុងព្រះសីហនុ ក្នុងខេត្តព្រះសីហនុ ថ្ងៃទី២២ ខែធ្នូ ឆ្នាំ២០២២ សម្ដេចបានមានប្រសាសន៍ថា រាជរដ្ឋាភិបាល កំពុងសិក្សាលើគម្រោងសាងសង់ផ្លូវដែកល្បឿនលឿន ពីរាជធានីភ្នំពេញទៅកាន់ខេត្តព្រះសីហនុ និងពីខេត្តព្រះសីហនុទៅកាន់ព្រំដែនប្រទេសថៃ ដែលជាច្រកដឹកជញ្ជូនទំនិញនិងអ្នកដំណើរដ៏សំខាន់មួយ សម្រាប់រួមចំណែកជំរុញកំណើនសង្គម-សេដ្ឋកិច្ចកម្ពុជា ។ សម្តេចតេជោ បានបញ្ជាក់ថា កម្ពុជាមានផ្លូវដែកចាស់រួចស្រេច ប្រសិនបើកម្ពុជាសម្រេចចិត្តនឹងធ្វើទៅលើរឿងនេះ នឹងមិនចំណាយពេលវេលាយូរទេ ខណៈដែលផ្លូវដែកចាស់មិនអាចបម្រើដល់ការអភិវឌ្ឍសេដ្ឋកិច្ច បាន

ភ្នំពេញ៖ យោងតាមការចុះផ្សាយរបស់ក្រសួងព័ត៌មាន បានឱ្យដឹងថា មន្ទីរកសិកម្មរុក្ខាប្រមាញ់និងនេសាទខេត្តសៀមរាប កំពុងបន្តជំរុញលើកទឹកចិត្តកសិករនៅក្នុងខេត្ត ឱ្យខិតខំប្រឹងប្រែងអនុវត្តកសិកម្មល្អ តាមរយៈការផ្តល់ជូនបច្ចេកទេសថ្មីៗ សម្ភារៈកសិកម្ម និងការចេញវិញ្ញាបនបត្របញ្ជាក់កសិកម្មល្អជាដើម។ លោកហៃ វាសនា អនុប្រធានមន្ទីរកសិកម្មរុក្ខាប្រមាញ់និងនេសាទខេត្តសៀមរាប បានឱ្យដឹងថា បន្ទាប់ពីបានប្រមូលផលស្រូវរួចរាល់ ប្រជាកសិករនៅក្នុងខេត្តសៀមរាប កំពុងមមាញឹកជាខ្លាំង ក្នុងការងារដាំដុះដំណាំបន្លែរបស់ខ្លួន ដើម្បីលក់បំពេញតម្រូវការទីផ្សារ។ លោកបន្តថា បច្ចុប្បន្ននេះ ប្រជាកសិករបានបើកចិត្តទទួល យកនូវបច្ចេកទេសថ្មីៗជាច្រើន ទាំងការប្រើប្រាស់ជីធម្មជាតិ ដើម្បីឱ្យការដាំទទួលបានទិន្នផលខ្ពស់ ផ្គត់ផ្គង់ទីផ្សារបានគ្រប់រដូវកាល ខណៈមន្ទីរកសិកម្មខេត្តនិងអង្គការដៃគូ បានខិតខំប្រឹងប្រែងផ្តល់ជូន សម្ភារៈកសិកម្មនិងបច្ចេកទេសថ្មីៗជាច្រើន ជាពិសេសជំរុញឱ្យកសិករអនុវត្តកសិកម្មល្អ ដើម្បីសុខុមាល ភាពទាំងអ្នកផលិតនិងអ្នកបរិភោគ ។ លោកបន្តទៀតថា ដើម្បីលើក

(ភ្នំពេញ)៖ ខ្មែរអាចធ្វើបាន ខ្មែរស្រលាញ់ខ្មែរ! ក្រុមហ៊ុន BOOSTRONG បានប្រកាសលើកទឹកចិត្តក្រុមកីឡាករជម្រើសជាតិខ្មែរដែលបានប្រកួតយកឈ្នះក្រុមហ្វីលីពីន ៣ទល់២ វគ្គជម្រុះ AFF Cup កាលពីថ្ងៃទី២០ ខែធ្នូនេះ នូវទឹកប្រាក់ចំនួន ១០លានរៀល ដើម្បីជំរុញស្មារតី និងទឹកចិត្តកីឡាករខ្មែរឱ្យកាន់តែមានភាពស្វាហាប់ថែមមួយកម្រិតទៀត។ ចំណែកឯកីឡាករ រ៉ឹង ប៊ុនហៀង និងកីឡាករ អ៊ន ចាន់ប៉ូលីន ដែលស៊ុតបញ្ចូលទីរកគ្រាប់បាល់ជូនក្រុមជម្រើសជាតិខ្មែរយើង BOOSTRONG ជូនរង្វាន់លើកទឹកចិត្តក្នុងម្នាក់ចំនួន ៥០០ដុល្លារបន្ថែមទៀត។ នេះជាទឹកចិត្តខ្មែរស្រលាញ់ខ្មែរ ខ្មែរជួយខ្មែរដើម្បីមុខមាត់ប្រទេសជាតិយើងទាំងមូល និងជាការលើកម្ពស់ដល់វិស័យបាល់ទាត់ខ្មែរយើងឱ្យកាន់តែមានភាពរីកចម្រើនបន្ថែមទៀត ជាទឹកចិត្តបង្ហាញពីការយកចិត្តទុកដាក់ជួយគាំទ្រយ៉ាងពេញទំហឹងដល់កីឡាករខ្មែរយើងទាំងអស់ឲ្យមានកម្លាំងចិត្ត អំណត់ តស៊ូប្រឹងលេងយកជ័យជំនះបន្តទៀត។ សូមបញ្ជាក់ថា នៅក្នុងការប្រកួតពូល

(ភំ្នពេញ)៖ ឯកឧត្តម ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម និងសហការី នាថ្ងៃទី២០ ខែធ្នូ ឆ្នាំ២០២២ នៅទីស្តីការក្រសួងពាណិជ្ជកម្ម បានទទួលជួបជាមួយ ឯកឧត្តម PARK HEUNG-KYENONG ឯកអគ្គរដ្ឋទូតកូរ៉េខាងត្បូងប្រចាំព្រះរាជាណាចក្រកម្ពុជាដែលចប់អណត្តិ និងគណៈប្រតិភូ ដើម្បីសម្ដែងការគួរសម និងជម្រាបលា។ ឯកឧត្តមរដ្ឋមន្រ្ដី បានសម្ដែងនូវការស្វាគមន៍យ៉ាងកក់ក្តៅចំពោះ ឯកឧត្តមឯកអគ្គរដ្ឋទូត និងគណៈប្រតិភូ ព្រមទាំងបានអបអរសាទរចំពោះ ឯកឧត្តមឯកអគ្គរដ្ឋទូត ដែលបានបំពេញបេសកកម្មដ៏ជោគជ័យនៅព្រះរាជាណាចក្រកម្ពុជា ជាពិសេសបានជួយសម្របសម្រួលក្នុងការចរចាឱ្យសម្រេចបាននូវកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-កូរ៉េ ដែលទើបបានចូលជាធរមាននាថ្ងៃទី០១ ខែធ្នូ ឆ្នាំ២០២២ កន្លងទៅនេះ។ បន្ថែមពីនេះ ឯកឧត្តមរដ្ឋមន្ត្រី បានជម្រាបជូនអំពីទំហំពាណិជ្ជកម្មទ្វេភាគីរវាងប្រទេសទាំងពីរ ហាក់មានផលវិជ្ជមានគួរឱ្យកត់សម្គាល់

(វៀតណាម)៖ យោងតាមការចុះផ្សាយរបស់សារព័ត៌មានវៀតណាម vnexpress បានឱ្យដឹងថា MacBooks របស់ Apple គ្រោងនឹងផលិតនៅប្រទេសវៀតណាមចាប់ពីឆ្នាំក្រោយនេះ។ ប្រភពបានប្រាប់ Nikkei Asia ថា Apple បានទាញយកក្រុមហ៊ុនផ្គត់ផ្គង់កំពូលរបស់ខ្លួនគឺ Foxconn របស់តៃវ៉ាន់ ដើម្បីចាប់ផ្តើមផលិតកុំព្យូទ័រយួរដៃនៅក្នុងប្រទេសវៀតណាមនៅដើមខែឧសភា។ សារព័ត៌មានជប៉ុនបានរាយការណ៍មុននេះថា ក្រុមហ៊ុនបាននឹងកំពុងធ្វើការលើផែនការផ្លាស់ប្តូរការផលិត MacBook មួយចំនួនទៅកាន់ប្រទេសវៀតណាមអស់រយៈពេលជិត២ឆ្នាំមកហើយ ហើយបានបង្កើតខ្សែសង្វាក់ផលិតកម្មសាកល្បងនៅក្នុងប្រទេសនេះ។ ក្រុមហ៊ុន Foxconn ដែលជាក្រុមហ៊ុនផ្គត់ផ្គង់ដ៏សំខាន់មួយ កាលពីខែសីហា បានជួលដីទំហំ ៥០.៥ហិកតានៅក្នុងខេត្ត Bac Giang ភាគខាងជើងវៀតណាម ហើយគ្រោងនឹងសាងសង់រោងចក្រ តម្លៃ៣០០លានដុល្លារ នៅទីនោះ

(ភ្នំពេញ)៖ យោងតាមការចុះផ្សាយរបស់ក្រសួងព័ត៌មាន បានឱ្យដឹងថា រយៈពេល១១ខែ ឆ្នាំ២០២២ កម្ពុជារកចំណូលបាន ៤៦៥លានដុល្លារ ពីការនាំចេញជ័រកៅស៊ូ និងឈើកៅស៊ូ។ នេះបើយោងតាមរបាយការណ៍របស់អគ្គនាយកដ្ឋានកៅស៊ូនៃក្រសួងកសិកម្ម រុក្ខាប្រមាញ់ និងនេសាទ ចេញផ្សាយកាលពីថ្ងៃចន្ទ។ ប្រភពបានឱ្យដឹងថា កម្ពុជាបាននាំចេញជ័រកៅស៊ូចំនួន ៣២២,៥៨៦តោន ក្នុងរយៈពេល១១ខែនៃឆ្នាំ២០២២ បានកើនឡើងចំនួន ៩,១៣៩តោន ស្មើនឹង១៩% ធៀបនឹងរយៈពេលដូចគ្នានៃឆ្នាំមុន។ ឯកឧត្ដម ហ៊ឹម អូន ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានកៅស៊ូ ថ្លែង​ក្នុង​របាយការណ៍ថា «តម្លៃលក់ជ័រកៅស៊ូមធ្យម គិតត្រឹមខែវិច្ឆិកា ឆ្នាំ២០២២ ថ្លៃ ១,២៣១ដុល្លារ ក្នុងមួយតោន

(ភ្នំពេញ)៖ ក្រុមប្រឹក្សាអភិវឌ្ឍន៍កម្ពុជា (CDC) បាននិយាយនៅក្នុងសេចក្តីប្រកាសព័ត៌មានមួយដែលបានផ្សព្វផ្សាយជាសាធារណៈថា គម្រោងវិនិយោគ៤កន្លែងទៀតដែលមានទុនវិនិយោគសរុបគិតជាទឹកប្រាក់ចំនួន ២១,៩លានដុល្លារអាមេរិក ត្រូវបានផ្តល់ភ្លើងខៀវ។ គម្រោងថ្មីទាំងនេះស្ថិតនៅក្នុងខេត្តតាកែវ រាជធានីភ្នំពេញ និងកំពង់ចាម ជារោងចក្រកាត់ដេរសម្លៀកបំពាក់, រោងចក្រផលិតស្បែកជើង រោងចក្រផលិតឆត្រ អាវភ្លៀង គម្រោងដែលបានអនុម័តថ្មីទាំងនេះត្រូវបានគេរំពឹងថានឹងបង្កើតការងារប្រហែលបានចំនួន៦,៣៨០កន្លែង។ តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុនដូចខាងក្រោម៖ ១-“PHOENIX FASHION (CAMBODIA) GARMENT CO., LTD” គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅលើក្បាលដីលេខ៨៦៥ ផ្លូវលំ ភូមិត្រពាំងឈូក ឃុំសូភី ស្រុកបាទី ខេត្តតាកែវ ក្នុងទុនវិនិយោគប្រមាណ ៦,៣លានដុល្លារអាម៉េរិក

បន្ទាប់ពីបានសម្ពោធការនាំចេញជាផ្លូវការ នាខែតុលា ឆ្នាំ២០២២ កន្លងទៅ, កាលពីពេលថ្មីៗនេះ ផ្លែមៀនស្រស់របស់កម្ពុជាជាច្រើនតោន បាននាំចេញទៅលក់ក្នុងក្រុងសៀងហៃ ប្រទេសចិន និងទទួលបានការគាំទ្រយ៉ាងខ្លាំង​ពី​ប្រជាជន​ចិន ដោយកាលពីថ្ងៃទី១៥ ខែធ្នូ ឆ្នាំ២០២២ មានការបញ្ជាទិញរហូតដល់ជាង ១៨តោន។ តាមរយៈការបញ្ជាក់របស់ លោក Brian Jiang នាយកផ្នែកបញ្ជាទិញសកល របស់ក្រុមហ៊ុន Shanghai Grandfruit Import & Export Co., Ltd. បានបញ្ជាក់ថា ផ្លែមៀនស្រស់របស់កម្ពុជាបាននាំមកដល់ក្រុងសៀងហៃ ប្រទេសចិន សម្រាប់ដាក់លក់នៅថ្ងៃទី១២ ខែធ្នូ ឆ្នាំ២០២២ ក្នុងផ្សារផ្លែឈើ