នាព្រឹកថ្ងៃព្រហស្បតិ៍​ ទី២០​ ខែមេសា ឆ្នាំ២០២៣ នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីសម្ពោធដាក់ឲ្យប្រើប្រាស់ជាផ្លូវការអគារសម្ភព ស្ថិតនៅក្នុងបរិវេណនៃមន្ទីរពេទ្យកុមារជាតិ រាជធានីភ្នំពេញ។ ក្នុងឱកាសនោះសម្ដេចតេជោហ៊ុន សែន បានមានប្រសាសន៍ថា នាពេលបច្ចុប្បន្នបរទេសស្គាល់កម្ពុជាកាន់តែច្រើនជាងមុន តាមរយៈផលិតផលកសិកម្មជាច្រើនពិសេសនោះគឺអង្ករ ស្វាយចន្ទី និងម្រេចជាដើម។ សម្ដេចតេជោ បានគូសបញ្ជាក់ថា បច្ចុប្បន្នកម្ពុជា បាននាំចេញអង្ករទៅ ៧៣ប្រទេសយ៉ាងតិច ខណៈស្វាយចន្ទីកម្ពុជាក៏កំពុងត្រូវបាននាំចេញទៅទីផ្សារក្រៅប្រទេសជាបន្តបន្ទាប់ផងដែរ៕ គូរបញ្ជាក់ផងដែរថា យោងតាមប្រធានសហព័ន្ធស្រូវអង្ករកម្ពុជា រយៈពេលពេញមួយឆ្នាំ២០២២ កម្ពុជាបាននាំចេញអង្ករ ទៅកាន់ទីផ្សារអន្តរជាតិបានចំនួន ៦៣៧ ០០៤ តោន

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ផ្តើមចេញពីការទិញបង្កងអូស្ត្រាលីចំនួន ៣០ក្បាលមកចិញ្ចឹមសាកល្បង រហូតទទួលបានជោគជ័យពង្រីកស្រះចិញ្ចឹមជាបន្តបន្ទាប់ កសិករ ឃុម ឃុន រស់នៅស្រុកត្រពាំងប្រាសាទ ខេត្តឧត្តរមានជ័យ បានបន្តចែករំលែកបទពិសោធន៍នៃការចិញ្ចឹមបង្កងទៅកាន់កសិករដទៃទៀតក្នុងសហគមន៍ ដើម្បីឱ្យទទួលបានជោគជ័យដូចខ្លួន។ លោក ឃុម ឃុន អាយុ៦២ឆ្នាំ រស់នៅភូមិអូស្វាយ ឃុំអូស្វាយ ស្រុកត្រពាំងប្រាសាទ ខេត្តឧត្តរមានជ័យ បានប្រាប់អ្នកយកព័ត៌មានវិទ្យុជាតិកម្ពុជាថា រយៈពេល ៤ឆ្នាំមកហើយ ដែលលោកចាប់យមុខរបរចិញ្ចឹមបង្កងអូស្រ្តាលី ដោយដើមឡើយទទួលបានការជួយជ្រោមជ្រែង និងបណ្តុះ បណ្តាលពីមន្ទីរកសិកម្មខេត្ត។ លោកបន្តថា ផ្តើមចេញពីការចិញ្ចឹមជំហានដំបូងត្រឹមតែបង្កងចំនួន៣០ក្បាលប៉ុណ្ណោះ តែបច្ចុប្បន្នបង្កងអូស្ត្រាលីរបស់លោកបានកើនឡើងមានចំនួនរហូតដល់ទៅ១២ស្រះ ដោយក្នុងមួយស្រះ មានបង្កងពីចន្លោះ៤០ទៅ៥០គីឡូក្រាម។ លោកបន្តថា

កាលពីដើមខែមេសា ឆ្នាំ២០២៣ កន្លងទៅនេះក្រុមប្រឹក្សាអភិវឌ្ឍន៍កម្ពុជា បានចេញសេចក្ដីប្រកាសព័ត៌មាន ស្ដីពីជំនួបសម្ដែងការគួរសមរវាងឯកឧត្តម សុខ ចិន្តាសោភា រដ្ឋមន្រ្តីប្រតិភូអមនាយករដ្ឋមន្រ្តីអគ្គលេខាធិការក្រុមប្រឹក្សាអភិវឌ្ឍន៍កម្ពុជា ជាមួយ M. Arsajad Rasjid P.M. ប្រធានសភាពពាណិជ្ជកម្ម និងឧស្សាហកម្មឥណ្ឌូនេស៊ី។ ក្នុងសេចក្ដីប្រកាសព័ត៌មាន បានបង្ហាញថា គិតត្រឹមខែមីនា ឆ្នាំ២០២៣នេះ ក្រុមវិនិយោគឥណ្ឌូនេស៊ី បានស្នើសុំវិនិយោគនៅកម្ពុជាចំនួន ២២គម្រោង ដែលមានទឹកប្រាក់ប្រមាណ ៦៩លានដុល្លារ។ ក្នុងនោះដែរ ក្រុមប្រឹក្សាអភិវឌ្ឍន៍កម្ពុជាបានបញ្ជាក់ថា ការស្នើសុំលើគម្រោងវិនិយោគខាងលើ គឺផ្តោតលើការវិនិយោគក្នុងវិស័យឧស្សាហកម្ម កសិកម្ម និងសេវាកម្ម៕ អត្ថបទ៖ លីនី

យោងតាមការចុះផ្សាយរបស់ក្រសួងសាធារណការ និងដឹកជញ្ជូន បានឱ្យដឹងថា ស្ពានឆ្លងកាត់ស្ទឹងឬស្សីជ្រុំ គឺជាស្ពានដែលខ្ពស់ជាងគេនៅប្រទេសកម្ពុជា។ ស្ពាននេះ ស្ថិតនៅភូមិ ឆាយលូក ឃុំអូសោម ស្រុកវាលវែង ខេត្តពោធិ៍សាត់ ក្នុងគម្រោងសាងសង់ផ្លូវជាតិលេខ១០ តភ្ជាប់ ពីខេត្តបាត់ដំបង-ពោធិ៍សាត់-កោះកុង ត្រង់គីឡូម៉ែត្រលេខ ១២៨+៩១៥។ លើសពីនេះ ស្ពាននេះមានកម្ពស់ ៩០ម៉ែត្រ ប្រវែង ៥៣០ម៉ែត្រ ទទឹង ១០ម៉ែត្រ បន្ទុកនៃស្ពានរចនាតាមស្តង់ដារចិនហាយវេកម្រិត៣ ដែលមានបន្ទុក (Design Load)ចំនួន 55T ហើយគ្រោងចំណាយថវិកាអស់ ២២.៩២ លានដុល្លារអាមេរិក និងប្រើរយៈពេលសាងសង់ ២៨ខែ ពោលគឺសាងសង់ឡើងនាខែកុម្ភៈ

ក្រសួងទេសចរណ៍ បានបិទអាជីវកម្មការីទេសចរណ៍ និងភ្នាក់ងារទេសចរណ៍ចំនួន ៣ ក្រុមហ៊ុន ក្រោយក្រុមហ៊ុនទាំងនេះបានដាក់ពាក្យស្នើសុំបិទអាជីវកម្ម។ នេះបើយោងតាមសេចក្ដីជូនដំណឹងរបស់ក្រសួងទេសចរណ៍ ដែលបានចេញផ្សាយនៅថ្ងៃទី១៨ ខែមេសា ឆ្នាំ២០២៣នេះ។ តាមរយៈសេចក្ដីជូនដំណឹង ក្រសួងបានបញ្ជាក់ថា អាជីវកម្មការីទេសចរណ៍ និងភ្នាក់ងារទេសចរណ៍ចំនួន ០៣ ក្រុមហ៊ុន រួមមាន៖ ១. ភ្នាក់ងារទេសចរណ៍ អលឃែរ ត្រាវែល អេន ធួរ ឯ.ក (All Care Travel & Tours Co., Ltd.) ២. ភ្នាក់ងារទេសចរណ៍ ស៊ី.អិកស៍

(សាធារណរដ្ឋកូរ៉េ)៖ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានកោតសរសើរ និងថ្លែងអំណរគុណជូនដល់ពលករខ្មែរដែលធ្វើការនៅសាធារណរដ្ឋកូរ៉េ ដោយពួកគេអាចផ្ញើប្រាក់ទៅគ្រួសារជាមធ្យមប្រមាណ ១ពាន់ដុល្លារ ក្នុង១ខែ និងបានរួមចំណែករកប្រាក់ចំណូលជូនជាតិប្រមាណជិត ៦០០លានដុល្លារ ជារៀងរាល់ឆ្នាំ។ កត្តានេះបានបង្ហាញថា ពលករខ្មែរនៅទីនោះ បានរួមចំណែកក្នុងការលើកកម្ពស់ជីវភាពគ្រួសារ និងជួយបង្កើនចរន្តសេដ្ឋកិច្ចជាតិថែមមួយកម្រិតទៀត។ ឯកឧត្តមបណ្ឌិត អ៉ិត សំហេង មានប្រសាសន៍លើកឡើងបែបនេះ ក្នុងឱកាសអញ្ជើញជាអធិបតី ក្នុងពិធីបុណ្យចូលឆ្នាំថ្មី ប្រពៃណីជាតិខ្មែរ មហាសង្ក្រាន្តកូរ៉េ រៀបចំធ្វើឡើងនៅទីក្រុងអឹយចុងប៊ូ នៃសាធារណរដ្ឋកូរ៉េ នាព្រឹកថ្ងៃទី១៦ ខែមេសា ឆ្នាំ២០២៣​ ដែលមានការចូលរួមពីបងប្អូនពលករខ្មែរ​ និស្សិតខ្មែរ​ អង្គទូត​ និងភាគីកូរ៉េ​ សរុបប្រមាណ​ ៥ពាន់នាក់។

ក្រុមអ្នកសង្កេតការណ៍ទីផ្សារបាននិយាយថា តម្លៃ iPhone 14 នៅក្នុងប្រទេសវៀតណាម ដែលស្ថិតក្នុងចំណោមតម្លៃទាបបំផុតនៅលើពិភពលោកនឹងបន្តធ្លាក់ចុះក្នុងពេលខាងមុខនេះ។ នេះបើយោងតាមការចុះផ្សាយរបស់សារព័ត៌មាន VNexpress កាលពីថ្ងៃទី១៦ ខែមេសា​ ឆ្នាំ២០២៣ថ្មីៗនេះ។ បើ​តាម​ការ​លើក​ឡើង​របស់​លោក Phung Phuong ដែល​ជា​អ្នក​គ្រប់​គ្រង​ក្រុម​ហ៊ុន​លក់​រាយ​ទូរស័ព្ទ​ទំនើប Di Dong Viet គឺសង្រ្គាមតម្លៃ iPhone តែងតែកើតមាន ប៉ុន្តែមិនដែលមានភាពខ្លាំងក្លាដូចពេលនេះទេ។ នេះជាលើកទីមួយហើយ ដែលតម្លៃទូរស័ព្ទម៉ូដែលចុងក្រោយរបស់ Apple បានធ្លាក់ចុះខ្លាំង ក្រោយចេញលក់បានត្រឹមកន្លះឆ្នាំ។ យោងតាមអ្នកលក់រាយគ្រឿងអេឡិចត្រូនិចដ៏ធំ មានហេតុផលចំនួនពីរដែលនាំឱ្យមានការប្រជែងតម្លៃនាពេលបច្ចុប្បន្នគឺ ទីមួយ Apple មិនទាន់បានកំណត់តម្លៃក្នុងប្រទេសវៀតណាមនៅឡើយ ដូច្នេះហើយអ្នកចែកចាយក្នុងស្រុកកំណត់តម្លៃលក់របស់ពួកគេទៅតាមតម្រូវការជាក់ស្តែង និងស្ថានភាពទីផ្សារ។

យោងតាមការចុះផ្សាយរបស់ ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី១៣ ខែមេសា ឆ្នាំ២០២៣ ថ្មីៗនេះ បានឱ្យដឹងថា មានក្រុមហ៊ុនចំនួន ២ បានមកបោះទុនវិនិយោគអភិវឌ្ឍន៍លើកោះនៅក្នុងខេត្តចំនួនពីររបស់កម្ពុជា ក្រោមទុនវិនិយោគសរុបចំនួន ៣៧.៧លានដុល្លារ។ ក្រុមប្រឹក្សាអភិវឌ្ឍន៍កម្ពុជាបានបញ្ជាក់ថា តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគជូនដល់ក្រុមហ៊ុន “DEN NOKOR (CAMBODIA) INVESTMENT CO., LTD” លើគម្រោងវិនិយោគអភិវឌ្ឍន៍រមណីយដ្ឋានទេសចរណ៍លើកោះទទឹង និងសកម្មភាពពាក់ព័ន្ធផ្សេងៗទៀត ដែលមានទីតាំងវិនិយោគស្ថិតនៅភូមិកោះស្តេច ឃុំកោះស្តេច ស្រុកគិរីសាគរ ខេត្តកោះកុង ក្នុងទុនវិនិយោគប្រមាណ ៣០លានដុល្លារអាម៉េរិក និងអាចបង្កើតការងារបានចំនួន ១៤២កន្លែង។ ជាមួយគ្នានេះ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា