ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានស្នើឱ្យក្រុមហ៊ុន ស៊ី.ភី.ខេមបូឌា ចំកាត់ បង្កើនវិសាលភាពនៃការប្រមូលទិញជ្រូកពីកសិដ្ឋានក្នុងស្រុក។ ឯកឧត្តមរដ្ឋមន្រ្តី បានស្នើបែបនេះ នៅក្នុងដំណើរទស្សនកិច្ចនៅសត្តឃាតដ្ឋានជ្រូក និងរោងចក្រផលិតចំណីអាហារ របស់ក្រុមហ៊ុន ស៊ី.ភី. ខេមបូឌា ចំកាត់ ដែលមានទីតាំងនៅភូមិឈើទាល ឃុំជំពូវ័ន ស្រុកជុំគិរី ខេត្តកំពត។ នាឱកាសទស្សនកិច្ចនេះ ឯកឧត្តមរដ្ឋមន្រ្តីក្រសួងពាណិជ្ជកម្ម បានជួបពិភាក្សាសន្ទនាជាមួយ ឯកឧត្តម ម៉ម ប៊ុននាង ឯកឧត្តម គង់ សារាជ និងតំណាងក្រុមហ៊ុនស៊ី.ភី. អំពីតួនាទីរបស់ក្រសួងពាណិជ្ជកម្ម ក្នុងការតាមដានជាប្រចាំនូវថ្លៃទំនិញសាច់ជ្រូកលក់នៅលើទីផ្សារ និងរៀបចំរបាយការណ៍ស្តីពីស្តុកសន្និធិស្បៀងត្រៀមបម្រុងយុទ្ធសាស្ត្ររបស់រាជរដ្ឋាភិបាល និងសភាពការណ៍ថ្លៃទំនិញសំខាន់ៗដទៃចាំបាច់ប្រចាំជីវភាពដែលបានប្រមូលពីទីផ្សាររាជធានី-ខេត្ត។

ក្រុមហ៊ុន Apple Inc កំពុងកាត់បន្ថយការងារមួយចំនួននៅក្នុងក្រុមលក់រាយនៃសាជីវកម្ម​របស់ខ្លួន នេះបើយោងតាមការរាយការណ៍របស់សារព័ត៌មាន Bloomberg ដែលទទួលបានពីអ្នកដែលដឹងពីបញ្ហានេះ។ បើតាមប្រភព ការបញ្ឈប់ការងារនឹងប៉ះពាល់ដល់អ្វីដែលក្រុមហ៊ុន Apple ហៅថា ក្រុមអភិវឌ្ឍន៍ និងការអភិរក្សរបស់ខ្លួន ចំនែកឯចំនួនមុខតំណែងដែលត្រូវបានដកចេញមិនអាចបញ្ជាក់បានឡើយ ប៉ុន្តែទំនងជាមានតិចតួចណាស់។ ទោះជាយ៉ាងណាក្ដី ក្រុមហ៊ុនផលិតស្មាតហ្វូនលំដាប់ពិភពលោកមួយនេះ មិនបានឆ្លើយតបភ្លាមៗចំពោះសំណើរបស់ Reuters សម្រាប់ការធ្វើអត្ថាធិប្បាយលើរបាយការណ៍នេះទេ។ គួរបញ្ជាក់ផងដែរថា ការព្រួយបារម្ភនៃការធ្លាក់ចុះសេដ្ឋកិច្ចដោយសារតែការកើនឡើងអត្រាការប្រាក់ បានជំរុញឱ្យមានការកាត់បន្ថយការងារជាបន្តបន្ទាប់នៅទូទាំងក្រុមហ៊ុននៅអាមេរិកក្នុងប៉ុន្មានខែថ្មីៗនេះ។ ក្នុងនោះ ក្រុមហ៊ុន Meta មេធំរបស់ Facebook កាលពីខែមុនបានប្រកាស នឹងកាត់បន្ថយការងារចំនួន ១០,០០០ នៅឆ្នាំនេះ ដែលធ្វើឱ្យ Meta

កាសែត Wall Street Journal បានរាយការណ៍កាលពីថ្ងៃអាទិត្យថា ខ្សែសង្វាក់ Burger McDonald’s Corp កំពុងបិទការិយាល័យនៅសហរដ្ឋអាមេរិកជាបណ្ដោះអាសន្ននៅសប្ដាហ៍នេះ ខណៈពេលក្រុមហ៊ុនកំពុងរៀបចំ​ជូនដំណឹងដល់បុគ្គលិកអំពីការបញ្ឈប់ការងាររបស់ខ្លួន ដែលជាផ្នែកមួយនៃការរៀបចំរចនាសម្ព័នក្រុមហ៊ុនឱ្យកាន់តែទលំទូលាយ។ តាមប្រភពដដែលបានឱ្យដឹងថា នៅក្នុងអ៉ីមែលផ្ទៃក្នុងកាលពីសប្តាហ៍មុនទៅកាន់បុគ្គលិកអាមេរិក និងបុគ្គលិកអន្តរជាតិមួយចំនួន McDonald’s បានសុំឱ្យពួកគេធ្វើការពីផ្ទះចាប់ពីថ្ងៃច័ន្ទដល់ថ្ងៃពុធ ដូច្នេះក្រុមហ៊ុនអាចធ្វើការសម្រេចចិត្តថាតើបុគ្គលិកណាខ្លះនឹងត្រូវកាត់ចេញ។ ប៉ុន្តែទោះយ៉ាងណាក៏ដោយ គេ​មិន​ទាន់​ដឹង​ទេថា​តើ​បុគ្គលិក​ប៉ុន្មាន​នាក់​នឹង​ត្រូវ​បញ្ឈប់​ពី​ការងារ ហើយMcDonald’s មិន​បាន​ឆ្លើយ​តប​ភ្លាមៗ​ចំពោះ​សំណើ​របស់ Reuters សម្រាប់​ការ​ធ្វើ​អត្ថាធិប្បាយ​ផងដែរ៕ អត្ថបទ៖ លីនី ប្រភព៖ vnexpress

តាមសេចក្ដីប្រកាសព័ត៌មាន របស់គ្រឹះស្ថានអង្គរ បានឱ្យដឹងថា រយៈពេល ៣ខែ ពោលចាប់ពីខែមករា ដល់ខែមីនា ឆ្នាំ២០២៣នេះ កម្ពុជារកចំណូលបានចំនួន ១១,១៣៥,៤៩២ដុល្លារអាមេរិក ពីការលក់បណ្ណចូលទស្សនារមណីយដ្ឋានអង្គរ និងមានភ្ញៀវទេសចរបរទេស ចំនួនសរុប ២៣៦,៣៤១នាក់។ គ្រឹះស្ថានអង្គរ បានបញ្ជាក់ថា សម្រាប់ខែមីនា ឆ្នាំ២០២៣នេះ គ្រឹះស្ថានអង្គរ រកចំណូលបានចំនួន ៣,៧៤៨,៧០០ ដុល្លារអាមេរិក ពីការលក់បណ្ណជូនភ្ញៀវទេសចរបរទេស ចូលទស្សនារមណីយដ្ឋានអង្គរ ចំនួន ៧៩,៣៩០នាក់។ សូមជម្រាបថា ក្នុងរយៈពេល៣ខែ ឆ្នាំ២០២៣នេះ រដ្ឋាភិបាល បានឧបត្ថម្ភមូលនិធិ នៃមន្ទីរពេទ្យគន្ធបុប្ផាកម្ពុជា បានចំនួនសរុប៤៧២,៦៨២ដុល្លារអាមេរិក ពីចំណែកនៃការលក់បណ្ណ

កាលពីថ្ងៃព្រហស្បតិ៍ កន្លងទៅថ្មីៗនេះ រថយន្តកុងតឺន័រជាង ៨០០គ្រឿងបានជាប់គាំងនៅច្រកព្រំដែនវៀតណាម-ចិនក្នុងខេត្ត Lang Son ចំពេលមានការកើនឡើងនៃការដឹកជញ្ជូនកសិផលនៅពាក់កណ្ដាលរដូវប្រមូលផល។ នេះបើយោងតាមការចុះផ្សាយរបស់សារព័ត៌មាន vnexpress ដែលបានចុះផ្សាយកាលថ្ងៃទី៣១ ខែមីនា ឆ្នាំ២០២៣ថ្មីៗនេះ។ តាមសារព័ត៌មានខាងលើ រថយន្តកុងតឺន័រដែលជាប់គាំងនោះភាគច្រើនជារថយន្តដឹកកសិផលវៀតណាមដូចជា ខ្នុរ ទុរេន ស្វាយ និងផ្លែស្រកានាគ ដោយសារតែផ្លែឈើទាំងនេះ កំពុងស្ថិតក្នុងរដូវប្រមូលផលក្នុងប្រទេសវៀតណាម ហើយអ្នកនាំចេញបានពន្លឿនការចែកចាយរបស់ពួកគេទៅកាន់អ្នកទិញចិន ដើម្បីធានាថាផ្លែឈើទៅដល់ជាមួយគុណភាពល្អបំផុត។ ជាមួយគ្នានេះដែរ ការជាប់គាំងមិនមែនមានតែច្រកព្រំដែន Lang Son នោះទេ គឺសូម្បីតែច្រកទ្វារព្រំដែនអន្តរជាតិ Dong Dang ក៏មានការជាប់គាំងកុងតឺន័រដឹកទំនិញដែរ ពោលគឺ កុងតឺន័រដែលឆ្លងកាត់ ១ពាន់គ្រឿងក្នុងមួយថ្ងៃ

ឯកឧត្តម វី សំណាង អភិបាលខេត្តកំពង់ស្ពឺ កាលពីថ្ងៃទី០២ ខែមេសា ឆ្នាំ២០២៣ បានឱ្យដឹងថា ក្រុមហ៊ុនយ៉ាងតិចចំនួន ១០ នឹងមកវិនិយោគនៅក្នុងខេត្តកំពង់ស្ពឺឆាប់ៗនេះ ហើយត្រូវការកម្លាំងពលកម្មយ៉ាងហោចណាស់ ១០,០០០នាក់។ ឯកឧត្តមអភិបាលខេត្ត បានឱ្យដឹងតាមរយៈការបង្ហោះនៅលើគណនីផេកផ្លូវការ បន្ទាប់ពីបានដឹកនាំប្រតិភូខេត្តកំពង់ស្ពឺ ទៅទស្សនៈកិច្ចនៅតាមក្រុមហ៊ុននានាជាច្រើន រួមទាំងបានជួបប្រជុំដើម្បីបង្ហាញពីសក្តានុពលខេត្ត នៅទីក្រុងហុងកុង។ ជាមួយគ្នានេះ ឯកឧត្តម បានបញ្ជាក់ថា ក្រៅពីការប្រកបអាជីវកម្មរោងចក្រដែលមានសកម្មភាពសេដ្ឋកិច្ច ផលិតសម្លៀកបំពាក់ ស្បែកជើង កាបូបគ្រប់ប្រភេទហើយនោះ ក៏មានក្រុមហ៊ុនមួយចំនួនទៀត ក៏មានបំណងវិនិយោគលើការសាងសង់ និងអចលនទ្រព្យផងដែរ៕ អត្ថបទ៖ លីនី

រដូវចូលឆ្នាំថ្មី ប្រពៃណីជាតិខ្មែរបានមកដល់ភ្លាមក្រុមហ៊ុន ប៊ូសស្ត្រង បានប្រកាសរៀបចំសង្ក្រាន្តតាមវិទ្យាល័យដល់ទៅ ១០០សាលាទូទាំងប្រទេសភ្លាមៗ។ ដើម្បីចូលរួមថែរក្សាពិធីបុណ្យប្រពៃណីជាតិ និងដើម្បីផ្ដល់ឲ្យសិស្សានុសិស្សនូវអារម្មណ៍ស្រស់ថ្លាលំហែរបន្ធូរអារម្មណ៍ពីការសិក្សាបន្តិចដើម្បីត្រៀមខ្លួនបន្តការសិក្សាបន្តទៀតក្នុងបវេសនកាលឆមាសថ្មីបន្ទាប់ពីចូលឆ្នាំថ្មីប្រពៃណីជាតិខ្មែរយើងហើយក្រុមហ៊ុនចិត្តល្អ ប៊ូសស្ត្រងបានរៀបចំសង្ក្រាន្តតាមសាលានានាចំនួន១០០សាលា ព្រមជាមួយការឧបត្ថម្ភរៀបចំសង្ក្រាន្តចូលឆ្នាំថ្មីប្រពៃណីជាតិខ្មែរជាច្រើនសាលាថែមទៀត។ សម្រាប់ការរៀបចំ Boostrong សង្ក្រាន្ត១០០សាលានេះក្រៅពីការលេងស្បែងប្រជាប្រិយខ្មែរក៏មានការបន្ថែមការកំសាន្តប្រកួតបីសិស្សដើម្បីទទួលបានរង្វាន់ពីប៊ូសស្ត្រងផងដែរ ដោយតម្រូវឲ្យប្រកួតសិស្សប្រុសអាចបីតែសិស្សប្រុស សិស្សស្រីបីសិស្សស្រី ហើយគូដែលបីបានយូរជាងគេជាអ្នកឈ្នះទទួលបានរង្វាន់ពីប៊ូសស្ត្រង។ បន្ថែមពីលើសង្ក្រាន្ត១០០សាលាដែលប៊ូសស្ត្រងបានរៀបចំនេះ សាលាផ្សេងៗទៀតដែលមានបំណងចង់ទទួលបានការឧបត្ថម្ភធ្វើសង្ក្រាន្តសប្បាយៗដល់សិស្សានុសិស្សអាចទាក់ទងមកកាន់ Facebook page ប៊ូសស្ត្រងបាន។

យោងតាមការចុះផ្សាយរបស់ក្រសួងសាធារណការ និងដឹកជញ្ជូន បានឱ្យដឹងថា ក្រុមហ៊ុនជំនាញលើស្ថានីយសាករថយន្តអគ្គិសនីក្នុងប្រទេសឡាវ មានចំណាប់អារម្មណ៍ក្នុងការចូលមកវិនិយោគនៅកម្ពុជា។ កាលពីថ្ងៃទី២៩ ខែមីនា ឆ្នាំ២០២៣ ឯកឧត្តម ពៅ មាលី រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញទទួលជួបសម្តែងការគួរសម និងណែនាំខ្លួនពីក្រុមហ៊ុន LOCA ដែលជាក្រុមហ៊ុនជំនាញលើស្ថានីយសាករថយន្តអគ្គិសនីក្នុងប្រទេសឡាវ ហើយក្នុងជំនួបនេះក៏បានមានការចូលរួមពីថ្នាក់ដឹកនាំអគ្គនាយកដ្ឋានទទួលបន្ទុក និងមន្ត្រីជំនាញជាច្រើនរូប។ ក្រុមហ៊ុន LOCA បានអញ្ជើញចូលជួបសម្ដែងការគួរសម និងណែនាំពីគោលបំណងរបស់ខ្លួនក្នុងការសិក្សាពីឱកាសវិនិយោគ ព្រមទាំងស្វែងយល់បន្ថែមពីច្បាប់ និងតម្រូវការឯកសារគតិយុត្តផ្សេងៗ អនុញ្ញាតឱ្យក្រុមហ៊ុនអាចត្រៀមខ្លួនបានរួចរាល់ សមស្របនឹងតម្រូវការក្នុងការវិនិយោគនៅកម្ពុជា។ ក្នុងជំនួបនេះ តំណាងក្រុមហ៊ុន LOCA បានធ្វើបទបង្ហាញពីព័ត៌មានសំខាន់ៗ និងទិសដៅរបស់ក្រុមហ៊ុនក្នុងការផ្ដល់ជូននូវសេវាកម្មផ្សេងៗជាចំណែកចូលរួមកាត់បន្ថយការបំភាយឧស្ម័នពុលចូលទៅស្រទាប់បរិយាកាស និងលើកកម្ពស់ការប្រើប្រាស់រថយន្តអគ្គិសនី