ផ្សារទំនើបខ្នាតយក្ស Big C Supermarket នឹងមានវត្តមាននៅក្នុងទីក្រុងរណបជ្រោយចង្វារ របស់ក្រុមហ៊ុន OCIC ខណ្ឌជ្រោយចង្វារ នេះបើយោងតាមការចុះផ្សាយរបស់រដ្ឋបាលខណ្ឌជ្រោយចង្វារដែលបានចុះផ្សាយកាលពីថ្ងៃទី២៦ ខែឧសភា ឆ្នាំ២០២៣​នេះ។

យោងតាមរដ្ឋបាលខណ្ឌ ក្រុមហ៊ុន ផ្សារទំនើប Big C និង ក្រុមហ៊ុន OCIC បានចុះហត្ថលេខាលើ កិច្ចព្រមព្រៀងសហប្រតិបត្តិការយុទ្ធសាស្ត្រ កាលពីថ្ងៃទី២២ ខែមេសា ឆ្នាំ២០២៣ និងត្រៀមបើកដំណើរការសាងសង់ផ្សារទំនើប Big C ដែលមានតម្លៃ ៥០ លានដុល្លារ នៅជាប់រង្វង់មូលសុវណ្ណមច្ឆាក្នុងពេលឆាប់ៗនេះ។

គួរបញ្ជាក់ផងដែរថា គួរបញ្ជាក់ផងដែរថា Big C មាន​វត្តមាន​ក្នុង​ប្រទេស​កម្ពុជា​តាំងពី​ឆ្នាំ​២០១៩ មក​ម្ល៉េះ​ ដោយ​មាន​ផ្សារ​ទំនើប​ Big C ​ដំបូង​គេ​បើក​នៅ​ក្រុង​ប៉ោយប៉ែត​ ដែល​មាន​ទំហំ​សរុប​ ៨,០០០ ម៉ែត្រការ៉េ៕

អត្ថបទ៖ លីនី