មន្ត្រីជាន់ខ្ពស់ក្រសួងកសិកម្ម រុក្ខាប្រមាញ់ និងនេសាទ លើកទឹកចិត្តដល់ប្រជាកសិករជ្រើសរើសពូជស្រូវសុទ្ធយកទៅដាំដុះ ដើម្បីលើកកម្ពស់វិស័យកសិកម្មនៅកម្ពុជាឱ្យទទួលបានទិន្នផលច្រើន និងមានគុណភាពខ្ពស់ ក្នុងការប្រកួតប្រជែងលើទីផ្សារជាតិ និងអន្តរជាតិ ។ ការលើកឡើងនេះ ធ្វើឡើងបន្ទាប់ពី ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានថ្លែងក្នុងទិវាច្រូតស្រូវពូជនៅវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជាថា ក្រសួងសម្រេចដាក់ប្រើជាផ្លូវការនូវពូជស្រូវថ្មីឈ្មោះ «ចំប៉ីស៧០» ដើម្បីលើកកម្ពស់វិស័យកសិកម្ម និងសេដ្ឋកិច្ចនៅកម្ពុជាកាន់តែរីកចម្រើន។ ប្រធាននាយកដ្ឋានដំណាំស្រូវ នៃអគ្គនាយកដ្ឋានកសិកម្ម លោក គង់ គា បានថ្លែងប្រាប់អ្នកសារព័ត៌មាន នាព្រឹកថ្ងៃពុធ ១៥កើត ខែចេត្រ ឆ្នាំខាល ចត្វាស័ក

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ក្ងានក្បាលតោ ជាសត្វមួយប្រភេទដែលងាយស្រួលចិញ្ចឹមនិងមានទីផ្សារ ជាពិសេសអាចចិញ្ចឹមលម្អសម្រាប់ទាក់ទាញភ្ញៀវទេសចរបានថែមទៀតផង ដោយសារក្ងានក្បាលតោមានរូបរាងស្រស់ស្អាត។ លោក ហាច ឆន ស្ថាបនិក កសិដ្ឋាន ៤០០ បានប្រាប់វិទ្យុជាតិកម្ពុជាឱ្យដឹងថា កសិដ្ឋាន ៤០០មានចិញ្ចឹមសត្វបក្សី សត្វក្នុងទឹក និងការដាំដំណាំ និងប្រភេទសត្វជើងបួន ហើយបច្ចុប្បន្ននេះដែរ ក៏មានចិញ្ចឹមក្ងានក្បាលតោសម្រាប់លក់ទៅក្នុងទីផ្សារ ក៏ដូចជាចិញ្ចឹមលម្អក្នុងកសិដ្ឋាន ៤០០ផ្ទាល់ ដើម្បីទាក់ទាញភ្ញៀវទេសចរឲ្យចូលមកលេងកម្សាន្ត។ លោកបានបន្តថា សម្រាប់ឈ្មោះក្ងានក្បាលតោនេះដែរ គឺដោយសារប្រជាពលរដ្ឋខ្មែរមើលឃើញក្បាលរបស់វាធំហើយមាឌរបស់វាធំ ដូច្នេះហើយក៏ហៅតៗគ្នាថាក្ថានក្បាលតោ។ លោកបានបន្ថែមថា ប្រភពដើមរបស់ក្ងានក្បាលតោ គឺជាពូជរបស់បរទេស គឺប្រទេសថៃបានជ្រើសរើសពូជរបស់ក្ងានក្បាលតោ ពីសហគមន៍អឺរ៉ុប យកមកចិញ្ចឹមមុនគេ

នៅរសៀលថ្ងៃទី០៣ ខែមេសា ឆ្នាំ២០២៣ ឯកឧត្តម ឌិត ទីណា រដ្ឋមន្ត្រី ក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ បានចូលរួមប្រជុំពិភាក្សាការងារជាមួយលោក Park Heung-Kyeong ទីប្រឹក្សាក្រុមហ៊ុន Booyoung Co.,Ltd. នៅទីស្តីការក្រសួងកសិកម្ម រុក្ខាប្រមាញ់ និងនេសាទ។ នាឱកាសនោះ ក្រុមហ៊ុន Booyoung Co.,Ltd​. របស់ប្រទេសកូរ៉េខាងត្បូង បានបង្ហាញពីគម្រោងដែលក្រុមហ៊ុនចង់វិនិយោគនៅក្នុងវិស័យកសិកម្មនៅកម្ពុជា ដោយក្នុងនោះក្រុមហ៊ុនចង់វិនិយោគទៅលើការដាំដុះគ្រាប់ ម៉ាកាដាមៀ (Macadamia) ហើយនាំចេញទៅកាន់ប្រទេសកូរ៉េខាងត្បូង។ បន្ទាប់ពីបានទទួលស្តាប់ការធ្វើបទបង្ហាញអំពីគម្រោងវិនិយោគរបស់ក្រុមហ៊ុន ជាកិច្ចឆ្លើយតប ឯកឧត្តមរដ្ឋមន្ត្រី បានសម្តែងនូវការស្វាគមន៍

សម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា កាលពីថ្ងៃទី០៤ ខែមេសា ឆ្នាំ២០២៣ នេះ បានចេញសារលិខិតមួយ ដើម្បីអបអរសាទរទិវាជាតិលើកកម្ពស់ការប្រើប្រាស់ផលិតផលខ្មែរ លើកទី៦ ឆ្នាំ២០២៣ ក្រោមប្រធានបទ “រួមគ្នាទិញផលិតផលខ្មែរ គឺបង្កើតការងារជូនពលរដ្ឋខ្មែរ”។ នៅក្នុងសារលិខិតនោះ សម្ដេចតេជោ ហ៊ុន សែន បានអំពាវនាវឱ្យប្រជាពលរដ្ឋកម្ពុជា ចូលរួមគាំទ្រ និងទិញផលិតផលខ្មែរយកទៅប្រើប្រាស់ឱ្យបានច្រើន ក្រោមស្មារតី “រួមគ្នាទិញផលិតផលខ្មែរ គឺបង្កើតការងារជូនពលរដ្ឋខ្មែរ”។ ជាមួយគ្នានោះដែរ សម្ដេចតេជោ សូមស្នើឱ្យ ក្រសួង ស្ថាប័នពាក់ព័ន្ធ ទាំងថ្នាក់ជាតិ ថ្នាក់ក្រោមជាតិ អង្គការដៃគូអភិវឌ្ឍ និងវិស័យឯកជនទាំងអស់បន្តកិច្ចសហការជាមួយនឹងគណៈកម្មការធិការជាតិជំរុញចលនាភូមិមួយផលិតផលមួយ

យោងតាមរបាយការណ៍ចេញផ្សាយនៅថ្ងៃទី០៤ ខែមេសា ឆ្នាំ២០២៣ ដោយធនាគារអភិវឌ្ឍន៍អាស៊ី (ADB) បានឱ្យដឹងថា សេដ្ឋកិច្ចកម្ពុជាត្រូវបានព្យាករថា នឹងកើនឡើងក្នុងអត្រា ៥,៥% ក្នុងឆ្នាំ ២០២៣ និង ៦,០% នៅឆ្នាំ ២០២៤ ជំរុញដោយការងើបឡើងវិញ ដ៏រឹងមាំនៃវិស័យទេសចរណ៍ និងកំណើនខ្ពស់ក្នុងវិស័យសេវាកម្ម។ នាយិកាប្រចាំប្រទេសកម្ពុជារបស់ ADB លោកស្រី Jyotsana Varma មានប្រសាសន៍ថា «ទោះបីជាតម្រូវការពិភពលោកចុះខ្សោយក៏ដោយ ក៏សេដ្ឋកិច្ចកម្ពុជាមានដំណើរការល្អនៅឆ្នាំ២០២២ ជំរុញដោយការងើបឡើងវិញនៃវិស័យទេសចរណ៍ដែលកំពុងបន្ត។ ទស្សនវិស័យសេដ្ឋកិច្ចរបស់កម្ពុជាមានភាពវិជ្ជមានជាមួយនឹងកំណើនដ៏រឹងមាំ ឱនភាពគណនីចរន្តដែលរួមតូច និងកម្រិតអតិផរណាមធ្យមនៅឆ្នាំ២០២៣។» ជាមួយគ្នានេះដែរ ទស្សនវិស័យអភិវឌ្ឍន៍អាស៊ី (Asian Development

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា អភិបាលខេត្តរតនគិរី បានសន្យាថា នឹងខិតខំធ្វើយ៉ាងណាឱ្យមានព្រលានយន្តហោះ មួយ ដែលមានទំហំទីតាំងរហូតដល់១៤០០ហិកតា នៅចំណុចកណ្តាលរវាងខេត្តចំនួន៤ ដែលមានព្រំប្រទល់ជាប់គ្នា។ ឯកឧត្តមអភិបាលខេត្ត ក៏បានអំពាវនាវដល់អ្នកវិនិយោគទាំងក្នុង និងក្រៅប្រទេស អញ្ជើញទៅធ្វើការវិនិយោគឱ្យបានច្រើនផងដែរ។ ថ្លែងក្នុងសន្និសីទសារព័ត៌មាន ស្តីពី «ភាព ជោគជ័យក្នុងរយៈពេល៥ឆ្នាំកន្លងមក» នៅព្រឹកថ្ងៃទី០៤ ខែមេសា ឆ្នាំ២០២៣ នៅទីស្តីការ គណៈរដ្ឋមន្ត្រី ឯកឧត្តម ញ៉ែម សំអឿន អភិបាលនៃគណៈ អភិបាលខេត្តរតនគិរី អំពាវនាវ វិនិយោគិនទាំងក្នុង និងក្រៅប្រទេស ទៅធ្វើការវិនិយោគក្នុងខេត្ត នាភូមិភាគឦសាននេះ ហើយក្នុងនាមជារដ្ឋបាលខេត្តត្រៀមខ្លួនស្វាគមន៍

យោងតាមការចុះផ្សាយរបស់ ក្រសួងព័ត៌មាន នំបញ្ចុកសៀមរាប ដែលផលិតឡើងតាមបែបបុរាណមានរសជាតិឆ្ងាញ់ និងកេរ្តិ៍ឈ្មោះ ល្បីល្បាញ ត្រូវបាននាយកដ្ឋានកម្មសិទ្ធិបញ្ញានៃក្រសួងពាណិជ្ជកម្ម សហការជាមួយរដ្ឋបាលខេត្តសៀមរាប ចុះសិក្សានិងវាយតម្លៃចុះបញ្ជីម៉ាកសមូហភាព។ ឯកឧត្តម ហូ ស៊ីវយ៉ុង ប្រតិភូរាជរដ្ឋាភិបាលទទួលបន្ទុកជាអគ្គនាយកសេវាពាណិជ្ជកម្ម នៃក្រសួងពាណិជ្ជកម្ម បានមានប្រសាសន៍ថា ការចុះបញ្ជីម៉ាកសមូភាពនំបញ្ចុកសៀមរាបនេះ មានសារៈសំខាន់ណាស់ទី១ គឺដើម្បីចងក្រងសៀវភៅបន្ទុកមួយ និងរូបមន្តនៃការផលិតនំ បញ្ចុកសៀមរាប ពីព្រោះថា កន្លងមកនេះ ប្រជាពលរដ្ឋអ្នកផលិតនំបញ្ចុកនៅឃុំព្រះដាក់ តែងតែផលិតនំបញ្ចុកឡើងតាមទម្លាប់ពីដូនតាយើងមក ប៉ុន្តែពុំទាន់បានចងក្រងជា ឯកសារអំពីរូបមន្តនៃការផលិតនៅឡើយទេ។ ដូចនេះហើយ បានជាថ្ងៃនេះនាយកដ្ឋានកម្មសិទ្ធិបញ្ញានៃក្រសួងពាណិជ្ជកម្ម សហការជាមួយអាជីវក ផលិតករ នំបញ្ចុកសៀមរាប និងអាជ្ញាធរមូលដ្ឋាន ដើម្បីចងក្រងរូប មន្តនៃការផលិតនំបញ្ចុកសៀមរាបមួយ

តម្លៃកាក់គ្រីបតូ Dogecoin បានកើនឡើងជាង ៣០% បន្ទាប់ពីលោក Elon Musk ដែលទើបតែក្លាយជានាយកប្រតិបត្តិ ក្រុមហ៊ុន Twitter នាពេលថ្មីៗនេះ បានផ្លាស់ប្ដូរឡូហ្គូ របស់ក្រុមហ៊ុនពីរូបចាបខៀវមកដាក់រូបឆ្កែ ដែលត្រូវបានគេស្គាល់ថា ជាឡូហ្គូ របស់ Dogecoin។ កាលផ្លាស់ប្ដូរមកជារូបឆ្កែ shiba inu នេះ ត្រូវបានធ្វើឡើងបន្ទាប់ពីមហាសេដ្ឋីអាមេរិក Elon Musk បានបង្ហោះរូបភាពបែបកំប្លែង (Meme) លើបណ្តាញសង្គម Twitter នៅក្នុងថ្ងៃទី៣ ខែមេសា ធ្វើឱ្យតម្លៃកាក់គ្រីបតូ Dogecoin ហក់ឡើងយ៉ាងខ្លាំងក្នុងរយៈពេលត្រឹមតែប៉ុន្មានម៉ោងប៉ុណ្ណោះ ។