សប្បាយខ្លាំងណាស់មហាសង្ក្រានប៊ូសស្ត្រងខេត្តកំពត សង្កេតឃើញថាបងប្អូនចូលរួមតាំងពីម៉ោង ១២ថ្ងៃត្រង់មកម្ល៉េះដោយមានការចូលរួមយ៉ាងច្រើនកុះករ ទាំងជិតឆ្ងាយ សូមបីតែជនជាតិបរទេស ក៏ត្រូវម្ស៉ៅដែរហើយចូលរួមយ៉ាងសប្បាយផងដែរ នៅបរិវេណរង្វង់មូលផ្លែទុរេនយក្សក្រុងកំពត។ ពេលវេលាដ៏មានតម្លៃដែលបងប្អូនប្រជាពលរដ្ឋទូទាំងប្រទេសសម្រាកពីកិច្ចការងារដែលបំពេញ ភារៈកិច្ចទូទាំងប្រទេស ជាមួយក្រុមហ៊ុនភេសជ្ជៈប៉ូវកម្លាំងប៊ូសស្ត្រង។ ការបាញ់ទឹកដាក់គ្នានេះគឺបង្ហាញពីក្តីស្រលាញ់យ៉ាងជ្រៀលជ្រៅរបស់បងប្អូនទាំងអស់គ្នា។ រាំ៣ថ្ងៃជាប់គ្នា មានអីសប្បាយកប់ក្តោងហើយនេះ។ រីករាយទទួលយកសិរីសួស្ដីគ្រប់ៗគ្នា ក្នុងមហាសង្ក្រាន្តខេត្តកំពតនាំមកជូនដោយក្រុមហ៊ុនជាមួយប៊ូសស្ត្រង។

(ភ្នំពេញ)៖ រដ្ឋាភិបាលជប៉ុនបានគោលការណ៍ថ្មី ដែលអនុញ្ញាតឱ្យភ្ញៀវទេសចរកម្ពុជាអាចស្នើសុំទិដ្ឋការតាមអនឡាញ (eVisa) ហើយនេះលើកដំបូងហើយដែលប្រទេសជប៉ុនអនុញ្ញាតឱ្យមាន eVisa ជូនប្រទេសចំនួន១០ ពិសេសគឺមានសុពលភាពរហូតដល់៩០ថ្ងៃ។ គោលការណ៍នេះត្រូវបានលើកឡើងក្នុងជំនួបពិភាក្សារវាងឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងលោក អេណុ អាត់ស៊ូស្ស៉ឹ (UENO Atsushi) ឯកអគ្គរាជទូតជប៉ុនប្រចាំកម្ពុជា នាថ្ងៃទី១២ ខែមេសា ឆ្នាំ២០២៣ នៅទីស្ដីក្រសួងទេសចរណ៍។ ឯកឧត្តមឯកអគ្គរាជទូតជប៉ុនបានសន្យាថានឹងបន្តជំរុញកិច្ចសហប្រតិបត្តិការរវាងជប៉ុននិងកម្ពុជា ពិសេសលើវិស័យទេសចរណ៍ឱ្យកាន់តែមានការរីកចម្រើនថែមទៀត។ លោក អេណុ អាត់ស៊ូស្ស៉ឹ ក៏បានសន្យាជំរុញឱ្យក្រុមហ៊ុនអាកាសចរណ៍ ANA ពន្លឿនការហោះហើរត្រង់មកកម្ពុជាឡើងវិញ បន្ទាប់ពីផ្អាកការហោះហើរកាលពីពេលជួបវិបត្តិជំងឺកូវីដ១៩។ បច្ចុប្បន្ន ការធ្វើដំណើរទៅមកកម្ពុជា-ជប៉ុន គឺត្រូវឆ្លងកាត់កូរ៉េខាងត្បូងសិន។

ជារៀងរាល់រដូវកាលចូលឆ្នាំខ្មែរ បងប្អូនប្រជាពលរដ្ឋគ្រប់ៗរូបនៅទូទាំងប្រទេស តែងតែធ្វើដំណើរទៅស្រុកកំណើតជួបជុំឪពុកម្ដាយ បងប្អូនសាច់ញាតិ ចំណែកឯបងប្អូនខ្លះទៀតបានធ្វើដំណើរទៅកម្សាន្តនៅតាមបណ្ដាខេត្តនានា។ យ៉ាងណាមិញ កាលពីពេលថ្មីៗ កន្លងទៅនេះ មន្ទីរទេសចរណ៍ខេត្តបាត់ដំបង បានចេញផ្សាយពីឈ្មោះតំបន់ទេសចរណ៍ និងចម្ងាយផ្លូវ នៅក្នុងខេត្ត ដើម្បីបង្កើតភាពងាយស្រួលដល់បងប្អូនប្រជាពលរដ្ឋ ក៏ដូចជាភ្ញៀវទេសចរដែលមានបំណងទៅកម្សាន្តនៅខេត្តបាត់ដំបង។​ ដូច្នេះសម្រាប់បងប្អូនចង់ដឹងតំបន់កម្សាន្ត នានា នៅក្នុងខេត្តបាត់ដំបង សូមមើលតារាងខាងក្រោម៖ ប្រភព៖ មន្ទីរទេសចរណ៍ខេត្តបាត់ដំបង

គម្រោងស្ពានបេតុងឫស្សីកែវ ត្រូវបានវិនិយោគសាងសង់នៅពាក់កណ្ដាល់ឆ្នាំ ២០២១ ដែលមានប្រវែង ៩២២ ម៉ែត្រ ទទឹង២០.៥ម៉ែត្រ។ ចិញ្ចើមស្ពាន សម្រាប់ថ្មើរជើងមានទទឹង១.២៥ម៉ែត្រសងខាង កម្ពស់សរសរស្ពាន សម្រាប់ព្យួរខ្សែកាបធៀប នឹងកម្រាលស្ពានប្រវែង ៣៤ម៉ែត្រ បន្ថែមដោយរចនាបទទំនើបដែលមានសរសធំចំនួន ៤បង្គោល និងមានកំពស់រហូតដល់ ៤០ម៉ែត្រ ចំណាយអស់ទឹកប្រាក់ប្រមាណ ៣៥ លានដុល្លារអាមេរិក។ ស្ពានបេតុងឫស្សីកែវដែលជាស្ពានខ្សែកាបទីមួយ ក្នុងទីក្រុងភ្នំពេញត្រូវបានគេប្រមាណថានឹងក្លាយជាសរសៃឈាម និងច្រកសេដ្ឋកិច្ច ដើម្បីលើកតម្កើនប្រជាប្រិយភាពក្នុងវិស័យអចលទ្រព្យ ការធ្វើចរាចរឆ្លងកាត់ទៅតំបន់ជ្រោយចង្វារកាន់តែងាយស្រួល កាត់បន្ថយគ្រោះថ្នាក់ ការកក់ស្ទះ និងជាពិសេសធ្វើឱ្យតម្លៃដីធ្លីនៅតំបន់នេះ កាន់តែមានតម្លៃខ្ពស់ជាងមុន។ ស្ពាននេះបានដាក់ឱ្យដំណើរការនៅថ្ងៃទី១០ ខែមេសា ឆ្នាំ២០២៣នេះ ស្របពេលដែលប្រទេសកម្ពុជាកំពុងត្រៀមខ្លួន ទទួលរៀបចំពិធីបុណ្យចូលឆ្នាំខ្មែរ

សម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានប្រសាសន៍ថា បច្ចុប្បន្នកម្ពុជាមានសហគ្រាសធុនតូច និងមធ្យម និងសិប្បកម្មសរុបមានចំនួនប្រមាណ ៧០ម៉ឺនមូលដ្ឋាន។ សម្ដេចតេជោ មានប្រសាសន៍បែបនេះនៅក្នុងជំនួបសំណេះសំណាល និងពិសារអាហារសាមគ្គី ជាមួយក្រុមសហគ្រាសធុនតូច មធ្យម និងសិប្បកម្មកម្ពុជានៅល្ងាចថ្ងៃចន្ទ ទី១០ ខែមេសា ឆ្នាំ២០២៣នេះ។ សម្ដេចតេជោ បានគូសបញ្ជាក់ថា បច្ចុប្បន្ន កម្ពុជាមានសហគ្រាសធុនតូច និងមធ្យម និងសិប្បកម្មសរុបមានចំនួនប្រមាណ ៧០ម៉ឺនមូលដ្ឋាន ស្មើនឹងជាង ៩០% ក្នុងនោះ ក្នុងវិស័យកម្មន្តសាលមានប្រមាណ ៤ ម៉ឺនមូលដ្ឋាន ស្មើនឹងប្រមាណ ៧% ហើយប្រភេទកែច្នៃចំណីអាហារមានប្រមាណ ៨០%

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានមានប្រសាសន៍លើកទឹកចិត្តឱ្យសហគ្រាសធុនតូច និងមធ្យម និងសិប្បកម្ម យកចិត្តទុកដាក់ជំរុញការកែច្នៃ និងការនាំចេញផលិតផលកសិ-ឧស្សាហកម្ម របស់កម្ពុជា។ ក្នុងពិធីសំណេះសំណាល និងពីសារអាហារសាមគ្គី ជាមួយម្ចាស់សហគ្រាសធុនតូច និងមធ្យម និងសិប្បកម្ម ព្រមទាំងអ្នកធ្វើធុរកិច្ច ប្រមាណជាង ៥០០០នាក់ នារសៀលថ្ងៃទី១០ ខែមេសា ឆ្នាំ២០២៣ នៅមជ្ឈមណ្ឌលសន្និបាត និងពិព័រណ៍កោះពេជ្រ សម្ដេចតេជោ ហ៊ុន សែន បានលើកទឹកចិត្តឱ្យខិតខំយកចិត្តទុកដាក់ជំរុញការកែច្នៃ ទៅលើផលិតផលដែលមានស្រាប់នៅក្នុងប្រទេស ជាពិសេសសម្រាប់សហគ្រាស ធុនតូច និងមធ្យម

ខានសប្បាយយូរហើយម្តងនេះលេងឱ្យផ្អើលកំពតម្តងមើល៍ មហាសង្ក្រានឆ្នាំថ្មី ២០២៣។ ប៊ូសស្ត្រងបានបង្កើតបរិយាកាសរាំលេងកំសាន្ត និងល្បែងប្រជាប្រិយខ្មែរជាមួយកំពូលតារាចម្រៀងល្បីៗក្នុងថ្ងៃ មហាសង្ក្រាន្តដើម្បីទទួលទេវតាឆ្នាំថ្មីនេះ ដែលនឹងប្រព្រឹត្តទៅនៅថ្ងៃ ៩ រោច ដល់ ១១រោច ក្នុងខែចេត្រ ឆ្នាំថោះបញ្ចស័ក ពុទ្ធសករាជ ២៥៦៧ ក្នុងខែមេសា ឆ្នាំ២០២៣នេះ ហើយនៅបរិវេណរង្វង់មូលផ្លែទុរេន ក្រុងកំពត។ ពេលវេលាដ៏អស្ចាចារ្យ សម្រាប់បងប្អូនប្រជាជនខ្មែរក្នុងជួបជុំសប្បាយអស់ដៃ ជាមួយក្រុមហ៊ុនភេសជ្ជៈប៉ូវកម្លាំងប៊ូសស្ត្រង ដោយបងប្អូនបានរាំកម្សាន្តរយៈពេល៣ថ្ងៃជាប់គ្នា ចាប់ពីម៉ោង៣រសៀលតទៅរហូតដល់ចប់កម្មវិធី ជាមួយកំពូលតារាចម្រៀងជាច្រើនរូប រួមមាន៖ ថ្ងៃទី១ លោកឈន សុវណ្ណារាជ កញ្ញា រ៉េត ស៊ូហ្សាណា លោកវង្ស តារារតនា

ក្រុមហ៊ុន ប៊ូសស្ត្រង បានប្រកាសស្វែងរកប្អូនស្រីដែលបានត្រូវរង្វាន់ ឡានស្ព័រខ្លាញ់គោ ពីក្រវិលកំប៉ុងប៊ូសស្ត្រងកាលពីថ្ងៃទី៩ មេសា ថ្មីៗនេះ ដើម្បីអាចបើករង្វាន់ឡានបានឆាប់ៗជិះថ្ងៃចូលឆ្នាំខ្មែរតែម្ដង។ កាលពេលថ្មីៗនេះ មានការភ្ញាក់ផ្អើលមួយក្នុងបណ្ដាញសង្គមដោយមានអ្នកផុសអបអររូបប្អូនស្រីម្នាក់បានត្រូវរង្វាន់ ឡានស្ព័រថ្មីខ្លាញ់គោ ពីក្រវិលកំប៉ុងប៊ូសស្ត្រង។ បន្ទាប់ពីខាងក្រុមហ៊ុនប៊ូសស្ត្រងបានឃើញការផុសនោះហើយ ខាងក្រុមហ៊ុនបានដុតដៃដុតជើង ដើម្បីស្វែងរកការទំនាក់ទំនងទាក់ទងទៅប្អូនស្រីក្នុងគោលបំណងពិនិត្យក្រវិលរង្វាន់ឡាននោះ ដើម្បីធ្វើការរៀបចំបើករង្វាន់ឲ្យប្អូនស្រីឲ្យទទួលបានឡានថ្មីយកទៅជិះក្នុងថ្ងៃចូលឆ្នាំថ្មីតែម្ដង។ តែក្រោយពេលទទួលបានលេខទាក់ទងបានបន្តិច ក៏មិនអាចទាក់ទងបន្តទៀតបាន រហូតមកដល់ពេលនេះ ដូចនេះមានតែពឹងបងប្អូនជួយស៊ែបន្ថែម ដើម្បីឲ្យលឺដល់ប្អូនស្រីផង ហើយសូមទាក់ទងមកក្រុមហ៊ុនប៊ូសស្ត្រង ដើម្បីបើករង្វាន់ឡានស្ព័រថ្មីខ្លាញ់គោនេះឆាប់ៗ។ ថ្មីៗនេះគេឃើញមានអ្នកត្រូវរង្វាន់ ឡានស្ព័រថ្មីខ្លាញ់គោ និងម៉ូតូ ច្រើនគ្រឿងណាស់ ពីភេសជ្ជៈប៉ូវកំលាំងប៊ូសស្ត្រង ហើយល្បីថា ប៊ូសស្ត្រងកំប៉ុងថ្មី រសជាតិឆ្ងាញ់ហើយ រង្វាន់ច្រើនទៀត។