ឯកឧត្តម ស៊ុន ចាន់ថុល ទេសរដ្ឋមន្រ្តី​នៃក្រសួងសាធារណការ និងដឹកជញ្ជូន បានលើកឡើងថា បច្ចុប្បន្ន ក្រសួងសាធារណការ បាននឹងកំពុងពិភាក្សាជាមួយក្រសួងបរិស្ថាន ក្រសួងសេដ្ឋកិច្ច និងហិរញ្ញវត្ថុ ដើម្បីរៀបចំពិនិត្យក្នុងការបិទការនាំចូលរថយន្តមួយទឹក ដោយកំណត់អាយុកាល។ ឯកឧត្តមទេសរដ្ឋមន្រ្តី បានលើកឡើងបែបនេះ នៅក្នុងកិច្ចសម្ភាសនៃពិធីសម្ពោធបើកឱ្យប្រើប្រាស់ជាផ្លូវការមណ្ឌលត្រួតពិនិត្យលក្ខណៈបច្ចេកទេស (ឆៀក) យានយន្ត សាខាសំរោងអណ្តែតនាព្រឹកថ្ងៃទី ២១ មេសា ២០២៣។ នៅក្នុងកិច្ចសម្ភាស ឯកឧត្តម ស៊ុន ចាន់ថុល បានប្រាប់បណ្ដាញសារព័ត៌មានថា៖ «បច្ចុប្បន្ន ក្រសួងសាធារណការ បាននឹងកំពុងពិភាក្សាជាមួយក្រសួងបរិស្ថាន ក្រសួងសេដ្ឋកិច្ច និងហិរញ្ញវត្ថុ ដើម្បីរៀបចំពិនិត្យមើលថាតើ ឡានមួយទឹកអាយុប៉ុន្មាន

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា គណៈកម្មការតម្រង់ទិសសម្រាប់ការសាងសង់អាកាសយានដ្ឋាន អន្តរជាតិសៀមរាប-អង្គរ ដែលដឹកនាំដោយ ឯកឧត្តម តឹករ៉េត សំរេច រដ្ឋមន្រ្តីប្រតិភូអមនាយករដ្ឋមន្រ្តី និងជាប្រធានគណៈកម្មការ នៅព្រឹកថ្ងៃទី២០ ខែមេសា ឆ្នាំ២០២៣ បានដឹកនាំកិច្ចប្រជុំត្រួតពិនិត្យដំណើរការរៀបចំប្រតិបត្តិការ អាកាសយានដ្ឋានអន្តរជាតិសៀមរាបអង្គរ ជាមួយក្រុមហ៊ុនរៀបចំប្រតិបត្តិការ ដែលដឹកនាំដោយលោក ZOU YUHUI ប្រធានក្រុមប្រឹក្សាភិបាលក្រុមហ៊ុន Yunnan Air investment Cambodia Airport management (YACA)។ តាមការលើកឡើងរបស់គណៈកម្មការ គិតត្រឹមដំណាច់ខែមីនា ឆ្នាំ២០២៣នេះ គម្រោងសាងសង់អាកាសយានដ្ឋានអន្តរជាតិសៀមរាបអង្គរ សម្រេចបាន៩២% និងត្រៀមសម្រាប់ការធ្វើតេស្តសាកល្បង

អគ្គនាយកដ្ឋានកសិកម្មនៃក្រសួងកសិកម្ម រុក្ខប្រមាញ់ និងនេសាទ បានសហការជាមួយមជ្ឍមណ្ឌលកសិកម្មអន្តរជាតិកូរ៉េ ហៅថា កូពារ (KOPIA) បង្កាត់ពូជដង្កូវនាងប្រភេទថ្មី ដែលមានគុណភាពល្អ ផ្ដល់ទិន្នផលខ្ពស់ ស្របទៅនឹងតម្រូវការទីផ្សារ និងមានលក្ខណៈសមស្របនឹងប្រព័ន្ធក្សេត្របរិស្ថាននៅប្រទេសកម្ពុជា។ ពូជដង្កូវនាងថ្មីនេះ ត្រូវបានលើកមកបង្ហាញនៅក្នុងកិច្ចប្រជុំ គណកម្មាធិការបញ្ចេញប្រភេទពូជដង្កូវនាង នៅទីស្ដីការក្រសួងកិសកម្ម ដែលបានដឹកនាំដោយឯកឧត្តម​ តូច ប៊ុនហួរ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានគណ:កម្មាធិការបញ្ចេញប្រភេទពូជដង្កូវនាង នៅថ្ងៃទី២០ ខែមេសា ឆ្នាំ២០២៣។ កិច្ចប្រជុំនេះ ធ្វើឡើងដើម្បីពិនិត្យ និងពិភាក្សាវាយតម្លៃលើប្រភេទពូជដង្កូវនាង ដែលបង្កាត់ថ្មីដោយអគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រមាញ់ និងនេសាទ សហការជាមួយមជ្ឍមណ្ឌលកសិកម្មអន្តរជាតិកូរ៉េ

ក្រុមហ៊ុន Meta ដែលជាមេធំរបស់ Facebook កាលពីថ្ងៃពុធ ទី១៩ ខែមេសា ម្សិលមិញនេះ បានអនុវត្តការកាត់បន្ថយការងារមួយជុំទៀត ដែលលើកនេះប៉ះពាល់ដល់វិស្វករ និងក្រុមបច្ចេកវិទ្យា ខណៈដែលនាយកប្រតិបត្តិ Mark Zuckerberg បានធ្វើការផ្លាស់ប្ដូរបន្ថែមទៀត ដើម្បីធ្វើឱ្យអាជីវកម្មនៅឆ្នាំ២០២៣នេះ កាន់តែល្អប្រសើរ។ នេះបើយោងតាមការចុះផ្សាយរបស់សារព័ត៌មាន Channel New Asia។ តាមប្រភពខាងលើ នៅក្នុងខែមីនា ឆ្នាំ២០២៣ នេះ Meta បានក្លាយជាក្រុមហ៊ុន Big Tech ដំបូងគេដែលប្រកាសពីការបញ្ឈប់ការងារជាលើកទី២ ដែលក្រុមហ៊ុនបាននិយាយថា នឹងត្រូវអនុវត្តជាបីក្រុមសំខាន់ៗក្នុងរយៈពេលជាច្រើនខែ និងប៉ះពាល់ដល់បុគ្គលិកចំនួន ១០,០០០នាក់។

នាព្រឹកថ្ងៃព្រហស្បតិ៍​ ទី២០​ ខែមេសា ឆ្នាំ២០២៣ នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីសម្ពោធដាក់ឲ្យប្រើប្រាស់ជាផ្លូវការអគារសម្ភព ស្ថិតនៅក្នុងបរិវេណនៃមន្ទីរពេទ្យកុមារជាតិ រាជធានីភ្នំពេញ។ ក្នុងឱកាសនោះសម្ដេចតេជោហ៊ុន សែន បានមានប្រសាសន៍ថា នាពេលបច្ចុប្បន្នបរទេសស្គាល់កម្ពុជាកាន់តែច្រើនជាងមុន តាមរយៈផលិតផលកសិកម្មជាច្រើនពិសេសនោះគឺអង្ករ ស្វាយចន្ទី និងម្រេចជាដើម។ សម្ដេចតេជោ បានគូសបញ្ជាក់ថា បច្ចុប្បន្នកម្ពុជា បាននាំចេញអង្ករទៅ ៧៣ប្រទេសយ៉ាងតិច ខណៈស្វាយចន្ទីកម្ពុជាក៏កំពុងត្រូវបាននាំចេញទៅទីផ្សារក្រៅប្រទេសជាបន្តបន្ទាប់ផងដែរ៕ គូរបញ្ជាក់ផងដែរថា យោងតាមប្រធានសហព័ន្ធស្រូវអង្ករកម្ពុជា រយៈពេលពេញមួយឆ្នាំ២០២២ កម្ពុជាបាននាំចេញអង្ករ ទៅកាន់ទីផ្សារអន្តរជាតិបានចំនួន ៦៣៧ ០០៤ តោន

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ផ្តើមចេញពីការទិញបង្កងអូស្ត្រាលីចំនួន ៣០ក្បាលមកចិញ្ចឹមសាកល្បង រហូតទទួលបានជោគជ័យពង្រីកស្រះចិញ្ចឹមជាបន្តបន្ទាប់ កសិករ ឃុម ឃុន រស់នៅស្រុកត្រពាំងប្រាសាទ ខេត្តឧត្តរមានជ័យ បានបន្តចែករំលែកបទពិសោធន៍នៃការចិញ្ចឹមបង្កងទៅកាន់កសិករដទៃទៀតក្នុងសហគមន៍ ដើម្បីឱ្យទទួលបានជោគជ័យដូចខ្លួន។ លោក ឃុម ឃុន អាយុ៦២ឆ្នាំ រស់នៅភូមិអូស្វាយ ឃុំអូស្វាយ ស្រុកត្រពាំងប្រាសាទ ខេត្តឧត្តរមានជ័យ បានប្រាប់អ្នកយកព័ត៌មានវិទ្យុជាតិកម្ពុជាថា រយៈពេល ៤ឆ្នាំមកហើយ ដែលលោកចាប់យមុខរបរចិញ្ចឹមបង្កងអូស្រ្តាលី ដោយដើមឡើយទទួលបានការជួយជ្រោមជ្រែង និងបណ្តុះ បណ្តាលពីមន្ទីរកសិកម្មខេត្ត។ លោកបន្តថា ផ្តើមចេញពីការចិញ្ចឹមជំហានដំបូងត្រឹមតែបង្កងចំនួន៣០ក្បាលប៉ុណ្ណោះ តែបច្ចុប្បន្នបង្កងអូស្ត្រាលីរបស់លោកបានកើនឡើងមានចំនួនរហូតដល់ទៅ១២ស្រះ ដោយក្នុងមួយស្រះ មានបង្កងពីចន្លោះ៤០ទៅ៥០គីឡូក្រាម។ លោកបន្តថា

កាលពីដើមខែមេសា ឆ្នាំ២០២៣ កន្លងទៅនេះក្រុមប្រឹក្សាអភិវឌ្ឍន៍កម្ពុជា បានចេញសេចក្ដីប្រកាសព័ត៌មាន ស្ដីពីជំនួបសម្ដែងការគួរសមរវាងឯកឧត្តម សុខ ចិន្តាសោភា រដ្ឋមន្រ្តីប្រតិភូអមនាយករដ្ឋមន្រ្តីអគ្គលេខាធិការក្រុមប្រឹក្សាអភិវឌ្ឍន៍កម្ពុជា ជាមួយ M. Arsajad Rasjid P.M. ប្រធានសភាពពាណិជ្ជកម្ម និងឧស្សាហកម្មឥណ្ឌូនេស៊ី។ ក្នុងសេចក្ដីប្រកាសព័ត៌មាន បានបង្ហាញថា គិតត្រឹមខែមីនា ឆ្នាំ២០២៣នេះ ក្រុមវិនិយោគឥណ្ឌូនេស៊ី បានស្នើសុំវិនិយោគនៅកម្ពុជាចំនួន ២២គម្រោង ដែលមានទឹកប្រាក់ប្រមាណ ៦៩លានដុល្លារ។ ក្នុងនោះដែរ ក្រុមប្រឹក្សាអភិវឌ្ឍន៍កម្ពុជាបានបញ្ជាក់ថា ការស្នើសុំលើគម្រោងវិនិយោគខាងលើ គឺផ្តោតលើការវិនិយោគក្នុងវិស័យឧស្សាហកម្ម កសិកម្ម និងសេវាកម្ម៕ អត្ថបទ៖ លីនី

យោងតាមការចុះផ្សាយរបស់ក្រសួងសាធារណការ និងដឹកជញ្ជូន បានឱ្យដឹងថា ស្ពានឆ្លងកាត់ស្ទឹងឬស្សីជ្រុំ គឺជាស្ពានដែលខ្ពស់ជាងគេនៅប្រទេសកម្ពុជា។ ស្ពាននេះ ស្ថិតនៅភូមិ ឆាយលូក ឃុំអូសោម ស្រុកវាលវែង ខេត្តពោធិ៍សាត់ ក្នុងគម្រោងសាងសង់ផ្លូវជាតិលេខ១០ តភ្ជាប់ ពីខេត្តបាត់ដំបង-ពោធិ៍សាត់-កោះកុង ត្រង់គីឡូម៉ែត្រលេខ ១២៨+៩១៥។ លើសពីនេះ ស្ពាននេះមានកម្ពស់ ៩០ម៉ែត្រ ប្រវែង ៥៣០ម៉ែត្រ ទទឹង ១០ម៉ែត្រ បន្ទុកនៃស្ពានរចនាតាមស្តង់ដារចិនហាយវេកម្រិត៣ ដែលមានបន្ទុក (Design Load)ចំនួន 55T ហើយគ្រោងចំណាយថវិកាអស់ ២២.៩២ លានដុល្លារអាមេរិក និងប្រើរយៈពេលសាងសង់ ២៨ខែ ពោលគឺសាងសង់ឡើងនាខែកុម្ភៈ