ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា “មន្ទីរពេទ្យតេជោសែនកោះធំ” ដែលជាមន្ទីរពេទ្យទំនើបថ្មីមួយ ដែលបច្ចុប្បន្នបានសម្រេចការសាងសង់ប្រមាណជាង ៩៥% និងត្រៀមបើកឱ្យដំណើរការក្នុងពេលឆាប់ៗខាងមុខនេះ។
ឯកឧត្តមទេសរដ្ឋមន្រ្តីបានលើកឡើងពីវឌ្ឍនភាពភាពនេះ នៅក្នុងឱកាសអញ្ជើញជាអធិបតីក្នុងពិធីបើកការដ្ឋានសាងសង់ស្ពានបេតុងសរសៃដែក ប្រវែង៧២ ម៉ែត្រ ទទឹង៦,៦០ម៉ែត្រ ស្ថិតនៅភូមិទួលស្លែង ឃុំលើកដែក ស្រុកកោះធំ ខេត្តកណ្តាល នៅថៃ្ងព្រហស្បតិ៍ ៥រោច ខែជេស្ឋ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី០៨ ខែមិថុនា ឆ្នាំ២០២៣នេះ។
ឯកឧត្តមទេសរដ្ឋមន្ត្រី បានឱ្យដឹងថា “មន្ទីរពេទ្យតេជោសែនកោះធំ” ដែលជាមន្ទីរពេទ្យទំនើបថ្មីមួយ ដែលបច្ចុប្បន្នបានសម្រេចការសាងសង់ប្រមាណជាង ៩៥% និងត្រៀមបើកឱ្យដំណើរការក្នុងពេលឆាប់ៗខាងមុខនេះ។ អគារមន្ទីរពេទ្យនេះ មានចំនួន ៣ខ្នង ទំហំសរុបស្មើនឹង ១២ ៥៤៤,៤ ម៉ែត្រក្រឡា ដែលអាចទទួលអ្នកជំងឺ ១៥០គ្រែ។
គួរបញ្ជាក់ផងដែរថា គម្រោងសាងសង់ “មន្ទីរពេទ្យតេជោសែនកោះធំ” នេះត្រូវបានរៀបចំឡើងក្រោមគំនិតផ្តួចផ្តើមរបស់លោករដ្ឋមន្ត្រី ស៊ុន ចាន់ថុល ដើម្បីឆ្លើយតបទៅនឹងតម្រូវការជាក់ស្តែង និងសមស្របតាមកម្មវិធីនយោបាយរបស់រាជរដ្ឋាភិបាល និងចក្ខុវិស័យសម្រាប់អភិវឌ្ឍជាតិរបស់ប្រមុខរដ្ឋាភិបាល សម្ដេចតេជោ ហ៊ុន សែន។ មន្ទីរពេទ្យនេះ គ្រោងចំណាយថវិកាសរុបទាំងអស់ប្រមាណ ១០លានដុល្លារសហរដ្ឋអាមេរិក៕
អត្ថបទ៖ លីនី