ថ្មីៗនេះទស្សនាវដ្តី Forbes បានបង្ហាញវត្តមានមហាសេដ្ឋីចំនួន ២,៦៤០នាក់នៅក្នុងបញ្ជី អ្នកមានបំផុតនៅលើពិភពលោក ឆ្នាំ២០២៣។ ជាមួយគ្នានោះក៏បានបង្ហាញពីវត្តមាន អ្នកមានជាងគេបំផុតនៅហុងកុង ឆ្នាំ២០២៣នេះ។ ១. លោក Li Ka-shing ជាកំពូលបុរសអ្នកជំនួញវ័យចំណាស់ម្នាក់ ដែលមានឥទ្ធិពលយ៉ាងខ្លាំងនៅអាស៊ី។ បុរសវ័យ ៩៤ឆ្នាំរូបនេះ មានទ្រព្យសម្បត្តិសរុបរហូតដល់ទៅប្រមាណ ៣៨ពាន់លានដុល្លារអាមេរិក។ ២. លោក Robin Zeng គឺជាមហាសេដ្ឋីមានជាងគេលំដាប់ទី ២នៅហុងកុង ដោយសព្វថ្ងៃបុរសវ័យកណ្តាលរូបនេះ ជាស្ថាបនិក និងជាប្រធានក្រុមហ៊ុនថ្មយក្ស Contemporary Amperex Technology ហើយលោកមានទ្រព្យសម្បត្តិសរុបរហូតដល់ទៅ ៣៣ពាន់លានដុល្លារ។ ៣.

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអំពាវនាវដល់ជនរួមជាតិ និងគ្រប់ភាគីពាក់ព័ន្ធ យកចិត្តទុកដាក់ឱ្យបានខ្ពស់បំផុត ក្នុងការចូលរួមការពារអភិរក្សដើមត្នោត និងពង្រីកការដាំដុះបន្ថែមទៀត ព្រមទាំងទាញយកអត្ថប្រយោជន៍ជាអតិបរមាពីដើមត្នោត។ តាមរយៈសារលិខិត ក្នុងឱកាសទិវាកម្មសិទ្ធិបញ្ញាពិភពលោក ឆ្នាំ ២០២៣ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានមាន ប្រសាសន៍ថា “ស្ករត្នោតកំពង់ស្ពឺ” ដែលបានចុះបញ្ជីជា ម៉ាកសម្គាល់ភូមិសាស្ត្រទំនិញ នៅក្រសួងពាណិជ្ជកម្មកាលពីថ្ងៃទី០២ ខែមេសា ឆ្នាំ២០១០ ហើយបន្ទាប់មកបានចុះបញ្ជីការពារនៅបណ្តាប្រទេសចំនួន២៩ផ្សេង ទៀត។ ម៉ាកសម្គាល់ភូមិសាស្ត្រទំនិញស្ករត្នោតកំពង់ស្ពឺ មាន

ក្រសួងកសិកម្ម រុក្ខប្រមាញ់ និងនេសាទ នៅថ្ងៃទី២៦ ខែមេសា ឆ្នាំ២០២៣ នេះ បានចេញសេចក្ដីប្រកាសព័ត៌មាន ស្ដីពីការត្រៀមបង្ការនិងឆ្លើយតបចំពោះបញ្ហាធាតុអាកាសក្ដៅ។ ជាមួយគ្នានេះ ក្រសួងកសិកម្ម បានគូសបញ្ជាក់ថា ដោយយោងតាមការព្យាករណ៍របស់ក្រសួងធនធានទឹក និងឧតុនិយមដែលបានផ្សាយនាថ្ងៃទី១៩ ខែមេសា ឆ្នាំ២០២៣ រដូវវស្សាឆ្នាំ២០២៣នេះ នឹងចូលមកដល់យឺត នៅសប្ដាហ៍ទី២ នៃខែឧសភា ជាមួយនឹងបរិមាណទឹកភ្លៀងពីតិចទៅមធ្យម និងមានកូនរដូវប្រាំងដែលអាចកើតឡើងហើយអូសបន្លាយចាប់ពីខែកក្កដា រហូតដល់ដើមខែសីហា។ ស្ថានភាពបែបនេះអាចបង្កផលប៉ះពាល់ដល់ផលិតកម្មដំណាំកសិកម្ម។ ដើម្បីចូលរួមចំណែកក្នុងការត្រៀមបង្ការ និងឆ្លើយតប ក្រសួងកសិកម្ម សូមជូនដំណឹងដល់ប្រជាកសិករ អាជ្ញាធរមូលដ្ឋាន និងមន្ទីរកសិកម្ម តាមអនុវិស័យដូចខាងក្រោម៖

កូរ៉េ ផ្ដល់ជំនួយឧបត្ថម្ភ ដើម្បីបង្កើតមជ្ឈមណ្ឌលស្រាវជ្រាវចំណីអាហារនៅកម្ពុជា ដោយសហការជាមួយនឹងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។ នេះបើយោងតាមការចុះផ្សាយរបស់ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅថ្ងៃទី២៦ ខែមេសា ឆ្នាំ២០២៣នេះ។ ឯកឧត្តម កិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តី ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានជួបសម្តែងការគួរសម និងពិភាក្សាការងារជាមួយ ឯកឧត្តម PARK Jung-wook ឯកអគ្គរដ្ឋទូត សាធារណរដ្ឋកូរ៉េប្រចាំកម្ពុជា​ដោយនៅក្នុងជំនួបនោះ ឯកឧត្តមកិត្តិសេដ្ឋាបណ្ឌិតទេសរដ្ឋមន្រ្តី បានសម្តែងនូវការស្វាគមន៍

អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុ ប្រកាសជ្រើសរើសបេក្ខជនចំនួន ៩១នាក់ ចូលបម្រើការងារក្នុងក្របខ័ណ្ឌ “ក” ដោយឈប់ទទួលពាក្យនៅថ្ងៃទី១៦ ខែឧសភា ឆ្នាំ២០២៣ ខាងមុខនេះ នេះបើយោងតាមសេចក្ដីជូនដំណឹងរបស់ អគ្គនាយកដ្ឋានពន្ធដារ ដែលបានចេញផ្សាយថ្ងៃទី២៥ ខែមេសា ឆ្នាំ២០២៣។ យោងតាមសេចក្ដីជូនដំណឹង បេក្ខជនដែលប្រកាសជ្រើសរើសខាងលើ នឹងត្រូវបានបែងចែកឱ្យចូលបម្រើការងារ នៅតាមនាយកដ្ឋានថ្នាក់កណ្ដាល និងសាខាពន្ធដារខេត្ត- ខណ្ឌមួយចំនួន នៃអគ្គនាយកដ្ឋានពន្ធដារចំនួន ៥៣នាក់ ខណៈចំនួន ៣៨នាក់ទៀត នឹងដាក់ចូលឱ្យបម្រើការងារនៅនាយកដ្ឋានបច្ចេកវិទ្យាព័ត៌មាន នៃអគ្គនាយកដ្ឋាន។ សម្រាប់ព័ត៌មានបន្ថែម សូមអានសេចក្ដីជូនដំណឹងលម្អិតនៅខាងក្រោម៖

យោងតាមការចុះផ្សាយរបស់សារព័ត៌មាន VNexpress បានឱ្យដឹងថា ក្នុងរយៈពេល ៣ខែដំបូងនៃឆ្នាំ២០២៣ ម៉ូតូជាង ៦៣៤,០០០គ្រឿង ត្រូវបានលក់នៅក្នុងប្រទេសវៀតណាម ដែលនេះមានន័យថា ម៉ូតូចំនួន ៥គ្រឿងត្រូវបានលក់ជារៀងរាល់នាទី។ ទោះជាយ៉ាងណាក្ដី តួលេខនេះបានធ្លាក់ចុះជិត ១៦% ធៀបនឹងរយៈពេលពីមួយឆ្នាំទៅមួយឆ្នាំ បើយោងទៅតាម សមាគមន៍ក្រុមហ៊ុនផលិតម៉ូតូវៀតណាម។ សមាគមន៍ក្រុមហ៊ុនផលិតម៉ូតូវៀតណាម ដែលរួមមាន Honda, Yamaha, Piaggio, Suzuki និង SYM បានបញ្ជាក់ថា តួលេខ​លក់ម៉ូតូ​មានចំនួន ៧.៣ ដង​នៃ​រថយន្ត ដែល​នេះបង្ហាញ​ថា ម៉ូតូនៅ​តែ​ជា​មធ្យោបាយ​ដឹក​ជញ្ជូន​ដ៏​លេចធ្លោនៅក្នុង ​ប្រទេស​វៀតណាម។ គួរបញ្ជាក់ផងដែរថា ក្នុង​តំបន់​អាស៊ាន

ជាដំណឹងដ៏ល្អមួយសម្រាប់បងប្អូនកសិករខ្មែរ ដោយឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបង្ហាញគោលបំណងបង្កើតផ្សារបោះដុំ កសិផល​ នៅកម្ពុជា។ ឯកឧត្តមរដ្ឋមន្រ្តី បានបង្ហាញពីគោលបំណងរបស់ខ្លួន ក្រោយពីបានទៅទស្សនកិច្ចសិក្សាស្វែងយល់ជាមួយនឹងវិស័យឯកជន និងជំនាញ ដើម្បីពិនិត្យមើល និងស្វែងយល់ពីការរៀបចំទីផ្សារបោះដុំកសិផលនៅប្រទេសថៃ។ នៅលើគណនីហ្វេសប៊ុកផ្លូវការរបស់ខ្លួន កាលពីថ្ងៃទី២៤ ខែមេសា ឆ្នាំ២០២៣ ម្សិលមិញនេះ ឯកឧត្តមបានសរសរនៅលើបណ្ដាញសង្គមថា៖ «ខ្ញុំបានទៅទស្សនកិច្ចសិក្សាស្វែងយល់ជាមួយនឹងវិស័យឯកជន និងជំនាញ ដើម្បីពិនិត្យមើល និងស្វែងយល់ពីការរៀបចំទីផ្សារបោះដុំកសិផលនៅប្រទេសថៃ ក្នុងគោលបំណងដើម្បីរៀបចំទីផ្សារបោះកសិផលនៅកម្ពុជាយើងនាពេលខាងមុខ»៕

កាលពីព្រឹកថ្ងៃអង្គារ ខែមេសា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នា​យក​រដ្ឋមន្ត្រី នៃព្រះរាជាណាចក្រកម្ពុជា បានអញ្ជើញប្រគល់សញ្ញាបត្រជូនគរុសិស្ស គរុនិស្សិត និស្សិត និងបុគ្គលិកអប់រំជាង ២ពាន់នាក់ ដែលបានបញ្ចប់ការសិក្សាដោយជោគ​ជ័យពីវិទ្យាស្ថានជាតិអប់រំ។ ពិធីប្រគល់សញ្ញាបត្រនេះ នឹងត្រូវធ្វើឡើងនៅវិទ្យាស្ថានជាតិអប់រំ។ ក្នុងឱកាសនោះ សម្តេចតេជោ ហ៊ុន សែន បានមានប្រសាសន៍ថា ក្រុមហ៊ុនប៊ូយ៉ុង របស់កូរ៉េបានសម្រេចផ្ដល់ជាថវិកា សម្រាប់ទិញរថយន្តក្រុងចំនួន ១ពាន់គ្រឿង សម្រាប់រដ្ឋាភិបាលកម្ពុជា ចាត់ចែងទៅតាមបណ្ដាខេត្ត ដើម្បីជួយកាត់បន្ថយការគ្រោះថ្នាក់ចរាចរណ៍ និងការកកស្ទះ។ ជាមួយគ្នានោះដែរ សម្ដេចក៏បានថ្លែងអំណរគុណ និងកោតសរសើរដល់ក្រុមហ៊ុន ដែលបានផ្ដល់រថយន្តក្រុងក្នុងឱកាសនៃពិធីបុណ្យចូលឆ្នាំប្រពៃណីជាតិខ្មែរកន្លងទៅនេះ ក្នុងការដឹកបងប្អូនប្រជាពលរដ្ឋបានទៅលេងស្រុកដោយមិនមានការគិតថ្លៃ។