កាលពីចុងខែកក្កដា ឆ្នាំ២០២១ កន្លងទៅនេះ ឯកឧត្តម វេង សាខុន រដ្ឋមន្រ្តីនៃក្រសួងកសិកម្ម រុក្ខប្រមាញ់ និងនេសាទ បានបង្ហាញនៅលទ្ធផលនៃការនាំចេញកសិផលក្នុងរយៈពេល៧ខែ នៃឆ្នាំ២០២១ ដោយការនាំចេញមានចំនួនសរុប ៥ ០៣២ ៩៦៨,៦០តោន ទៅកាន់ទិសដៅ ៦៤ប្រទេស កើនឡើង ៨៧.១០% ធៀបនឹងរយៈពេលដូចគ្នាកាលពីឆ្នាំ២០២០។ ក្នុងការនាំចេញកសិផលសំខាន់ៗទាំងនោះ កសិផលកម្ពុជា ២ប្រភេទ ដែលមានសក្ដានុពលក្នុងការនាំចេញ និងអាចកែច្នៃបានចាប់ពីពីរមុខ បន្ទាប់ពីនាំចេញស្រស់ទៅក្រៅប្រទេស។ កសិផលទាំងនោះមានដូចជា ដំណាំដំឡូងមី ក្រៅពីនាចេញស្រស់ដែលអាចច្នៃជា (ចំណិតដំឡូងមីក្រៀម ម្ស៉ៅដំឡូងមី និងកាកសំណល់ដំឡូងមី ) និងដំណាំស្វាយ

ក្រុមហ៊ុន Lexmin Pty Ltd Cambodia ដែលជាក្រុមហ៊ុនអូស្រ្តាលីអភិវឌ្ឍកសិដ្ឋានកសិកម្មសរីរាង្គនៅកម្ពុជា បង្ហាញពីគោលបំណងផ្តល់ឱកាសឲ្យកសិករកម្ពុជាអាចទៅបម្រើការក្នុងកសិដ្ឋានចិញ្ចឹមសត្វ បន្លែ និងផ្លែឈើនៅប្រទេសអូស្រ្តាលី។ គោលបំណងនេះត្រូវបានលើកឡើងនៅក្នុងជំនួបសម្តែងការគួរសម និងពិភាក្សា រវាងឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងលោក Robert K.Chelliah នាយកប្រតិបត្តិក្រុមហ៊ុន Lexmin Pty Ltd Cambodia លើប្រធានបទស្តីពី ” ការជំរុញការអភិវឌ្ឍផលិតកម្មដំណាំសាកវប្បកម្មសរីរាង្គ និងការផ្តល់ឱកាសឲ្យកសិករអាចទៅបម្រើការក្នុងកសិដ្ឋានចិញ្ចឹមសត្វ បន្លែ និងផ្លែឈើនៅប្រទេសអូស្រ្តាលី ” នាព្រឹកថ្ងៃទី ០៣

យោងតាមការចុះផ្សាយរបស់សារព័ត៌មាន vnexpress បានឱ្យដឹងថា ផ្សារទំនើបជាច្រើននៅក្រុងហាណូយ កំពុងចាប់ផ្ដើមដាក់គម្លាតសង្គមដោយកំណត់ចំនួនអតិថិជន និងបរិមាណគ្រឿងឧបភោគបរិភោគដែលពួកគេទិញ។ ផ្សារទំនើបទាំងនោះរួមមាន ផ្សារទំនើប BigC Thang Long ,MM Mega Market, Aeon Mall Ha Dong និង Go!Market Supermarket នៅស្រុក Thanh Xuan។ ប្រភពដដែលបានឱ្យដឹងថា ផ្សារទំនើបទាំងនោះ បានកំណត់ចំនួនអតិថិជនឱ្យចូលទិញទំនិញក្នុងបរិវេណទីតាំងផ្សាររបស់ខ្លួន ដោយត្រូវបង្ហាញពីស្ថានភាពសុខភាព ឬ តាមរយៈការស្កេន QR កូដ ហើយត្រូវពិនិត្យសីតុណ្ហភាព លាងដៃ

ប្រមុខរាជរដ្ឋាភិបាល បញ្ជាក់ថា កម្ពុជាមានប្រភពចំណូលចំនួន៥ប្រភេទ ដែលបានជួយទ្រទ្រង់ដល់ការចំណាយរបស់រាជរដ្ឋាភិបាលក្នុងបរិបទកូវីដ-១៩ ដែលធានាបាននូវសេដ្ឋកិច្ចដ៏រឹងមាំរបស់កម្ពុជា នេះបើយោងតាមការចុះផ្សាយរបស់ក្រសួងព័ត៌មាន។ ក្នុងពិធីអញ្ជើញប្រកាសបើកយុទ្ធនាការចាក់វ៉ាក់សាំងកូវីដ-១៩ ជូនកុមារនិងយុវវ័យ អាយុចាប់ពី១២ឆ្នាំដល់ក្រោម១៨ឆ្នាំ កាលពីថ្ងៃទី០១ ខែសីហា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា ប្រភពចំណូលទំាង៥ ដែលកម្ពុជាទទួលបានសម្រាប់ការចំណាយរបស់រាជរដ្ឋាភិបាល គឺទី១ ចំណូលចរន្តក្នុង១ខែជាមធ្យមមានចំនួន ៤០០ លានដុល្លារ ដែលអាចទ្រទ្រង់នូវការចំណាយ ដោយក្នុងរយៈ ពេល៧ខែ ឆ្នាំ២០២១នេះ ចំណូលគយ និងពន្ធដារទទួលបានចំនួន ៣០៦១ លានដុល្លារអាមេរិក ។ សម្តេចតេជោបញ្ជាក់ថា បើទោះជាកម្ពុជាជួបវិបត្តិកូវីដ ១៩ក្តី

សភាពាណិជ្ជកម្មថៃបាននិយាយកាលពីថ្ងៃអាទិត្យថា ការបន្តបិទខ្ទប់រយៈពេលពីរសប្តាហ៍ និងការពង្រីកតំបន់ “ក្រហមក្រម៉ៅ” ដើម្បីគ្របដណ្តប់លើខេត្តចំនួន ២៩ នឹងធ្វើឱ្យសេដ្ឋកិច្ចខាតបង់ប្រហែល ៣០០-៤០០ ពាន់លានបាត (ប្រមាណជាង ៩ពាន់លានដុល្លារ-ជាង ១២ពាន់លានដុល្លារអាមេរិក) ដោយសារបាត់បង់សកម្មភាពសេដ្ឋកិច្ច។ បើតាមលោក Sanan Angubolkul ប្រធានសភាពាណិជ្ជកម្មថៃបានឱ្យដឹងថា ការខូចខាតពីវិធានការបិទ និងត្រួតពិនិត្យនៅខេត្តចំនួន ២៩ ក្នុងតំបន់ក្រហមក្រម៉ៅ ត្រូវបានប៉ាន់ប្រមាណថា មានចំនួន ៣០០-៤០០ ពាន់លានបាតក្នុងមួយខែ ដោយសារខេត្តតំបន់ក្រហមដែលទើបប្រកាសថ្មីនេះ គឺជាមជ្ឈមណ្ឌលពាណិជ្ជកម្ម និងទីតាំងនៃតំបន់ឧស្សាហកម្មដូចជា ខេត្តនគររាជសីម៉ា រ៉ាក់យ៉ង សារ៉ាបូរី និង សាមុតសុងក្រាម។ ជាមួយគ្នានេះ

យោងតាមការចុះផ្សាយរបស់សារព័ត៌មាន Bangkok Post បានឱ្យដឹងថា ក្រុមហ៊ុនអាកាសចរណ៍ Thai AirAsia បានផ្អាកជើងហោះហើរទាំងអស់នៅខែនេះ និងពន្យារពេលបើកប្រាក់ខែដល់បុគ្គលិករបស់ខ្លួនទាំងស្រុង ឬមួយផ្នែក រហូតដល់ខែកញ្ញា។ ក្រុមហ៊ុនអាកាសចរណ៍ដែលត្រូវបានគេចាត់ទុកថា ជាក្រុមហ៊ុនអាកាសចរណ៍ក្នុងស្រុកមួយដែលមានភាពរឹងមាំបំផុត បានប្រឈមមុខនឹងវិបត្តិសេដ្ឋកិច្ចដោយសារចំនួនអ្នកដំណើរធ្លាក់ចុះដល់ចំណុចទាបជាប់គ្នាៗ ចាប់តាំងពីជំងឺរាតត្បាត Covid-19 បានចាប់ផ្តើមកាលពីដើមឆ្នាំមុន។ សារព័ត៌មានដដែលបានឱ្យដឹងទៀតថា ក្រុមហ៊ុនអាកាសចរណ៍នេះបានបញ្ឈប់ការហោះហើរបន្ទាប់ពីការរឹតត្បិតទប់ស្កាត់វីរុសកូវីដ-១៩ ត្រូវបានដាក់ឲ្យដំណើរការកាលពីខែមុន។ ក្រុមហ៊ុនបានឱ្យដឹងថា ជើងហោះហើរទាំងអស់នឹងត្រូវផ្អាកនៅពេលនេះ បន្ទាប់ពីកិច្ចខិតខំប្រឹងប្រែង ដើម្បីស្វែងរកប្រាក់កម្ចីតែមិនទទួលបានការយល់ព្រម។ កត្តាមួយទៀតនៅក្នុងការសម្រេចចិត្ត បញ្ឈប់ជើងហោះហើរ គឺដោយសារបទបញ្ជាបិទប្រទេសថ្មីៗនេះរួមមាន ការរឹតបន្តឹងការធ្វើដំណើរ។ គួរបញ្ជាក់ផងដែរថា អាជីវកម្មអាកាសចរណ៍កាន់តែច្រើននៅក្នុងប្រទេសថៃ ក៏កំពុងប្រឈមនឹងវិបត្តិហរិញ្ញវត្ថុ និងកង្វះលំហូរសាច់ប្រាក់។ ដូច្នេះហើយ Thai

ផ្សារបោះដុំធំៗចំនួន ២រួមមាន Phung Khoang និង Minh Khai នៅទីក្រុងហាណូយ ត្រូវបានបិទទ្វារកាលពីថ្ងៃអាទិត្យ បន្ទាប់ពីអ្នកលក់នៅក្នុងផ្សារទាំងពីរនេះឆ្លងជំងឺកូវីដ-១៩ នេះបើយោងតាមការចុះផ្សាយរបស់សារព័ត៌មាន vnexpress។ អាជ្ញាធរស្រុក Bac Tu Liem បានឱ្យដឹងថា ផ្សារ Minh Khai នឹងនៅតែបិទទ្វាររហូតដល់មានការជូនដំណឹងបន្ថែម ហើយអាជីវករនិងក្រុមគ្រួសាររបស់ពួកគេទាំងអស់ត្រូវបានប្រាប់ឱ្យតាមដានសុខភាពខ្លួនឯង និងជូនដំណឹងដល់អាជ្ញាធរសុខាភិបាលក្នុងតំបន់ ប្រសិនបើមានរោគសញ្ញាកូវីដ-១៩ ។ ផ្សារបោះដុំមួយនេះ លាតសន្ធឹងលើផ្ទៃដី ៣ម៉ឺនម៉ែត្រការ៉េ និងមានអាជីវករលក់ដូរប្រហែល ១០០០ នាក់ ហើយលក់អាហារប្រហែល ២៥០ តោនជារៀងរាល់ថ្ងៃ។

រដ្ឋមន្រ្តីក្រសួងសុខាភិបាលឥណ្ឌូនេស៊ីលោក Budi Gunadi Sadikin បាននិយាយថា ប្រទេសរបស់ខ្លួនកំពុងធ្វើការជាមួយអង្គការសុខភាពពិភពលោក (WHO) ដើម្បីបញ្ចប់កិច្ចព្រមព្រៀងមួយ ក្នុងការសាងសង់មជ្ឈមណ្ឌលផលិតវ៉ាក់សាំងការពារជំងឺកូវីដ-១៩ ។ រដ្ឋមន្ត្រីរូបនេះបាននិយាយថា រោងចក្រនេះត្រូវបានគេរំពឹងថានឹងផលិតវ៉ាក់សាំងដោយផ្អែកលើបច្ចេកវិទ្យា DNA និង mRNA ដែលមានសារៈសំខាន់ក្នុងការអភិវឌ្ឍវ៉ាក់សាំងកូវីដ-១៩។ ជាមួយគ្នានេះដែរ វ៉ាក់សាំងក្រហមនិងស កំពុងត្រូវបានស្រាវជ្រាវនិងបង្កើតឡើងដោយសាកលវិទ្យាល័យ និងស្ថាប័នវេជ្ជសាស្ត្រមួយចំនួននៅក្នុងប្រទេសឥណ្ឌូនេស៊ី។ រដ្ឋមន្រ្តី បានរដ្ឋមន្រ្តីក្រសួងសុខាភិបាល Budi ក៏បានបន្ថែមថា ជីវវិទូម៉ូលេគុល (molecular biologists) មកពីសាកលវិទ្យាល័យ Airlangga នឹងចូលរួមក្នុងការស្រាវជ្រាវ និងអភិវឌ្ឍន៍នៅមជ្ឈមណ្ឌលផលិតវ៉ាក់សាំងសកលនេះ។ គួរឱ្យដឹងផងដែរថា កាលពីមុនគំនិតផ្តួចផ្តើមមួយដើម្បីប្រែក្លាយប្រទេសឥណ្ឌូនេស៊ីទៅជាមជ្ឈមណ្ឌលផលិតវ៉ាក់សាំងនៃតំបន់ និងពិភពលោកត្រូវបានស្នើដោយរដ្ឋមន្ត្រីការបរទេសឥណ្ឌូនេស៊ីលោក

យោងតាមការចុះផ្សាយរបស់សារព័ត៌មានបានឱ្យដឹងថា ផ្សារដ៏ល្បីនិងទាក់ទាញភ្ញៀវទេសចរមួយនៅក្នុងស្រុក Ban Phaeo ខេត្តសាមុតសាខន ប្រទេសថៃ ត្រូវបានអគ្គិភ័យឆាបឆេះ កាលពីម៉ោង ៦យប់ រាត្រីថ្ងៃសៅរិ៍ ទី៣១ ខែកក្កដា កន្លងទៅថ្មីៗនេះ។ ផ្សារឈើក្បែរមាត់ទន្លេដែលមានអាយុកាល ១០០ ឆ្នាំស្ថិតនៅក្នុង “តំបន់ក្រហមក្រម៉ៅ” ជាមួយនឹងវិធានការត្រួតពិនិត្យបំរាមគោចរ ដែលបង្កឱ្យមានភាពរាំងស្ទះ និងធ្វើឱ្យក្រុមអ្នកពន្លត់អគ្គីភ័យ និងក្រុមអ្នកស្ម័គ្រចិត្តជួយសង្គ្រោះមានការយឺតយ៉ាងចូលទៅដល់កន្លែងដែលឆេះ។ លោក Weerasak Wijitsaengsri អភិបាលខេត្តសាមុតសាខនបាននិយាយថា ភ្លើងត្រូវបានគ្រប់គ្រងក្នុងរយៈពេលកន្លះម៉ោងដោយមានការបាញ់ទឹកពន្លត់ និងទាប់ស្កាត់នៅទូទាំងផ្សារ។ ជាមួយគ្នានេះដែរ​ លំនៅដ្ឋានជាង ១០ ខ្នងត្រូវបានខូចខាត ប៉ុន្តែគ្មាននរណាម្នាក់រងរបួសឡើយ ហើយអ្នកស្រុកត្រូវបានជម្លៀសចេញដោយសុវត្ថិភាព។ គួរបញ្ជាក់ផងដែរថា

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ឯកឧត្ដម ឃួង ស្រេង អភិបាលរាជធានីភ្នំពេញបានធ្វើការណែនាំឱ្យអាជ្ញាធរមានសមត្ថកិច្ចទាំងអស់ ត្រូវធ្វើការណែនាំទៅដល់អ្នកលក់ដូរ នៅតាមដងផ្លូវនានា តាមហាងក្នុងរាជធានីភ្នំពេញគឺមិនអនុញ្ញាតឱ្យមានការលក់ដូរហួសម៉ោង០៩យប់នោះទេ បើទោះបីការលក់ដូរនោះ ជាលក្ខណៈវេចខ្ចប់ក៏ដោយ។ ការណែនាំរបស់ឯកឧត្ដមអភិបាលរាជធានីភ្នំពេញនេះ ក្នុងឱកាសដឹកនាំមន្ត្រី និងកម្លាំងមានសមត្ថកិច្ចចំណុះឱ្យគណៈបញ្ជាការ ឯកភាពរាជធានីភ្នំពេញ ចុះពិនិត្យស្ថានភាពជាក់ស្ដែង នៅតាមគោលដៅបិទបម្រាមគោចរមួយចំនួននៅក្នុងរាជធានីភ្នំពេញ ដើម្បីពង្រឹងគោលដៅទាំងនោះ ឱ្យមានភាពម៉ឺងម៉ាត់និងទទួលខុសត្រូវខ្ពស់ទៅតាមសេចក្តីសម្រេចរបស់រដ្ឋបាលរាជធានីភ្នំពេញ ក៏ដូចជាសេចក្តីសម្រេចរបស់ប្រមុខរាជរដ្ឋាភិបាល ដែលត្រូវបិទការធ្វើចរាចរណ៍ ចាប់ពីម៉ោង២១៖០០ យប់ រហូតដល់ម៉ោង ០៣ភ្លឺ ដើម្បីបង្ការ និងទប់ស្កាត់ជំងឺកូវីដ-១៩ កាលពីរាត្រីថ្ងៃទី៣១ ខែកក្កដា ឆ្នាំ២០២១។ ឯកឧត្ដម ឃួង ស្រេង បានធ្វើការណែនាំឱ្យកងកម្លាំង អាជ្ញាធរមានសមត្ថកិច្ចទាំងអស់ត្រូវពង្រឹងតាមគោលដៅដោយភាពម៉ឺងម៉ាត់