កាសែតអ៉ីតាលី Corriere della Sera បានរាយការណ៍កាលពីថ្ងៃអង្គារថា ប្រទេសអ៉ីតាលីបានរឹបអូសរថយន្ត limousine ការពារគ្រាប់កាំភ្លើងដ៏ប្រណិតតម្លៃ ៦៧០,០០០ ដុល្លារ ដែលជាកម្មសិទ្ធិរបស់មហាសេដ្ឋីរុស្ស៊ីដែលត្រូវបានដាក់ទណ្ឌកម្ម។ ប្រភពដដែលបានឱ្យដឹងថា អាជ្ញាធរបានរឹបអូសរថយន្ត Mercedes-Maybach S650 Guard VR10 ពណ៌ខ្មៅ ដែលជាកម្មសិទ្ធិរបស់មហាសេដ្ឋីផ្នែករុករករ៉ែ និងទូរគមនាគមន៍លោក Alisher Usmanov ក្នុងរយៈពេលប៉ុន្មានថ្ងៃកន្លងមកនេះ នៅ Sardinia ដែលជាកោះមួយនៅសមុទ្រមេឌីទែរ៉ាណេ។ ជាមួយគ្នានេះ ប៉ូលីសពន្ធដារអ៉ីតាលីបានបញ្ជាក់ប្រាប់កាសែត The Times កាលពីថ្ងៃអង្គារថា រថយន្តនេះស្ថិតក្នុងចំណោមទ្រព្យសម្បត្តិរបស់លោក Usmanov នៅលើកោះដែលត្រូវបានរឹបអូស។

កសិករដាំស្វាយក្នុងខេត្ត Udon Thani ប្រឈមនឹងការចាល់ស្វាយដោយសារសង្រ្គាមរវាងរុស្ស៊ី-អ៊ុយក្រែន នេះបើយោងតាមការការចុះផ្សាយរបស់សារព័ត៌មាន nationthailand។ កសិករនៅក្នុងស្រុក Nong Wua So នៃខេត្ត Udon Thani អាចនាំចេញផ្លែស្វាយបានត្រឹមតែ ២,០០០តោនប៉ុណ្ណោះក្នុងចំណោមចំនួន ១០,០០០ តោនដែលប្រមូលផលបាន ដោយសារតែប្រទេសមួយចំនួនបានកំណត់ជើងហោះហើរដឹកទំនិញចំពេលមានសង្រ្គាមរុស្ស៊ី-អ៊ុយក្រែន។ ប្រធានការិយាល័យពាណិជ្ជកម្មខេត្ត Udon Thani លោក Prasert Faichaona បាននិយាយកាលពីថ្ងៃពុធថា ស្រុក Nongwuasor បានឃើញទិន្នផលស្វាយខ្ពស់បំផុតមិនធ្លាប់មានក្នុងរយៈពេល ១០ឆ្នាំ ហើយត្រូវបានគេរំពឹងថានឹងប្រមូលផលបានរហូតដល់ចំនួន ១៥,០០០ តោននៅក្នុងខែឧសភា។ លោក​បន្ត​ថា​៖ “ស្វាយ​បី​ប្រភេទ​ដែល​មាន​តម្រូវការ​ខ្ពស់​នៅ​ទីផ្សារ​បរទេស​គឺ

នៅក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ នៅក្នុងពិធីសម្ពោធដាក់ឲ្យប្រើប្រាស់ជាផ្លូវការនូវស្ពានអាកាស និងផ្លូវក្រោមដី ចោមចៅ សម្ដេចតេជោ ហ៊ុន សែន បានមានប្រសាសន៍ទៀតថា នៅថ្ងៃទី៣០ ខែមីនា ជាថ្ងៃដែលសម្តេចសប្បាយចិត្តខ្លាំងជាងគេ ដោយសារពន្ធដារបានបំបែកឯកទគ្គកម្មសម្រាប់ចំណូលផ្ទៃក្នុង ដោយប្រមូលបាន ២៣៦លានដុល្លារ។ យោងតាមប្រសាសន៍របស់សម្ដេចដដែល ក្នុងរយៈពេលមួយ​ខែមីនានេះ អាចបានចំណូលប្រមាណ ៧០០លានដុល្លារ។ ចំណូល ខែមករាប្រមាណ ២៨៨លានដុល្លារ ខែកុម្ភៈប្រមាណ ២២៣លានដុល្លារ ខែមីនាប្រមាណ ៧០០លានដុល្លារ។ សរុបមករយៈពេល ៣ខែឆ្នាំ២០២២ ចំណូលបានជាង ១២០០លានដុល្លារ។ ទន្ទឹមនឹងនេះ សម្តេចតេជោ ហ៊ុន សែន ក៏បានមានប្រសាសន៍បន្ថែមថា

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា ក្រសួងសាធារណការ កំពុងស្វែងរកប្រភពថវិកាក្នុងការសម្រួលការធ្វើចរាចរណ៍ លើកំណាត់ផ្លូវជាតិលេខ៣ ជាបណ្ដោះអាសន្នសិន ខណៈដែលរាជរដ្ឋាភិបាលកំពុងដាក់ពាក្យស្នើសុំប្រាក់កម្ចីពីមិត្តចិន សាងសង់ផ្លូវជាតិលេខ៣ កំពត-វាលរេញ នេះ ឱ្យមានគុណភាពខ្ពស់។ ថ្លែងទៅកាន់ក្រុមអ្នកសារព័ត៌មាន ក្នុងឱកាសដឹកនាំក្រុមការងារបច្ចេកទេសពាក់ព័ន្ធរបស់ក្រសួងចុះពិនិត្យមើលស្ថានភាពនៃការជួសជុលថែទាំបណ្តោះអាសន្ន កំណាត់ផ្លូវជាតិលេខ៣ កំពត-វាលរេញ ឯកឧត្តម ទេសរដ្ឋមន្ត្រី ស៊ុន ចាន់ថុល បានមានប្រសាសន៍ថា មកដល់ពេលនេះក្រសួងកំពុងរង់ចាំថវិកា ដែលបានស្នើសុំប្រាក់កម្ចីពីមិត្តចិន ដើម្បីយកមកសាងសង់ផ្លូវជាតិលេខ៣ កំពត-វាលរេញ ប្រវែង២០គីឡូម៉ែត្រ នៅតំបន់ដែលមានដីស្អុយ ឱ្យបានត្រឹមត្រូវតាមលក្ខណៈបច្ចេកទេស និងឱ្យបានរឹងមាំប្រើប្រាស់បានយូរ។

រដ្ឋាភិបាលជប៉ុនគ្រោងនឹងដាក់ពង្រាងច្បាប់មួយ ដែលនឹងដំឡើងពន្ធលើការនាំចូលរបស់រុស្ស៊ីមួយចំនួន និងដកទីក្រុង​ម៉ូស្គូ​ចេញ​ពី​ឋានៈ​ជា “ប្រទេស​ដែល​ពេញចិត្ត​បំផុត” ឬ “ឋានៈពាណិជ្ជកម្មអនុគ្រោះ” ដែលនេះជាផ្នែកមួយនៃការដាក់ទណ្ឌកម្មបន្ថែមលើការឈ្លានពានទៅលើប្រទេសអ៊ុយក្រែន។ សេចក្តីព្រាងច្បាប់ វិសោធនកម្មនេះ នឹងត្រូវបង្ហាញដល់សម័យប្រជុំពិសេសនាពេលបច្ចុប្បន្ននេះ ដោយនៅពេលដែលសេចក្ដីព្រាងច្បាប់នេះក្លាយជាច្បាប់ ពន្ធលើត្រី salmon និងពងត្រី salmon របស់រុស្ស៊ីនឹងកើនឡើងពី ៣.៥ ភាគរយទៅ ៥ភាគរយ។ ចំពោះ​ក្តាម​វិញ​ពន្ធ​មាន​ចាប់ពី​ ៤​ភាគរយ​ទៅ​ ៦​ភាគរយ​។ ដោយឡែកពន្ធលើផលិតផលឈើភាគច្រើននឹងកើនឡើងពី ៤.៨ ភាគរយទៅ ៨ភាគរយ ហើយអត្រាខ្ពស់ជាងនេះត្រូវបានគេរំពឹងថានឹងមានរហូតដល់ចុងខែមីនាឆ្នាំក្រោយ។ ទោះជាយ៉ាងណាក្ដី វិធានការដែលបានស្នើឡើង នឹងមិនប៉ះពាល់ដល់ឧស្ម័នធម្មជាតិរាវ ធ្យូងថ្ម ប្រេងឆៅ និងលោហៈដ៏មានតម្លៃ palladium

ដូចដែលយើងបានដឹងរួចមកហើយ ក្រោយត្រូវ​តារាសម្ដែងដ៏ល្បីឈ្មោះ Will Smith បានទះមួយកំផ្លៀងនៅលើឆាក តារាកំប្លែង Chris Rock ហាក់ដូចជាកាន់តែល្បីល្បាញជាងមុន។ Chris Rock កើតនៅទីក្រុង Andrews រដ្ឋ South Carolina នៅថ្ងៃទី០៧ ខែកុម្ភៈ ឆ្នាំ ១៩៦៥ ហើយបានចាប់ផ្តើមអាជីពជាតារាកំប្លែងក្នុងឆ្នាំ១៩៨៤ នៅក្នុងកម្មវិធី Catch a Rising Star ទីក្រុងញូវយ៉ក។ បើនិយាយពីប្រាក់ចំណូលរបស់តារាកំប្លែងវ័យ ៥៧ឆ្នាំរូបនេះវិញ Chris Rock គឺ​ជា​តារា​កំប្លែង​ដែល​រក​ចំណូល​បាន​ខ្ពស់​បំផុត​មួយ​ក្នុង​ពិភពលោក។​ គាត់រកប្រាក់បានយ៉ាងច្រើនពីការសម្ដែង ការនិយាយបែបកំប្លែង

បន្ទាប់ពីត្រូវ Will Smith ទះមួយកំផ្លៀងនៅមុខមហាជនរាប់លាននាក់ក្នុងកម្មវិធី Oscar​ កាល​ពី​យប់​ថ្ងៃ​អាទិត្យ តារាកំប្លែង Chris Rock ក៏ត្រូវបានមហាជនរិះគន់យ៉ាងចាស់ដៃនៅលើអ៉ីនធឺណេត ប៉ុន្តែក្នុងនោះក៏បង្កើតជាឱកាសមាសដែលធ្វើឱ្យតារាកំប្លែងរូបនេះរកប្រាក់បានយ៉ាងច្រើនពីការលក់សំបុត្រកម្មវិធីរបស់គាត់។ រឿងហេតុដ៏គួរឱ្យភ្ញាក់ផ្អើលដែលបានកើតឡើងនេះ បានក្លាយជាព្រឹត្តិការណ៍ដែលមិនធ្លាប់មាននៅក្នុងប្រវត្តិសាស្ត្រពានរង្វាន់ Academy។ ប៉ុន្តែទោះជាយ៉ាងណាក្ដី ហេតុការណ៍នេះហាក់ដូចជាជំរុញឱ្យអ្នកទស្សនាមួយចំនួនឱ្យទិញសំបុត្រដើម្បីចូលរួមទស្សនាការសម្ដែងផ្ទាល់របស់ Chris Rock។ បើតាមវេទិកាលក់សំបុត្រ TickPick បានរាយការណ៍ថា ពួកគេបានលក់សំបុត្រកាន់តែច្រើនសម្រាប់កម្មវិធីកំប្លែង “comedian’s tour” របស់ Chris Rock ពោលគឺរយៈពេលពេញមួយយប់លក់បានច្រើនជាងចំនួនពេលដែលពួកគេលក់កាលពីខែមុន។ TickPick ក៏បានអះអាងផងដែរថា តម្លៃសំបុត្របានកើនឡើងចាប់តាំងពីយប់ថ្ងៃអាទិត្យដោយកើនឡើងពីតម្លៃប្រហែល ៤៦ដុល្លារក្នុងមួយសំបុត្រកាលពីថ្ងៃ១៨ ខែមីនា មកដល់ឥឡូវនេះឡើងដល់

យោងតាមការចុះផ្សាយរបស់ក្រសួងសាធារណការ និងដឹកជញ្ជូនបានឱ្យដឹងថា គម្រោងសាងសង់កំពង់ផែទេសចរណ៍ខេត្តកំពត សម្រេចវឌ្ឍនភាពការងារសាងសង់បាន ៩៣.៤១% ហើយគិតត្រឹមថ្ងៃទី២២ ខែមីនា ឆ្នាំ២០២២ គ្រោងនឹងបញ្ចប់ការសាងសង់ជាស្ថាពរនៅថ្ងៃទី៣០ ខែមិថុនា ឆ្នាំ២០២២ខាងមុខនេះ។ ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន កាលពីថ្ងៃទី២៩ ខែមីនា ឆ្នាំ២០២២ បានដឹកនាំក្រុមការងារ បច្ចេកទេសពាក់ព័ន្ធរបស់ក្រសួង អញ្ជើញចុះពិនិត្យវឌ្ឍនភាពការងារសាងសង់កំពង់ផែទេសចរណ៍ អន្តរជាតិប្រចាំខេត្តកំពត ដោយមានការអញ្ជើញចូលរួមពីក្រុមការងារបច្ចេកទេសមន្ទីរសាធារណការ និងដឹកជញ្ជូន តំណាងក្រុមហ៊ុនសាងសង់ ទីប្រឹក្សាបច្ចេកទេស និងភាគីពាក់ព័ន្ធ។ ថ្លែងទៅកាន់ក្រុមអ្នកសារព័ត៌មានក្នុងឱកាសចុះពិនិត្យនេះ ឯកឧត្តមទេសរដ្ឋមន្ត្រី បានជម្រាបជូនថា៖ គម្រោងសាងសង់កំពង់ផែទេសចរណ៍អន្តរជាតិប្រចាំខេត្តកំពតដែលមានទីតាំងស្ថិតនៅស្រុកទឹកឈូ កំពុងសាងសង់នៅលើផ្ទៃដីទំហំ៤ហិកតាមានជម្រៅ៤,៥ម៉ែត្រ ជាហិរញ្ញប្បទានរបស់ធនាគារអភិវឌ្ឍន៍អាស៊ី

ក្រុមហ៊ុនអាកាសចរណ៍ Thai Airways International (THAI) បាននិយាយថា ខ្លួននឹងបង្កើនចំនួនជើងហោះហើរដឹកទំនិញទ្វេដងទៅកាន់ប្រទេសចិន និងឥណ្ឌានៅខែក្រោយ ដោយសារតម្រូវការសម្រាប់ការនាំចេញផ្លែឈើរបស់ប្រទេសថៃមានការកើនឡើង។ ក្រុមហ៊ុនអាកាសចរណ៍ជាតិបាននិយាយថា តួលេខនឹងកើនឡើងដល់ ៨៧ ជើងហោះហើរនៅខែក្រោយ ដើម្បីបំពេញតម្រូវការកើនឡើងពីប្រទេសចិន និងឥណ្ឌា។ ជាក់ស្ដែងក្នុងខែមីនា ក្រុមហ៊ុន THAI Cargo បានដំណើរការជើងហោះហើរសរុបចំនួន ៣៩ដឹកជញ្ជូនផ្លែឈើទៅកាន់ប្រទេសនាំចេញធំៗទាំងពីរ។ ក្នុងនោះគោលដៅសំខាន់ៗ គឺមាន Guangzhou ដែលឃើញជើងហោះហើរដឹកទំនិញថៃ ២៧ជើង ខណៈ ៤ ជើងទៅ Kunming និង ៨ ពី Kunming

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ទឹកឃ្មុំព្រៃមណ្ឌលគិរីត្រូវបានចុះបញ្ជីផ្លូវការជាផលិតផលសម្គាល់ភូមិសាស្ត្រ ដែលនេះចូលរួមចំណែកបង្កើនប្រាក់ចំណូលដល់សមាជិកនៃសមាគមអភិរក្សឃ្មុំព្រៃមណ្ឌលគិរី ក្នុងការលើកស្ទួយជីវភាពរបស់ពួកគាត់បន្ថែមទៀត។ ថ្លែងក្នុងពិធីសម្ពោធម៉ាកសម្គាល់ភូមិសាស្ត្រទំនិញ «ទឹកឃ្មុំព្រៃមណ្ឌលគិរី កាលពីថ្ងៃទី២៧ ខែមីនា ឆ្នាំ២០២២ ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន បានមានប្រសាសន៍ថា នេះគឺជាព្រឹត្តិការណ៍ប្រវត្តិសាស្ត្រថ្មីមួយទៀតសម្រាប់ប្រជាពលរដ្ឋ ខេត្តមណ្ឌលគិរីនិយាយជារួម និងសម្រាប់ប្រជាសហគមន៍តំបន់ការពារធម្មជាតិ និងសហគមន៍ព្រៃឈើនិយាយដោយឡែក ដែលទឹកឃ្មុំព្រៃ ផលិតផលមូលដ្ឋានរបស់ខ្លួនត្រូវបានក្រសួងពាណិជ្ជកម្ម ចុះបញ្ជីម៉ាកសម្គាល់ភូមិសាស្រ្តទំនិញ «ទឹកឃ្មុំព្រៃមណ្ឌលគិរី» និងរៀបចំពិធីសម្ពោធឱ្យប្រើប្រាស់ជាផ្លូវការម៉ាកសម្គាល់ភូមិសាស្រ្តទំនិញ (GI) «ទឹកឃ្មុំព្រៃមណ្ឌលគិរី» នៅពេលនេះ។ ឯកឧត្តម រដ្ឋលេខាធិការ បានបញ្ជាក់ថា នេះគឺជាមោទកភាពសម្រាប់បងប្អូនសហគមន៍មូលដ្ឋាន និងជាផ្នែកមួយយ៉ាងសំខាន់ក្នុងការទទួលស្គាល់គុណភាពនៃទឹកឃ្មុំព្រៃមណ្ឌលគិរី និងចូលរួមបង្កើនប្រាក់ចំណូលដល់សមាជិកនៃសមាគមអភិរក្សឃ្មុំព្រៃមណ្ឌលគិរី ក៏ដូចជាជួយលើកស្ទួយជីវភាពរបស់ពួកគាត់បន្ថែមទៀត។ ឯកឧត្តម