ធនាគារកណ្ដាលនៃប្រទេសថៃ កំពុងពិចារណាកាត់បន្ថយអត្រាការប្រាក់ ដើម្បីជួយដល់ប្រជាជនដោះស្រាយលើបញ្ហាបំណុលគ្រួសារ នេះបើយោងតាមការចុះផ្សាយរបស់សារព័ត៌មាន The Thaiger នៅថ្ងៃទី០៦ ខែកក្កដា ឆ្នាំ២០២៣នេះ។ សារព័ត៌មានដដែលបានឱ្យដឹងថា នាយកប្រតិបត្តិជាន់ខ្ពស់នៅធនាគារកណ្តាលថៃ បានណែនាំពីលទ្ធភាពនៃការកាត់បន្ថយអត្រាការប្រាក់ ដែលនេះអាចជួយស្រោចស្រង់ជីវិតដល់កូនបំណុលដែលកំពុងជួបការលំបាក និងអស់សង្ឃឹមក្នុងការគេចចេញពីវត្តបំណុលដែលកាន់តែអាក្រក់ទៅៗរបស់ពួកគេ។ នៅក្នុងកិច្ចពិភាក្សាជាមួយសមាគមធនាគាថៃ (TBA) និងក្រុមពាក់ព័ន្ធផ្សេងទៀត ធនាគារកណ្តាលកំពុងរិះរកវិធីផ្សេងៗ ដើម្បីទប់ស្កាត់បំណុលគ្រួសារដែលកំពុងកើនឡើងរបស់ប្រទេស។ ជាមួយគ្នានេះដែរ ទេសាភិបាលរងរបស់ធនាគារកណ្តាលលោក Ronadol Numnonda បានឱ្យដឹងថា ការកាត់បន្ថយបែបនេះអាចផ្តល់នូវការបន្ធូរបន្ថយសម្រាប់កូនបំណុលដែលមានបន្ទុកសងបំណុលក្នុងរយៈពេលយូរ និងជាប់លាប់។ លើសពីនេះ លោកបានបង្ហើបថា ក្នុងខែនេះ និយតករគ្រោងនឹងដាក់ចេញនូវគំនិតផ្តួចផ្តើមចំនួនបី ដែលផ្តោតលើការផ្តល់ប្រាក់កម្ចីប្រកបដោយការទទួលខុសត្រូវ ការកំណត់តម្លៃផ្អែកលើហានិភ័យ និងគោលនយោបាយ macroprudential

ធនាគារពិភពលោកបានបង្កើតអង្គការថ្មីៗ ដែលមានជំនាញក្នុងសកម្មភាពផ្សេងៗគ្នា ហើយអង្គការទាំងអស់នេះរួមគ្នា ត្រូវបានគេហៅថាក្រុមធនាគារ​ពិភពលោក​ (World Bank Group)។ យ៉ាងណាមិញកាលពីថ្ងៃទី០៤ ខែកក្កដា ឆ្នាំ២០២៣ ម្សិលមិញនេះ ក្រុមធនាគារ​ពិភពលោក បានប្រកាសជ្រើសបុគ្គលិកជាច្រើននាក់ ដើម្បីចូលបម្រើការងារទៅលើជំនាញសំខាន់ៗមួយចំនួន ដែលនេះក៏ផ្ដល់ឱកាសដ៏ធំមួយសម្រាប់យុវជនខ្មែរ។ យោងតាមការចុះផ្សាយរបស់ World Bank Cambodia-ធនាគារពិភពលោកប្រចាំកម្ពុជា ក្រុមធនាគារ​ពិភពលោក​ (World Bank Group) ប្រកាសជ្រើសរើសបុគ្គលិកសម្រាប់ជំនាញដូចជា៖ ១.​ Agriculture & Food ២. Digital Development ៣. Education ៤.

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ដំណាំស្វាយចន្ទីនៅក្នុងខេត្តកំពង់ធំ ជាដំណាំមានសក្តានុពលមួយ មានរសជាតិឆ្ងាញ់ ខណៈមួយឆ្នាំៗ ទិន្នផលប្រមូលផលបានប្រមាណ ១៦ម៉ឺនតោន បាននាំចេញទៅកាន់ទីផ្សារទាំងក្នុងនិងក្រៅប្រទេស។ លោក ប៉ែន វណ្ណរិទ្ធ ប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពង់ធំ បានប្រាប់អ្នកយកព័ត៌មានវិទ្យុជាតិកម្ពុជាថា នៅក្នុងខេត្តកំពង់ធំ មានផ្ទៃដីដំាដុះដំណាំស្វាយចន្ទី សរុបប្រមាណជិត១៥ម៉ឺនហិកតា ខណៈផ្ទៃដីប្រមូលផលបច្ចុប្បន្នមានប្រមាណជាង ១០ម៉ឺនហិកតា និងមានផ្ទៃដីខ្លះកំពុងដាំដុះបន្ថែម។ លោកបន្តថា ក្នុងមួយឆ្នាំៗ ដំណាំស្វាយចន្ទី អាចប្រមូលផលបានប្រមាណ ១៦ម៉ឺនតោន ដោយបានកែច្នៃដើម្បីនាំចេញទៅកាន់ទីផ្សារក្រៅប្រទេសខ្លះ និងនាំចេញគ្រាប់ស្វាយចន្ទីស្រស់ខ្លះ ខណៈដំណាំស្វាយចន្ទីរបស់ខេត្តកំពង់ធំ ត្រូវបានអ្នកជំនាញអះអាងថា មានរសជាតិឆ្ងាញ់ មានតម្រូវការទីផ្សារខ្ពស់។ លោកបន្តទៀតថា

តម្លៃទឹកម្ទេសដ៏ពេញនិយមមួយឈ្មោះថា Sriracha បានកើនឡើងរហូតដល់ ៨ដងនៅក្នុងសហរដ្ឋអាមេរិក ដោយសារតែកង្វះ ម្ទេសក្រហម (jalapeños) ដែលជាសារធាតុផ្សំដ៏សំខាន់ ដែលបណ្ដាលមកពីគ្រោះរាំងស្ងួត។ ទឹកម្ទេសដ៏ល្បីនេះត្រូវបានផលិតដោយក្រុមហ៊ុន Huy Fong Foods ដែលជាកម្មសិទ្ធិរបស់មហាសេដ្ឋីជនជាតិវៀតណាមលោក David Tran និងត្រូវបានលក់ក្នុងតម្លៃ ៤០ដុល្លារក្នុងមួយដបសម្រាប់ចំណុះ ៥០០ ក្រាមនៅលើ eBay ខណៈកាលពីមុនវាមានតម្លៃត្រឹមតែ ៥ ដុល្លារប៉ុណ្ណោះ ហើយសម្រាប់ចំណុះដប ៨០០ក្រាម ត្រូវបានលក់ក្នុងតម្លៃ ៦០ ដុល្លារ។ ជាមួយគ្នានេះដែរ តម្លៃទឹកម្ទេសមួយប្រភេទនេះ នៅក្នុងហាងដែលនាំចូលរាប់ពាន់ដបក្នុងមួយឆ្នាំៗពីរដ្ឋកាលីហ្វ័រញ៉ា ក៏កើនឡើងដូចគ្នាដោយសារតែការផ្គត់ផ្គង់នៅតែខ្វះខាត។ ហើយថ្មីៗនេះ

យោងតាមការចុះផ្សាយរបស់ ក្រសួងព័ត៌មាន ធនាគារជាតិនៃកម្ពុជា ដាក់ឱ្យដំណើរការប្រព័ន្ធមួយឈ្មោះថា ខេមបូឌានស៊ែស្វីច ហៅកាត់ CSS ដើម្បីជាមធ្យោបាយងាយស្រួល សម្រាប់អតិថិជនរបស់គ្រឹះស្ថានធនាគារ និងហិរញ្ញវត្ថុទាំងអស់ ធ្វើប្រតិបត្តិការទូទាត់ឆ្លងគ្រឹះស្ថានតាមប័ណ្ណទូទាត់ឥណពន្ធលើគ្រប់ម៉ាស៊ីន ATM ឬ ឆូតកាតPOS របស់គ្រឹះស្ថានសមាជិក សំដៅធ្វើសមាហរណកម្មជាមួយប្រទេសក្នុងតំបន់។ ថ្លែងក្នុងពិធីដាក់ឱ្យដំណើរការជាផ្លូវការប្រព័ន្ធនេះ នៅថ្ងៃទី៤ ខែ កក្កដានេះ លោកជំទាវ ជា សិរី ទេសាភិបាលរងធនាគារជាតិ នៃកម្ពុជា បានបញ្ជាក់ថា ការអភិវឌ្ឍប្រព័ន្ធនេះឡើង ដើម្បីសម្រួលប្រតិបត្តិការទូទាត់សងប្រាក់ តាមរយៈប័ណ្ណទូទាត់នៅប្រទេសកម្ពុជា ដែលអាចឱ្យអតិថិជនធ្វើប្រតិបត្តិការតាមប័ណ្ណទូទាត់ឥណពន្ធCSS លើម៉ាស៊ីនATM ដូចជាការដកសាច់ប្រាក់ ការពិនិត្យសមតុល្យ ការបោះពុម្ពរបាយការណ៍សង្ខេប

ស្ទឹងត្រែង៖ យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ម្នាស់ទឹកឃ្មុំដែល ល្បីឈ្មោះនៅក្នុងប្រទេសកម្ពុជា ហើយភ្ញៀវទេសចរនិយមទិញទៅបរិភោគនោះ ត្រូវបានរៀបចំជាសហគមន៍ម្នាស់ ប្រចាំនៅខេត្តស្ទឹងត្រែង ដើម្បីលើកកម្ពស់ផលិតផលទាញយកទីផ្សារ និងបានបង្កើនប្រាក់ចំណូលទៅកសិករអ្នកដាំ។ ក្នុងឱកាសចុះសិក្សាចម្ការម្នាស់កសិករ នៅភូមិ ឃុំអូរឫស្សីកណ្តាល ស្រុកសៀមបូក ខេត្តស្ទឹងត្រែងថ្ងៃទី០៣កក្កដា ឯកឧត្តមឡូយសុផាត អ្នកតំណាងរាស្ត្រមណ្ឌលស្ទឹងត្រែងមានប្រសាសន៍ថា៖ ជាទិសដៅគោលនយោបាយរបស់រាជរដ្ឋាភិបាលសម្រាប់អនុវត្តវិស័យកសិឧស្សាហកម្ម កសិទេសចរណ៍ និងកសិពាណិជ្ជកម្មជ្រុងមួយដែលជាយុទ្ធសាស្ត្រ ក្នុងការលើកទឹកចិត្តដល់កសិករ ហើយស្ថាប័នជុំវិញ និង រៀបចំសហគមន៍ម្នាស់ផ្អែមដូចទឹកឃ្មុំនេះ ។ ” ចំពោះម្នាស់នៅខេត្តស្ទឹងត្រែងយើងកំពុងរៀបចំសហគមន៍ ដើម្បីប្រជាជនបានរៀនសូត្រ ហើយគាត់នឹងយកចំណេះដឹងទាំងនេះពង្រីកទៅតាមគ្រួសារ។” លោក ទុំ នីរ៉ូ ប្រធានមន្ទីរកសិកម្មរុក្ខាប្រមាញ់និងនេសាទខេត្តស្ទឹងត្រែងបានបញ្ជាក់ថា៖នេះជាការបោះជំហានថ្មីមួយទៀត

យោងតាមការចុះផ្សាយរបស់ ក្រសួងព័ត៌មាន រាជរដ្ឋាភិបាលកម្ពុជា គ្រោងចំណាយថវិកា២៣ម៉ឺនដុល្លារក្នុងមួយឆ្នាំ សម្រាប់របបថែទាំសុខភាពបុគ្គលិក បម្រើការផ្នែកសេវាកម្សាន្ដនៃសេដ្ឋកិច្ចក្រៅប្រព័ន្ធ បន្ថែមលើរបបដែលមានស្រាប់ចំនួន២ធំៗ ដែលទី១ គឺរបប ប.ស.ស និង ទី២ របបមូលនិធិសម្រាប់ប្រជាពលរដ្ឋក្រីក្រ។ ក្នុងសន្និសីទសារព័ត៌មាន ស្តីពីការដាក់ឱ្យអនុវត្តនូវរបបថែទាំសុខភាពតាមប្រព័ន្ធមូលនិធិសមធម៌ សុខាភិបាល សម្រាប់បុគ្គលបម្រើការក្នុងសេវាកម្សាន្តទេសចរណ៍ នៃសេដ្ឋកិច្ចក្រៅប្រព័ន្ធ កាលពីពេលថ្មីៗនេះ ឯកឧត្តមបណ្ឌិត ចន ណារិទ្ធ អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គនាយកនៃនិយ័តករសន្តិសុខសង្គម បានថ្លែងថា រាជរដ្ឋាភិបាលបានសម្រេច ផ្តល់របបថែទាំសុខភាព តាមប្រព័ន្ធមូលនិធិសមធម៌សុខាភិបាល សម្រាប់បុគ្គលបម្រើការក្នុងសេវាកម្សាន្តទេសចរណ៍នៃសេដ្ឋកិច្ច ក្រៅប្រព័ន្ធ ជាពិសេសស្រ្តីដែលបម្រើការនៅតាមរង្គសាល ឌីស្កូតែក ខារ៉ាអូខេ

យោងតាមសមាគមមីកញ្ចប់ពិភពលោក បានឱ្យដឹងថា ជនជាតិវៀតណាម​បរិភោគមីកញ្ចប់ញឹកញាប់ជាងគេបំផុតក្នុងពិភពលោក ដោយកាលពីឆ្នាំមុន ប្រទេសនេះបានប្រើប្រាស់មីកញ្ចប់ចំនួន ៨.៤៨ពាន់លានដងកាលពីឆ្នាំមុន។ ជាមួយគ្នានេះ ជាមធ្យមជនជាតិវៀតណាមម្នាក់ៗបានទទួលទានមីកញ្ចប់ ៨៥ដងក្នុងមួយឆ្នាំ ឬ មួយកញ្ចប់រៀងរាល់បួនថ្ងៃម្ដង ដែលនេះជា​ប្រេកង់​ខ្ពស់​បំផុត​នៅ​ទូទាំង​ពិភពលោក តាម​ពី​ក្រោយ​ដោយ​កូរ៉េ​ខាង​ត្បូង និង​ថៃ។ បើ​និយាយ​ពី​ការ​ប្រើ​ប្រាស់​សរុប វៀតណាម​បាន​ជាប់​ចំណាត់​ថ្នាក់​លេខ​បី​ កាល​ពី​ឆ្នាំ​មុន​តាម​ពី​ក្រោយ​ប្រទេស​ចិន​ដែល​មាន​ចំនួន ៤៥ ពាន់​លានដង និង​ប្រទេស​ឥណ្ឌូនេស៊ី​មាន ១៤,២ ពាន់​លានដង។ ជាមួយនឹងកំណើននៃការបរិភោគមីកញ្ចប់របស់ប្រជាជនវៀតណាមនេះ នាំឱ្យអ្នកផលិតមានបំណងចង់បង្កើតផលិតផលថ្មីៗ ដើម្បីបំពេញតម្រូវការរបស់ប្រទេស៕ អត្ថបទ៖ លីនី ប្រភព៖ vnexpress

ធ្លាប់តែធ្វើជាព្រូឡាន ស៊ីញ៉ូឡានឲ្យគេ លើកដាក់អីវ៉ាន់ឲ្យគេ ឥឡូវផឹកប៊ូសស្ត្រងត្រូវឡានថ្មីខ្លាញ់គោខ្លួនឯងវិញ មិនដឹងថាមានអារម្មណ៍ទទួលយកបានឬអត់ទេ? ឲ្យតែសំណាងមកដល់មិនថា ក្មេង ឬចាស់ ប្រុសឬស្រីនោះទេ គឺដឹងតែហេងហើយ ដូចប្អូនប្រុស សឿង សន នេះស្រាប់ មកពី ស្រុកបាទី ខេត្តតាកែវ បច្ចុប្បន្នរស់នៅបន្ទប់ជួលជាមួយពូនៅម្ដុំស្តុបឬស្សីសាញ់ ខណ្ឌដង្កោ រាជធានីភ្នំពេញ មានមុខរបរធ្វើជាព្រូឡានទៅជាមួយពូរទាំងថ្ងៃទាំងយប់។ ប្អូនប្រុស សឿង សន ដោយសារតែជីវភាព ត្រូវបោះបងការសិក្សាត្រឹមថ្នាក់ទី៧ មកធ្វើជាព្រូឡានឲ្យពូរត់ឡានពីភ្នំពេញទៅខេត្តនានាភាគច្រើនចេញពេលយប់មិនបានគេងគ្រប់គ្រាន់ទេរយៈពេល៣ឆ្នាំមកហើយ សំណាងថ្ងៃនេះមកដល់ផឹកប៊ូសស្ត្រងមួយកំប៉ុងដូចរាល់ដងត្រូវឡានខ្លាញ់គោថ្មី១គ្រឿង។ តាមសំដីប្អូន សឿង សន បានប្រាប់ថានៅល្ងាចថ្ងៃដែលត្រូវរង្វាន់ ថ្ងៃទី២៨ ខែមិថុនា

យោងតាមចុះផ្សាយរបស់ ក្រសួង​ព័ត៌មាន បានឱ្យដឹងថា ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការនិងដឹកជញ្ជូន បានឱ្យដឹងថា រាជរដ្ឋាភិបាល កំពុងបន្តសិក្សាបន្ថែមផ្លូវរថភ្លើងក្រាមដីនិងរថភ្លើងធុនស្រាល ភ្ជាប់ពីរាជធានីភ្នំពេញ ទៅ អាកាសយានដ្ឋានអន្តរជាតិតេជោក្រុងតាខ្មៅនិងផ្សារទំនើបអ៊ីអនមានជ័យ ខណៈដែលគម្រោងផ្លូវ រថភ្លើងលើអាកាសនិងក្រោមដី ក្នុងរាជធានីភ្នំពេញត្រូវបានសិក្សាចប់សព្វគ្រប់ហើយ។ ក្នុងកិច្ចសម្ភាសន៍ជាមួយអ្នកសារព័ត៌មាន ក្នុងពិធីសម្ពោធដាក់ឱ្យដំណើរការជាផ្លូវការមណ្ឌលផ្តល់សេវា សាធារណៈផ្សារទំនើបអ៊ីអនម៉ល មានជ័យ កាលពីពេលថ្មីកន្លងទៅ ឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន បានមានប្រសាសន៍ថា គម្រោងផ្លូវរថភ្លើងលើអាកាស និង ក្រោមដីត្រូវបានសិក្សាចប់សព្វគ្រប់ហើយ នៅឡើយតែការរង់ចាំក្រុមហ៊ុនមកបណ្តាក់ទុន ក្នុងការអភិវឌ្ឍ តែប៉ុណ្ណោះ