ជនជាតិវៀតណាម បរិភោគមីកញ្ចប់ញឹកញាប់ជាងគេបំផុតក្នុងពិភពលោក ដោយជាមធ្យមម្នាក់បរិភោគមី ៨៥ដងក្នុងមួយឆ្នាំ

សេដ្ឋកិច្ច July 4, 2023 Khmernote

យោងតាមសមាគមមីកញ្ចប់ពិភពលោក បានឱ្យដឹងថា ជនជាតិវៀតណាមបរិភោគមីកញ្ចប់ញឹកញាប់ជាងគេបំផុតក្នុងពិភពលោក ដោយកាលពីឆ្នាំមុន ប្រទេសនេះបានប្រើប្រាស់មីកញ្ចប់ចំនួន ៨.៤៨ពាន់លានដងកាលពីឆ្នាំមុន។ ជាមួយគ្នានេះ ជាមធ្យមជនជាតិវៀតណាមម្នាក់ៗបានទទួលទានមីកញ្ចប់ ៨៥ដងក្នុងមួយឆ្នាំ ឬ មួយកញ្ចប់រៀងរាល់បួនថ្ងៃម្ដង ដែលនេះជាប្រេកង់ខ្ពស់បំផុតនៅទូទាំងពិភពលោក តាមពីក្រោយដោយកូរ៉េខាងត្បូង និងថៃ។

បើនិយាយពីការប្រើប្រាស់សរុប វៀតណាមបានជាប់ចំណាត់ថ្នាក់លេខបី កាលពីឆ្នាំមុនតាមពីក្រោយប្រទេសចិនដែលមានចំនួន ៤៥ ពាន់លានដង និងប្រទេសឥណ្ឌូនេស៊ីមាន ១៤,២ ពាន់លានដង។ ជាមួយនឹងកំណើននៃការបរិភោគមីកញ្ចប់របស់ប្រជាជនវៀតណាមនេះ នាំឱ្យអ្នកផលិតមានបំណងចង់បង្កើតផលិតផលថ្មីៗ ដើម្បីបំពេញតម្រូវការរបស់ប្រទេស៕

អត្ថបទ៖ លីនី
ប្រភព៖ vnexpress