រដ្ឋាភិបាលរដ្ឋកាលីហ្វ័រញ៉ាលោក Gavin Newsom កាលពីថ្ងៃសុក្រ ទី២៤ កន្លងទៅនេះបានប្រកាសបើកកម្មវិធីមួយដែលមានឈ្មោះថា «ភោជនីយដ្ឋានចែកចាយអាហារសម្រាប់មនុស្សវ័យចំណាស់» ដែលនឹងប្រើប្រាស់ហាងអាហារក្នុងស្រុកដើម្បីរៀបចំ និងចែកចាយអាហារដោយឥតគិតថ្លៃដល់មនុស្សចាស់ដែលត្រូវការជំនួយក្នុងវិបត្តិ Covid-19។ យោងតាម លោក Gavin Newsom កម្មវិធីនេះបានបង្កើតឡើងតាមរយៈភាពជាដៃគូជាមួយទីភ្នាក់ងារគ្រប់គ្រងគ្រោះអាសន្នសហព័ន្ធ ហើយកម្មវិធីនៅទូទាំងរដ្ឋបានចូលជាធរមានភ្លាមៗនៅថ្ងៃសុក្រនេះ ហើយក៏ជាលើកដំបូងនៅក្នុងសហរដ្ឋអាមេរិក។ លោកបានប៉ាន់ប្រមាណថាមនុស្សវ័យចំណាស់ជាង ៥.៧ លាននាក់នៅរដ្ឋកាលីហ្វ័រញ៉ា ហើយ ១.៧ លាននាក់នៃពួកគេគឺរស់នៅតែម្នាក់ឯងហើយប្រហែលជាមិនអាចចំអិនអាហារដោយខ្លួនឯងបានទេ។ យ៉ាងណាមិញបន្ថែមពីលើការជួយសង្គ្រោះដោយផ្ដល់អាហារឥតគិតថ្លៃ កម្មវិធីភោជនីយដ្ឋានចែកចាយអាហារសម្រាប់មនុស្សវ័យចំណាស់ ក៏បានបង្កើតការងារដលប្រជាពលរដ្ឋផងដែរ។ ភាពជាដៃគូនេះនឹងអនុញ្ញាតឱ្យភោជនីយដ្ឋានមានសមត្ថភាពដើម្បីចាប់ផ្តើមជួលបុគ្គលិក ឬ រក្សាការងារប្រជាជនកុំឲ្យបាត់បង់។ គួរបញ្ជាក់ផងដែរថា រដ្ឋាភិបាលក្នុងតំបន់នឹងទទួលខុសត្រូវក្នុងការជ្រើសរើសភោជនីយដ្ឋានសម្រាប់កម្មវិធីនេះ ដោយភោជនីយដ្ឋានចែកចាយអាហារសម្រាប់មនុស្សវ័យចំណាស់ នឹងផ្ដល់អាហារបីពេលក្នុងមួយថ្ងៃរយៈពេលមួយសប្ដាហ៍ពេញសម្រាប់មនុស្សវ័យចំណាស់។ ទោះបីជាយ៉ាងនេះក្ដីមកទល់ពេលនេះមិនទាន់មានចំនួនហាងពិតប្រាកដដែលត្រូវបានជ្រើសនៅឡើយទេ

ធនាគារកណ្ដាលរបស់ប្រទេសចិនបានពន្លឿនការសាកល្បងរូបិយប័ណ្ណឌីជីថលថ្មីរបស់ខ្លួន ហើយនឹងបញ្ចូលអាជីវកម្មបរទេសមួយចំនួនជាលើកដំបូងនៅក្នុងកម្មវិធីនេះ។ ជាក់ស្ដែងអាជីវកម្មធំៗរបស់អាមេរិកចំនួន ៣ រួមមាន Starbucks, McDonald’s និង Subway ត្រូវបានគេដាក់ឈ្មោះក្នុងបញ្ជីក្រុមហ៊ុនរបស់ធនាគារប្រជាជនចិន (PBOC) ដែលនឹងសាកល្បងរូបិយប័ណ្ណឌីជីថលក្នុងប្រតិបត្តិការតូចៗជាមួយអាជីវកម្មក្នុងស្រុកចំនួន ១៩។ រូបិយប័ណ្ណឌីជីថលផ្លូវការរបស់ប្រទេសចិន ដែលត្រូវបានគេស្គាល់ថាជាការទូទាត់រូបិយប័ណ្ណតាមអេឡិចត្រូនិកឌីជីថល (DCEP) បានលេចចេញជាសាធារណៈកាលពីសប្តាហ៍មុន នៅរូបថត​មួយនៃកំណែសាកល្បងនៃកម្មវិធីមួយដែលត្រូវបានបង្កើតឡើងដោយធនាគារកសិកម្មចិនត្រូវបានចែកចាយតាមអ៉ីនធឺណេត។ ជាមួយគ្នានេះដែរកម្មវិធីរូបិយប័ណ្ណឌីជីថលមានមុខងារមូលដ្ឋានជាច្រើនស្រដៀងនឹងកម្មវិធីទូទាត់តាមអ៉ីនធឺណេតចិនផ្សេងទៀតដូចជា Alipay និង WeChat Pay ដែលជាឧបករណ៍ទូទាត់តាមអ៊ិនធរណេតដែលពេញនិយមបំផុតពីររបស់ប្រទេស ដែលអនុញ្ញាតឱ្យអ្នកប្រើប្រាស់ធ្វើការទូទាត់ និងផ្ទេរប្រាក់។ យ៉ាងណាមិញប្រទេសចិនមិនបានបង្ហាញពេលវេលាសម្រាប់ការចាប់ផ្តើមប្រាក់យ័នឌីជីថលនោះទេ ប៉ុន្តែរបាយការណ៍កាលពីសប្តាហ៍មុនស្តីពីការធ្វើតេស្តិថ្មីបានធ្វើឱ្យមានការសង្ស័យថាវាអាចនឹងមកដល់ឆាប់ៗនេះ។ ក្រុមហ៊ុនវិនិយោគ BlockVC បាននិយាយនៅក្នុងកំណត់ត្រាស្រាវជ្រាវថ វាប្រាកដថា ការទូទាត់រូបិយប័ណ្ណតាមអេឡិចត្រូនិកឌីជីថល ឥឡូវនេះស្ថិតនៅក្នុងដំណាក់កាលសាកល្បងចុងក្រោយហើយគួរតែចាប់ផ្តើមជាផ្លូវការ។

កាលពីពេលថ្មីៗនេះ រដ្ឋាភិបាលកម្ពុជាបានសម្រេចចំណាយថវិកា ៥០ លានដុល្លារអាមេរិកតាមរយៈធនាគារអភិវឌ្ឍន៍ជនបទនិងកសិកម្ម (RDAB) ដើម្បីគាំទ្រដល់វិស័យកសិកម្ម។ ក្នុងរង្វង់ទឹកប្រាក់ ៥០ លានដុល្លារនេះរដ្ឋាភិបាលផ្ដល់ជូនក្នុងទម្រង់ជាឥណទានដែលមានអត្រាការប្រាក់ទាបដើម្បីគំាទ្រដល់សិប្បកម្មសហគ្រាសធុនតូច និងមធ្យម ក្នុងវិស័យកែច្នៃផលិតផលកសិកម្ម វិស័យកសិ-ឧស្សាហកម្ម និងវិស័យកសិកម្មសម្រាប់ការដាំដុះបន្លែផ្លែឈើ ការចិញ្ចឹមសត្វ និងការចិញ្ចឹមត្រីជាដើម។ ជាមួយគ្នានេះដែរកសិករ និងម្ចាស់សហគ្រាស​ទាំងអស់អាចទទួលបានឥណទានដែលមានអត្រាការប្រាក់ទាប ៦%ប្រចំាឆ្នាំ សម្រាប់ជាទុនបង្វិល (រយៈពេលខ្លី) ហើយ ៦.៥% ប្រចំាឆ្នាំ សម្រាប់ទុនវិនិយោគ (រយៈពេលវែង)។ ប៉ុន្តែត្រូវគោរពតាមការកំណត់របស់ធនាគារអភិវឌ្ឍន៍ជនបទនិងកសិកម្មរួមមានគម្រោងពង្រីកអាជីកម្មរួមចំណែកបង្កើតការងារ ត្រូវមានទីតាំងផលិតកម្មនៅក្នុងស្រុក ចុះបញ្ជីស្របច្បាប់ និងបង់ពន្ធ-អាករត្រឹមត្រូវ ហើយត្រូវការជាចាំបាច់នូវឥណទានសម្រាប់យកទៅប្រើប្រាស់ជាទុនបង្វិល ឬ ទុនវិនិយោគ សម្រាប់ពង្រីកអាជីវកម្ម។ លើសពីនេះទៅទៀតឥណទានក្រោមកម្មវិធីពិសេសនេះ

ចាប់តាំងពីប្រធានាធិតី ដូណាល់ ត្រាំ ឡើងកាន់តំណែងនៅការិយាល័យ Oval តាំងពីឆ្នាំ២០១៧ មក មហាសេដ្ឋីអាមេរិកកាន់តែមានខ្លាំងឡើងៗដោយទ្រព្យសម្បត្តិកើនឡើង ១០.៦%។ នោះបើយោងតាមរបាយការណ៍របស់វិទ្យាស្ថានទ្រទ្រង់សេដ្ឋកិច្ចសម្រាប់ការសិក្សាគោលនយោបាយ “Billionaire Bonanza” ដែលវិភាគទិន្នន័យទ្រព្យសម្បត្តិពីសន្ទស្សន៍មហាសេដ្ឋី Bloomberg និងបញ្ជីឈ្មោះមហាសេដ្ឋី ៤០០ របស់​ទស្សនាវដ្ដី Forbes ចាប់តាំងពីឆ្នាំ ១៩៩០។ ក្នុងរបាយការណ៍ទាំងនោះបានរកឃើញថា ទ្រព្យសម្បត្តិរួមរបស់មហាសេដ្ឋីអាមេរិកចំនួន ៥៦៥ នាក់នៅឆ្នាំ ២០១៧ មានចំនួន ២.៧ ទ្រីលានដុល្លារ នេះបើយោងតាមបញ្ជីឈ្មោះមហាសេដ្ឋីពិភពលោក Forbes នៅឆ្នាំនោះ។ ដោយឡែកកនៅក្នុងឆ្នាំ២០២០ នេះ ចំនួនមហាសេដ្ឋីអាមេរិកបានកើនឡើងដល់

ធនាគារអភិវឌ្ឍអាស៊ី (ADB) បានយល់ព្រមផ្ដល់ប្រាក់កម្ចីចំនួន ១.៥ ពាន់លានដុល្លារដើម្បីជួយដល់រដ្ឋាភិបាលភីលីពីនសម្រាប់មូលនិធិប្រយុទ្ធប្រឆាំងនឹងវីរុសកូវីដ-១៩ និងពង្រឹងប្រព័ន្ធថែទាំសុខភាពរបស់ប្រទេសក្នុងការប្រយុទ្ធប្រឆាំងនឹងជំងឺរាតត្បាត។ បើតាមប្រសាសន៍របស់ប្រធានធនាគារអភិវឌ្ឍន៍អាស៊ី ជំនួយនេះគឺជាប្រាក់កម្ចីដ៏ធំបំផុតរបស់ (ADB) ដល់ប្រទេសភីលីពីនដែលមិនធ្លាប់មានពីមុនមក ហើយបានឆ្លុះបញ្ចាំងពីការប្ដេជ្ញាចិត្តខ្ពស់ក្នុងការផ្តល់ជំនួយជាបន្ទាន់និងមានប្រសិទ្ធិភាព ដើម្បីជួយប្រទេសនេះកាត់បន្ថយផលប៉ះពាល់លើប្រជាជនជាពិសេសជនក្រីក្រ និងជនងាយរងគ្រោះរួមទាំងស្ត្រីផងដែរ។ ប្រទេសភីលីពីនស្ថិតក្នុងចំណោមប្រទេសដំបូងគេដែលអនុវត្តវិធានការណ៍រក្សាគម្លាតក្នុងសង្គមតាមរយៈការរឹតបន្តឹងសហគមន៍របស់ខ្លួន ដោយបានបិទសាលារៀន និងអាជីវកម្មឯកជនជាបណ្តោះអាសន្ន។ បន្ថែមពីនេះភិលីពីនក៏បានបិទព្រំដែននៅលើកោះ Luzon ទាំងមូលដែលក្នុងនោះរួមមានទីក្រុងម៉ានីលនៅថ្ងៃទី ១៦ មីនា។ យ៉ាងណាប្រាក់កម្ចីសម្រាប់គាំទ្រ និងឆ្លើយតបទៅវីរុសកូវីដ-១៩ របស់ (ADB) នេះ នឹងគាំទ្រវិធានការណ៍របស់រដ្ឋាភិបាលក្នុងការស្ដារសេដ្ឋកិច្ច បង្កើនថវិកាសម្រាប់ការគាំពារសង្គម ជំនួយសង្គ្រោះអាជីវកម្មខ្នាតតូច និងមានវិធានការណ៍សុខភាពកាន់តែទូលំទូលាយដើម្បីបញ្ឈប់ការរីករាលដាលនៃវីរុសកូវីដ-១៩នៅក្នុងប្រទេស។ គួរបញ្ជាក់ផងដែរថា ហិរញ្ញប្បទានថ្មីនេះ គឺជាផ្នែកមួយនៃជំនួយចំនួន ២០

វៀតណាម៖ ស្តុកប្រេងធំៗ ដែលលក់មិនចេញ និងការខ្វះខាតទីតាំងស្តុកប្រេងបានកំពុងរារាំងក្រុមហ៊ុនប្រេងដ៏ធំរបស់វៀតណាមពីការរកប្រាក់ចំណេញតាមរយៈការទិញប្រេងដែលកំពុងធ្លាក់ថ្លៃដល់បាត។ ក្រុមហ៊ុន Petrovietnam បាននិយាយនៅក្នុងសេចក្តីថ្លែងការណ៍នាពេលថ្មីៗនេះថាចាប់តាំងពីប្រទេសវៀតណាមមិនមានកន្លែងស្តុកប្រេងឆៅជាតិមក ប្រេងឆៅរបស់ក្រុមហ៊ុនត្រូវបានរក្សាទុកនៅក្នុងរោងចក្រចម្រាញ់ប្រេងចំនួនពីរនៅឯក្រុមហ៊ុន Dung Quat និង Nghi Son ដើម្បីឆ្លើយតបនឹងតម្រូវការក្នុងស្រុក ៨០%។ ហេតុដូចនេះហើយ ទោះបីជាតម្លៃប្រេងបានធ្លាក់ដល់កម្រិតទាបបំផុតដែលមិនធ្លាប់មានពីមុននៅក្នុងសប្ដាហ៍នេះក៏ដោយក្ដី ក៏ក្រុមហ៊ុនយក្សរបស់រដ្ឋមួយនេះបាននិយាយថា ទោះបីក្រុមហ៊ុនពិចារណាពីលទ្ធភាពនៃការទិញ និងស្តុកប្រេងក៏ដោយក៏វាមិនអាចទៅរួចដែរ។ ក្រុមហ៊ុនបានបន្តថា ការជួល​រថយន្តដឹកប្រេងសម្រាប់ស្តុកទុកប្រេងឆៅមិនអាចធ្វើទៅបានទេដោយសារបញ្ហាថវិការបស់ក្រុមហ៊ុន។ យ៉ាងណាមិញនាយកប្រតិបត្តិជាន់ខ្ពស់នៅក្រុមហ៊ុនចែកចាយប្រេងនៅភាគខាងត្បូងដែលសុំមិនបញ្ចេញឈ្មោះបាននិយាយថា ទោះបីការស្តុកទុកជាយុទ្ធសាស្រ្តជោគជ័យនាពេលកន្លងមកក៏ដោយក៏ស្ថានភាពរបស់វីរុស Covid-19 នាពេលនេះមានភាពខុសប្លែកគ្នាចាប់តាំងពីប្រាក់ចំណូលរបស់ក្រុមហ៊ុនត្រូវបានធ្លាក់ចុះយ៉ាងខ្លាំងហើយស្តុកប្រេងកាន់តែកើនឡើង។ ដោយឡែកលោក Nguyen Quang Dung អនុប្រធានក្រុមហ៊ុនចែកចាយប្រេងឥន្ធនៈមួយទៀតឈ្មោះ Petrolimex ក៏បាននិយាយដែរថា ទំហុំស្តុកប្រេងភាគច្រើនត្រូវបានពេញអស់ហើយ

យោងតាមសេចក្ដីប្រកាសព័ត៌មានរបស់ UNDP បានឲ្យដឹងថា កម្មវិធីអភិវឌ្ឍន៍អង្គការសហប្រជាជាតិ (UNDP) និងប្រទេសស៊ុយអែតកាលពីថ្ងៃទី ២៣ ខែមេសាបានចុះហត្ថលេខាលើកិច្ចព្រមព្រៀងថ្មីមួយដែលមានតម្លៃ ៣,៣៤ លានដុល្លារដើម្បីគាំទ្រដល់សម្ព័ន្ធភាពការប្រែប្រួលអាកាសធាតុកម្ពុជា (CCCA) ពីឆ្នាំ ២០២០ ដល់ ២០២២។ សេចក្ដីថ្លែងការណ៍ដដែលបានឲ្យដឹងបន្ថែមថា CCCA គឺជាកម្មវិធីបំរែបំរួលអាកាសធាតុដ៏លេចធ្លោមួយនៅក្នុងប្រទេសកម្ពុជាដែលត្រូវបានអនុវត្តដោយ UNDP និងក្រុមប្រឹក្សាជាតិសម្រាប់ការអភិវឌ្ឍប្រកបដោយចីរភាព (NCSD) ចាប់តាំងពីឆ្នាំ២០០៩ ហើយកម្មវិធីនេះកំពុងឈានចូលដំណាក់ការទី៣ ហើយ។ ប្រភពដដែលបានបន្តថា កម្មវិធីនេះបានផ្តល់ឱកាសដល់ស្ថាប័នរដ្ឋាភិបាល អង្គការក្រៅរដ្ឋាភិបាល សាកលវិទ្យាល័យ និងដៃគូឯកជនរាប់សិបនាក់ដើម្បីសាកល្បងវិធីសាស្រ្តនៃការបន្ស៊ាំនឹងការប្រែប្រួលអាកាសធាតុ និងវិធីសាស្ត្រកាត់បន្ថយនិងហិរញ្ញប្បទានអនុភាពសម្រាប់គំនិតផ្តួចផ្តើមជោគជ័យ។ ដោយលោក Björn Häggmark ឯកអគ្គរដ្ឋទូតស៊ុយអែតប្រចាំនៅកម្ពុជាបានមានប្រសាសន៍ថា

រាជធានីភ្នំពេញ៖ ធនាគារជាតិនៃកម្ពុជា បានស្នើដល់គ្រប់គ្រឹះស្ថានធនាគារ និងហិរញ្ញវត្ថុទាំងអស់ ផ្តល់ការអនុគ្រោះបន្ធូរបន្ថយកម្រៃសេវាផ្សេងៗពាក់ព័ន្ធនឹងឥណទាន និង/ឬ លើកលែងការផាកពិន័យផ្សេងៗចំពោះអតិថិជន ចាប់ពីពេលនេះ រហូតដល់ដំណាច់ខែធ្នូ ឆ្នាំ២០២០។ យោងតាមលិខិតចេញផ្សាយដោយធនាគារជាតិ នៃកម្ពុជា ចុះថ្ងៃទី២០ ខែមេសា ឆ្នាំ២០២០ បានឲ្យដឹងថា “ក្នុងស្ថានភាពដែលពិភពលោក ក៏ដូចជាព្រះរាជាណាចក្រកម្ពុជា កំពុងប្រឈមនឹងការរីករាលដាលនៃវីរុសកូវីដ-១៩ ធនាគារជាតិនៃកម្ពុជាស្នើសុំការយោគយល់ពីគ្រប់គ្រឹះស្ថានធនាគារ និងហិរញ្ញវត្ថុ ផ្តល់ការអនុគ្រោះបន្ថែមដល់អតិថិជន ដើម្បីជួយសម្រាលបន្ទុករបស់ពួកគាត់មួយកម្រិតទៀតក្នុងគ្រាលំបាកនេះ ដូចជា ការបន្ធូរបន្ថយកម្រៃសេវាផ្សេងៗពាក់ព័ន្ធនឹងឥណទាន និង/ឬ លើកលែងការផាកពិន័យផ្សេងៗចំពោះអតិថិជនរបស់ខ្លួនន ចាប់ពីកាលបរិច្ឆេទនៃលិខិតនេះ រហូតដល់ដំណាច់ខែធ្នូ ឆ្នាំ២០២០”៕