កាលពីពេលថ្មីៗនេះ អ្នកតាមដានទីផ្សារ SuperData បានរាយការណ៍ថា ការចំណាយទៅលើវីដេអូហ្គេមឌីជីថលបានកើនឡើងដល់ ១០ កោដិដុល្លារក្នុងខែមីនា ខណៈដែលមនុស្សម្នាបានងាកទៅរកការលេងហ្គេមវិញក្នុងអំឡុងពេលស្ថិតនៅផ្ទះ ដើម្បីបញ្ឈប់ការរីករាលដាលនៃវីរុស covid-19។ ទឹកប្រាក់ដែលបានចំណាយទៅលើឧបរកណ៍ហ្គេម (console games) បានលលោតឡើងខ្ពស់ពីចំនួន ៨៨៣ លានដុល្លារក្នុងខែកុម្ភះដល់ ១.៥ ពាន់លានដុល្លារក្នុងខែមីនា។ ជាមួយគ្នានេះដែរការចំណាយលើហ្គេមដែលលេងលើកុំព្យូទ័រផ្ទាល់ខ្លួនបានកើនឡើង ៥៦% ស្មើនឹង ៥៦៧ លានដុល្លារបើប្រៀបធៀបក្នុងរយៈពេលដូចគ្នាទៅនឹងការកើនឡើងរបស់ការចំនាយទៅលើឧបករណ៍ហ្គេម។ ឧបករណ៍ហ្គេម និងហ្គេមតាមកំព្យូទ័រពេញនិយមជាខ្លាំងនៅអឺរ៉ុប និងអាមេរិកខាងជើង ដែលជាប្រទេសមានការរឹតត្បិតការចេញទៅក្រៅយ៉ាងតឹងរឹងនៅខែមីនាដោយសារវីរុសកូវីដ-១៩ រាតត្បាតកាន់តែខ្លាំងឡើងៗ។ SuperData បានឲ្យដឹងបន្ថែមថា បុគ្គលម្នាក់ៗកំពុងតែងាកមករកហ្គេមដែលជាជំរើសកំសាន្តមួយដែលអាចទុកចិត្តបានក្នុងកំឡុងពេលមានវិបត្តិកូវីដ-១៩ ហើយកំពុងប្រើប្រាស់អ៊ីនធឺណេតច្រើនដើម្បីទាក់ទងជាមួយអ្នកដទៃ។ ប្រាក់ចំណូលសរុបពីវីដេអូហ្គេមឌីជីថលសម្រាប់ខែនេះបានកើនឡើង ១១%

តម្លៃដីឧស្សាហកម្មនៅក្នុងប្រទេសវៀតណាមបានកើនឡើង ១២% ក្នុងមួយឆ្នាំនៅត្រីមាសទី១ នេះ​ ដោយការផ្លាស់ប្ដូរផលិតកម្មមកពីប្រទេសចិនជាបន្តបន្ទាប់ បើទោះបីជាវីរុសកូវីដ-១៩ កំពុងតែរាតត្បាតនៅលើពិភពលោកក៏ដូចជាប្រទេសវៀតណាមក៏ដោយ។ នៅភាគខាងជើងតម្លៃដីបានកើនឡើង ៦.៥% ដល់ ៩៩ ដុល្លារក្នុងមួយម៉ែត្រការ៉េ និងភាគខាងត្បូងកើនឡើងគឺ ១២.២% ដល់ ១០១ ដុល្លារក្នុងមួយម៉ែត្រការ៉េ នេះបើយោងតាមរបាយការណ៍ដែលចេញថ្មីៗនេះរបស់ក្រុមហ៊ុនសេវាកម្មអចលនទ្រព្យ Jones Lang LaSalle (JLL)។ របាយការណ៍ដដែលបានឲ្យដឹងថា ក្រុមហ៊ុនដែលកំពុងសម្លឹងរកមើលការធ្វើពិពិធកម្មផលិតផលរបស់ពួកគេនៅក្រៅប្រទេសចិន បានចាប់អារម្មណ៍ទៅលើប្រទេសវៀតណាមដោយសារតែប្រទេសមួយនេះនៅជិតប្រទេសចិនស្រាប់ងាយស្រួលក្នុងការផ្លាស់ប្ដូរផលិតកម្ម និងដឹកជញ្ជូនផលិតផលសម្រាប់នាំចេញ។ លោក Stephen Wyatt ប្រធានប្រចាំប្រទេសនៃក្រុមហ៊ុន JLL Vietnam មានប្រសាសន៍ថា “

យោងតាមការចុះផ្សាយរបស់សារព័ត៌មានបាងកកប៉ុស្តិ៍បានឲ្យដឹងថា អាកាសយានដ្ឋានសុវណ្ណភូមិគ្រោងនឹងបើកដំណើរការសេវាកម្មរបស់ខ្លួនឡើងវិញ បន្ទាប់ពីក្រុមហ៊ុនអាកាសចរណ៍កាលពីថ្ងៃសុក្រ បានចាប់ផ្តើមការហោះហើរឡើងវិញបន្ទាប់ពីបានផ្អាកអស់រយៈពេលមួយខែដោយសារការភ័យខ្លាច និងបទបញ្ជារឹតបន្តឹងលើការធ្វើដំណើរដើម្បីបញ្ឈប់ការរីករាលដាលើនៃវីរុស Covid-19 ។ លោក Wg Cdr Suthirawat អ្នកគ្រប់គ្រងអាកាសយានដ្ឋានបាននិយាយថា ចំនួនអ្នកទេសចរបរទេសបានធ្លាក់ចុះគួរឱ្យកត់សម្គាល់ចាប់តាំងពីអាជ្ញាធរអាកាសចរណ៍ស៊ីវិលថៃ (AoT) ហាមឃាត់ការហោះហើរអន្តរជាតិទាំងអស់ចាប់ពីការចុះចតនៅក្នុងប្រទេសថៃកាលពីដើមខែនេះ។ ការធ្លាក់ចុះនៃចំនួនអ្នកដំណើរបានបានធ្វើឲ្យអាជ្ញាធរអាកាសចរណ៍ស៊ីវិលថៃ (AoT) ដែលគ្រប់គ្រងព្រលានយន្តហោះធំៗ រួមទាំងសុវណ្ណភូមិផងដែរ ត្រូវបិទតំបន់ខ្លះនៃព្រលានយន្តហោះដើម្បីជួសជុលជួសជុល និងបន្ថែមទីតាំងថ្មី។ ប្រភពដដែលបានបន្តថា ក្នុងអំឡុងពេលបិទទ្វារព្រលានយន្តហោះត្រូវបានកែលម្អ ជួសជុល និងអភិវឌ្ឍបច្ចេកវិទ្យាផ្សេងៗកាន់តែទំនើប និងងាយស្រួលជាងមុនដើម្បីបំពេញតាមតម្រូវការរបស់ភ្ញៀវទេសចរ។ បន្ថែមពីនេះទោះបីជាមានអ្នកដំណើរតិចតួចក៏ដោយក៏អាកាសយានដ្ឋាននៅតែរក្សានូវវិធានការណ៍អនាម័យ និងសម្អាតនៅក្នុងបរិវេណដើម្បីរក្សាទំនុកចិត្តអ្នកដំណើរនៅពេលដែលជើងហោះហើរត្រូវបានអនុញ្ញាតឱ្យដំណើរការឡើងវិញ៕ ប្រភព៖ bangkokpost អត្ថបទ៖ លីនី

សហរដ្ឋអាមេរិកកំពុងធ្លាក់ទៅក្នុងបញ្ហាកង្វះសាច់ខណៈការផ្ទុះឡើងនៃវីរុស Covid-19 បានរីករាលដាលដល់តំបន់ដែលជាអ្នកផ្គត់ផ្គង់សាច់នៅទូទាំងទ្វីបអាមេរិក។ ស្ទើរតែមួយភាគបីនៃសមត្ថភាពផ្គត់ផ្គង់សាច់ជ្រូករបស់សហរដ្ឋអាមេរិកបានធ្លាក់ចុះ ខណៈកន្លែងចិញ្ចឹមសត្វធំទី១ របស់អាមេរិកបានប្រកាសបិទទ្វារកាលពីសប្ដាហ៍មុន ហើយអ្នកជំនាញកំពុងព្រមានថាកង្វះខាតក្នុងស្រុកគឺនៅសល់តែប៉ុន្មានសប្តាហ៍ទៀតប៉ុណ្ណោះ។ ជាមួយគ្នានេះដែរ ប្រទេសប្រេស៊ីលដែលជាអ្នកនាំចេញសាច់មាន់ និងសាច់គោលេខ ១ នៅលើពិភពលោកក៏បង្ហាញពីការបិទរោងចក្រធំដំបូងបង្អស់របស់ខ្លួន ជាមួយនឹងការបញ្ឈប់រោងចក្របសុបក្សីដែលគ្រប់គ្រងដោយក្រុមហ៊ុន JBS SA ដែលជាក្រុមហ៊ុនសាច់ធំបំផុតរបស់ពិភពលោក។ ប្រតិបត្តិការសំខាន់ៗក៏ធ្លាក់ចុះនៅក្នុងប្រទេសកាណាដា និងរោងចក្របសុបក្សីថ្មីមួយរបស់អង់គ្លេសនៅក្នុងប្រទេសកូឡុំបៀ។ ខណៈរោងចក្ររាប់រយទៀតរបស់សហរដ្ឋអាមេរិកកំពុងដំណើរការជាមួយការបង្កើនល្បឿនក៏ដោយ ក៏ផលរំខានចំពោះការផ្គត់ផ្គង់អំពីការធ្លាក់ចុះនៃពិភពលោកនៅតែត្រូវបានចោទសួរ ដោយសហរដ្ឋអាមេរិក ប្រេស៊ីល និងកាណាដាមានប្រមាណ ៦៥% នៃពាណិជ្ជកម្មសាច់ពិភពលោក។ លោក Brett Stuart ប្រធានក្រុមហ៊ុនផ្តល់យោបល់ Global AgriTrends ដែលមានមូលដ្ឋាននៅទីក្រុង Denver បានមានប្រសាសន៍ថា

ក្រោយមានការបង្ហោះនៅលើ Facebook ដោយរៀបរាប់ អំពីការបង្ខំចិត្តចាក់ចោលផ្លែស្វាយដោយសារគ្មានទីផ្សារក្នុងកាលៈទេសៈនៃជម្ងឺកូវីត-១៩ រួចមក លេខាធិការដ្ឋានអ្នកនាំពាក្យក្រសួងពាណិជ្ជកម្មបានធ្វើការបកស្រាយការពិតដោយអះអាងថា ផ្លែស្វាយដែលមានគុណភាពល្អ រោងចក្រផលិតដំណាប់ស្វាយទទួលប្រមូលទិញក្នុងតម្លៃពី ៥០០រៀល ទៅ ៥៥០រៀលក្នុងមួយគីឡូក្រាម ចំណែកផ្លែស្វាយដែលខ្ចប់ក្នុងកញ្ចប់សំរាប់នាំចេញគឺ បានថ្លៃដល់ ៩០០រៀលក្នុងមួយគីឡូក្រាមឯណោះ ដែលនេះបញ្ជាក់ថា អោយតែមានស្វាយមានគុណភាពល្អ ពុំខ្វះទីផ្សារនោះឡើយ។ ក្រសួងពាណិជ្ជកម្មដដែលបានអោយដឹងទៀតថា ករណីដែលគេបង្ហោះនៅលើ Facebook នោះគឺជាការបំពុលសង្គម ដោយជាក់ស្តែងក្រសួងបានអោយមន្ត្រីពាក់ព័ន្ធចុះទៅធ្វើការត្រួតពិនិត្យជាក់ស្តែងដល់ទីតាំង ទីតាំងកើតហេតុស្ថិតនៅចំការស្វាយភូមិផ្សារត្រែងត្រយឹង ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ដោយស្វាយទាំងនោះ ជាស្វាយដែលខូចដោយសារទុំក្នុងកញ្ចប់ មានបរិមាណប្រហែលជាពីរតោន ដែលត្រូវតែចាក់ចោលដោយសារអ្នកទិញ មិនអាចទទួលទិញបាន ព្រោះមានបញ្ហាទាក់ទងនឹងគុណភាព។ ប្រិយមិត្ត និងសាធារណៈជនក៏អាចសំគាល់មើលជាក់ស្តែងក្នុងរូបភាពដែលបង្ហាញរូបស្វាយទុំជោរពណ៌លឿង

មហាសេដ្ឋី Bill Gates ដែលត្រូវបានគេស្គាល់ថាជាសហស្ថាបនិកក្រុមហ៊ុន Microsoft និងជាអ្នកបង្កើតមូលនិធិមនុស្សធម៌ Bill and Melinda Gates តែងតាសតឿនជារឿយពីជំងឺរាតត្បាតដែលអាចកើតមានឡើង។ ហើយកាលពីពេលថ្មីនេះបានគូសបញ្ជាក់ពីអ្វីដែលពិភពលោកត្រូវធ្វើដើម្បីបញ្ឈប់ការរីករាលដាលនៃជំងឺ Covid-19 និងបើកដំណើរការសេដ្ឋកិច្ចឡើងវិញ ខណៈដែលតួលេខអ្នកឆ្លង​នៅលើពិភពលោកកើនឡើងគ្មានស្រាកស្រាន។ ដើម្បីបញ្ឈប់ការរីករាលដាល មហាសេដ្ឋីរូបនេះបានលើកឡើងថា ពិភពលោកត្រូវតែជម្រុញការព្យាបាលវ៉ាក់សាំង ការធ្វើតេស្ត និងការទាក់ទង មិនតែប៉ុណ្ណោះពិភពលោក​ក៏ចាំបាច់ត្រូវពិនិត្យមើលគោលនយោបាយរបស់ខ្លួនសម្រាប់ការបើកសេដ្ឋកិច្ចពិភពលោក ដោយគាត់បានប្រៀបធៀបការរាតត្បាតនៃវីរុស Covid-19 ទៅនឹងសង្គ្រាម។ ហើយនេះជាអ្វីដែលហ្គេតស៍បាននិយាយលើវិស័យច្នៃប្រឌិតទាំង ៥ ដែលពិភពលោកត្រូវការដើម្បីបញ្ឈប់ការរាតត្បាត៖ ១.ការព្យាបាល៖ លោក Gates បានទទួលស្គាល់ថាការព្យាបាលជាច្រើនអាចនឹងបរាជ័យ ប៉ុន្តែគាត់មានសុទិដ្ឋិនិយមថាវិធីព្យាបាលខ្លះនឹងទទួលបានជោគជ័យក្នុងការកាត់បន្ថយបន្ទុកនៃវីរុស Covid-19 ។

ក្រុមហ៊ុន Mitsubishi Motors ដ៏ល្បីមួយរបស់ជប៉ុនបានគិតរំពឹងថានៅក្នុងឆ្នាំនេះក្រុមហ៊ុនរបស់ខ្លួននឹងខាតបង់ប្រាក់ចំណូលសុទ្ធប្រចាំឆ្នាំ ចំនួន ២៤០ លានដុល្លារអាមេរិកដោយសាតែផលប៉ះពាល់នៃការឆ្លងរាលដាលនៃវីរុស Covid-19។ ខណៈក្រុមហ៊ុនដែលប្រតិបត្តិការក្នុងសម្ព័ន្ធភាពជាមួយក្រុមហ៊ុន Nissan និងក្រុមហ៊ុន Renault កាលពីពេលមុនបានព្យាករថានឹងទទួលបានប្រាក់ចំណេញ ៥ ពាន់លានយ៉េន (៤៦.៥ លានដុល្លារអាមេរិក) សម្រាប់ឆ្នាំសារពើពន្ធរហូតដល់ខែមីនា នេះបើយោងតាមការបញ្ជាក់ឲ្យដឹងពីក្រុមហ៊ុនផលិតរថយន្តជប៉ុន។ ប៉ុន្តែដោយសារវីរុស Covid-19 ប្រាក់ចំណូលត្រូវបានរារាំងដោយការធ្លាក់ចុះនៃតម្រូវការរថយន្តសកល និងផលប៉ះពាល់នៃការរីករាលដាលនៃវីរុសបានធ្វើឲ្យក្រុមហ៊ុនកាត់បន្ថយការព្យាករណ៍ប្រាក់ចំណេញប្រតិបត្តិការពី ៦០% ដល់ ១២ ពាន់លានយ៉េន។ ជាមួយគ្នានេះប្រភពដដែរលបានបន្តថា លោក Osamu Masuko និងនាយកប្រតិបត្តិដទៃទៀតនឹងកាត់បន្ថយប្រាក់ឈ្នួលរហូតដល់ ៣០% ហើយក្រុមហ៊ុនផលិតរថយន្តគ្រោងនឹងប្រកាសពីប្រាក់ចំណូលក្នុងមួយឆ្នាំរបស់ខ្លួននៅខែក្រោយនេះ។

យោងតាមសារព័ត៌មានក្នុងស្រុករបស់វៀតណាមបានឲ្យដឹងថា ប្រទេសក្នុងតំបន់អាស៊ីអាគ្នេយ៍មួយនេះបានបរិច្ចាគថវិកាចំនួន ៥០,០០០ ដុល្លារអាមេរិកដល់ភ្នាក់ងារប្រយុទ្ធប្រឆាំង Covid-19 របស់អង្គការសុខភាពពិភពលោកដើម្បីគាំទ្រដល់ការប្រយុទ្ធប្រឆាំងនឹងរោគរាតត្បាត Covid-19 ។ ជាមួយគ្នានេះដែរថវិកាទាំងនេះត្រូបានផ្ដល់ជូនដោយអនុរដ្ឋមន្រ្តីក្រសួងការបរទេសលោក Le Hoai Trung ដល់លោក Kidong Park តំណាងអង្គការសុខភាពពិភពលោកនៅប្រទេសវៀតណាមកាលពីថ្ងៃសុក្រ ទី២៤ ខែមេសាកន្លងទៅនេះ។ ទន្ទឺមនឹងនេះសេចក្តីថ្លែងការណ៍របស់ក្រសួងបាននិយាយថា ការចូលរួមវិភាគទាននេះពីប្រទេសវៀតណាមគឺក្នុងគោលបំណងកាត់បន្ថយផលប៉ះពាល់អវិជ្ជមាននៃជំងឺរាតត្បាតពិភពលោក។ ខណៈមកទល់បច្ចុប្បន្ននេះប្រទេសវៀតណាមគ្រប់គ្រងបាន​យ៉ាងជគជ័យលើវីរុស Covid-19 ពោលគឺមិនមានការបញ្ជាក់ពីករណីថ្មីនោះទេនៅក្នុងកំឡុងសប្ដាហ៍នេះ។ យ៉ាងណាមិញលោក Le Hoai Trung បានថ្លែងអំណរគុណដល់អង្គការសុខភាពពិភពលោកនិងទីភ្នាក់ងាររបស់អង្គការសហប្រជាជាតិផ្សេងទៀតដែលបានគាំទ្រនិងជួយដល់ការប្រយុទ្ធរបស់ Covid-19 នៅវៀតណាមដែលរួមចំណែកធ្វើឱ្យស៊ីជម្រៅ Vietnam-UN កាន់តែស៊ីជម្រៅថែមទៀតភាពជាដៃគូក្នុងរយៈពេលបួនទសវត្សកន្លងមក។ គួរបញ្ជាក់ផងដែរថា រោគរាតត្បាត