យោងតាមផេកហ្វេសប៊ុករបស់ទូតកម្ពុជា​ប្រចាំប្រទេសថៃបានឲ្យដឹងថា ក្រុមហ៊ុនសាជីវកម្ម CP ALL ប្រទេសថៃ គ្រោងនាំយកហាងកាហ្វេល្បីម៉ាក Bellinee’s ទៅកាន់ទីផ្សារកម្ពុជានាដើមឆ្នាំក្រោយ បន្ទាប់ពីបានសម្លឹងឃើញកត្តារីកចម្រើនផ្នែកសេដ្ឋកិច្ច ភាពស៊ីវិល័យរបស់ប្រជាជន និងបរិយាកាសអំណោយផលសម្រាប់អាជីវកម្មហ្វ្រេនឆាយកាហ្វេ នៅក្នុងប្រទេសកម្ពុជា។ គម្រោងខាងលើត្រូវបានបង្ហើបនៅក្នុងជំនួបពិភាក្សារវាង ឯកឧត្តម អ៊ូក សោភ័ណ ឯកអគ្គរាជទូតកម្ពុជាប្រចាំប្រទេសថៃ និងលោក ឆារ៉ាត់ លីគីតគុនណាវង្ស (Charahts Likitkunawong) ទីប្រឹក្សាអគ្គនាយកក្រុមហ៊ុន CP ALL កាលពីរសៀលថ្ងៃទី១៥ ខែកក្កដា ឆ្នាំ២០២០ នៅស្ថានទូតកម្ពុជា នាទីក្រុងបាងកក។ នៅក្នុងជំនួប ឯកឧត្តម អ៊ូក សោភ័ណ

ទូរទស្សន៍ CNN បានរាយការណ៍ថា ប្រទេសបារាំងនឹងចំណាយថវិកាចំនួន ៩ ពាន់លានដុល្លារ ដើម្បីផ្តល់ជូនដល់បុគ្គលិកសុខាភិបាលជាពិសេសអ្នកដែលស្ថិតនៅជួរមុខ ក្នុងការប្រយុទ្ធប្រឆាំងនឹងការរីករាលដាលនៃជំងឺ Covid-19 ។ យោងតាមសារព័ត៌មាន Independent បានឱ្យដឹងថា លោកនាយករដ្ឋមន្រ្តី Jean Castex បាននិយាយថា « ការឧបត្ថម្ភនេះជាប្រវត្តិសាស្ត្រលើកដំបូងសម្រាប់ប្រព័ន្ធសុខាភិបាលរបស់យើង »។ បន្ទាប់ពីការចរចាអស់រយៈពេល ៧ សប្តាហ៍លោក Castex បានចុះកិច្ចព្រមព្រៀងជាមួយរដ្ឋមន្រ្តីក្រសួងសុខាភិបាលលោក Olivier Véran និងមេដឹកនាំសហជីពកាលពីថ្ងៃច័ន្ទ ។ ទូរទស្សន៍ BBC បានរាយការណ៍ថាកិច្ចព្រមព្រៀងនេះ នឹងផ្តល់ឱ្យបុគ្គលិកថែទាំសុខភាពនូវការតម្លើងប្រាក់ខែជាមធ្យម ២០៩

លោកនាយករដ្ឋមន្រ្តីថៃ ប្រាយុធ ចានអូចា កាលពីថ្ងៃអង្គារ កន្លងទៅនេះ បានជំរុញឱ្យវិនិយោគិនចិនវិលត្រឡប់មកប្រទេសថៃវិញ បន្ទាប់ពីស្ថានភាពនៃវីរុស Covid-19 នាពេលបច្ចុប្បន្ននៅក្នុងប្រទេសទាំងពីរនេះបង្ហាញពីសញ្ញាធូរស្បើយ។ តាមរយៈការជំរុញនេះ រដ្ឋាភិបាលបានសន្យាថា នឹងគាំទ្រពួកគេយ៉ាងពេញទំហឹង លើការវិនិយោគនៅក្នុងប្រទេសថៃ។ យោងតាមក្រុមអ្នកនាំពាក្យរដ្ឋាភិបាលបានឲ្យដឹងថា ការអំពាវនាវនេះត្រូវបានធ្វើឡើងក្នុងពេលសន្ទនាតាមទូរស័ព្ទជាមួយប្រធានាធិបតីចិនលោក ស៊ី ជីនពីងកាលពីថ្ងៃអង្គារ ដោយការហៅតាមទូរស័ព្ទនេះបានកត់សម្គាល់ថាជាលើកដំបូង ក្នុងរយៈពេល ៤៥ ឆ្នាំចាប់តាំងពីការបង្កើតទំនាក់ទំនងការទូតថៃ – ចិន។ ក្រៅពីការជំរុញឱ្យវិនិយោគិនចិនវិលត្រឡប់មកវិញ លោកឧត្តមសេនីយ៍ ប្រាយុធ ក៏បានស្នើឱ្យប្រទេសចិនពិចារណាលើការនាំចូលផលិតផលកសិកម្មបន្ថែមទៀតពីប្រទេសថៃ ដែលជាសំណើដែលប្រធានាធិបតីចិនបានរាយការណ៍ថា បានសន្យាអនុវត្តតាមរយៈយន្តការសហប្រតិបត្តិការពាណិជ្ជកម្មដែលមានស្រាប់។ យ៉ាងណាមិញប្រធានាធិបតីទាំងពីរ បានឯកភាពគ្នាបង្កើនកិច្ចសហប្រតិបត្តិការលើគ្រប់វិស័យរួមមាន សេដ្ឋកិច្ចឌីជីថល បច្ចេកវិទ្យាព័ត៌មាន និងវិស័យច្នៃប្រឌិត។

លោក Tony Fernandes នាយកប្រតិបត្តិក្រុមហ៊ុនអាកាសចរណ៍ AirAsia បាននិយាយកាលពីថ្ងៃពុធនេះថា AirAsia ដែលជាក្រុមហ៊ុនអាកាសចរណ៍តម្លៃទាបមួយ ក្នុងចំណោមក្រុមហ៊ុនអាកាសចរណ៍កំពូលៗនៅអាស៊ីជឿជាក់ថា ក្រុមហ៊ុនអាចងើបឡើងទៅរកប្រាក់ចំណេញវិញនៅឆ្នាំក្រោយនេះ។ ប្រាប់ទៅកាន់ទូរទស្សន៍ CNBC លោក Fernandes បាននិយាយថា៖ «​ ការជឿជាក់នេះស្ដាប់ទៅដូចជាការអួត ឬ អំនួតពេក ប៉ុន្តែវាគួរឲ្យជឿជាក់ណាស់ ព្រោះខ្ញុំធ្លាប់ឆ្លងកាត់វិបត្តិសេដ្ឋកិច្ចជាច្រើនពីមុនមក »។ នាយកប្រតិបត្តិរូបនេះ បានពន្យល់ថា រដ្ឋាភិបាលនៅអាស៊ីបានកាន់តែមានភាពឆ្លាតវៃខ្លាំងទៅៗ ក្នុងការដោះស្រាយចំពោះការផ្ទុះឡើងនៃវីរុស Covid-19។ ហើយភាពឆ្លាតវៃ និងយុទ្ធសាស្រ្តល្អៗទាំងនោះនឹងជួយឧស្សាហកម្មអាកាសចរណ៍ក្នុងតំបន់ដើម្បីស្តារឡើងវិញតាមមធ្យោបាយដែលយូរងង្វែង។ គួរបញ្ជាក់ផងដែរថា ដោយសារវិធានការណ៍ដើម្បីទប់ស្កាត់ការរីករាលដាលនៃវីរុសដែលរួមមាន ការបិទព្រំដែន និងការរឹតត្បិតចលនា បានធ្វើឱ្យតម្រូវការធ្វើដំណើរតាមផ្លូវអាកាសត្រូវបញ្ឈប់ភ្លាមៗ។

កាលពីល្ងាចថ្ងៃទី ១៤ ខែកក្កដា កន្លងទៅនេះ នៅផ្សារទំនើបអ៊ីអនម៉លសែនសុខមានការប្រារព្ធពិធីសម្ពោធផលិតផលមួយដែលមានការចូលរួមពីសំណាត់តារាល្បីៗជាច្រើនដួងនិងប្រមូលផ្តុំអ្នកជំនួញធំៗជាច្រើនផងដែរ។ នេះគឺកម្មវិធីសម្ពោធផលិតផលថ្មី Swiss Energy Collagen របស់ក្រុមហ៊ុន LGT Global Trading Co., Ltd ហើយដែលគួរឲ្យភ្ញាក់ផ្អើលខ្លាំងបំផុតនោះ គឺម្ចាស់ក្រុមហ៊ុនមួយនេះជាតារាសម្តែងស្រីដ៏ល្បីល្បាញ កញ្ញា ដួង ម៉ានិច ផ្ទាល់តែម្តង។ ទាំងអ្នកសារព័ត៌មានទាំងទស្សនិកជនពិតជាមានការភ្ញាក់ផ្អើលមិនស្ទើរទេដែលស្ងាត់ៗតារាសម្តែងឆ្នើមរូបនេះបានបើកក្រុមហ៊ុននាំចូលផលិតផលជំនួយសម្រស់ Swiss Energy Collagen ហើយធ្វើការ សម្ពោធយ៉ាងអធឹកអធមកណ្តាលផ្សារទំនើបអ៊ីអនបែបនេះ។ ហើយភាពភ្ញាក់ផ្អើលមិនមានត្រឹមតែ ប៉ុណ្ណឹងទេ ក្រុមហ៊ុន LGT Global Trading Co.,

នាយកប្រតិបត្តិក្រុមហ៊ុន Google លោក Sundar Pichai បាននិយាយកាលពីថ្ងៃច័ន្ទ ថាក្រុមហ៊ុនស្រាវជ្រាវដ៏ធំមួយនេះនឹងវិនិយោគទឹកប្រាក់ចំនួន ១០ ពាន់លានដុល្លារ ក្នុងសេដ្ឋកិច្ចបច្ចេកវិទ្យារបស់ឥណ្ឌាក្នុងរយៈពេល ៥ ទៅ ៧ ឆ្នាំខាងមុខ ដើម្បីបង្កើនអាជីវកម្មរបស់ក្រុមហ៊ុននៅក្នុងទីផ្សារ ដែលមានការរីកចម្រើនយ៉ាងឆាប់រហ័ស។ ចំពោះគម្រោងដែលមានឈ្មោះថា Google For India Digitization Fund បានប្តេជ្ញាថា ក្រុមហ៊ុនយក្សមួយនេះនឹងចាប់ដៃគូជាមួយក្រុមហ៊ុនដទៃទៀតនៅក្នុងប្រទេស ក៏ដូចជាវិនិយោគលើហេដ្ឋារចនាសម្ព័ន្ធ ប្រតិបត្តិការ ប្រព័ន្ធអេកូឡូស៊ី និងអាជីវកម្ម startup ថ្មីៗ។ លោក Pichai បាននិយាយតាមអ៉ីនធឺរណេតប្រកាសពីការវិនិយោគនេះថា «

ប្រធានាធិបតីអាមេរិកលោក ដូណាល់ ត្រាំ បានចុះហត្ថលេខាលើបទបញ្ជាប្រតិបត្តិ និងច្បាប់ដើម្បីដាក់សម្ពាធប្រទេសចិនបន្ទាប់ពីការអនុវត្តច្បាប់សន្តិសុខជាតិថ្មីសម្រាប់ហុងកុង។ លោក Trump បានប្រាប់អ្នកយកព័ត៌មានកាលពីថ្ងៃអង្គារនៅឯសេតវិមានថា លោកបានចុះហត្ថលេខាលើបទបញ្ជាប្រតិបត្តិដើម្បីបញ្ចប់ការអនុគ្រោះសេដ្ឋកិច្ច និងពាណិជ្ជកម្មដែលសហរដ្ឋអាមេរិកបានផ្តល់ឱ្យហុងកុងអស់រយៈពេលជាច្រើនឆ្នាំ។ គេបារម្ភថាច្បាប់សន្តិសុខជាតិថ្មីរបស់ចិន នឹងរឹតត្បិតការធ្វើជំនួញ និងជីវិតឯកជននៅក្នុងទឹកដីមួយនេះ។ លោក Trump បាននិយាយថា៖ « ឥឡូវនេះហុងកុងនឹងត្រូវបានប្រព្រឹត្តដូចគ្នានឹងចិនដីគោកដែរ ដោយការអនុគ្រោះផ្នែកសេដ្ឋកិច្ច និងការនាំចេញបច្ចេកវិទ្យាទៅកាន់ហុងកុងនឹងមិនត្រូវបានអនុញ្ញាតទៀតទេ »។ ជាមួយគ្នានេះលោក Trump ក៏បានចុះហត្ថលេខាលើច្បាប់ស្តីពីស្វ័យភាពហុងកុងផងដែរ ដោយច្បាប់នេះអនុញ្ញាតឱ្យសហរដ្ឋអាមេរិកដាក់ទណ្ឌកម្មដូចជា ការបង្កកទ្រព្យសម្បត្តិនៅលើអាជ្ញាធរចិន និងស្ថាប័នហិរញ្ញវត្ថុដែលរួមចំណែកដល់សកម្មភាពរបស់ចិនក្នុងការដកស្វ័យភាពពីហុងកុង។ ខណៈប្រធានាធិបតីអាមេរិករូបនេះបានបញ្ជាក់ថា សកម្មភាពនេះមានគោលបំណងធ្វើឱ្យចិនទទួលខុសត្រូវចំពោះសកម្មភាពគាបសង្កត់របស់ខ្លួនប្រឆាំងនឹងប្រជាជនហុងកុង។ អត្ថបទ៖ លីនី ប្រភព៖ nhk

ជំងឺរាតត្បាត Covid-19 បានបំផ្លាញចំណូលផ្នែកទេសចរណ៍ឥណ្ឌូណេស៊ីប្រមាណ ៨៥ ទ្រីលានរូពី (៥.៨៧ ពាន់លានដុល្លារ) គិតមកទល់ពេលនេះ ដែលបង្ខំឱ្យសមាគមអាជីវកម្មអំពាវនាវដល់រដ្ឋាភិបាល ឱ្យផ្តល់នូវការជំរុញកាន់តែខ្លាំងឡើងសម្រាប់ឧស្សាហកម្មដែលបំផ្លាញដោយជំងឺរាតត្បាត។ យោងតាមទិន្នន័យរបស់សមាគមសណ្ឋាគារ និងភោជនីយដ្ឋានឥណ្ឌូនេស៊ី (PHRI) បានឱ្យដឹងថា ឧស្សាហកម្មសណ្ឋាគារ និងភោជនីយដ្ឋានបានខាតបង់ចំណូលជាង ៤ ពាន់លានដុល្លារ ដោយសារការធ្វើដំណើរលំហែរកាយត្រូវបានបញ្ឈប់ទាំងស្រុង ខណៈដែលអាកាសចរណ៍ និងប្រតិបត្តិករទេសចរណ៍បានខាតបង់ចំណូលជាង ១ ពាន់លានដុល្លារ។ ប្រធាន PHRI លោក Hariyadi Sukamdani បានប្រាប់សមាជិកសភាក្នុងពេលបើកសវនាការនៅថ្ងៃទី១៤ ខែកក្កដា ថាកម្មករជាង ៩៥% នៅក្នុងវិស័យទេសចរណ៍កំពុងត្រូវបានរងគ្រោះ ដោយគ្មានប្រាក់ឈ្នួល