ប្រទេសជប៉ុន នឹងជួយសាងសង់ផ្លូវធំៗដល់ប្រទេសកម្ពុជា រួមទាំងច្រករបៀងសេដ្ឋកិច្ចដែលភ្ជាប់ជាមួយប្រទេសថៃ និងវៀតណាម នេះបើយោងតាមប្រសាសន៍របស់លោក Motegi Toshimitsu រដ្ឋមន្រ្តីក្រសួងការបរទេសជប៉ុន។ នៅក្នុងជំនួបរវាងសម្ដេចតេជោ ហ៊ុន សែន នាយករដ្ឋមន្ត្រីនៃព្រះជាណាកច្រកម្ពុជាជាមួយលោក Motegi Toshimitsu រដ្ឋមន្រ្តីក្រសួងការបរទេសជប៉ុនកាលពីថ្ងៃទី ២២ ខែសីហា លោក Motegi បាននិយាយថា ប្រទេសជប៉ុននឹងបន្តគាំទ្រដល់ការអភិវឌ្ឍសេដ្ឋកិច្ចរបស់ប្រទេសកម្ពុជា។ លើសពីនេះទៅទៀត ចំពោះប្រទេសកម្ពុជា ជប៉ុនកំពុងចូលរួមចំណែកតាមរយៈការផ្តល់សម្ភារៈពេទ្យ (អាវពេទ្យសម្រាប់ការពារ និងស្រោមដៃជាដើម) នៅខែកុម្ភៈកន្លងមកនេះ និងការផ្តល់បរិក្ខារវេជ្ជសាស្រ្ត និងកែលម្អមន្ទីរពេទ្យបង្អែកខេត្តសៀមរាប ក្នុងទឹកប្រាក់ប្រមាណ ៤,២០០ លានយ៉េនព្រមទាំងជំនួយបច្ចេកទេស និងសម្ភារៈផ្សេងៗក្នុងទឹកប្រាក់ប្រមាណ ១

ខណៈប្រទេសចិននាពេលបច្ចុប្បន្ននេះកំពុងចាប់អារម្មណ៍ខ្លាំងលើផលិតផលកសិកម្មរបស់កម្ពុជា កម្ពុជារំពឹងថានឹងនាំផ្លែមៀនប៉ៃលិនទៅកាន់ទីផ្សារប្រទេសចិននៅដើមឆ្នាំ២០២២ ។ នេះបើយោងតាមការចុះផ្សាយរបស់ក្រសួងព័ត៌មានកាលពីថ្ងៃទី២០ ខែសីហា ឆ្នាំ២០២០ កន្លងទៅនេះ។ ឯកឧត្តម ងិន ឆាយ ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានកសិកម្ម មានប្រសាសន៍ថា កម្ពុជាបាននិងកំពុងចរចាជាមួយភាគីចិន ទាំងការងារបច្ចេកទេស និងលក្ខខណ្ឌតម្រូវភូតគាមអនាម័យ ដើម្បីបំពេញឱ្យខាងតែបាននូវលក្ខខណ្ឌចាំបាច់សម្រាប់ការនាំចេញ។ ឯកឧត្តមបន្តថា នៅដើមឆ្នាំ២០២១ កម្ពុជានឹងនាំចេញផ្លែស្វាយ ទៅកាន់ទីផ្សារចិន ខណៈនៅដើមឆ្នាំ២០២២ នឹងនាំចេញផ្លែមៀនប៉ៃលិនទៅកាន់ចិនផងដែរ ។ ដោយបច្ចុប្បន្នកម្ពុជាកំពុងរៀបចំមុខទំនិញទាំងនេះ ដាក់ទៅឲ្យភាគីចិន ដើម្បីត្រួតពិនិត្យមើលលក្ខណ:បច្ចេកទេសនៃការនាំចេញ។ សូមជម្រាបផងដែរថា តាមរបាយការណ៍ពីរដ្ឋបាលខេត្តប៉ៃលិនបានឲ្យដឹងថា បច្ចុប្បន្នខេត្តប៉ៃលិនមានដំណាំ ០៤ប្រភេទ ដែលកំពុងមានសក្តានុពលខ្ពស់ ក្នុងការដាំដុះនិងនាំចេញរួមមាន មៀនប៉ៃលិន

ទីភ្នាក់ងារមួយរបស់អង្គការសហប្រជាជាតិបានប៉ាន់ប្រមាណថា ទេសចរណ៍អន្តរជាតិ ពីខែមករាដល់ខែឧសភា បានធ្លាក់ចុះចំនួន ៣០០ លាននាក់ពីមួយឆ្នាំទៅមួយឆ្នាំ ដោយសារការរឹតបន្តឹងការធ្វើដំណើរដែលបានដាក់ចេញដើម្បីឆ្លើយតបទៅនឹងការរីករាលដាលនៃវីរុស Covid-19 ហើយការធ្លាក់ចុះនេះបណ្តាលឱ្យឧស្សាហកម្មទេសចរណ៍ខាតបង់ទឹកប្រាក់ចំនួន ៣២០ ពាន់លានដុល្លារ។ អង្គការទេសចរណ៍ពិភពលោករបស់អង្គការសហប្រជាជាតិ (UN World Tourism Organization) បាននិយាយផងដែរថា ការខាតបង់នេះគឺជាការខាតបង់លើកទី៣ បន្ទាប់ពីការខាតបង់ដែលបណ្ដាលមកពីវិបត្តិហិរញ្ញវត្ថុពិភពលោកឆ្នាំ២០០៩។ ខណៈទីភ្នាក់ងារបានឲ្យបង្ហាញថា គិតត្រឹមថ្ងៃទី១៩ ខែកក្កដា ៥៣% នៃប្រទេស និងដែនដីចំនួន ២១៧ លើពិភពលោកមិនទាន់ទទួលយកភ្ញៀវ​ទេសចរមកពីបរទេសនៅឡើយទេ។ យ៉ាងណាមិញទីភ្នាក់ងារនេះកំពុងអំពាវនាវឲ្យបណ្ដាប្រទេស និងដែនដីចាប់ផ្តើមដំណើរទេសចរណ៍ឡើងវិញជាបន្ទាន់ ដោយមានពិធីសារដើម្បីការពារការឆ្លងវីរុស ដោយអះអាងថាការធ្លាក់ចុះយ៉ាងខ្លាំងនៅក្នុងទេសចរណ៍អន្តរជាតិ ធ្វើឱ្យជីវភាពរស់នៅរាប់លាននាក់ប្រឈមនឹងហានិភ័យ៕ អត្ថបទ៖ លីនី

ប្រទេសជប៉ុន និងប្រទេសកម្ពុជាបានយល់ព្រមបន្ធូរបន្ថយការរឹតត្បិតការចេញ-ចូល ដែលត្រូវបានដាក់ក្នុងការឆ្លើយតបទៅនឹងការឆ្លងរាតត្បាតនៃជំងឺ Covid-19 ហើយព្រមទទួលយកការស្នាក់នៅរយៈពេលវែងដោយរាប់បញ្ចូលទាំងជនបរទេសផងដែរនៅដើមខែកញ្ញា។ គោលបំណងក្នុងការបើកឡើងវិញនេះ បានលើកឡើងនៅក្នុងជំនួបរវាងលោក Motegi Toshimitsu រដ្ឋមន្រ្តីក្រសួងការបរទេសជប៉ុន ជាមួយនឹងសម្ដេចតេជា ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃសៅរ៍ ទី ២២ ខែសីហា។ ទន្ទឹមនឹងនេះ ប្រទេសទាំងពីរបានយល់ព្រមពន្លឿនក្នុងការចរចាដើម្បីបើកព្រំដែនឡើងវិញ ដល់អ្នកដំណើរក្នុងរយៈពេលខ្លីរួមទាំងអ្នកធ្វើជំនួញផងដែរ។ លោក Motegi បានបន្ថែមថា ប្រទេសជប៉ុនមានបំណងផ្តល់នូវឧបករណ៍វេជ្ជសាស្រ្ត និងការគាំទ្រផ្នែកបច្ចេកទេសដើម្បីជួយប្រទេសកម្ពុជាក្នុងការប្រឆាំងនឹងការរីករាលដាលនៃជំងឺរាតត្បាតនេះ៕ អត្ថបទ៖ នីតា ប្រភព៖ nhk

ប្រទេសឡាវប្រឈមនឹងឱនភាពថវិកាយ៉ាងធ្ងន់ធ្ងរ ដែលបណ្ដាលឱ្យបំណុលសាធារណៈកើនឡើង នឹងបានបង្កើនសម្ពាធលើសេវាកម្មបំណុលនៅពេលដែលមានការរាតត្បាតនៃជំងឺ Covid-19 នេះបើយោងតាមការរាយការណ៍របស់សារព័ត៌មាន Vientiane Times ។ រដ្ឋាភិបាលឡាវបានប៉ាន់ប្រមាណថា ឱនភាពថវិកានឹងកើនឡើងពី ៦.៦៩ ទ្រីលានគីប (៧០០ លានដុល្លារ) ស្មើនឹង ៣.៧% នៃផលិតផលក្នុងស្រុកសរុប (GDP) របស់ប្រទេសនេះដល់ ១០.៣ ទ្រីលានគីប (១.១ ពាន់លានដុល្លារ) ឬ ៥.៧% នៃ GDP ។ ប្រធានគណៈកម្មាធិការផែនការហិរញ្ញវត្ថុ និងសវនកម្មនៃរដ្ឋសភាឡាវលោកបណ្ឌិត Leeber Leebouapao បានប្រាប់កាសែតថា រដ្ឋាភិបាលកំពុងរិះរកមធ្យោបាយដើម្បីដោះស្រាយបំណុលរបស់ប្រទេសនេះបន្ទាប់ពីមានកង្វះចំណូល។

ក្រុមហ៊ុនជប៉ុនដែលមកវិនិយោគនៅកម្ពុជាមានការកើនឡើង ២.៧ ដងនាពេលបច្ចុប្បន្ននេះ បើធៀបជាមួយនឹងឆ្នាំ២០១៤ ពោលគឺពី ១៤២ ក្រុមហ៊ុន ដល់ ៣៨៨ ក្រុមហ៊ុន។ នេះបើយោងតាមប្រសាសន៍របស់ ឯកឧត្តម ម៉ូតេហ្គី តូស៊ីមីត្សឹ រដ្ឋមន្រ្តីការបរទេសជប៉ុនដែលបានលើកឡើងនៅក្នុងសារមួយតាមរយៈហ្វេសប៊ុករបស់ស្ថានទូតជប៉ុនប្រចាំកម្ពុជា។ ក្នុងអំឡុងពេលធ្វើទស្សនកិច្ចជាផ្លូវការនៅព្រះរាជាណាចក្រកម្ពុជាកាលពីថ្ងៃទី២១ និង២២ ខែសីហា កន្លងទៅនេះ ឯកឧត្តម ម៉ូតេហ្គី តូស៊ីមីត្សឹ បានលើកឡើងដូច្នេះថា ថ្ងៃនេះខ្ញុំបានមកធ្វើទស្សនកិច្ចនៅប្រទេសកម្ពុជាជាលើកដំបូង ក្រោយពីខ្ញុំបានទទួលដំណែងជារដ្ឋមន្រ្តីក្រសួងការបរទេសជប៉ុន។ កន្លងមកនេះខ្ញុំធ្លាប់បានមកធ្វើទស្សនកិច្ចនៅប្រទេសកម្ពុជាប៉ុន្មានលើករួចមកហើយ ហើយអ្វីដែលដិតជាប់នៅក្នុងចិត្តរបស់ខ្ញុំមិនអាចបំភ្លេចបាននោះ គឺសម្រស់ថ្ងៃលិចមើលពីប្រាសាទអង្គរវត្ត។ ជាមួយគ្នានេះដែរកាលពីឆ្នាំ២០១៤ ក្នុងនាមជារដ្ឋមន្រ្តីក្រសួងសេដ្ឋកិច្ច ពាណិជ្ជកម្ម និងឧស្សាហកម្ម លោកបានមកធ្វើទស្សនកិច្ចនៅកម្ពុជាជាមួយនាយកប្រតិបត្តិនៃក្រុមហ៊ុនជប៉ុនជាច្រើន ដើម្បីជំរុញការផ្លាស់ប្តូរសេដ្ឋកិច្ចផងដែរ។

ប្រទេសឥណ្ឌូនេស៊ី កំពុងពិនិត្យមើលផែនការដើម្បីបើកតំបន់ទេសចរណ៍របស់ខ្លួនឡើងវិញដល់ភ្ញៀវទេសចរបរទេស ដែលអាចនឹងបញ្ឈប់ផែនការបើកកោះបាលីសម្រាប់ភ្ញៀវបរទេសនៅខែកញ្ញា។ រដ្ឋមន្ត្រីសហគ្រាសដែលគ្រប់គ្រងដោយរដ្ឋលោក Erick Thohir បាននិយាយនៅថ្ងៃទី ១៥ ខែសីហាថា ក្រុមអ្នកការពារសិទ្ធិមនុស្សនៅតែមានការព្រួយបារម្ភថា ការបើកឡើងវិញនូវការមកដល់របស់អន្តរជាតិអាចសម្របសម្រួលដល់កិច្ចប្រឹងប្រែង ដើម្បីទប់ស្កាត់ការរីករាលដាលនៃជំងឺ Covid-19 ។ លោក Thohir ដែលជាអ្នកមើលការខុសត្រូវលើក្រុមការពារជំងឺ Covid-19 នេះបានឆ្លើយតបទៅនឹងសំណួរថា តើរដ្ឋាភិបាលនឹងបន្តបើកផែនការបើកកោះបាលីកន្លែងទេសចរណ៍ដ៏ពេញនិយមបំផុតរបស់ឥណ្ឌូនេស៊ីនៅថ្ងៃទី ១១ ខែកញ្ញា តាមការគ្រោងទុក ឬយ៉ាងណា។ កោះរមណីយដ្ឋាននេះ បានចាប់ផ្តើមបើកស្វាគមន៍ភ្ញៀវទេសចរក្នុងស្រុកត្រឡប់មកវិញកាលពីថ្ងៃទី ៣១ ខែកក្កដា ដោយមានលក្ខខ័ណ្ឌសុខភាព និងសុវត្ថិភាពសមស្រប ប៉ុន្តែការវិលត្រឡប់របស់ពួកគេមិនអាចប៉ះប៉ូវនូវអវត្តមានរបស់ជនបរទេសបានឡើយ។ ភ្ញៀវទេសចរបរទេសប្រមាណ ៦.៣ លាននាក់បានទៅទស្សនាកោះបាលីកាលពីឆ្នាំមុន។

ប្រទេស ហ្វីលីពីន កាលពីថ្ងៃសុក្រ បានដាក់បម្រាមហាមឃាត់ជាបណ្ដោះអាសន្នចំពោះការនាំចូលសាច់មាន់ពីប្រទេសប្រេស៊ីល បន្ទាប់ពីទីក្រុងចំនួន២ នៅក្នុងប្រទេសចិនបានរកឃើញដាមវីរុស Covid-19 នៅលើស្លាបមាន់កកដែលដឹកចេញពីប្រទេសប្រេស៊ីល។ នេះបើយោងតាមការចុះផ្សាយពីសារព័ត៌មាន South China Morning Post កាលពីម្សិលមិញ។ ប្រភពដដែលបានឲ្យដឹងថា អាជ្ញាធរទីក្រុង Shenzhen បានកំណត់អត្តសញ្ញាណមាន់នេះថា មានប្រភពមកពីរោងចក្រដែលគ្រប់គ្រងដោយ Aurora ដែលជាអ្នកនាំចេញបសុបក្សីនិងសាច់ជ្រូកធំជាងគេទី៣ របស់ប្រេស៊ីល។ ប្រទេសប្រេស៊ីល​មានការផ្ទុះឡើងនៃ Covid-19 ដ៏អាក្រក់បំផុតលំដាប់ទី២ នៅលើពិភពលោក បន្ទាប់ពីសហរដ្ឋអាមេរិកដោយបានកត់ត្រាករណីជាង ៣.២ លានករណី និងមានមនុស្សស្លាប់ជាង ១០៥,០០០ នាក់ ចាប់តាំងពីការរាតត្បាតរីករាលដាលជាសកល។ ជាមួយគ្នានេះ