ដោយយោងតាមស្ថានភាពនៃវិបត្តិកូវីដ-១៩ ដែលបន្តអូសបន្លាយកាន់តែយូរបង្កផលប៉ះពាល់យ៉ាងច្រើនដល់អាជីវកម្ម ក្រសួងទេសចរណ៍កាលពីថ្ងៃទី១២ ខែសីហា ឆ្នាំ២០២០ បានចេញសេចក្ដីជូនដំណឹងថា នឹងបន្តផ្ដល់រយៈពេលអនុគ្រោះលើកលែងការពិន័យអន្តរការណ៍ជាប្រាក់ ចំពោះអាជ្ញាបណ្ណទេសចរណ៍ដែលផ្ដល់ដោយក្រសួងទេសចរណ៍ និងរដ្ឋបាលថ្នាក់ក្រោមជាតិ។ តាមសេចក្ដីជូនដំណឹងរបស់ក្រសួងបានឲ្យដឹងថា ក្រសួងទេសសចរណ៍ នឹងបន្តផ្ដល់រយៈពេលអនុគ្រោះលើកលែងការពិន័យអន្តរការណ៍ជាប្រាក់ ចំពោះអាជ្ញាបណ្ណទេសចរណ៍ដែលផ្ដល់ដោយក្រសួងទេសចរណ៍ និងរដ្ឋបាលថ្នាក់ក្រោមជាតិ សម្រាប់អាជីវកម្មមណ្ឌលកម្សាន្តទេសចរណ៍មនុស្សពេញវ័យ (ខារ៉ាអូខេ រង្គសាល-ឌីស្កូតែក បៀរហ្គាឌិន) និងម៉ាស្សាសុខភាព-ស្ប៉ា​ ដោយអនុវត្តចាប់ពីថ្ងៃទី០១ ខែសីហា ឆ្នាំ២០២០ រហូតដល់ថ្ងៃទី៣០ ខែកញ្ញា ឆ្នាំ២០២០៕ អត្ថបទ៖ លីនី

ការងាររបស់ប្រទេសកូរ៉េខាងត្បូងបានធ្លាក់ចុះក្នុងរយៈពេល ៥ ខែជាប់ៗគ្នា ដោយសារក្រុមហ៊ុនបានឱ្យនិយោជិករបស់ខ្លួនឈប់សម្រាកដោយមិនបានឱ្យប្រាក់ខែ ឬត្រូវបញ្ឈប់ពីការងារនៅពេលមានសេដ្ឋកិច្ចធ្លាក់ចុះ បន្ទាប់ពីមានការរីករាលដាលនៃ Covid-19 នេះបើយោងតាមទិន្នន័យការិយាល័យស្ថិតិរបស់កូរ៉េខាងត្បូងបានបង្ហាញកាលពីថ្ងៃទី ១២​ ខែសីហា។ យោងតាមស្ថិតិកូរ៉េបានឱ្យដឹងថា ចំនួនអ្នកធ្វើការសរុបមាន ២៧,១០៦,០០០ នាក់នៅក្នុងខែកក្កដា ពោលគឺធ្លាក់ចុះ ២៧៧,០០០ នាក់បើប្រៀបធៀបទៅនឹងឆ្នាំមុន។ ការបាត់បង់ការងារប្រចាំខែមានចំនួន ១៩៥,០០០ នាក់ក្នុងខែមីនា ៤៧៦,០០០ នាក់ក្នុងខែមេសា ៣៩២,០០០ នាក់ក្នុងខែឧសភា និង ៣៥២,០០០ នាក់ក្នុងខែមិថុនា នៃឆ្នាំនេះ។ នេះគឺជាការកាត់បន្ថយការងារដ៏ច្រើនបំផុត ក្នុងរយៈពេលប្រហែល ១១ ឆ្នាំចាប់តាំងពីឆ្នាំ ២០០៩ នៅពេលដែលវិបត្តិហិរញ្ញវត្ថុពិភពលោកបានជះឥទ្ធិពលដល់សេដ្ឋកិច្ចពិភពលោក។

ប្រទេសសិង្ហបុរីនឹងមិនវិលត្រឡប់ទៅរកស្ថានភាពរបស់ខ្លួន មុនពេលផ្ទុះឡើងនៃវីរុស Covid-19 នោះទេ ហើយប្រទេសនេះត្រូវតែរៀបចំផែនការថ្មី ដោយកសាងសេដ្ឋកិច្ចថ្មីមួយនៅពេលបច្ចុប្បន្ននេះ នេះបើយោងតាមរបស់រដ្ឋមន្រ្តីក្រសួងពាណិជ្ជកម្ម និងឧស្សាហកម្មសិង្ហបុរីលោក Chan Chun Sing។ នៅក្នុងសន្និសីទកាសែតមួយកាលពីថ្ងៃអង្គារ (១១ សីហា) ជាកន្លែងដែលត្រូវបានប្រកាសថា សេដ្ឋកិច្ចរបស់ប្រទេសសិង្ហបុរីបានធ្លាក់ចុះ ៦.៧% នៅឆមាសទីមួយនៃឆ្នាំនេះ ហើយត្រូវបានគេរំពឹងថានឹងធ្លាក់ចុះនៅចន្លោះពី ៥ ទៅ ៧% នៅឆ្នាំនេះ លោក Chan Chun Sing បាននិយាយថា ការឈឺចាប់ដ៏ពិតប្រាកដមួយ គឺថាប្រទេសនេះនឹងមិនវិលត្រឡប់ទៅកាន់ពិភពមុនពេលផ្ទុះឡើងវីរុស Covid-19 ទេ។ លោកបានបន្តថា រលកនៃការឆ្លង

គិតត្រឹមថ្ងៃនេះថ្ងៃទី ១២ ខែសីហា ផលិតផលនាំចេញធម្មតាមួយចំនួនរបស់កម្ពុជាដូចជា៖ សម្លៀកបំពាក់ ស្បែកជើង និងទំនិញធ្វើដំណើរត្រូវស្ថិតនៅក្រោមពន្ធគយរបស់សហភាពអឺរ៉ុប ប៉ុន្តែសហភាពអ៊ឺរ៉ុបបានបញ្ជាក់ច្បាស់ថា ផលិតផលកម្ពុជាភាគច្រើននៅតែទទួលបានការអនុគ្រោះក្នុងទីផ្សារអឺរ៉ុប នេះបើយោងតាមសេចក្តីប្រកាសព័ត៌មាន AKP ។ ការដកសិទ្ធិអនុគ្រោះចូលទីផ្សារអឺរ៉ុបទាក់ទងនឹងការនាំចេញរបស់កម្ពុជាទៅសហភាពអឺរ៉ុបប្រមាណ ២០% ។ ប្រទេសកម្ពុជានៅតែអាចនាំចេញផលិតផលទាំងនោះទៅកាន់សហភាពអឺរ៉ុប ប៉ុន្តែពួកគេនឹងត្រូវបង់ពន្ធទូទៅដែលអនុវត្តចំពោះសមាជិកផ្សេងទៀតនៃអង្គការពាណិជ្ជកម្មពិភពលោក ហើយ ៨០% ទៀតនៃការនាំចេញរបស់កម្ពុជា នៅតែបន្តទទួលបានការអនុគ្រោះ (ដោយមិនគិតពន្ធកូតា) ចូលទីផ្សារអឺរ៉ុប។ ក្នុងពេលជាមួយគ្នានេះ សហភាពអ៊ឺរ៉ុបបានប្រកាសឱ្យដឹងអំពីផលប៉ះពាល់គួរឱ្យកត់សម្គាល់នៃជំងឺរាតត្បាត Covid-19 លើសេដ្ឋកិច្ច និងការងាររបស់ប្រទេសកម្ពុជាហើយត្រៀមខ្លួនជាស្រេច ដើម្បីគាំទ្រដល់កម្ពុជាក្នុងការប្រយុទ្ធប្រឆាំងនឹងវិបត្តិនៃជំងឺរាតត្បាត និងឆ្ពោះទៅរកការងើបឡើងវិញនៃសេដ្ឋកិច្ច។ គួរឱ្យដឹងផងដែរថា ស្ថិតិរបស់សហភាពអ៊ឺរ៉ុបបង្ហាញថាពាណិជ្ជកម្មទំនិញសរុបរវាងកម្ពុជា និងសហភាពអឺរ៉ុបក្នុងឆ្នាំ ២០១៩

យោងតាមរដ្ឋមន្រ្តីក្រសួងដឹកជញ្ជូនឥណ្ឌូនេស៊ីលោក Budi Karya Sumadi បានឱ្យដឹងថា ប្រទេសឥណ្ឌូនេស៊ីគ្រោងនឹងសាងសង់ផ្លូវដែកប្រវែងជាង ១ ម៉ឺនគីឡូម៉ែត្ររហូតដល់ឆ្នាំ ២០៣០ ដើម្បីគាំទ្រដល់ការចល័ត និងការដឹកជញ្ជូនទំនិញរបស់ប្រជាជននៅក្នុងប្រទេស។ លោក Sumadi បានបន្ថែមថា ក្នុងចំណោមតំបន់ដែលមានការស្ថាបនាផ្លូវដែកប្រវែង ១០,៥២៤ គីឡូម៉ែត្រគឺមាននៅក្នុងកោះធំៗដូចជា៖ កោះ Sumatra និងកោះ Java ដែលមានប្រជាជនប្រមាណ ៨០% នៃប្រជាជនជាង ២៦០ លាននាក់របស់ប្រទេសនេះ។ ការស្ថាបនានេះ នឹងធ្វើឱ្យផ្លូវដែកដែលមានស្រាប់មានប្រវែងវែងជាងមុន ដែលមានប្រតិបត្តិការទូទាំងប្រទេសដូចជា៖ ផ្លូវដែកប្រវែង ១,៧៩៦ គីឡូម៉ែត្រនៅកោះ Sumatra ផ្លូវដែកប្រវែង

យោងតាមសារព័ត៌មានវៀតណាម Vnexpress បានចុះផ្សាយថា ក្នុងពេលបច្ចុប្បន្ននេះអង្ករវៀតណាម​មានតម្លៃថ្លៃជាងអង្ករថៃ មូលហេតុគឺដោយសារតែប្រាក់បាតថៃធ្លាក់ចុះ។ ការធ្លាក់ចុះនេះបានធ្វើឲ្យតម្លៃទីផ្សារ អង្ករវៀតណាមនៅលើពិភពលោកកើនឡើង ៣% បើធៀបនឹងអង្ករថៃ ដែលនេះអាចជាឱកាសដ៏ល្អមួយរបស់ប្រទេសថៃដើម្បីដណ្ដើមយកទីផ្សារមកវិញ។ ខណៈការនាំចេញអង្កររបស់ប្រទេសថៃ បានធ្លាក់ចុះចាប់តាំងពីដើមឆ្នាំមុន ដោយសារតែការផ្លាស់ប្តូររូបិយប័ណ្ណបរទេស និងប្រាក់បាតឡើងថ្លៃ ដែលធ្វើឲ្យមានតម្លៃថ្លៃជាងដៃគូរប្រកួតប្រជែង។ ប្រភពដដែលបានឲ្យដឹងថា អង្ករកំណាត់ៗ (អង្ករដែលធ្លាក់គុណភាព ៥% ពីគុណភាពខ្ពស់) ត្រូវបានលក់ក្នុងតម្លៃ ៤៦៨ ទៅ ៤៧២ ដុល្លារក្នុងមួយតោន គិតចាប់ពីថ្ងៃទី០៨ ខែសីហា ឆ្នាំ២០២០ ថ្លៃជាង​គូប្រជែងរបស់ខ្លួន (ប្រទេសថៃ) ចំនួន ១៥ ដុល្លារ។ ខណៈតម្លៃនៃអង្ករវៀតណាមបានកើនឡើង

សហរដ្ឋអាមេរិក បានចុះកិច្ចព្រមព្រៀងជាមួយក្រុមហ៊ុនផលិតឱសថ Moderna ដើម្បីទទួលបានវ៉ាក់សាំងការពារជំងឺ Covid-19 ចំនួន ១០០ លានដូសក្នុងចំនួនទឹកប្រាក់ប្រហែល ១.៥ ពាន់លានដុល្លារ នេះបើយោងតាមក្រុមហ៊ុន និង White House បាននិយាយកាលពីថ្ងៃទី ១១ ខែសីហា។ សហរដ្ឋអាមេរិកក្នុងរយៈពេលប៉ុន្មានសប្តាហ៍ថ្មីៗនេះ បានធ្វើកិច្ចព្រមព្រៀងដើម្បីទទួលបានវ៉ាក់សាំង Covid-19 ដែលមានប្រសិទ្ធភាពរាប់រយលានដូសពីក្រុមហ៊ុនមួយចំនួន ដែលជាផ្នែកមួយនៃកម្មវិធីប្រតិបត្តិការរបស់ខ្លួន ដោយមានគោលបំណងផ្តល់វ៉ាក់សាំងនៅក្នុងសហរដ្ឋអាមេរិកនៅចុងឆ្នាំនេះ។ ចំពោះតម្លៃវ៉ាក់សាំងរបស់ Moderna គឺប្រហែល ៣០.៥០ ដុល្លារក្នុង ២ ដូសសម្រាប់មនុស្សម្នាក់។ ទន្ទឹមនឹងនេះ ក្រុមហ៊ុនបាននិយាយកាលពីពេលថ្មីៗនេះថា បេក្ខភាពវ៉ាក់សាំង mRNA-1273

លោក Steve Jobs ត្រូវបានគេចាត់ទុកថាជា «បិតានៃបដិវត្តឌីជីថល» ដែលជាមេនៃការច្នៃប្រឌិត​ និងជាអ្នករចនាម៉ូដដ៏ឥតខ្ចោះលើវិស័យបច្ចេកវិទ្យា។ គាត់បានផ្លាស់ប្តូរពិភពលោកដែលយើងរស់នៅដោយការច្នៃប្រឌិតរបស់គាត់ ហើយគាត់បានក្លាយជាបុគ្គលជោគជ័យមួយរូប ដែលជានិមិត្តរូបសម្រាប់មនុស្សគ្រប់គ្នា ដោយសារ​ការចាប់ផ្ដើមពីដៃទទេរ រហូតក្លាយជាមនុស្សម្នាក់ដែលមានឥទ្ធិពលបំផុតនៅលើពិភពលោក។ មុនពេលក្លាយជាស្ថាបនិកក្រុមហ៊ុន Apple និងទម្រាំសាងកេរ្តិ៍ឲ្យល្បីល្បាញនាពេលបច្ចុប្បន្ន មិនមែន​ជារឿងងាយស្រួលឡើយសម្រាប់លោក Steve Jobs។ គាត់ជួបនៅឧបសគ្គជាច្រើនចាប់តាំងពីគាត់ផ្ដើមបង្កើតក្រុមហ៊ុនដំបូង ហើយបានបរាជ័យអស់ជាច្រើនដងផងដែរ តែគាត់មិនបោះបង់ហើយព្យាយាមរហូតទទួលបានជោគជ័យ។ ហើយខាងក្រោមនេះជាវិធាន ១០ យ៉ាង ឬអាចហៅថា ច្បាប់មាស ដើម្បីឆ្ពោះទៅរកភាពជោគជ័យ៖ ១.កុំរស់នៅក្នុងជីវិតមានកំណត់៖ លោក Steve Jobs បាននិយាយថា ពេលវេលារបស់អ្នកមានកំណត់ ដូច្នេះកុំខ្ជះខ្ជាយវាដើម្បីរស់នៅក្នុងជីវិតអ្នកដទៃ។