ប្រទេសអូស្ត្រាលី បានធ្លាក់ចូលក្នុងវិបត្តិសេដ្ឋកិច្ចលើកដំបូងរបស់ខ្លួនចាប់តាំងពីឆ្នាំ ១៩៩១ បន្ទាប់ពីសេដ្ឋកិច្ចបានធ្លាក់ចុះ ៧% នៅក្នុងត្រីមាសទី២ ខណៈប្រទេសនេះកំពុងមានការឆ្លងរាតត្បាតពីជំងឺ Covid-19 ។ ការិយាល័យស្ថិតិអូស្រ្តាលីបាននិយាយថា នេះជាការធ្លាក់ចុះយ៉ាងលឿនបំផុតប្រចាំត្រីមាសលើកំណត់ត្រា និងបញ្ចប់នូវកំណើនសេដ្ឋកិច្ចរយៈពេល ៣ ទសវត្សដែលលើសពិការរំពឹងទុក។ ប្រធានការិយាល័យគណនេយ្យជាតិអូស្ត្រាលីលោក Michael Smedes បាននិយាយថា កិច្ចប្រឹងប្រែងទប់ស្កាត់នៃជំងឺរាតត្បាតនេះ បានធ្វើឱ្យមានការធ្លាក់ចុះដែលមិនធ្លាប់មានពីមុនមកហួសពីកំណត់ត្រាមុនៗ។ វិបត្តិសេដ្ឋកិច្ចត្រូវបានកំណត់ថាជាការធ្លាក់ចុះ ២ ត្រីមាសជាប់គ្នា ដោយសេដ្ឋកិច្ចអូស្រ្តាលីបានធ្លាក់ចុះ ០.៣% ក្នុងរយៈពេល ៣ ខែមុន។ លោក Smedes បាននិយាយថា « ត្រីមាសនៅខែមិថុនា មានការធ្លាក់ចុះយ៉ាងខ្លាំងក្នុងការចំណាយរបស់អតិថិជនទៅលើសេវាកម្ម

ប្រទេសហ្វីលីពីនបានត្រៀមថវិកាចំនួន ៩៦.២ ពាន់លានប៉េសូ (ប្រមាណ ១.៩៨ ពាន់លានដុល្លារ) ដើម្បីជំរុញប្រព័ន្ធផ្លូវដែករបស់ខ្លួន​ ក្នុងនោះមានផ្លូវដែកក្រោមដី(Manila subway project) ប្រវែង ៣៦ គីឡូម៉ែត្រផងដែរ នេះបើយោងតាមការបញ្ជាក់របស់សមាជិកសភានៃកាលពីថ្ងៃទី ៣១ ខែសីហា កន្លងទៅនេះ។ តំណាងអនុប្រធានគណៈកម្មាធិការសម្របសម្រួលសភាលោក Luis Campos បានមានប្រសាសន៍ថា ការចំណាយដើមទុនសរុបត្រូវបានបញ្ចូលទៅក្នុងថវិកាជាតិចំនួន ៤.៥ ទ្រីលានប៉េសូសម្រាប់ឆ្នាំ២០២១ ដែលបានដាក់ជូនប្រធានាធិបតីហ្វីលីពីនលោក Rodrigo Duterte ទៅកាន់សមាជកាលពីសប្តាហ៍មុន។ តំណាងអនុប្រធានគណៈកម្មាធិការរូបនេះបានបន្តថា គម្រោងរថភ្លើងក្រោមដីនៅរដ្ឋធានីនៃប្រទេសអាស៊ីអាគ្នេយ៍មួយនេះនឹងទទួលបានថវិកាចំនួន ៣៤.៦ ពាន់លានប៉េសូនៅក្នុងថវិកាថ្មីនៅឆ្នាំ ២០២១។ លោកបានបញ្ជាក់ថា

រដ្ឋមន្រ្តីក្រសួងសុខាភិបាលបាននិយាយនៅថ្ងៃអង្គារ ទី០១ ខែសីហា ឆ្នាំ២០២០ នេះថា ប្រទេសជប៉ុននឹងចូលរួមក្នុងក្របខ័ណ្ឌអន្តរជាតិមួយក្នុងគោលបំណងធានានូវលទ្ធភាពទទួលបានវ៉ាក់សាំងដ៏មានសក្ដានុពលជាសកលសម្រាប់ប្រយុទ្ធប្រឆាំ​ងនឹងវីរុស Covid-19។ COVAX Facility ដែលជាផ្នែកដ៏សំខាន់មួយក្នុងការទ្រទង់ការផលិតវ៉ាក់សាំងរបស់វិទ្យាស្ថាន (Gavi),(CEPI) និង (WHO) នឹងបញ្ជូនមូលនិធិដែលផ្ដល់ដោយបណ្ដាប្រទេសដែលមានប្រាក់ចំណូលមធ្យម និងពាក់ព័ន្ធទៅនឹងកម្មវិធីឆ្ពោះទៅរកក្រុមហ៊ុនឱសថមួយចំនួន ដែលកំពុងធ្វើការដើម្បីបង្កើតវ៉ាក់សាំងដែលនឹងត្រូវផ្តល់ជូនដល់ប្រទេសដែលមានប្រាក់ចំណូលទាប។ យោងតាមផែនការដែលដឹកនាំដោយអង្គការសុខភាពពិភពលោកបានឲ្យដឹងថា ខ្លួនសង្ឃឹមថានឹងផ្គត់ផ្គង់វ៉ាក់សាំងចំនួន ២​ ពាន់លានដូសនៅទូទាំងពិភពលោកនៅចុងឆ្នាំ២០២១ ដែលគ្របដណ្តប់យ៉ាងហោចណាស់ ២០ ភាគរយនៃចំនួនប្រជាជននៃប្រទេសនីមួយៗដែលចូលរួម។ ទន្ទឹមនឹងនោះ រដ្ឋាភិបាលជប៉ុននឹងពិចារណាលើការគាំទ្រហិរញ្ញវត្ថុក្នុងការបង្កើតវ៉ាក់សាំងមានសក្តានុពលចំនួន ៩ ដែលបច្ចុប្បន្នកំពុងស្ថិតក្នុងដំណាក់កាលទី២ ដល់ដំណាក់កាលទី៣ នៃការសាកល្បងព្យាបាល ប៉ុន្តែមន្រ្តីមិនបានបង្ហាញពីចំនួនទឹកប្រាក់ដែលខ្លួននឹងវិនិយោគនោះទេ។ លោក Katsunobu Kato រដ្ឋមន្រ្តីក្រសួងសុខាភិបាលការងារ

ជាផ្នែកមួយនៃយុទ្ធសាស្ត្ររបស់ខ្លួន ដើម្បីការពារមហាសមុទ្រពីកាកសំណល់ប្លាស្ទិច រដ្ឋាភិបាលអង់គ្លេសបានសម្រេចថា ហាងទាំងអស់នៅក្នុងប្រទេសត្រូវតែគិតថ្លៃ ១០ ផេន (ប្រហែល ១៣ សេនដុល្លារ) សម្រាប់ការប្រើប្រាស់ថង់ប្លាស្ទិចចាប់ពីខែមេសា ខាងមុខនេះ។ រដ្ឋាភិបាលអង់គ្លេសបាននិយាយកាលពីថ្ងៃទី ៣១ ខែសីហាថា ការបង់ពន្ធថ្មីលើថង់ផ្លាស្ទិកនឹងត្រូវអនុវត្តចំពោះហាងតូចៗទាំងអស់ ក៏ដូចជាផ្សារទំនើបធំៗផងដែរ។ ស្ថិតិផ្លូវការចុងក្រោយបង្ហាញពីការយកពន្ធបច្ចុប្បន្ន បាននាំឱ្យមានការកាត់បន្ថយ ៩៥% នៃការលក់កាបូបប្លាស្ទិកនៅក្នុងផ្សារទំនើបធំៗ របស់ប្រទេសចាប់តាំងពីឆ្នាំ ២០១៥ ។ គួរឱ្យដឹងផងដែរថា បច្ចុប្បន្ននេះហាងលក់ឥវ៉ាន់តូចៗរាប់ពាន់មិនចាំបាច់គិតថ្លៃប្លាស្ទិចទេ ប៉ុន្តែមានមនុស្សជាច្រើនធ្វើដូច្នេះដោយស្ម័គ្រចិត្ត។ រដ្ឋាភិបាលបាននិយាយថា ខ្លួននឹងធ្វើឱ្យចក្រភពអង់គ្លេសខិតទៅជិតមហិច្ឆតារបស់ខ្លួន ដើម្បីលុបបំបាត់កាកសំណល់ប្លាស្ទិចដែលអាចជៀសវាងបានតាមរយៈផែនការបរិស្ថានរយៈពេល ២៥ ឆ្នាំ៕ អត្ថបទ៖ នីតា ប្រភព៖​

ម៉ាតលក់រាយ 7-Eleven នៅប្រទេសម៉ាឡេស៊ី បានរក្សានូវកម្រិតប្រាក់ចំណេញរបស់ខ្លួន បើទោះបីជាមានផលប៉ះពាល់ពីការឆ្លងរាលដាលនៃជំងឺ Covid-19 ក៏ដោយ។ ប្រាក់ចំណេញប្រចាំឆ្នាំនៅក្នុងឆមាសទី១ របស់ម៉ាតលក់រាយ 7-Eleven មានចំនួន ៥.៨ លានដុល្លារ និងអាជីវកម្មឱសថមានចំនួន ១.៤ លានដុល្លារ។ អាជីវកម្មមួយនេះ នៅតែមានការដំណើរការល្អ ទោះបីជាមានការរឹតត្បិតនៃជំងឺ Covid-19 ដែលបានបង្ខំឱ្យមានការកំណត់ម៉ោង និងការបិទហាងជាបណ្តោះអាសន្នក៏ដោយ។ ប៉ុន្តែ 7-Eleven មិនអាចបើកបាន ២៤ ម៉ោងទេក្នុងអំឡុងពេលមានជំងឺរាតត្បាត។ ខណៈពេលដែលអាជីវកម្មនៅតែទទួលបានប្រាក់ចំណេញ ប៉ុន្តែប្រភេទផលិតផលភាគច្រើនទទួលបានប្រាក់ចំណូលទាប លើកលែងតែថ្នាំជក់ដែលបានកើនឡើង ២២.៧% ។ ក្រុមម្ចាស់អាជីកម្ម 7-Eleven

ប្រទេសម៉ាឡេស៊ីទើបតែប្រកាសពីការរឹតត្បិតការធ្វើដំណើរដែលនឹងត្រូវបន្តរឹតបន្តឹងរហូតដល់ចុងឆ្នាំ២០២០ ហើយភ្ញៀវទេសចរនឹងមិនត្រូវបានអនុញ្ញាតឲ្យចូលទស្សនារហូតដល់ការរឹតបន្តឹងត្រូវបានដកចេញ។ បទបញ្ជាត្រួតពិនិត្យចលនាស្តារឡើងវិញរបស់ប្រទេសនេះ ត្រូវបានធ្វើឡើងរហូតដល់ថ្ងៃទី៣១ ខែធ្នូ។ ជាមួយគ្នានេះជនបរទេសដែលមានលិខិតឆ្លងដែនការទូត ឬ ទិដ្ឋាការទេសចរណ៍នឹងត្រូវបានអនុញ្ញាតឱ្យស្នាក់នៅរហូតដល់ដំណាច់ឆ្នាំ ដោយពួកគេនឹងមិនប្រឈមនឹងការពិន័យ ឬ ការដាក់ទោសនោះទេ ដរាបណាទិដ្ឋាការរបស់ពួកគេមិនផុតសុពលភាពមុនថ្ងៃទី០១ ខែមករា ខណៈប្រទេសថៃនឹងផ្តល់ឱ្យជនបរទេរសហូតដល់ថ្ងៃទី ២៦ ខែកញ្ញា ដើម្បីដោះស្រាយទិដ្ឋាការដោយខ្លួនឯង ឬចាកចេញពីប្រទេស។ គួរបញ្ជាក់ផងដែរថា ការធ្វើដំណើរទៅប្រទេសម៉ាឡេស៊ី គឺតឹងរឹងណាស់ ពោលគឺអ្នកដំណើរត្រូវការ លិខិតស្នើសុំចូល និងលិខិតធានារ៉ាប់រង ដែលមានការយល់ព្រមពីស្ថានកុងស៊ុលម៉ាឡេស៊ី ឬ ស្ថានទូតក៏ដូចជាទិដ្ឋាការសមស្របមុនពេលចុះចតនៅក្នុងប្រទេស។ ការដាក់ឱ្យនៅដាច់ដោយឡែករយៈពេល ១៤ ថ្ងៃ មុនពេលតម្រូវឲ្យចូលប្រទេស ចំណែកឯអ្នកទេសចរលំហែមិនត្រូវបានអនុញ្ញាតឱ្យចូលក្នុងប្រទេសទេ។ មិនតែប៉ុណ្ណោះមានតែអ្នកដែលមានគ្រួសារនៅក្នុងប្រទេសម៉ាឡេស៊ី ឬ

វីរុស Covid-19 នៅតែវាយប្រហារទៅលើវិស័យទេសចរ​ណ៍របស់វៀតណាម ខណៈរយៈពេល ៨ ខែដំបូងនៃឆ្នាំ ២០២០ វៀតណាមទទួលភ្ញៀវទេសចរណ៍បរទេសបានតែ ៣.៨ លាននាក់ប៉ុណ្ណោះ ធ្លាក់ចុះ ៦៦.៦% ក្នុងរយៈពេលដូចគ្នាកាលពីឆ្នាំមុន ដោយសារតែប្រទេសនេះនូវតែបិទព្រំដែន និងជើងហោះហើររបស់ខ្លួនដើម្បីទប់ស្កាត់ការរីករាលដាលនៃវីរុស Covid-19។ យោងតាមការិយាល័យស្ថិតិជនបរទេសចំនួន ១៦៣,០០០នាក់ បានមកដល់ប្រទេសវៀតណាមក្នុងខែសីហាកើនឡើង ១៦.៩% ពីខែកក្កដា ប៉ុន្តែបានធ្លាក់ចុះ ៩៨.៩% ពីមួយឆ្នាំទៅមួយឆ្នាំ។ ជាក់ស្ដែងក្នុងអំឡុងខែមករា-សីហា ការមកដល់របស់អ្នកដំណើរបរទេសតាមផ្លូវអាកាសបានធ្លាក់ចុះ ៦៥.៧% ខណៈ ៥៨០,៥០០នាក់ ធ្វើដំណើរតាមព្រំដែនបានធ្លាក់ចុះ ៧៤.២% ហើយអ្នកដែលធ្វើដណើរតាមសមុទ្រមានចំនួន ១៤៤,៤០០ ធ្លាក់ចុះ

យោងតាមក្រសួងការងាររបស់ប្រទេសជប៉ុន បានឱ្យដឹងថា ប្រជាជនជាង ៥ ម៉ឺននាក់នៅក្នុងប្រទេសបានបាត់បង់ ឬកំពុងជិតបាត់បង់ការងារ ដោយសារការរាតត្បាតនៃជំងឺ Covid-19 ។ ក្រសួងការងារជប៉ុន កំពុងពិនិត្យមើលករណីដែលនិយោជិកជួបការលំបាក ក្នុងការធ្លាក់ចុះនៃការលក់ និងការបញ្ឈប់បុគ្គលិករបស់ពួកគេ ឬបដិសេធមិនបន្តកិច្ចសន្យា។ ករណីនេះបានរកឃើញថា មានមនុស្សចំនួន ៥០,២២៦ នាក់បានបាត់បង់ការងារធ្វើនៅចន្លោះខែមករា និងថ្ងៃទី ៣១ ខែសីហា។ ក្រសួងជឿជាក់ថា តួលេខជាក់ស្តែងគឺខ្ពស់ជាងនេះ ពីព្រោះទាំងនេះគ្រាន់តែជាតួលេខនៅក្នុងការិយាល័យការងារក្នុងតំបន់ និងការិយាល័យស្នើរសុំការងារប៉ុណ្ណោះ។ ចំនួននៃការបាត់បង់ការងារ ដែលរងផលប៉ះពាល់ដោយជំងឺរាតត្បាតនេះបានកើនឡើងដល់ ១០,០០០ នាក់នៅថ្ងៃទី ២២ ខែឧសភា។ ក្រសួងកំពុងជម្រុញឱ្យអាជីវកម្មរក្សាការងារ តាមរយៈការប្រើប្រាស់កម្មវិធីឧបត្ថម្ភធនរបស់រដ្ឋាភិបាល ហើយគ្រោងនឹងជួយអ្នកអត់ការងារធ្វើឱ្យរកការងារថ្មី៕