យោងតាមការចេញផ្សាយដោយក្រសួងទេសចរណ៍បានឲ្យដឹងថា ដើម្បីកែភាពអផ្សុករបស់ប្រជាពលរដ្ឋក៏ដូចជាភ្ញៀវក្នុងស្រុក និងដើម្បីចូលរួមលើកស្ទួយវិស័យទេសចរណ៍ជាតិឱ្យមានភាពល្អប្រសើរឡើងវិញនោះ អាជ្ញាធរខេត្តសៀមរាបបាននិងកំពុងពិភាក្សាជាមួយដៃគូពាក់ព័ន្ធ ដើម្បីរៀបចំផែនការបង្កើតឱ្យមានព្រឹត្តិការណ៍ទេសចរណ៍កម្សាន្តសប្បាយៗរៀងរាល់ថ្ងៃចុងសប្ដាហ៍ នៅតាមគោលដៅទេសចរណ៍នានាក្នុងខេត្តរបស់ខ្លួន។ ផែនការដ៏ពិសេសនេះត្រូវបានលើកឡើងដោយប្រធានមន្ទីរទេសចរណ៍ខេត្តសៀមរាប លោក ង៉ូវ សេងកាក់ ក្នុងឱកាសដែលលោកបានចូលរួមធ្វើបទបង្ហាញក្នុងសន្និសីទសារព័ត៌មាន ស្ដីពីស្ថានភាពវិស័យទេសចរណ៍នាកំលុងពេលវិបត្តិជំងឺកូវីដ១៩ ដែលរៀបចំដោយអង្គភាពអ្នកនាំពាក្យរាជរដ្ឋាភិបាល នាព្រឹកថ្ងៃទី០៣ ខែកញ្ញា ឆ្នាំ២០២០ នៅទីស្ដីការគណៈរដ្ឋមន្ដ្រី។ លោក ង៉ូវ សេងកាក់ បានឱ្យដឹងថា ក្រោមគំនិតផ្ដួចផ្ដើមរបស់លោក ទៀ សីហា អភិបាលខេត្តសៀមរាប និងក្រោមការគាំទ្រពីក្រសួងទេសចរណ៍, រដ្ឋបាលខេត្ត និងមន្ទីរទេសចរណ៍ខេត្តសៀមរាប បាននិងកំពុងស្វែងរកកិច្ចពិភាក្សាជាមួយមន្ទីរ អង្គភាព និងដៃគូពាក់ព័ន្ធ ដើម្បីរួមគ្នារៀបចំផែនការបង្កើតឱ្យមានព្រឹត្តិការណ៍ទេសចរណ៍នៅរៀងរាល់ថ្ងៃចុងសប្ដាហ៍ ឬ អាចថានៅថ្ងៃសុក្រ

ក្រសួងសុខាភិបាលហ្វីលីពីនបាននិយាយកាលពីពេលថ្មីនេះថា ខ្លួននឹងជួបតំណាងក្រុមហ៊ុនផលិតថ្នាំអាមេរិក Pfizer Inc និងស្ថានទូតរុស្ស៊ី ខណៈប្រទេសហ្វីលីពីនកំពុងស្វែងរកការផ្គត់ផ្គង់វ៉ាក់សាំងជំងឺ Covid-19 ។ ប្រធានាធិបតីហ្វីលីពីន Rodrigo Duterte បានសន្យាថា ប្រទេសដែលមានករណីឆ្លងជំងឺ Covid-19 ច្រើនបំផុតមួយនេះ នឹងវិលមករកភាពធម្មតាវិញនៅខែធ្នូ ដោយលោកបានបង្ហាញក្តីសង្ឃឹមរបស់លោក លើការទទួលថ្នាំបង្ការដែលមានតំលៃសមរម្យពីប្រទេសចិន និងរុស្ស៊ី។​ រដ្ឋាភិបាលហ្វីលីពីន គ្រោងនឹងទិញថ្នាំចំនួន ៤០ លានដូសក្នុងតម្លៃ ៤០០ លានដុល្លារអាមេរិកសម្រាប់ប្រជាជនចំនួន ២០ លាននាក់ ដែលប្រហែល ១/៥ នៃចំនួនប្រជាជន ១០៧ លាននាក់របស់ខ្លួន។ គួរឱ្យដឹងផងដែរថា មន្ត្រីសុខាភិបាលសាធារណៈអាមេរិក

អនុប្រធានធនាគារផ្ដល់ប្រាក់កម្ចីដែលមានមូលដ្ឋាននៅទីក្រុងវ៉ាស៊ីនតោន បានឲ្យដឹងថាគោលដៅរបស់ធនាគារពិភពលោក ដើម្បីកាត់បន្ថយអត្រាភាពក្រីក្របំផុតនៅលើពិភពលោកដល់ ៣% នៅឆ្នាំ២០៣០ កំពុងជួបប្រទះការលំបាកកាន់តែខ្លាំង ដោយសារតែការប៉ះពាល់យ៉ាងធ្ងន់ធ្ងរដល់សេដ្ឋកិច្ចដែលកំពុងអភិវឌ្ឍដោយជំងឺរាតត្បាត Covid-19។​ លោក Akihiko Nishio អនុប្រធានធនាគារពិភពលោកបានមានប្រសាសន៍ថា ការខិតខំប្រឹងប្រែងភាគច្រើនរបស់សហគមន៍អន្តរជាតិអាចត្រូវបានលុបចោល ដោយលោកអំពាវនាវដល់បណ្ដាប្រទេសជឿនលឿនរួមទាំងប្រទេសជប៉ុនផងដែរ ដើម្បីចូលរួមបង្កើនជំនួយហិរញ្ញវត្ថុ និងការគាំទ្រដទៃទៀតដល់ប្រទេសកំពុងអភិវឌ្ឍដើម្បីជួយពួកគេឲ្យរួចផុតពីការធ្លាក់ចុះសេដ្ឋកិច្ច។ គួរឲ្យដឹងផងដែរថា ក្នុងរយៈពេលប៉ុន្មានទសវត្សចុងក្រោយនេះ វឌ្ឍនភាពត្រូវបានធ្វើឡើងដើម្បីដោះស្រាយបញ្ហានេះ សម្រាប់ប្រជាជនលើពិភពលោកដែលរស់នៅក្រោមបន្ទាត់ភាពក្រីក្រខ្លាំងអន្តរជាតិ ដែលបច្ចុប្បន្នមានចំនួន ១.៩០ ដុល្លារក្នុងមួយថ្ងៃ ដែលធ្លាក់ចុះពី ៣៦% ពីឆ្នាំ១៩៩០ និង ១០% ពីឆ្នាំ២០១៥។ ទោះបីជាយ៉ាងណាក្ដី ធនាគារពិភពលោកមានការព្រួយបារម្ភថា ការរីករាលដាលនៃមេរោគឆ្លងនឹងមានផលប៉ះពាល់មិនស្មើគ្នាដល់ប្រជាជនក្រីក្រ តាមរយៈការបាត់បង់ការងារ ការបាត់បង់ប្រាក់បញ្ញើ

មន្ត្រីជាន់ខ្ពស់នៃស្ថានទូតចិនប្រចាំនៅប្រទេសថៃ បានច្រានចោលការបើកឡើងវិញនូវវិស័យទេសចរណ៍រវាងចិន និងថៃនៅពេលឆាប់ៗនេះ ព្រោះប្រទេសទាំងពីរមិនទាន់ត្រៀមខ្លួនក្នុងការបើកវិស័យនេះឡើងវិញទេ។ លោក Yang Xin ទីប្រឹក្សារដ្ឋមន្រ្តី​ និងជាអនុប្រធានបេសកកម្មនៅស្ថានទូតសាធារណរដ្ឋប្រជាមានិតចិនប្រចាំនៅប្រទេសថៃបាននិយាយថា ថ្មីៗនេះប្រទេសចិនបានបើកដំណើរការទេសចរណ៍ក្នុងស្រុកឡើងវិញហើយ ប៉ុន្តែមិនទាន់បានស្វាគមន៍ភ្ញៀវទេសចរបរទេស ឬក៏ជម្រុញឲ្យប្រជាជនចិនធ្វើដំណើរទៅបរទេសឡើយ។ លោកបាននិយាយថា « សូម្បីតែអ្នកទេសចរចិនក៏ចង់មកលេងប្រទេសថៃដែរ ប៉ុន្តែប្រទេសថៃទំនងជាមិនអាចបើកសម្រាប់ភ្ញៀវទេសចរបរទេសបានទេ »។ រដ្ឋាភិបាលថៃមិនទាន់បើកដំណើរការឡើងវិញលើវិស័យទេសចរណ៍នៅឡើយទេ ព្រោះនៅតែមានការព្រួយបារម្ភអំពីសក្តានុពលនៃការនាំចូលករណី Covid-19 ថ្មី។ រដ្ឋាភិបាលគ្រោងនឹង អនុញ្ញាតឱ្យភ្ញៀវទេសចរដែលស្នាក់នៅរយៈពេលយូរ ២០០ នាក់ដំបូងចូលប្រទេសនេះនៅខែក្រោយ។ លោក Yang បានបន្ថែមថា បច្ចុប្បន្នប្រទេសចិនកំពុងបើកការធ្វើដំណើរឡើងវិញ សម្រាប់អ្នកជំនួញដែលអាចដាក់ពាក្យសុំចូលប្រទេសចិនដើម្បីធ្វើជំនួញ។ អ្នកជំនួញបរទេស មិនត្រូវបានគេដាក់ឱ្យនៅដាច់ដោយឡែករយៈពេល ១៤ ថ្ងៃនោះទេ

សម្តេចតេជោ ហ៊ុន សែន បានអះអាងថា រាជរដ្ឋាភិបាលកម្ពុជាមិនបន្ថយល្បឿននៃការងារកំណែទម្រង់នៅក្នុងគ្រប់វិស័យរបស់ខ្លួនឡើយ បើទោះបីជួបស្ថានភាពលំបាកនៃជំងឺកូវីដ១៩ក៏ដោយ ដើម្បីធានាឱ្យកម្ពុជានៅតែរក្សាបានកំណើនសេដ្ឋកិច្ច និងការអភិវឌ្ឍជាតិលើគ្រប់វិស័យ។ ថ្លែងក្នុងកិច្ចប្រជុំកំពូលកម្មន្តសាល និងឧស្សាហកម្មសកលឆ្នាំ២០២០ ក្រោមប្រធានបទ ការស្តារឡើងវិញនូវវិបុលភាពក្នុងពិភពលោកក្រោយជំងឺរាតត្បាត នារសៀលថ្ងៃទី០៥ ខែកញ្ញា ឆ្នាំ២០២០ នៅសហភាពអារ៉ាប់រួម តាមរយៈវីដេអូ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានមានប្រសាសន៍ថា ទោះបីជាជំងឺកូវីដ-១៩ បាននឹងកំពុងបង្កការលំបាក ជាច្រើនដល់កិច្ចដំណើរការនៃជីវិតសង្គមនិងសេដ្ឋកិច្ច ក៏ប៉ុន្តែរាជរដ្ឋាភិបាលកម្ពុជា មិនបន្ថយល្បឿននៃការងារកំណែទម្រង់នៅក្នុងគ្រប់វិស័យរបស់ខ្លួននោះទេ។ សម្តេចតេជោបញ្ជាក់ថា រាជរដ្ឋាភិបាលបានដាក់ចេញជាបន្តបន្ទាប់ នូវវិធីនៃការកែទម្រង់មុខស្រួចនានា សំដៅដោះស្រាយបញ្ហាប្រឈមសំខាន់ៗដែលបណ្ដាវិនិយោគិន និងធុរជន កំពុងជួបប្រទះក្នុងគោលបំណងបង្កើនការប្រកួតប្រជែងរបស់កម្ពុជា តាមរយៈការបង្កភាពងាយស្រួល និងការបង្កើនបរិយាកាសអំណោយផលដល់ការធ្វើអាជីវកម្ម

អាជ្ញាធរសេវាកម្មហិរញ្ញវត្ថុ (OJK) បាននិយាយកាលពីថ្ងៃសុក្រថា ប្រទេសឥណ្ឌូនេស៊ីបានបន្ធូរបន្ថយច្បា​ប់ទៅលើការផ្ដល់ប្រាក់កម្ចី សម្រាប់ការទិញរថយន្តអគ្គិសនី និងប្រាក់កម្ចីសម្រាប់អាជីវកម្មដែលផលិតនៅក្នុងប្រទេស ដើម្បីជំរុញការវិនិយោគនៅក្នុងវិស័យទាំង​នេះ។ នៅក្នុងសេចក្ដីថ្លែងការណ៍មួយអាជ្ញាធរសេវាកម្មហិរញ្ញវត្ថុ បាន​និយាយថា ខ្លួនបានបន្ធូរបន្ថយវិធានការស្ដីពីការវាយតម្លៃឥណទាន និងការគណនាហានិភ័យ សម្រាប់ប្រាក់កម្ចីដល់អ្នកទិញរថយន្តអេឡិចត្រូនិក ក៏ដូចជា សម្រាប់ ឧស្សាហកម្មផលិតគ្រឿងបន្លាស់ និងអាគុយ។ អាជ្ញាធរសេវាកម្មហិរញ្ញវត្ថុក៏បាននិយាយផងដែរថា ប្រាក់កម្ចីទាក់ទងនឹងការអភិវឌ្ឍហេដ្ឋារចនាសម្ព័ន្ធដូចជា ស្ថានីយ៍សាកថ្ម អាចត្រូវបានលើកលែងពីដែនកំណត់ដែលបានកំណត់ដោយ អាជ្ញាធរសេវាកម្មហិរញ្ញវត្ថុ។ បន្ថែមពីនេះ សេចក្តីថ្លែងការណ៍និយាយថា ការផ្លាស់ប្តូរនេះធ្វើឡើងស្របតាមបទប្បញ្ញត្តិឆ្នាំ២០១៩ របស់រដ្ឋាភិបាលក្នុងគោលបំណងជំរុញការអភិវឌ្ឍឧស្សាហកម្មយានយន្តអគ្គិសនីក្នុងស្រុក។ គួរឲ្យដឹងផងដែរថា ប្រទេសឥណ្ឌូនេស៊ី ចង់បង្កើតឧស្សាហកម្មខ្សែសង្វាក់ផ្គត់ផ្គង់នីកែលពេញលេញ ដោយចាប់ផ្តើមពីការជីកយករ៉ែ ទាញយកសារធាតុគីមីនីកែល ដែលប្រើក្នុងអាគុយ។ នៅឆ្នាំនេះប្រទេសឥណ្ឌូនេស៊ីបានបញ្ឈប់ការនាំចេញរ៉ែនីកែលដែលមិនទាន់កែច្នៃដើម្បីធានាថាការផ្គត់ផ្គង់នីកែលរបស់វានឹងត្រូវបានដំណើរការនៅក្នុងស្រុករួមទាំងរោងចក្រគីមីថ្មដែលកំពុងសាងសង់។ ខណៈនៅឆ្នាំនេះប្រទេសឥណ្ឌូនេស៊ីបានបញ្ឈប់ការនាំចេញរ៉ែនីកែល ដែលមិនទាន់កែច្នៃដើម្បីធានាថាការផ្គត់ផ្គង់នីកែលរបស់ខ្លួន

រដ្ឋាភិបាលជប៉ុនបាននិយាយកាលពីថ្មីៗនេះថា ខ្លួននឹងផ្តល់ជំនួយឥតសំណងចំនួន ៥ លានដុល្លារដល់ប្រទេសលីបង់ បន្ទាប់ពីមានការផ្ទុះឃ្លាំងស្តុកដ៏ធំមួយនៅក្នុងរដ្ឋធានី Beirut កាលពីខែមុន។ ក្រសួងការបរទេសជប៉ុនបាននិយាយថា ប្រទេសជប៉ុននឹងផ្តល់ជំនួយមនុស្សធម៌នៅក្នុងវិស័យជាច្រើនរួមមាន៖ សន្តិសុខស្បៀងអាហារ ទីជម្រក និងសុខភាពតាមរយៈកម្មវិធីស្បៀងអាហារពិភពលោក មូលនិធិកុមារសហរដ្ឋអាមេរិក គណៈកម្មាធិការអន្តរជាតិកាកបាទក្រហម និងអង្គការសហប្រជាជាតិទទួលបន្ទុកជនភៀសខ្លួន។​ ជំនួយនេះ នឹងរួមបញ្ចូលទាំងការផ្តល់ឧបករណ៍វេជ្ជសាស្រ្ត និងការជួសជុលដល់មន្ទីរពេទ្យចំនួន ១៣ និងកន្លែងផ្តល់សេវាវេជ្ជសាស្ត្របន្ទាន់ចំនួន ២ ក្នុងចំណោមបណ្តាមន្ទីរពេទ្យផ្សេងទៀត។ ទន្ទឹមនឹងនេះ ប្រទេសជប៉ុនសង្ឃឹមថា រដ្ឋាភិបាលលីបង់នឹងអនុវត្តនូវកំណែទម្រង់រដ្ឋបាលហិរញ្ញវត្ថុ និងយុត្តិធម៌ក្នុងលក្ខណៈយ៉ាងឆាប់រហ័ស និងមានតម្លាភាព និងសម្រេចបាននូវកំណើនប្រកបដោយចីរភាព។ ជំនួយហិរញ្ញវត្ថុ បន្ទាប់ពីការផ្តល់ជំនួយសង្គ្រោះបន្ទាន់របស់ទីក្រុងតូក្យូដល់ប្រទេសលីបង់ដូចជា៖ ភួយ តង់ និងធុងទឹកត្រូវបានប្រកាសភ្លាមៗបន្ទាប់ពីការផ្ទុះ។ គួរឱ្យដឹងផងដែរថា

នាយកប្រតិបត្តិក្រុមហ៊ុន Amazon លោក Jeff Bezos បានថ្លែងអំណរគុណចំពោះភាពជោគជ័យរបស់ក្រុមហ៊ុន ដែលធ្វើឲ្យលោកក្លាយជាអ្នកមានបំផុតនៅលើពិភពលោក ជាមួយទ្រព្យសម្បត្តសុទ្ធចំនួន ២០៧ ពាន់លានដុល្លារ នេះបើយោងតាមសន្ទស្សនមហាសេដ្ឋី Bloomberg។ មុនពេលទទួលបានជោគជ័យ នៅពេលចាប់ផ្ដើមបង្កើតក្រុមហ៊ុន Amazon ក្នុងនាមជាហាងលក់សៀវភៅតាមអ៉ីនធឺណេតក្នុងឆ្នាំ១៩៩៤ លោក Jeff Bezos គិតថា អាជីវកម្មរបស់គាត់នឹងបរាជ័យ។ នៅក្នុងបទសម្ភាសន៍មួយរបស់ទូរទស្សន៍ KING-TV តាំងពីឆ្នាំ ២០០០ មក មហាសេដ្ឋីរូបនេះបានប្រាប់ទៅកាន់លោក John Stofflet ថា គាត់មានឱកាសតែ ៣០% ប៉ុណ្ណោះក្នុងបង្កើតក្រុមហ៊ុន Amazon