ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្មបានផ្ដល់នូវអនុសាសន៍គន្លឹះមួយចំនួនជូនសភាពាណិជ្ជកម្មខេត្តប៉ៃលិន និងសមាគមអ្នកនាំចេញដំឡូងមី ដើម្បីរក្សាបានចីរភាពបរិមាណផលិតកម្ម និងបង្កើនបរិមាណនៃការនាំចេញ។ ការផ្ដល់អនុសាសន៍គន្លឹះរបស់ឯករដ្ឋមន្រ្តី ធ្វើឡើងក្នុងឱកាសដែលឯកឧត្តមអញ្ជើញជួបសំណេះសំណាលជាមួយសភាពាណិជ្ជកម្មខេត្តប៉ៃលិន និងសមាគមអ្នកនាំចេញដំឡូងមីនៅខេត្តប៉ៃលិន កាលពីរសៀលថ្ងៃទី៧ ខែកញ្ញា ឆ្នាំ២០២០ ដែលមានការចូលរួមពី ឯកឧត្តម ផាន់ ចាន់ធុល អភិបាលនៃគណៈអភិបាលខេត្តប៉ៃលិន ឯកឧត្តម លោកជំទាវ ឧកញ៉ា លោក លោកស្រីថ្នាក់ដឹកនាំក្រសួងពាណិជ្ជកម្ម ថ្នាក់ដឹកនាំសភាពាណិជ្ជកម្ម និងមន្ត្រីរាជការជាច្រើនរូបទៀត។ ក្នុងឱកាសនោះ ឯកឧត្តមរដ្ឋមន្ត្រីបានមានប្រសាស៍ថា ដើម្បីរក្សាបានចីរភាពបរិមាណផលិតកម្ម និងបង្កើនបរិមាណនៃការនាំចេញ ភាគីទាំងអស់ត្រូវសហការ និងរួបរួមគ្នាដោះស្រាយបញ្ហាប្រឈមនានា ដែលកើតមានឡើងនៅក្នុងខ្សែច្រវ៉ាក់តម្លៃផលិតផលកសិ-ពាណិជ្ជកម្មដំឡូងមី ដើម្បីរួមចំណែកអភិវឌ្ឍន៍ផលិតផលកសិ-ពាណិជ្ជកម្ម នេះឲ្យកាន់តែមានភាពរីកចម្រើនជួយបង្កើតការងារ

ថ្ងៃទី០៨ ខែកញ្ញា ឆ្នាំ២០២០៖ ពានរង្វាន់សរុបចំនួន៣២ ត្រូវបានប្រគល់ជូនកាលពីថ្ងៃទី០៤ ខែកញ្ញា ឆ្នាំ២០២០ នៅក្នុងកម្មវិធីពានរង្វាន់អចលនទ្រព្យប្រចាំឆ្នាំ លើកទី៥ របស់ Property Guru Cambodia ដែលត្រូវបានធ្វើឡើងនៅសណ្ឋាគារ​ Sofitel Phnom Penh Phokeethra។ នេះគឺជារាត្រីមួយប្រកបដោយភាពចែងចាំង និងមិនអាចបំភ្លេចបានឡើយ ដែលក្រុមហ៊ុន Meridian International Holding ទទួលបាន ពានរង្វាន់រហូតដល់ទៅ១៣ សម្រាប់គម្រោង Flatiron by Meridian ដែលជាគម្រោងថ្មីចុងក្រោយរបស់ក្រុមហ៊ុន ដោយរួមបញ្ចូលទាំង ពានរង្វាន់ទទួលបានការស្ងើចសរសើរជាពិសេស (Highly

រដ្ឋាភិបាលឥណ្ឌូនេស៊ី បានកំណត់ទឹកប្រាក់ចំនួន ៣.៨ ទ្រីលានរ៉ូពី (២៥៦.៨ លានដុល្លារ) សម្រាប់ការទូទាត់ការទិញវ៉ាក់សាំងការពារជំងឺរាតត្បាត Covid-19 នេះបើយោងតាមប្រសាសន៍របស់រដ្ឋមន្ត្រីសេដ្ឋកិច្ចសម្របសម្រួលឥណ្ឌូណេស៊ីលោក Airlangga Hartanto ។ នៅក្នុងសន្និសីទសារព័ត៌មានតាមអ៉ីនធឺណេតលោកបាននិយាយថា រដ្ឋាភិបាលគ្រោងនឹងចំណាយប្រាក់ចំនួន ៣៧ ទ្រីលានរ៉ូពី (២.៥១ ពាន់លានដុល្លារ) នៅឆ្នាំក្រោយសម្រាប់កម្មវិធីអភិវឌ្ឍវ៉ាក់សាំងរយៈពេលច្រើនឆ្នាំ។ រដ្ឋាភិបាលកំពុងសំឡឹងមើលវ៉ាក់សាំង ដែលមានសក្តានុពលជាច្រើនដែលកំពុងត្រូវបានអភិវឌ្ឍ។ យោងតាមលោក ​​Airlangga បានឱ្យដឹងថា ឥណ្ឌូណេស៊ីគ្រោងនឹងផ្គត់ផ្គង់វ៉ាក់សាំង Sinovac ចំនួន ២៩០ លានដូសនៅឆ្នាំក្រោយ និង ៣០ លានដូសនៃវ៉ាក់សាំង G42 នៅឆ្នាំនេះ។

ធនាគារកណ្ដាលរបស់ប្រទេសសិង្ហបុរីកាលពីថ្ងៃច័ន្ទបាននិយាយថា សេដ្ឋកិច្ចរបស់ប្រទេសនេះ ដែលជាប្រទេសមានជាងគេនៅអាស៊ីអាគ្នេយ៍អាចនឹងធ្លាក់ចុះ ៦% នៅឆ្នាំ២០២០។ ផ្អែកលើការស្ទង់មតិរបស់អ្នកសេដ្ឋកិច្ចចំនួន ២៦ រូប ដោយអាជ្ញាធររូបិយវត្ថុសិង្ហបុរី (MAS) បានបង្ហាញការព្យាករថា ការធ្លាក់ចុះនេះបានព្រមានពីការព្រមានមុនៗ អំពីការធ្លាក់ចុះ ៥.៨% និងកើតឡើងបន្ទាប់ពីការធ្លាក់ចុះដ៏អាក្រក់ជាងការរំពឹងទុក ១៣.២% នៃផលិតផលក្នុងស្រុកសរុប (GDP) ក្នុងអំឡុងត្រីមាសទី ២។ យោងតាម MAS ការរឹតបន្តឹងនៃស្ថានភាពហិរញ្ញវត្ថុសកល ការកើនឡើងនៃស្ថានភាព Covid-19 ជាសកល ក៏ដូចជា ការកើនឡើងនៃភាពតានតឹងរវាងសហរដ្ឋអាមេរិក និងចិន គឺទំនងជាបុព្វហេតុចំបងនៃវិបត្តិសេដ្ឋកិច្ច។ យ៉ាងណាមិញ ប្រទេសសិង្ហបុរីដែលជារដ្ឋ​ទីក្រុងតូចមួយដែលពឹងផ្អែកលើពាណិជ្ជកម្ម និងការវិនិយោគបរទេសបានឃើញថា សេដ្ឋកិច្ចរបស់ខ្លួនរងផលប៉ះពាល់យ៉ាងខ្លាំងដោយការបិទទ្វារចាប់តាំងពីថ្ងៃទី០៧

ចូលរួមអបអរសាទរដល់ អ្នកស្រី សំ ពឿយ រស់នៅខេត្តបាត់តំបង បានក្លាយជាអតិថិជនមានសំណាងឈ្នះម៉ូតូហុងដាឌ្រីមសេរី២០២០ប្រចាំខែកក្កដា ក្រោយពីបានទូទាត់ប្រាក់កម្ចីរបស់គ្រឹះស្ថានមីក្រូហិរញ្ញវត្ថុអម្រឹត តាមរយៈវីង។ អ្នកស្រីពឿយ បានបង្ហើបឲ្យដឹងថា អ្នកស្រីគ្រាន់តែធ្វើការទូទាត់ប្រាក់កម្ចីរបស់គ្រឹះស្ថានមីក្រូហិរញ្ញវត្ថុអម្រឹត តាមរយៈភ្នាក់ងារវីង ជាប្រចាំខែដូចសព្វមួយដង ហើយក្នុងអំឡុងខែកក្កដាកន្លងទៅនេះស្រាប់តែក្រុមការងាររបស់ អម្រឹត បានប្រាប់គាត់ពីដំណឹងល្អមួយនេះ។ «ពេលគេតេមកខ្ញុំដំបូង ខ្ញុំអត់ជឿទេ។ តែដល់ពេលស្តាប់ការបកស្រាយូរបន្តិចទើបជឿថាខ្ញុំពិតជាបានឈ្នះរង្វាន់ម៉ូតូមែន។ ពីមុនពិបាក ពេលបង់ប្រាក់កម្ចីម្តងៗ ខ្ញុំត្រូវធ្វើដំណើរឆ្ងាយហើយពេលខ្លះត្រូវតម្រង់ជួរ។ ឥឡូវលែងពិបាកហើយ ខ្ញុំគ្រាន់តែចំងាយពេលត្រឹមតែ៥នាទី។ទៅដល់ភ្លាមបង់បានភ្លាម។ និយាយទៅវាងាយស្រួល មានសុត្តិភាព» នេះបើតាមឲដឹងពី អ្នកស្រី ពឿយ។ ដើម្បីក្លាយជាអតិថិជនមានសំណាង លោកអ្នកគ្រាន់តែធ្វើការទូទាត់ប្រាក់កម្ចីរបស់ អម្រឹត តាមរយៈភ្នាក់ងារវីងណាមួយដែលកំពុងធ្វើប្រតិបត្តិការច្រើនជាង៨០០០កន្លែងនៅទូទាំងប្រទេស ឬកម្មវិធីស្មាតហ្វូនវីង(Wing

ក្រសួងសាធារណការ និងដឹកជញ្ជូន (MPWT) បានឲ្យដឹងថា ការសិក្សាលើការកសាងផ្លូវល្បឿនលឿនភ្ជាប់ពីភ្នំពេញទៅក្រុងបាវិតជាប់ព្រំដែនប្រទេសវៀតណាមត្រូវបានបញ្ចប់។ របាយការណ៍ស្ដីពីការសិក្សាដែលធ្វើឡើងដោយក្រុមហ៊ុន China Railway International Group Co. , Ltd ត្រូវបានបង្ហាញនៅក្នុងកិច្ចប្រជុំមួយដែលបានធ្វើឡើងនៅថ្ងៃទី០៧ ខែកញ្ ញាក្រោមអធិបតីភាពរបស់លោក សូរ វិចទ័រ រដ្ឋលេខាធិការក្រសួងសាធារណការ និងដឹកជញ្ជូន។ ផ្អែកលើរបាយការណ៍នេះមានជំរើសបីសម្រាប់ការស្ថាបនាផ្លូវល្បឿនលឿន ហើយបើយោងតាមក្រសួង រដ្ឋាភិបាលនឹងសិក្សាយ៉ាងហ្មត់ចត់នូវជំរើសទាំងបី ដើម្បីជ្រើសរើសជំរើសមួយឲ្យបានត្រឹមត្រូវដោយគិតគូរពីផលប៉ះពាល់សង្គម និងសេដ្ឋកិច្ច រួមទាំងថវិកាសាងសង់។ យ៉ាងណាមិញក្រុមហ៊ុននឹងដាក់របាយការណ៍ហិរញ្ញវត្ថុនៃការស្ថាបនាផ្លូវល្បឿនលឿននៅពាក់កណ្តាលខែតុលាឆ្នាំនេះ។ (រូបតំណាង) ជាមួយគ្នានេះនៅពេលសាងសង់ត្រូវបានបញ្ចប់ ផ្លូវល្បឿនលឿនភ្នំពេញ-បាវិត នឹងក្លាយជាផ្លូវល្បឿនលឿនទី២ របស់ព្រះរាជាណាចក្របន្ទាប់ពីផ្លូវល្បឿនលឿនភ្នំពេញ-ព្រះសីហនុដែលមានប្រវែង ១៩០ គីឡូម៉ែត្រ។

ក្រសួងហិរញ្ញវត្ថុបានប្រកាសថា រដ្ឋាភិបាលជប៉ុនបានអនុម័តនៅថ្ងៃអង្គា រទី ៨ ខែកញ្ញា នូវការចំណាយថវិកាចំនួន ៦៧១.៤ ពាន់លានអឺរ៉ូ (៦.៣២ ពាន់លានដុល្លារ) ពីប្រាក់បំរុងថវិកាសង្គ្រោះបន្ទាន់ ដើម្បីធានាឱ្យបានវ៉ាក់សាំង Covid-19 ។ រដ្ឋាភិបាលបាននិយាយថា ខ្លួនសង្ឃឹមថានឹងទទួលបានវ៉ាក់សាំងគ្រប់គ្រាន់សម្រាប់ប្រជាពលរដ្ឋគ្រប់រូប នៅពាក់កណ្តាលឆ្នាំក្រោយហើយផ្តល់ជូនពួកគេដោយឥតគិតថ្លៃ។ គួរឱ្យដឹងផងដែរថា កាលពីថ្ងៃសៅរ៍ ទី០៥ ខែកញ្ញា ឆ្នាំ២០២០ បានរាយការណ៍ថា ជប៉ុននឹងធានាការចំណាយថវិកាក្នុងការផ្តល់វ៉ាក់សាំងប្រឆាំងជំងឺ COVID-19 ដល់ពលរដ្ឋរបស់ខ្លួន ព្រោះរដ្ឋាភិបាលមានគោលបំណងសម្រាប់ការទប់ស្កាត់ដ៏ទូលំទូលាយប្រឆាំងនឹងរោគរាតត្បាត។ រដ្ឋាភិបាលក៏បាននិយាយដែរថា ខ្លួនគ្រោងនឹងបង្កើតមូលនិធិដើម្បីទូទាត់សំណងដល់ពលរដ្ឋ សម្រាប់ផលប៉ះពាល់ដែលអាចកើតមានបន្ទាប់ពីទទួលវ៉ាក់សាំងផងដែរ៕ អត្ថបទ៖​ នីតា ប្រភព៖ channelnewsasia

ផ្លែចេកនៅតែជាអ្នករកចំណូលបានច្រើនជាងគេក្នុងចំណោមផលិតផលកសិកម្មរបស់ប្រទេសឡាវ ដែលនាំចេញទៅប្រទេសចិន ទោះបីជារដ្ឋាភិបាលនៃប្រទេសអាស៊ីអាគ្នេយ៍មួយនេះបានបញ្ឈប់ការផ្តល់អាជ្ញាប័ណ្ណសម្រាប់ការអភិវឌ្ឍដំណាំចេកក៏ដោយ។ យោងតាមស្ថិតិពីក្រសួងឧស្សាហកម្ម និងពាណិជ្ជកម្មឡាវបង្ហាញថា តម្លៃនាំចេញចេករបស់ប្រទេសឡាវទៅកាន់ប្រទេសចិនបានកើនឡើង ១១៦លានដុល្លារ ក្នុងរយៈពេល ៧ខែនៃឆ្នាំ២០២០ នេះ។ ខណៈកាលពីឆ្នាំមុនតួលេខនេះបានកើនឡើងដល់ ១៨៥.៦ លានដុល្លារ។ ហើយនៅឆ្នាំ២០២០ ពាណិជ្ជកម្មឡាវ-ចិន រងផលប៉ះពាល់យ៉ាងខ្លាំងដោយជំងឺរាតត្បាត Covid-19 ប៉ុន្តែការនាំចេញទំនិញជាពិសេសចេកនៅតែមានស្ថេរភាពដោយសារការចរចារនិងកិច្ចសហប្រតិបត្តិការល្អរវាងមន្រ្តីនៃប្រទេសទាំងពីរ។ យុទ្ធសាស្ត្រអភិវឌ្ឍន៍កសិកម្មរបស់ប្រទេសឡាវរហូតដល់ឆ្នាំ ២០២៥ បានបញ្ជាក់យ៉ាងច្បាស់ថា ចេក គឺជាផ្នែកមួយនៃការចូលរួមចំណែកដ៏សំខាន់ក្នុងការនាំចេញរបស់ប្រទេស ដោយនាំមកនូវឱកាសការងារ និងបង្កើតប្រាក់ចំណូលសម្រាប់ប្រជាជនក្នុងស្រុក និងរួមចំណែកដល់កិច្ចខិតខំប្រឹងប្រែងកាត់បន្ថយភាពក្រីក្ររបស់ប្រទេសផងដែរ៕ អត្ថបទ៖ លីនី ប្រភព៖ vietnamplus