​សហព័ន្ធ​ស្រូវ​អង្ករ​កម្ពុជា​បាន​អះអាងថា ១០​ ​ខែដំបូងនៃឆ្នាំ​ ២០២០ ចំណូល​ពី​ការនាំចេញ​អង្ករ​កម្ពុជា​កើនឡើង​ប្រមាណ​ជាជិត ២០%​​ ។ ​ប្រភព​ដដែល​បាន​អះអាងថា គិត​ត្រឹម​រយៈពេល​ ១០ ​ខែនៃ​ឆ្នាំ ​២០២០ ប្រាក់ចំណូល​ដែល​កម្ពុជា​ទទួលបាន​ពី​ការនាំចេញ​អង្ករទៅ​ក្រៅប្រទេស មានការ​កើនឡើង​ជិត ​៤៧ ​លាន​ដុល្លារ​សហរដ្ឋអាមេរិក ដែល​កំណើន​នេះ​ស្មើនឹង​ ១៥% បើ​ប្រៀបធៀប​នឹង​រយៈពេល​ដូចគ្នា​ក្នុង​ឆ្នាំ​ ២០១៩ ​។​ ​ប្រភព​ដដែល​បាន​បញ្ជាក់ថា « ​ជារួមទឹកប្រាក់​សរុប​ដែល​កម្ពុជា​ទទួលបាន​ពី​ការនាំចេញ​អង្ករ​ ក្នុង​រយៈពេល ​១០ ​ខែមាន​ចំនួន ៣៦៦.៤៤​ លាន​ដុល្លារ​សហរដ្ឋអាមេរិក ហើយ​ការនាំចេញ​ក្នុង​ ១០ ​ខែ​នេះ ក៏មាន​ការកើនឡើងជិត​ ២០%

​ភ្ញៀវទេសចរ​បរទេស​សរុប​ប្រមាណ​ជាជាង​ ១០០ សញ្ជាតិ​បាន​បន្ត​មក​កំសាន្ត​កម្ពុជា ទោះបីជា​ពិភពលោកកំពុងតែ​រាតត្បាត​ដោយសារតែ​ជំងឺ​កូ​វីដ-​១៩ ក៏ដោយ។ ​របាយការណ៍​ដែល​ផ្សព្វផ្សាយ​ដោយ​ក្រសួងទេសចរណ៍​បាន​ឲ្យ​ដឹងថា ទោះបីជា​ចំនួន​ភ្ញៀវទេសចរ​ថយចុះ​ជា​អតិប្បរមា​ដោយសារតែ​វិបត្តិ​កូ​វីដ-​១៩ នេះ​ក៏ដោយចុះ ប៉ុន្តែ​បើ​និយាយ​អំពី​ពលរដ្ឋ​នៅលើ​ពិភពលោក ដែល​មក​កំសាន្ត​នៅ​កម្ពុជា​គឺ​ហាក់​នៅតែ​ដដែល​ទេ ពោលគឺ​នៅក្នុង​ចំណោម​ភ្ញៀវទេសចរបរទេស​ទាំងនោះគឺមាន​ប្រមាណ​ជាជាង​ ១០០ សញ្ជាតិ។ ភ្ញៀវទេសចរ​បរទេស​មកលេង​សរុប​នៅ​កម្ពុជា​នៅ​រយៈពេល ​៩​ ខែដំបូងនៃឆ្នាំ​ ២០២០ នេះគឺ​ធ្លាក់ចុះ​ ៧៤.១% ពោលគឺ​ថយចុះមក​នៅត្រឹមតែ ១,២៤៧,៦៨០ នាក់​ប៉ុណ្ណោះ។ ​តួរ​លេខ​បាន​បង្ហាញថា គ្រប់​ជនជាតិ​ដែល​មកលេង​កំសាន្ត​នៅ​កម្ពុជា​គឺ​ថយចុះ​គ្មាន​ប្រទេស​ណា​ទាប​ជាង ៣០% ទេប៉ុន្តែ​មានតែ​ពលរដ្ឋ​នៅក្នុង​ប្រទេសហ្គា​ណាមួយ​គត់​ ដែល​ធ្លាក់ចុះ​ត្រឹមតែ ០.៨% ។​ ​ជាការ​ពិត​អ្នកទេសចរ​មកពី​ប្រទេស​នេះ​ គឺ​មិន​ច្រើន​ទេគឺ​ត្រឹមតែ ២៥៦ នាក់ ប៉ុណ្ណោះកាលពី​ឆ្នាំ

ធនាគារពាណិជ្ជកម្មធំៗរបស់ថៃ បានសន្យាផ្តល់ការគាំទ្រផ្នែកហិរញ្ញវត្ថុដល់សហគ្រាសធុនតូច និងមធ្យម (SMEs) ខណៈពេលដែលសេដ្ឋកិច្ចរងផលប៉ះពាល់ដោយសារជំងឺរាតត្បាត Covid-19 ។ សមាគមពាណិជ្ជកម្មថៃ នឹងជួយសហគ្រាសធុនតូច និងមធ្យមដោយផ្តោតលើការរៀបចំរចនាសម្ព័ន្ធបំណុល ក៏ដូចជាជួយដល់ម្ចាស់បំណុលបង្កើនសមត្ថភាពក្នុងការសងបំណុល។ លោក Manop Sangiambut អនុប្រធានប្រតិបតិ្តទី១ មកពីធនាគារ Thai Siam Commercial Bank (SCB) បានមានប្រសាសន៍ថា ប្រាក់កម្ចីមិនដំណើរការត្រូវបានគេរំពឹងថា នឹងកើនឡើងដោយសារតែសេដ្ឋកិច្ចមិនទាន់បានវិលត្រឡប់ទៅរកកំណើននៅឡើយ។ លោកបានបន្ថែមថា ឧស្សាហកម្មទេសចរណ៍រងផលប៉ះពាល់ខ្លាំងបំផុត ពីការធ្លាក់ចុះនៃសេដ្ឋកិច្ចដែលកាន់តែធ្ងន់ធ្ងរឡើងដោយសារជំងឺ Covid-19 ។ ទន្ទឹមនឹងនេះ លោក Pipatpong Poshyanonda ប្រធានធនាគារថៃ

លោក សោម លន់ អនុប្រធាននាយកដ្ឋានសាកវប្បកម្ម និងដំណាំរួមផ្សំនៃអគ្គនាយកដ្ឋានកសិកម្មនៃក្រសួងកសិកម្ម រុក្ខាប្រមាញ់ និងនេសាទបានមានប្រសាសន៍ថា ពូជដំណាំរួមផ្សំទាំង​ ២៥ តោននោះរួមមាន៖ ស្ពៃជាច្រើនប្រភេទ ពោតដំណើប ត្រកួន សណ្តែកកួរ ល្ពៅ ត្រប់ ប៉េងប៉ោះ ត្រឡាច ននោង ម្រះ និងផ្ទី.ស​ជាដើម។ លោកបន្តថា ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានដឹកនាំមន្ត្រីជំនាញពាក់ព័ន្ធបន្តចុះចែកគ្រាប់ពូជនេះនៅខេត្តមួយចំនួនរួចហើយ ដើម្បីឱ្យកសិករយកទៅបង្កបង្កើនផលទាន់ទឹកស្រកទៅវិញ។ ជាមួយគ្នានោះ ក្រុមការងារជំនាញរបស់មន្ទីរកសិកកម្មខេត្តទាំងអស់ ក៏បានចុះអប់រំណែនាំឱ្យប្រជាកសិករឱ្យបង្កើនការដាំបន្លែបង្ការ ដើម្បីផ្គត់ផ្គង់ក្នុងសហគមន៍ និងកាត់បន្ថយការនាំចូលពីប្រទេសជិតខាង។

ជាការពិតណាស់មនុស្សគ្រប់គ្នាតែងយល់ឃើញថា ការងារជាអ្នកបើកឡានឲ្យមហាសេដ្ឋី ឬ អ្នកជំនួញ មិនអាចរកចំណូលបានច្រើននោះទេ ប៉ុន្តែផ្ទុយទៅវិញអ្នកបើកឡានឲ្យមហាសេដ្ឋីលំដាប់ទី១ នៅហុងកុង សល់ប្រាក់រាប់លានដុល្លារនៅពេលចូលនិវត្តន៍។ លោក លី កាស៊ីង ត្រូវបានគេស្គាល់ថា ជាកំពូលវិនិយោគិននៅអាស៊ី ជាពិសេសខាងវិស័យអចលនទ្រព្យ។ លោក គឺជាបុគ្គលមួយរូបដែលឆ្លាត និងពូកែក្នុងការវិនិយោគមិនថា គ្រប់កន្លែង ឬ ទីតាំងណាក៏ដោយមិនងាយបរាជ័យនោះទេ។ ជាមួយគ្នានេះ គ្រប់ពេលធ្វើដំណើរមិនថាទៅមើលទីតាំងវិនិយោគ ឬទៅធ្វើការនៅក្រុមហ៊ុន មហាសេដ្ឋីរូបនេះមានអ្នកបើកបរផ្ទាល់ខ្លួន។ ក្រោយពេលបើកបរឲ្យលោក លី អស់ជាង ៣០ មក អ្នកបើកបរក៏ត្រៀមចូលនិវត្តន៍ ហើយដោយសារឃើញការខិតខំបំពេញការងារបានយ៉ាងល្អ មហាសេដ្ឋីរូបនេះបានប្រគល់ប្រាក់ចំនួន ២ លានដុល្លារហុងកុង

រដ្ឋបាលស្រុកជីក្រែង សហការជាមួយប្រជាសហគមន៍នៅតាមមូលដ្ឋាននានា បានបង្កើតឱ្យមានកន្លែងទេសចរណ៍សំខាន់ៗចំនួន ៣ កន្លែងដើម្បីទាក់ទាញភ្ញៀវទេសចរមកកម្សាន្ត និងបង្កើនប្រាក់ចំណូលដល់ប្រជាពលរដ្ឋដែលអាស្រ័យផលនៅតំបន់របស់ខ្លួន។ លោក ធូ ចន្ថុល អភិបាលរងនៃគណៈអភិបាលស្រុកជីក្រែង បានប្រាប់អ្នកយកព័ត៌មានវិទ្យុជាតិកម្ពុជាថា តំបន់ទេសចរណ៍ទាំង៣កន្លែងនោះមាន ទំនប់ម្កាក់ ទំនប់ខ្សាក និងរមណីយដ្ឋានចំការដូងអូរមាស ដែលកំពុងទាក់ទាញចំណាប់អារម្មណ៍ភ្ញៀវទេសចរទៅកម្សាន្តជាប្រចាំ ព្រោះថាទីនោះមានទេសភាពស្អាតអមទៅដោយតំបន់ភ្នំជាច្រើន ផ្ទៃទឹកដ៏ធំល្វឹងល្វើយ និងមានខ្យូសបណ្តែតទឹកសម្រាប់បម្រើជូនភ្ញៀវទៀតផង។ លោកបន្តថា អាជ្ញាធរស្រុកបានជំរុញសហគមន៍ទាំងអស់ធ្វើយ៉ាងណាខិតខំផ្គត់ផ្គង់ម្ហូបអាហារ ដែលជាផលិតផលក្នុងតំបន់ផ្ទាល់ និងមានតម្លៃសមរម្យដែលភ្ញៀវអាចទទួលយកបាន រួមជាមួយនឹងការថែរក្សាអនាម័យបរិស្ថាន ដែលទាក់ទាញភ្ញៀវទៅលេងម្តងហើយចង់ទៅលេងម្តងទៀត។ លោកមានប្រសាសន៍ថា ទំនប់ខ្សាក រមណីយដ្ឋានចំការដូងអូរមាសមានកន្លែងអង្គុយលេងស្ទូចត្រី ស្ថិតនៅភូមិត្រពាងធ្នួស ឃុំពង្រលើ ដោយផ្សារភ្ជាប់នឹងខ្សាកវត្តពើង។ ខ្ញុំបានជំរុញឱ្យឃុំ និងសហគមន៍សហការណ៍គ្នាលក់ម្ហូបអាហារ ត្រូវលក់ម្ហូបអាហារនៅក្នុងសហគមន៍តែម្តង។

រដ្ឋាភិបាលឡាវបានប្រកាសថា ខ្លួននឹងគ្រប់គ្រង រួមទាំងដោះស្រាយបំណុលសាធារណៈតាមវិធីផ្សេងៗ ខណៈដែលខ្លួនព្យាយាមបន្ធូរបន្ថយភាពតានតឹងផ្នែកហិរញ្ញវត្ថុរបស់ប្រទេស។ កាសែតភាសាអង់គ្លេស Vientiane Times បានរាយការណ៍ថា លោកនាយករដ្ឋមន្រ្តី Thongloun Sisoulith បានប្រាប់រដ្ឋសភានៅសប្តាហ៍មុនថា រដ្ឋាភិបាលនឹងមិនទទួលយកប្រាក់កម្ចីពីបរទេសទៀតនោះទេ ដើម្បីជាមធ្យោបាយមួយក្នុងការដោះស្រាយឱនភាពសារពើពន្ធ។ ឧបនាយករដ្ឋមន្រ្តី និងជារដ្ឋមន្រ្តីក្រសួងហិរញ្ញវត្ថុលោក Somdy Duangdy បានប្រាប់សភាថា រដ្ឋាភិបាលនឹងគ្រប់គ្រងបំណុលសាធារណៈស្របតាមច្បាប់ ខណៈពេលដែលកំពុងព្យាយាមកាត់បន្ថយឱនភាពសារពើពន្ធ។ រដ្ឋាភិបាលក៏នឹងពិនិត្យមើលមធ្យោបាយផ្សេងទៀតដើម្បីកាត់បន្ថយបន្ទុកបំណុលដូចជា ប្តូរបំណុលទៅជាដើមទុន លក់ទ្រព្យសម្បត្តិរដ្ឋ និងលក់ភាគហ៊ុននៅក្នុងសហគ្រាសរដ្ឋ ដោយសង្ឃឹមថាអាចដោះស្រាយបានគ្រប់គ្រាន់នូវបំណុល និងកាតព្វកិច្ចរបស់ប្រទេសនៅចុងឆ្នាំនេះ។ លោកបានបន្តថា សកម្មភាពទាំងនេះមានគោលបំណងលើកស្ទួយកេរ្តិ៍ឈ្មោះរបស់ប្រទេស និងកសាងទំនុកចិត្តក្នុងចំណោមវិនិយោគិនបរទេស និងម្ចាស់ជំនួយ។ ទាក់ទងនឹងបំណុលដែលរដ្ឋាភិបាលជំពាក់ក្រុមហ៊ុនឯកជន ដែលបានអនុវត្ត និងផ្តល់ហិរញ្ញប្បទានដល់គម្រោងអភិវឌ្ឍន៍ហេដ្ឋារចនាសម្ព័ន្ធរបស់រដ្ឋ

យោងតាមនាយករដ្ឋមន្រ្តីម៉ាឡេស៊ីលោក Muhyiddin Yassin បានឱ្យដឹងថា កញ្ចប់ថវិកាឆ្នាំ ២០២១ នឹងផ្តល់ការបម្រុងទុកដើម្បីទប់ស្កាត់ការរីករាលដាលនៃជំងឺ Covid-19 ខណៈរដ្ឋាភិបាលបង្កើនការប្រយុទ្ធប្រឆាំងនឹងជំងឺរាតត្បាតនេះ។ លោក Muhyiddin Yassin បាននិយាយថា រដ្ឋាភិបាលម៉ាឡេស៊ីនឹងដាក់ចេញនូវវិធានការណ៍បន្ថែមនៅក្នុងថវិកា ដែលនឹងត្រូវរៀបចំឡើងនៅថ្ងៃទី ៦ ខែវិច្ឆិកា ដែលជាផ្នែកមួយនៃកិច្ចខិតខំប្រឹងប្រែងដើម្បីធ្វើឱ្យជីវិតរបស់ប្រជាជនត្រឡប់ទៅរកភាពប្រក្រតីវិញ។ គួរឱ្យដឹងផងដែរថា រដ្ឋាភិបាលម៉ាឡេស៊ីបានត្រៀមថវិកាចំនួន ២ ពាន់លានរីងហ្គីត (៤៨០ លានដុល្លារ) ដល់ក្រសួងសុខាភិបាល ខណៈពេលដែលនៅក្នុងរដ្ឋ Sabah បានរងការវាយប្រហារដោយជំងឺ Covid-19 និងថវិការប្រហែល ៤០០ លានរីងហ្គីតផ្តល់សម្រាប់ជំនួយស្បៀងអាហារ និងការផ្គត់ផ្គង់វេជ្ជសាស្រ្ត៕ អត្ថបទ៖