រដ្ឋាភិបាលអូស្រ្តាលី បានប្រកាសនូវគំនិតផ្តួចផ្តើមស្តីពីការទទួលថ្នាំបង្ការ និងសន្តិសុខក្នុងតំបន់ចំនួន ៥០០ លានដុល្លារអូស្រ្តាលី (ជាង ៣៥០ លានដុល្លារ) ដើម្បីជួយប្រទេសនានានៅអាស៊ីអាគ្នេយ៍ និងប៉ាស៊ីហ្វិកឲ្យទទួលបានវ៉ាក់សាំងការពារជំងឺ Covid-19 ដែលមានសុវត្ថិភាព និងប្រសិទ្ធភាព។ យោងតាមសេចក្តីប្រកាសព័ត៌មានពីស្ថានទូតអូស្ត្រាលីប្រចាំនៅកម្ពុជាបានឲ្យដឹងថា គំនិតផ្តួចផ្តើមនេះនឹងចូលរួមចំណែកយ៉ាងសំខាន់ក្នុងការឆ្លើយតបតម្រូវការវ៉ាក់សាំងរបស់អាស៊ីអាគ្នេយ៍។ ប្រភពដដែលបានបញ្ជាក់ថា វានឹងរួមបញ្ចូលទាំងលទ្ធកម្ម និងការផ្តល់នូវវ៉ាក់សាំង ការវាយតំលៃសុវត្ថិភាព និងប្រសិទ្ធភាពវ៉ាក់សាំង និងការគាំទ្របច្ចេកទេសសម្រាប់គោលនយោបាយ និងផែនការចាក់ថ្នាំបង្ការ។ រដ្ឋមន្រ្តីក្រសួងការបរទេសអូស្ត្រាលីនិងជាសមាជិកព្រឹទ្ធសភាលោកស្រី Hon Marise Payne បានមានប្រសាសន៍ថា « ការចាក់វ៉ាក់សាំងឱ្យបានរហ័ស និងមានសុវត្ថិភាពនៅក្នុងតំបន់ប៉ាស៊ីហ្វិក និងអាស៊ីអាគ្នេយ៍មានន័យថា យើងអាចវិលត្រឡប់ទៅកាន់ការធ្វើដំណើរទេសចរណ៍ និងពាណិជ្ជកម្មធម្មតាវិញជាមួយដៃគូសំខាន់ៗរបស់យើងនៅក្នុងតំបន់ »។

វៀតណាមនឹងនាំចេញ ស្លាប ភ្លៅ និងទ្រូងមាន់ ទៅកាន់ទីផ្សារក្នុងប្រទេសសិង្ហបុរី និងហុងកុងនាពេលខាងមុខនេះ តាមរយៈក្រុមហ៊ុន Koyu & Unitek Co., Ltd ដែលមានមូលដ្ឋាននៅក្នុងឧទ្យាន​ឧស្សាហកម្ម Long Binh ក្នុងខេត្ត Dong Nai។ យោងតាមអគ្គនាយកក្រុមហ៊ុនលោក Jame Hieu បានឲ្យដឹងថា ផលិតផលរបស់ក្រុមហ៊ុនបានអនុវត្តតាមស្តង់ដារយ៉ាងតឹងរឹងរួមមាន សុវត្ថិភាពចំណីអាហារ បសុបក្សីដែលគ្មានជំងឺ និងសាច់មាន់ដែលគ្មានផ្ទុកវ៉ាក់សាំងការពារផ្ដាសាយបក្សី ក៏ដូចជានីតិវិធច្បាប់នៅក្នុងទីផ្សារទាំងពីរ​។ ប្រភពដដែលបានឲ្យដឹងថា ផលិតផលសាច់មាន់រាប់រយតោន នឹងត្រូវបានលក់នៅក្នុងទីផ្សារទាំងពីរក្នុងតម្លៃខ្ពស់ជាងផលិតផលក្នុងស្រុកប្រហែល ៣០% ។ ក្រៅពីនេះក្រុមហ៊ុននឹងស្វែងរកអតិថិជនថ្មី ហើយនឹងពង្រីកការដឹកជញ្ជូនទៅកាន់ប្រទេសអាស៊ី

យោងតាមការិយាល័យស្ថិតិទូទៅរបស់វៀតណាមបានឱ្យដឹងថា ប្រទេសវៀតណាមបានទាក់ទាញការវិនិយោគផ្ទាល់ពីបរទេស (FDI) ចំនួន ២៣.៥ ពាន់លានដុល្លារក្នុងរយៈពេល ១០ ខែដំបូងនៃឆ្នាំនេះ ពោលគឺមានការថយចុះ ១៩.៤% បើធៀបនឹងឆ្នាំមុន។ ជាក់ស្តែងប្រទេសវៀតណាមបានផ្តល់អាជ្ញាប័ណ្ណ ដល់គម្រោងវិនិយោគផ្ទាល់ពីបរទេសថ្មីចំនួន ២,១០០ គម្រោងដែលមានដើមទុនចុះបញ្ជីសរុបចំនួន ១១.៧ ពាន់លានដុល្លារ ហើយបានមើលឃើញគម្រោងប្រតិបត្តិការ FDI ចំនួន ៩០៧ គម្រោងបានបង្កើនដើមទុនចំនួន ៥.៧ ពាន់លានដុល្លារអាមេរិក។ ទន្ទឹមនឹងនេះ ចន្លោះពីខែមករា ដល់ខែតុលា វិនិយោគិនបរទេសក៏បានចំណាយ ៦.១ ពាន់លានដុល្លារ ក្នុងការទិញភាគហ៊ុន និងចូលរួមវិភាគទានដើមទុនដល់ក្រុមហ៊ុនវៀតណាមដែលបានធ្លាក់ចុះ ៤៣.៥% បើធៀបនឹងឆ្នាំមុន។

ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូនបានលើកឡើងថា៖ « ហេដ្ឋារចនាសម្ព័ន្ធផ្លូវថ្នល់ទាំង ៣៨ខ្សែ ក្នុងខេត្តសៀមរាប នឹងត្រូវសាងសង់ឡើងដោយអង្គភាពចំនួនប្រាំមួយ ផ្ដោតជាសំខាន់លើគុណភាព ប្រសិទ្ធភាព និងបញ្ចប់គម្រោងបានទាន់ពេលវេលាតាមការគ្រោងទុក។ ប្រសិនបើអង្គភាពសាងសង់ណាមួយត្រូវបានរកឃើញថា ហេដ្ឋារចនាសម្ព័ន្ធសំណង់របស់ខ្លួន មិនបានអនុវត្តត្រឹមត្រូវតាមបទដ្ឋានបច្ចេកទេស ឬសៀវភៅបន្ទុក អង្គភាពនោះនឹងមិនទទួលបានការទូទាត់ប្រាក់ជាដាច់ខាត »។ ឯកឧត្ដមទេសរដ្ឋមន្ត្រីបានលើកឡើងដូច្នេះនៅក្នុងកិច្ចប្រជុំពិភាក្សាលើការងារស្ថាបនាហេដ្ឋារចនាសម្ព័ន្ធផ្លូវថ្នល់នៅក្រុងសៀមរាប ខេត្តសៀមរាប ដោយមានការចូលរួមពីសំណាក់មន្ត្រីជាន់ខ្ពស់ មន្ត្រីបច្ចេកទេសក្រោមឱវាទក្រសួង និងភាគីពាក់ព័ន្ធផងដែរ។ កិច្ចប្រជុំនេះបានធ្វើឡើងនៅថ្ងៃទីទី២៨ ខែតុលា ឆ្នាំ២០២០ ដើម្បីពិភាក្សាឱ្យបានយល់កាន់តែច្បាស់អំពីតម្រូវការ គោលជំហរ និងគោលការណ៍ នៃការស្ថាបនាហេដ្ឋារចនាសម្ព័ន្ធផ្លូវថ្នល់ឱ្យមានគុណភាពរឹងមាំ ក៏ដូចជានីតិវិធីនៃការផ្គត់ផ្គង់ ការទូទាត់ថ្លៃ

យោងតាមមន្ត្រីរដ្ឋាភិបាលជប៉ុនបានឱ្យដឹងថា ប្រទេសជប៉ុននឹងលុបចោលបម្រាមរបស់ខ្លួនចំពោះអ្នកទេសចរបរទេសមកពីប្រទេសចិន កូរ៉េខាងត្បូង ប្រទេសចំនួន ៦ ផ្សេងទៀត និងកោះតៃវ៉ាន់ចាប់ពីខែវិច្ឆិកា សម្រាប់ការមកដល់របស់អ្នកទេសចរ។ ក្រុមមន្រ្តីបាននិយាយថា ប្រទេសអូស្រ្តាលី ប្រ៊ុយណេ ញូហ្សេឡែន សិង្ហបុរី ថៃ និងវៀតណាមក៏នឹងត្រូវដកចេញពីបញ្ជីហាមឃាត់ផងដែរ។ ដោយនេះជាលើកទី១ ហើយដែលប្រទេសជប៉ុនបានលុបចោលបំរាមរបស់ខ្លួនលើប្រទេស ឬតំបន់ណាមួយចាប់តាំងពីប្រទេសនេះបានចាប់ផ្តើមដាក់ផ្នែកខ្លះនៃប្រទេសចិន រួមទាំងទីក្រុងវូហានដែលជាកន្លែងផ្ទុះឡើងនៃជំងឺ Covid-19 ដំបូងគេនៅក្នុងបញ្ជីហាមឃាត់។ ទោះជាយ៉ាងណា ប្រទេសជប៉ុននៅតែបន្តផ្អាកកិច្ចព្រមព្រៀងលើកលែងទិដ្ឋាការជាមួយប្រទេសដទៃទៀត និងកំណត់ការចេញទិដ្ឋាការថ្មីមានន័យថាក្នុងករណីភាគច្រើនអ្នកទេសចរនៅតែមិនអាចមកទស្សនាប្រទេសនេះបាន។ ទន្ទឹមនឹងនេះ នាយករដ្ឋមន្ត្រីជប៉ុនបាននិយាយថា ការផ្លាស់ប្តូរនេះគឺមានគោលបំណងជួយសម្រួលដល់សកម្មភាពអាជីវកម្ម លោកបានបន្ថែមថា​ រដ្ឋាភិបាលរបស់លោកនឹងការពារការកើនឡើងនៃជំងឺរាតត្បាតនេះ ខណៈពេលដែលលោកកំពុងដឹកនាំប្រទេសដែលមានសេដ្ឋកិច្ចធំលំដាប់ទី៣ នៅលើពិភពលោកមួយនេះឆ្ពោះទៅរកការងើបឡើងវិញ។ គួរឱ្យដឹងផងដែរថា ដើម្បីមានសិទ្ធិទទួលបានការលើកលែងនេះ អ្នកធ្វើដំណើរវិលត្រឡប់ត្រូវការក្រុមហ៊ុន

ប្រទេសសិង្ហបុរីអនុញ្ញាតឲ្យអ្នកដំណើរទាំងអស់មកពីប្រទេសចិនដីគោក និងរដ្ឋវិចតូរីយ៉ារបស់អូស្រ្តាលីចូលទៅក្នុងប្រទេសសិង្ហបុរី ដោយមិនចាំបាច់ធ្វើចត្តាឡីស័កចាប់ពីថ្ងៃទី០៦ ខែវិច្ឆិកាតទៅ ប្រសិនបើពួកគេឆ្លងកាត់ការធ្វើតេស្តវីរុស Covid-19 នៅពេលមកដល់។ ជាមួយគ្នានេះដែរចំពោះពលរដ្ឋសិង្ហបុរី អ្នកស្នាក់នៅអចិន្រ្តៃយ៍ និងអ្នកកាន់លិខិតឆ្លងដែនរយៈពេលវែងដែលត្រឡប់មកពីតំបន់ទាំងពីរនេះ ក៏អនុវត្តដូចគ្នាដែរ។ អាជ្ញាធរអាកាសចរណ៍ស៊ីវិលសិង្ហបុរី (CAAS) បាននិយាយនៅថ្ងៃទី ២៩ ខែតុលាថា ចិនដីគោក និងរដ្ឋវិចតូរីយ៉ា ត្រូវបានបញ្ចូលក្នុងបញ្ជីនេះ ដោយសារពួកគេមានប្រព័ន្ធឃ្លាំមើលសុខភាពសាធារណៈគ្រប់ជ្រុងជ្រោយ និងបានគ្រប់គ្រងការរីករាលដាលនៃវីរុស Covid-19 បានល្អ។ អ្នកទេសចរមកពីតំបន់ទាំងពីរនឹងអាចដាក់ពាក្យសុំលិខិតឆ្លងដែនផ្លូវអាកាស ដើម្បីចូលប្រទេសសិង្ហបុរីចាប់ពីថ្ងៃទី៣០ ខែតុលារហូតដល់ថ្ងៃចូលថ្ងៃទី ៦ ខែវិច្ឆិកា។ ប៉ុន្តែទោះជយ៉ាងនេះក្ដី បេក្ខជនត្រូវស្នាក់នៅប្រទេសចិន ឬ អូស្ត្រាលីក្នុងរយៈពេល ១៤ ថ្ងៃជាប់គ្នាមុនពេលចូលប្រទេសសិង្ហបុរី។

សហភាពអឺរ៉ុប (EU) កំពុងផ្តល់ប្រាក់ចំនួន ៤០០,០០០ អឺរ៉ូ (៤៧០,០០០ ដុល្លារអាមេរិក) ដើម្បីផ្តល់ជំនួយមនុស្សធម៌ដ៏សំខាន់ដល់ក្រុមគ្រួសាររងគ្រោះដោយទឹកជំនន់ធ្ងន់ធ្ងរដែលបានបង្កការបំផ្លិចបំផ្លាញនៅទូទាំងប្រទេសកម្ពុជា ចាប់តាំងពីដើមខែតុលាកន្លងមកនេះ។ យោងតាមគណៈកម្មការអឺរ៉ុប ជំនួយនឹងផ្ដោតលើការដោះសា្រយតម្រូវការ បន្ទាន់របស់ប្រជាជនដែលរងផលប៉ះពាល់ខ្លាំងបំផុតនៅក្នុងខេត្តដែលរងគ្រោះខ្លាំងបំផុតនៅភាគពាយព្យនៃប្រទេស។ យោងតាមគណៈកម្មការអឺរ៉ុប ជំនួយនឹងផ្តោតលើការដោះស្រាយតម្រូវការបន្ទាន់របស់ប្រជាជនដែលរងផលប៉ះពាល់ខ្លាំងបំផុតនៅក្នុងខេត្តដែលរងគ្រោះខ្លាំងបំផុតនៅភាគពាយព្យនៃប្រទេស។ លោក Olivier Brouant ដែលឃ្លាំមើលការឆ្លើយតបផ្នែកមនុស្សធម៌របស់សហគមន៍អ៊ឺរ៉ុបនៅតំបន់មេគង្គត្រូវបានមានប្រសាសន៍ថា៖ « ការចូលរួមវិភាគទាននេះបង្ហាញពីសាមគ្គីភាពរបស់យើងជាមួយប្រជាជនកម្ពុជា ដែលពួកគេភាគច្រើនបានបាត់បង់ផ្ទះសម្បែង ជីវភាព និងទ្រព្យសម្បត្តិនៅពេលមានទឹកជំនន់បំផ្លិចបំផ្លាញ »។ ថវិកាដែលជាផ្នែកមួយនៃឧបករណ៍ឆ្លើយតបបន្ទាន់របស់សហភាពអឺរ៉ុប (EU) នឹងគាំទ្រដល់អង្គការ Save the Children និងអង្គការទស្សនៈពិភពលោកក្នុងការផ្តល់ជំនួយដែលត្រូវការចាំបាច់ដល់អ្នកដែលត្រូវការបំផុត។ នេះរួមបញ្ចូលទាំងការចែកចាយទឹកស្អាត ឧបករណ៍អនាម័យ និងសម្ភារៈជំនួយចាំបាច់ផ្សេងៗទៀត

ខណៈពេលដែលពិភពលោក កំពុងតែប្រឈមមុខនឹងការរីករាលដាលនៃជំងឺកូវីដ-១៩ មកដល់ពេលនេះកម្ពុជាមិនបានបិទចរាចរណ៍ផ្លូវអាកាសម្តងណាឡើយ គ្រាន់តែរឹតបន្តឹងហើយចេញបម្រាមចំពោះគោលដៅមួយចំនួនតែប៉ុណ្ណោះ។ យោងតាមរបាយការណ៍ដែលប្រមូល និងផ្សព្វផ្សាយដោយក្រសួងទេសចរណ៍បានឲ្យដឹងថា នៅក្នុងអំឡុងពីខែមករា ដល់ខែកញ្ញា ឆ្នាំ២០២០ ចរាចរណ៍ផ្លូវអាកាសកម្ពុជានៅតែដំណើរការដោយមានភ្ញៀវធ្វើដំណើរចេញ និងចូលជាបន្តបន្ទាប់គ្រាន់តែធ្លាក់ចុះប៉ុណ្ណោះ ។ ប្រភពដដែលបានអះអាងថា នៅក្នុងអំឡុងពេល ៩ ខែ ឆ្នាំ ២០២០ នេះពលរដ្ឋកម្ពុជាដែលបានចេញដំណើរទៅក្រៅប្រទេសគឺនៅតែមាន ដោយមានចំនួនប្រមាណជា ៣១៧,៥០២ នាក់ ពោលគឺធ្លាក់ចុះប្រមានជា ៧៩.៣% ដោយឡែកភ្ញៀវបរទេសដែលចេញពីកម្ពុជាគឺមានប្រមាណជា ១.៣ លាននាក់ ធ្លាក់ចុះ ៧២% ។ ប្រភពដដែលបានបន្តទៀតថា សម្រាប់ពលរដ្ឋកម្ពុជាដែលធ្វើដំណើរចូលស្រុកវិញតាមផ្លូវអាកាសនៅក្នុងរយៈពេលដដែលនេះ តាមច្រកអាកាសយាន្តដ្ឋានអន្តរជាតិភ្នំពេញគឺមាន ១.១២