កំប្លោក គឺជារុក្ខជាតិម្យ៉ាងដែលតែងតែដុះពាសពេញផ្ទៃបឹងបួរ​ ឬទន្លេហើយកំប្លោកនេះមានអត្ថប្រយោជន៍យ៉ាងច្រើនដែលអាចធ្វើជាម្ហូបអាហារ ឬ​​កែច្នៃធ្វើជាសម្ភារប្រើប្រាស់ផ្សេងៗដូចជា អង្រឹង និងកាបូបជាដើម។ ដោយឡែកនៅឯខេត្តសៀមរាបវិញ ប្រជាពលរដ្ឋបាននាំគ្នាកែច្នៃកំប្លោកធ្វើជាកាបូបយ៉ាងស្រស់ស្អាតមានភាពទាក់ទាញដើម្បីលក់ជូនភ្ញៀវទេសចរ និងប្រជាពលរដ្ឋក្នុងស្រុក។ អ្នកស្រី អ៊ំ ណារ៉េន ម្ចាស់សិប្បកម្មកំប្លោកភ្នំក្រោមដែលមានទីតាំងស្ថិតនៅក្នុងសង្កាត់សៀមរាប ក្រុងសៀមរាប បានប្រាប់អ្នកយកព័ត៌មានវិទ្យុជាតិកម្ពុជាថា សិប្បកម្មនេះត្រូវបានបង្កើតឡើងរយៈពេលជាង ១៣ ឆ្នាំមកហើយក្នុងគោលបំណងជួយលើកកម្ពស់ផលិតផលកំប្លោកខ្មែរ និងផ្តល់ការងារដល់ប្រជាពលរដ្ឋក្រីក្រនៅក្នុងសហគមន៍ឱ្យមានការងារធ្វើជាដើម។ អ្នកស្រីបន្តថា សិប្បកម្មកំប្លោកភ្នំក្រោមមានបុគ្គលិកចំនួន ២៥ នាក់ដោយក្នុងម្នាក់ៗអាចរកចំណូលបានជាមធ្យមប្រមាណ ២០០ដុល្លារ ក្នុងមួយខែ។ អ្នកស្រីបន្តថា សិប្បកម្មផលិតកាបូបកំប្លោកភ្នំក្រោម អាចកែច្នៃម៉ូតកាបូបបានច្រើនម៉ូតច្រើនយ៉ាងទៅតាមតម្រូវការរបស់អតិថិជនដែលកុម្មង់ទិញ ដូច្នេះសូមឱ្យបងប្អូនប្រជាពលរដ្ឋជួយគាំទ្រផលិតផលដែលជាស្នាដៃរបស់កូនខ្មែរផង។ គួរជម្រាបផងដែរថា កំប្លោកមិនត្រឹមតែសម្រាប់កែច្នៃធ្វើជាកាបូបប៉ុណ្ណោះទេ ប៉ុន្តែអាចកែច្នៃធ្វើជា អង្រឹង ស្បែកជើង

គណៈរដ្ឋមន្រ្តីថៃ កាលពីថ្ងៃអង្គារបានអនុម័តថវិកាចំនួន ១.៣ ពាន់លានបាត (ជាង ៤៣ លានដុល្លារ) ដើម្បីទិញវ៉ាក់សាំងការពារជំងឺ Covid-19 ចំនួន ២ លានដូសដែលផលិតដោយ Sinovac របស់ប្រទេសចិន។ នាយករដ្ឋមន្រ្តីថៃលោក Prayut Chan-o-cha បាននិយាយថា « វ៉ាក់សាំងចំនួន ២០០,០០០ ដូសដំបូងគួរតែមកដល់ប្រទេសថៃក្នុងខែកុម្ភៈ បន្ទាប់មកចំនួន ៨០០.០០០ ផ្សេងទៀតនៅចុងខែមីនា និង ១ លានដូសនៅចុងខែមេសា »។ រដ្ឋាភិបាលថៃ ក៏បានចុះហត្ថលេខាលើកិច្ចព្រមព្រៀងសម្រាប់ការទិញវ៉ាក់សាំងរបស់ Oxford/AstraZeneca ចំនួន ៣៥

អង្គការមូលនិធិទំពាំងស្នងឫស្សី បាន កែច្នៃសំណល់ប្លាស្ទិក ឱ្យក្លាយទៅជាដុំឥដ្ឋ ឬការ៉ូឡាសម្រាប់ប្រើប្រាស់ក្នុងវិស័យសំណង់ ក្នុងគោលបំណងចូលរួមកាត់បន្ថយការបំពុលបរិស្ថាន ដែលបង្កឡើងដោយប្លាស្ទិក ។ លោក ស៊ា សុផល ប្រធានអង្គការមូលនិធិទំពាំងស្នងឫស្សី បានមានប្រសាសន៍ថា គំនិតកែច្នៃសំណល់ប្លាស្ទិក ឱ្យក្លាយទៅជាដុំឥដ្ឋ ឬ ការ៉ូឡានេះ ដោយសារអង្គការបានបង្កើតឱ្យមានជាយុទ្ធនាការ «យកអង្ករដូរយកបា្លស្ទិក » ដែលជាសកម្មភាពជំរុញឱ្យអ្នកភូមិ ក្នុងសហគមន៍ ខិតខំប្រមូលសំណល់ប្លាស្ទិក បែងចែកទុកដាក់ឱ្យបានត្រឹមត្រូវ និងទទួលអង្ករដោយមានទិសដៅរួមក្នុងការអភិរក្សបឹងទន្លេសាប ក៏ដូចជាសត្វស្លាបទឹកនិងត្រី ដែលទទួលរងគ្រោះពីការបំពុលដោយប្លាស្ទិក ។ លោកបន្តថា ការប្រមូលសំណល់ប្លាស្ទិកយកទៅធ្វើជាវត្ថុធាតុដើម ក្នុងការផលិតជាឥដ្ឋ ឬ ការ៉ូឡា ដោយរំពឹងថា

ក្រុមហ៊ុន Moderna បានប្រកាសថា ខ្លួននឹងផលិតវ៉ាក់សាំងការពារជំងឺ Covid-19 យ៉ាងតិចចំនួន ៦០០ លានដូសក្នុងឆ្នាំ ២០២១ កើនឡើង ១០០ លានដូសពីការព្យាករណ៍របស់ខ្លួន។ Moderna បាននិយាយថា ក្រុមហ៊ុនខ្លួនកំពុងធ្វើការវិនិយោគ និងជួលបុគ្គលិកដើម្បីផ្តល់ជូននូវវ៉ាក់សាំងចំនួន ១ ពាន់លានដូសនេះដែលជាចំនួនខ្ពស់បំផុតនៃការព្យាករណ៍របស់ខ្លួន។ Moderna បាននិយាយថា រហូតមកដល់ពេលនេះខ្លួនបានផ្គត់ផ្គង់វ៉ាក់សាំងប្រហែល ១៨ លានដូសដល់រដ្ឋាភិបាលអាមេរិកដែលជាផ្នែកមួយនៃកិច្ចព្រមព្រៀងវ៉ាក់សាំង ២០០ លានដូស។ គួរឱ្យដឹងផងដែរថា Moderna ក៏បានចុះហត្ថលេខាលើកិច្ចព្រមព្រៀងជាមួយរដ្ឋាភិបាលកាណាដាដើម្បីផ្គត់ផ្គង់វ៉ាក់សាំងចំនួន ៤០ លានដូស៕ អត្ថបទ៖ នីតា ប្រភព៖ channelnewsasia

ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន អះអាងថា ស្ពានអាកាសថ្មើរជើងផ្សារត្រាំខ្នាកាត់ទទឹងផ្លូវជាតិលេខ៣ នៅតែស្ថិតក្នុងបន្ទុកនៃការសាងសង់ បើទោះបីជាមានការស្នើសុំឱ្យបញ្ឈប់គម្រោង ក្រោមហេតុផលថានឹងធ្វើឱ្យបាត់សោភ័ណភាពទីប្រជុំជននៅតំបន់នោះ។ ថ្លែងប្រាប់អ្នកសារព័ត៌មានក្នុងឱកាសចុះពិនិត្យស្ថានភាពគម្រោងសាងសង់ផ្លូវជាតិលេខ៣ នៅចំណុចស្ពាន៧មករា កាលពីថ្ងៃទី៤ ខែមករា ឯកឧត្តមទេសរដ្ឋមន្ត្រី បានបញ្ជាក់ថា គម្រោងស្ថាបនាស្ពានអាកាសសម្រាប់អ្នកថ្មើរជើងឆ្លងកាត់នេះនៅតែបន្តសាងសង់ ដើម្បីសម្រួលការធ្វើដំណើរឆ្លងកាត់របស់ប្រជាពលរដ្ឋពីគ្រោះថ្នាក់ចរាចរណ៍ និងការកកស្ទះ ខណៈផ្លូវនេះមានទទឹងរហូតដល់២៤,៥ម៉ែត្រ និងមានទ្រូងផ្លូវចែកទិសចរាចរណ៍តាមបណ្តោយផ្លូវប្រវែង១០០ម៉ែត្រ ដែលបង្កផលវិបាកដល់ប្រជាពលរដ្ឋដើរឆ្លងកាត់។ ផ្លូវជាតិលេខ៣ ប្រវែងសរុបជាង ១៣៤គីឡូម៉ែត្រ ក្នុងនោះប្រវែង ៦៩គីឡូម៉ែត្រ ចាប់ពីចោមចៅដល់បែកគូស មានទទឹង ២៤,៥ម៉ែត្រ ត្រូវសាងសង់ជាផ្លូវ៤គន្លង ដោយ២ទៅ២មក មានសួនច្បារកណ្តាល និងចាប់ពីបែកគូសដល់ទីរួមខេត្តកំពតប្រវែងជាង

រាជរដ្ឋាភិបាល ជំរុញឱ្យក្រុមហ៊ុនទទួលការសាងសង់កំពង់ផែទេសចរណ៍នៅខេត្តកំពត ពន្លឿនការអភិវឌ្ឍឱ្យបានរួចរាល់យ៉ាងយូរនៅត្រឹមរយៈពេល ៦ខែទៀត ខណៈបច្ចុប្បន្នទើបសម្រេចបាន ៤៥ភាគរយ យឺតយ៉ាវជាងផែនការគ្រោងទុក។ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន មានប្រសាសន៍ថា រាជរដ្ឋាភិបាល ក៏ដូចជាម្ចាស់ជំនួយមិនសប្បាយចិត្តចំពោះការយឺតយ៉ាវនៃការសាងសង់កំពង់ផែទេសចរណ៍នេះទេ។ ដូច្នេះក្រុមហ៊ុនសាងសង់ ត្រូវតែបន្ថែមកំលាំង និងដាក់ផែនការឱ្យបានច្បាស់លាស់ ដើម្បីធ្វើយ៉ាងណាពន្លឿនបញ្ចប់ការសាងសង់ឱ្យបានក្នុងខែមិថុនា ឆ្នាំ២០២១នេះ ក្រោយពន្យារពេលជាច្រើនសារមក។ ថ្លែងក្នុងឱកាសដឹកនាំគណៈប្រតិភូចុះពិនិត្យវឌ្ឍនភាពសាងសង់កំពង់ផែទេសចរណ៍នៅខេត្តកំពត កាលពីថ្ងៃទី៤ ខែមករា ឯកឧត្តម ទេសរដ្ឋមន្ត្រី បានជំរុញឱ្យក្រុមហ៊ុនបន្ថែមមនុស្សធ្វើការទៀត និងដាក់ផែនការរាប់ថយក្រោយ ដើម្បីចប់តាមផែនការសាងសង់នៅត្រឹមខែមិថុនា។ កំពង់ផែទេសចរណ៍កំពត ស្ថិតនៅចំណុចភូមិជុំគ្រាល ឃុំជុំគ្រាល ស្រុកទឹកឈូ ខេត្តកំពត

ក្រសួងដឹកជញ្ជូនវៀតណាម យល់ព្រមវាយតម្លៃ ដើម្បីត្រៀមចាប់ផ្ដើមការសាងសង់អាកាសយានដ្ឋាន សាប៉ា ( SaPa) ដែលបានស្នើឡើងដោយភាគខាងជើងនៃខេត្ត Lao Cai ។ ឧបនាយករដ្ឋមន្រ្តី Trinh Dinh Dung បានចាត់តាំងក្រសួងផែនការ និងវិនិយោគដើម្បីវាយតម្លៃគម្រោង និងធ្វើសេចក្តីសន្និដ្ឋានពាក់ព័ន្ធទៅនឹងការសម្រេចចិត្តរបស់នាយករដ្ឋមន្រ្តីលើគោលនយោបាយវិនិយោគ។ យោងតាមការចុះផ្សាយរបស់សារព័ត៌មានក្នុងស្រុក ខេត្ត Lao Cai បានស្នើសាងសង់ព្រលានយន្តហោះនៅទីប្រជុំជន សាប៉ា ក្នុងឆ្នាំ២០១៨ ដោយចំណាយថវិកាសរុបជិត ៥.៨ ទ្រីលានដុង (២៥២ លានដុល្លារ) ដល់ក្រសួងដឹកជញ្ជូន។ ប្រភពដដែលបានឲ្យដឹងថា អាកាសយានដ្ឋាននេះ គ្របដណ្តប់លើផ្ទៃដី ៣៧១

សហគមន៍អេកូទេសចរណ៍ទឹកធ្លាក់អូរជាំ ខេត្តបាត់ដំបង ទាក់ទាញភ្ញៀវទេសចរគ្រប់រដូវកាល និងជារៀងរាល់ថ្ងៃដោយសារទីនោះមានទេសភាពស្រស់បំព្រងមិនថារដូវប្រាំងឬរដូវវស្សាឡើយ។ លោក អ៊ុច អ៊ុភីនីស្សារ៉ា ប្រធានមន្ទីរទេសចរណ៍ខេត្តបាត់ដំបងបានប្រាប់វិទ្យុជាតិកម្ពុជាឱ្យដឹងថា ទឹកធ្លាក់អូរជាំ កំពុងឆក់យកបេះដូងភ្ញៀវទេសចរយ៉ាងខ្លាំងជាពិសេសអ្នកទេសចរដែលនិយមធ្វើដំណើរផ្សងព្រេងដោយសារទីនោះមានផ្ទាំងថ្មដែលជាថ្មភ្នំធម្មជាតិដ៏ស្រស់ស្អាត មានទឹកធ្លាក់ត្រជាក់ស្រឹបរួមជាមួយព្រៃព្រឹក្សាខៀវស្រងាត់ ហើយមានភ្នំល្វឹងល្វើយអមដោយផ្កាព្រៃចម្រុះពណ៌ពេញនិយមបំផុតសម្រាប់ភ្ញៀវទេសចរបោះតង់ សម្រាកលំហែកាយស្រូបយកខ្យល់អាកាសបរិសុទ្ធ គយគន់ធម្មជាតិព្រៃភ្នំ និងងូតទឹកធ្លាក់ដ៏ត្រជាក់កាយរំសាយអារម្មណ៍បាត់អស់ទុក្ខកង្វល់។ លោកបន្តថា ទឹកធ្លាក់ធម្មជាតិនេះមានកម្ពស់ ៣០ម៉ែត្រ ហ៊ុមព័ទ្ធទៅដោយផ្ទាំងថ្មធំៗ និងមានប្រភពទឹកធ្លាក់ពីលើភ្នំដែលធ្លាក់ចុះមកក្រោមមិនចេះរីងស្ងួតទោះបីស្ថិតនៅរដូវប្រាំងក៏ដោយ។ លោកបញ្ជាក់ថា ភ្ញៀវទេសចរអាចដើរទស្សនាកម្សាន្តតាមភ្នំព្រមទាំងងូតទឹកជ្រោះកម្សាន្តសប្បាយតាមដំណាក់នីមួយៗ ពិសេសពិសាអាហារប្លែកៗក្នុងតំបន់ដែលចម្អិនដោយប្រើប្រាស់វត្ថុធាតុដើមក្នុងសហគមន៍ផ្ទាល់ និងអាចសិក្សាស្រាវជ្រាវស្វែងយល់ពីសហគមន៍ ហើយទទួលនូវបទពិសោធប្លែកៗជាមួយនឹងធម្មជាតិទៀតផង។ លោកបន្ថែមថា « កាលណាយើងធ្វើដំណើរតាមជ្រលងភ្នំ យើងឃើញទិដ្ឋភាពប្រជាកសិករយើងធ្វើដំណាំកសិកម្មហើយយ៉ាងណាមិញនៅពេលដែលយើងចូលទៅតំបន់នោះពោរពេញទៅដោយទឹកធ្លាក់ដែលត្រជាក់មានផ្ទៃដីទូលំទូលាយប្រមាណជាង ២គីឡូម៉ែត្រ​ ហើយមានថ្មភ្នំធម្មជាតិស្អាតៗដោយមានដើមផ្កាដើមឈើប្រណិតធំៗដែលជាទីទាក់ទាញភ្ញៀវទេសចរ ហើយជាពិសេសទៀតនៅលើខ្នងភ្នំនោះយើងអាចសំឡឹងមកឃើញតំបន់ផ្សេងៗទៀត ពិសេសនោះគឺយើងអាចឃើញរហូតទៅដល់សមុទ្រថៃឯណោះ »។