គណៈកម្មាធិការជាតិសម្រាប់ការការពារជំងឺ Covid-19 និងត្រួតពិនិត្យជាតិរបស់ប្រទេសឡាវ នៅតែបន្តអនុវត្តវិធានការបង្ការ និងតាមដានប្រជាជនដែលចូលក្នុងប្រទេសដើម្បីចៀសវាងការផ្ទុះឡើងរលកទី២ នៃជំងឺ Covid-19 ។ អគ្គនាយករងនៃនាយកដ្ឋានប្រយុទ្ធនឹងជំងឺឆ្លងដែលស្ថិតនៅក្រោមក្រសួងសុខាភិបាលឡាវលោក Sisavath Soutthaniraxay បានថ្លែងប្រាប់សន្និសីទកាសែតកាលថ្ងៃពុធនេះថា « ប្រជាជនដែលចូលប្រទេសឡាវ នឹងត្រូវបញ្ជូនទៅដាក់ឱ្យនៅដាច់ដោយឡែករយៈពេល ១៤ ថ្ងៃដើម្បីការពារសពីការឆ្លងជំងឺ Covid-19 ចូលក្នុងប្រទេស »។ គួរឱ្យដឹងផងដែរថា គិតត្រឹមថ្ងៃពុធ ទី ២៧ ខែមករា ឡាវបានធ្វើតេស្តករណីសង្ស័យចំនួន ១០២,៣៣២ ករណីដោយមាន ៤៤ ករណីធ្វើតេស្តវិជ្ជមានជំងឺ Covid-19 ហើយអ្នកជំងឺ ៤១ នាក់បានជាសះស្បើយ៕

(ភ្នំពេញ)៖ ដោយសារជួបនូវវិបត្តិជំងឺកូវីដ-១៩ កម្ពុជាទទួលបានភ្ញៀវទេសចរអន្តរជាតិតែ ១.៣១ លាននាក់ប៉ុណ្ណោះ ដោយមានការថយចុះប្រមាណ ៨០% និងទទួលបានភ្ញៀវទេសចរផ្ទៃក្នុងប្រមាណ ៩ លាននាក់ ថយចុះ ២០% បើធៀបនឹងឆ្នាំ២០១៩ កន្លងទៅ, នេះបើតាមការឱ្យដឹងរបស់ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍។ ការថ្លែងបែបនេះរបស់ឯកឧត្តមរដ្ឋមន្ត្រី ថោង ខុន ត្រូវបានធ្វើឡើងនៅក្នុងឱកាសបើកវេទិកាជាតិអេកូទេសចរណ៍លើកទី២ ឆ្នាំ២០២១ នាថ្ងៃទី២៧ ខែមករា ឆ្នាំ២០២១ សណ្ឋាគារសុខាអង្គរ ខេត្តសៀមរាប ក្នុងនាមជាប្រធានក្រុមការងារអន្តរក្រសួងគ្រប់គ្រង និងអភិវឌ្ឍសហគមន៍ទេសចរណ៍ និងអេកូទេសចរណ៍ និងជាតំណាងសម្តេចតេជោ ហ៊ុន សែន

មន្ត្រីទេសចរណ៍ថៃមានគំនិតថ្មី ដើម្បីទាក់ទាញភ្ញៀវនោះ គឺផលិតកម្មខ្សែភាពយន្ត ខណៈក្រសួងទេសចរណ៍និងកីឡា មានគោលបំណងរកប្រាក់ឲ្យបានប្រមាណ ៣ ពាន់លានបាត ពីក្រុមអ្នកផលិតខ្សែភាពយន្តបរទេស ហើយកំពុងផ្តោតគោលដៅ លើគម្រោងនានាដែលមានទឹកប្រាក់វិនិយោគជាង ១០០ លានបាត ដោយសង្ឃឹមថានឹងអាចទូទាត់សងសម្រាប់ការបាត់បង់ចំណូលដោយសារកង្វះភ្ញៀវទេសចរអន្តរជាតិក្នុងពេលមានជំងឺរាតត្បាត។ បើយោងតាមការចុះផ្សាយរបស់សារព័ត៌មាន The thaiger ប្រាក់ចំណូលពីទេសចរណ៍បរទេសបានធ្លាក់ចុះយ៉ាងខ្លាំង ពោលគឺជិត ៨៣% ក្នុងឆ្នាំ២០២០ ហើយចំនួនភ្ញៀវទេសចរក៏ដូចគ្នាគឺពីចំនួនជិត ៤០ លាននាក់នៅឆ្នាំ២០១៩ មកត្រឹមតែ ៦.៧ លាននាក់ក្នុងឆ្នាំ២០២០ ។ អគ្គនាយកនៃនាយកដ្ឋានទេសចរណ៍លោក Anant Wongbenjarat មានប្រសាសន៍ថា ប្រទេសថៃបានស្វាគមន៍ផលិតកម្មខ្សែភាពយន្តអន្តរជាតិចំនួន ១៧៦ នៅប្រទេសនេះកាលពីឆ្នាំមុន

លោក សន ស៊ីផល ប្រធានសាខាពន្ធដារខេត្តព្រះសីហនុបានឱ្យដឹងថា ក្នុងឆ្នាំ ២០២០ សាខាពន្ធដារខេត្តព្រះសីហនុប្រមូលពន្ធគ្រប់ប្រភេទបានចំនួន ១៥៨,៥៦១,០០០,០០០រៀល ស្មើនឹងជាង ៣៩ លានដុល្លារសហរដ្ឋអាមេរិកលើសផែនការឆ្នាំចំនួន ២% ។ ក្នុងនោះមានពន្ធប្រថាប់ត្រា ពន្ធអចលនទ្រព្យ ពន្ធប្រាក់ចំណូល ពន្ធដីធ្លី ពន្ធលើដីមិនប្រើប្រាស់ ពន្ធអាករបន្ថែម និងពន្ធផ្លូវជាដើម។ លោក សន ស៊ីផល បានបន្តថា ទោះបីពិភពលោកជួបវិបត្តិនឹងជំងឺកូវីដ-១៩ ហើយប្រទេសកម្ពុជាយើងក៏រងផលប៉ះពាល់ដោយសារតែជំងឺរាតត្បាតកូវីដ-១៩ ធ្វើឱ្យការប្រមូលពន្ធនាឆ្នាំកន្លងមករងផលប៉ះពាល់យ៉ាងច្រើន ដោយសារវិស័យអចលនទ្រព្យនៅខេត្តព្រះសីហនុមិនមានសកម្មភាពព្រោះជួបនឹងវិបត្តិកូវីដ-១៩ ។ លោកបន្ថែមថា រាជរដ្ឋាភិបាលកម្ពុជា បានយកចិត្តទុកដាក់លើកទឹកចិត្តដល់អ្នកវិនិយោគលើវិស័យទេសចរណ៍មានដូចជា៖ សណ្ឋាគារ ផ្ទះសំណាក់មិនឱ្យបង់ពន្ធអាករ

ប្រធានាធិបតី Joe Biden កាលពីថ្ងៃច័ន្ទបានប្រកាសថា សហរដ្ឋអាមេរិកអាចឈានដល់ការចាក់វ៉ាក់សាំង Covid-19 ដល់ទៅចំនួន ១.៥ លានដូសក្នុងមួយថ្ងៃ ពោលគឺកើនឡើងខ្ពស់ជាងគោលដៅរបស់លោក ១លានដូសក្នុងមួយថ្ងៃ ដែលបានបំពេញជិតនឹងគ្រប់ចំនួនទៅហើយនៅក្នុងរដ្ឋបាលរបស់លោក Trump។ ប្រធា​នាធិបតីបានមានប្រសាសន៍ថា៖ « ខ្ញុំបានសន្យាថា យើងនឹងទទួលបានការចាក់ ១០០លានដូស រយៈពេល ១០០ ថ្ងៃ ប៉ុន្តែខ្ញុំគិតថាដោយព្រះគុណនៃព្រះនិងឆន្ទៈល្អ យើងអាចនឹងទទួលបានពី ១.៥ លានក្នុងមួយថ្ងៃ តែយើងត្រូវសម្រេចគោលដៅមួយលានដូសក្នុងមួយថ្ងៃជាមុនសិន »។ យ៉ាងណាមិញ អ្នកឯកទេសសុខភាពសាធារណៈមួយចំនួនបានរិះគន់ការសន្យារបស់លោក Biden ក្នុងការចាក់វ៉ាក់សាំងចំនួន ១០០ លានដូសក្នុងរយៈពេល ១០០

រដ្ឋាភិបាលសហរដ្ឋអាមេរិក ក្រោមការដឹកនាំរបស់លោកប្រធានាធិបតី Joe Biden បានសម្រេចចិត្តទិញវ៉ាក់សាំងការពារជំងឺ Covid-19 បន្ថែមទៀតក្នុងគោលបំណងដើម្បីចាក់ថ្នាំបង្ការឱ្យប្រជាជនអាមេរិកាំងស្ទើរតែទាំងអស់នៅរដូវក្តៅនេះ។ មុននេះ លោកប្រធានាធិបតីបានប្រកាសគោលដៅនៃការចាក់វ៉ាក់សាំងចំនួន ១០០ លានក្នុងរយៈពេល ១០០ ថ្ងៃ។ វ៉ាក់សាំងរបស់ Pfizer ជាមួយដៃគូរ BioNTech និង Moderna ត្រូវបានអនុម័តនៅសហរដ្ឋអាមេរិក ប៉ុន្តែកង្វះការផ្គត់ផ្គង់កំពុងបន្ថយល្បឿននៃការចាក់វ៉ាក់សាំងនៅតាមតំបន់នានានៃសហរដ្ឋអាមេរិក។ ថ្លែងនៅឯសេតវិមានកាលពីថ្ងៃអង្គារ លោក Biden បានបង្ហាញពីផែនការបង្កើនបរិមាណវ៉ាក់សាំងទៅរដ្ឋាភិបាលក្នុងតំបន់។ រដ្ឋបាលរបស់លោក នឹងទិញវ៉ាក់សាំងនីមួយៗចំនួន ១០០ លានដូសដែលតម្រូវឱ្យមានការចាក់ថ្នាំបង្ការដែលមានប្រសិទ្ធភាព។ លោក Biden បាននិយាយថា « ការសម្រេចចិត្តនេះ

ម្ចាស់កសិដ្ឋានចែកចាយពូជត្រីមួយកន្លែងក្នុងខេត្តត្បូងឃ្មុំ បានចែករំលែកបទពិសោធន៍ថា បើចង់បានពូជត្រី យកទៅចិញ្ចឹមដែលល្អ កសិករត្រូវចេះពីបច្ចេកទេសបង្កាត់ពូជ និងការផ្តល់ចំណីឱ្យបានត្រឹមត្រូវដើម្បីកុំឱ្យមានការខាតបង់។ លោក ខាង វ៉ានឆេង ម្ចាស់កសិដ្ឋានចែកចាយពូជត្រីមួយកន្លែង ស្ថិតនៅក្នុងភូមិរលើ ឃុំដូនតី ស្រុកពញ្ញាក្រែក ខេត្តត្បូងឃ្មុំ បានបញ្ជាក់ថា មុខរបរចិញ្ចឹមពូជត្រីនេះ គឺត្រូវយល់ដឹងឱ្យបានច្បាស់ជាមុនពីបច្ចេកទេសនៃការចិញ្ចឹម ពិសេសគឺត្រូវសិក្សាស្វែងយល់ពីការបង្កាត់ពូជ និង ការឱ្យចំណីឱ្យបានច្បាស់លាស់ ដើម្បីកុំឱ្យខាតបង់ថវិកា។ លោកបន្តថា កសិដ្ឋានរបស់លោកបានចិញ្ចឹមពូជត្រីប្រមាណ ១៣ប្រភេទ ដើម្បីបំពេញតម្រូវការផ្គត់ផ្គង់ពូជត្រីនៅក្នុងខេត្ត និងការនាំចេញទៅរាជធានី ខេត្តផ្សេងៗទៀតផងដែរ។ លោកបន្ថែមថា ក្នុងមួយខែលោកអាចរកចំណូលបានចន្លោះពី ៤០០០ដុល្លារ រហូតដល់ ៥០០០ដុល្លារ ក្នុងការលក់ពូជត្រី ទាំងអស់។

យោងតាមអនុក្រឹត្យចេញផ្សាយកាលពីថ្ងៃទី២៦ ខែមករា ឆ្នាំ២០២០ ម្សិលមិញនេះបានឲ្យដឹងថា រាជរដ្ឋាភិបាលបានប្រកាសចុះបញ្ជីតំបន់ចំនួន ២ បន្ថែមទៀតនៅក្នុងខេត្តកំពតក្នុងបញ្ជីបេតិកភណ្ឌធម្មជាតិ។ ដោយមានផ្ទៃដីសរុប ៨៣.៤៤ ហិកតានៅស្រុកដងទង់ និងស្រុកបន្ទាយមាស តំបន់បេតិកភណ្ឌធម្មជាតិដែលត្រូវបានចុះបញ្ជីថ្មីនោះ គឺភ្នំទទុង និងភ្នំតូច។ អនុក្រឹត្យបានគូសបញ្ជាក់ថា ការបង្កើតតំបន់បេតិកភណ្ឌធម្មជាតិទាំងនេះ គឺដើម្បីធានាដល់ការការពារបរិស្ថានការអភិរក្សជីវៈចម្រុះ និងការប្រើប្រាស់ធនធានធម្មជាតិប្រកបដោយនិរន្តរភាព។ (រូបតំណាង) ប្រភពដដែលបានបន្ថែមទៀតថា ទីតាំងបេតិកភណ្ឌធម្មជាតិថ្មីនេះ នឹងស្ថិតនៅក្រោមការគ្រប់គ្រងរបស់ក្រសួងបរិស្ថានដោយសហការជាមួយក្រសួងស្ថាប័នពាក់ព័ន្ធរដ្ឋបាលខេត្ត និងកម្លាំងប្រដាប់អាវុធ។ សូមជម្រាបថា ក្រៅពីអនុក្រឹត្យប្រកាសចុះបញ្ជីភ្នំទទុង និងភ្នំតូច ជាបេតិកភណ្ឌធម្មជាតិ ក៏មានអនុក្រឹត្យមួយផ្សេងទៀតស្ដីពី ការបង្កើតតំបន់បតិកភណ្ឌធម្មជាតិ ភ្នំព្រះគុហារហ្លួង (រូងភ្នំហ្លួង) ដែលមានផ្ទៃដីទំហំ ២៥ ហិកតា