យោងតាមការចុះផ្សាយរបស់សារព័ត៌មាន vietnamplus គណៈរដ្ឋមន្រ្តីថៃបាន​បើកភ្លើងខៀវពន្យារពេលប្រមូលពន្ធអាករបន្ថែម ៧% សម្រាប់រយៈពេល ២ឆ្នាំទៀត។ ការពន្យារពេលនេះ គឺក្នុងគោលបំណង កាត់បន្ថយបន្ទុកហិរញ្ញវត្ថុដល់អាជីវកម្ម និងប្រជាជនដែលប៉ះពាល់ពីការរីករាលដាលនៃជំងឺកូវីដ-១៩។ លោកស្រី Rachada Dhanadirek អនុប្រធានអ្នកនាំពាក្យរដ្ឋាភិបាលបាននិយាយថា អាករលើតម្លៃបន្ថែម ៧% នឹងបន្តអនុវត្តរហូតដល់ថ្ងៃទី ៣០ ខែកញ្ញាឆ្នាំ ២០២៣ ខណៈអត្រាពន្ធ ៧% ដែលត្រូវបានពន្យារពេលជាច្រើនដងនេះ គ្រោងនឹងផុតកំណត់នៅថ្ងៃទី ៣០ ខែកញ្ញាឆ្នាំនេះ។ ជាមួយគ្នានេះដែរ រដ្ឋមន្ត្រីក្រសួងហិរញ្ញវត្ថុថៃ លោក Arkhom Termpittayapaisith បាននិយាយថា វិធានការនេះ គឺជាវិធានការមួយក្នុងចំណោមវិធានការជាច្រើន

ក្រសួងពាណិជ្ជកម្មចិនបានប្រកាសឱ្យដឹងនាពេលថ្មីៗនេះថា បច្ចុប្បន្នប្រទេសចិនបានក្លាយជាប្រទេសធំទីមួយផ្នែកពាណិជ្ជកម្ម និងជាទីផ្សារធំទីពីរនៅលើពិភពលោក។ នៅឆ្នាំ២០២០ ទំហំទឹកប្រាក់សរុបនៃការលក់រាយសម្ភារប្រើប្រាស់របស់ចិនបានឡើងដល់ ៣៩.២ទ្រីលានយន់ប្រាក់ចិន ការប្រើប្រាស់គឺជាកម្លាំងចលករទីមួយនៃកំណើនសេដ្ឋកិច្ចរបស់ចិនជាច្រើនឆ្នាំជាប់ៗគ្នា។ នេះបើយោងតាមការចុះផ្សាយរបស់ក្រសួងព័ត៌មាន។ តាមសេចក្តីប្រកាសរបស់ក្រសួងពាណិជ្ជកម្មចិនបានឲ្យដឹងទៀតថា ទីផ្សារប្រទេសចិនដែលមានចំនួនប្រជាជនរហូតដល់ទៅ ១,៤០០ លាននាក់ គឺមានសក្តានុពលនៃការប្រើប្រាស់ដ៏ធំដែលទទួលបានប្រជាប្រិយភាពយ៉ាងខ្លាំងពីបណ្តាពាណិជ្ជករ និងវិនិយោគិននៃប្រទេសនានាលើពិភពលោក ហើយបានក្លាយជាគោលដៅវិនិយោគនិងពាណិជ្ជកម្មដ៏ធំបំផុតមួយ ។ គោលនយោបាយកំណែទម្រង់និងបើកទូលាយ ទីផ្សារប្រទេសចិនបានបើកទ្វារកាន់តែធំឡើងៗចំពោះប្រទេសជាមិត្តទាំងអស់និងធ្វើពាណិជ្ជកម្មដោយឈរលើភាពសេរី ស្មោះត្រង់ យុត្តិធម៌ សមភាពនិងឈ្នះ-ឈ្នះ ។ ទាំងនេះ បញ្ជាក់ថាស្ទើរតែប្រទេសទាំងអស់លើពិភពលោកសុទ្ធតែមានទំនាក់ទំនងពាណិជ្ជកម្មល្អជាមួយប្រទេសចិន និងទទួលបានផលប្រយោជន៍ទៅវិញទៅមកមិនថាតិចឬច្រើននោះទេ ។ ប្រធានាធិបតីចិនឯកឧត្តម ស៊ី ជីនភីង បានថ្លែងថាប្រទេសចិនបើកទ្វារទូលាយនឹងមិនបិទជាដាច់ខាត ហើយកាន់តែបើកធំទូលាយឡើងជាលំដាប់ ។ជាក់ស្តែងទំហំពាណិជ្ជកម្មរវាងប្រទេសចិនជាមួយបណ្ដាប្រទេសនានានៅលើពិភពលោកមានការកើនឡើងជារៀងរាល់ឆ្នាំដែលនាំមកនូវអត្ថប្រយោជន៍យ៉ាងច្រើនជូនប្រជាជនទូទាំងពិភពលោក ។ពិសេសចាប់តាំងពីការរីករាលដាលនៃជំងឺកូវីដ-១៩ក្នុងក្របខណ្ឌពិភពលោកមក ប្រទេសចិនបានគូសបញ្ជាក់ម្តងហើយម្តងទៀតអំពីសារសំខាន់នៃពហុភាគីនិយម

យោងតាមការចុះផ្សាយរបស់ក្រសួងព័ត៌មាននាថ្ងៃទី២៦ ខែសីហា ឆ្នាំ២០២១នេះ បានឱ្យដឹងថា ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងឯកឧត្តម Pablo Kang ឯកអគ្គរដ្ឋទូតនៃប្រទេសអូស្ត្រាលីប្រចាំព្រះរាជាណាចក្រកម្ពុជា បានចូលរួមជាអធិបតីភាព ក្នុងពិធីប្រកាសដាក់ឱ្យប្រើប្រាស់ជាផ្លូវការនូវលទ្ធផលនៃការសិក្សាស្រាវជ្រាវស្តីពី “ ទីផ្សារសម្រាប់ផលិតផលកសិកម្មដែលមានតម្លៃខ្ពស់របស់កម្ពុជា ” តាមរយៈប្រព័ន្ធវីដេអូ ដោយមានការចូលរួមពីតំណាងក្រសួង-ស្ថាប័នពាក់ព័ន្ធ មន្ទីរពាណិជ្ជកម្មរាជធានី ខេត្ត ដៃគូអភិវឌ្ឍន៍ និងវិស័យឯកជនសំខាន់ៗ សរុបប្រមាណជាង១០០នាក់ កាលពី ថ្ងៃទី២៥ ខែសីហា ឆ្នាំ២០២១ ។ កម្មវិធីនេះ ត្រូវបានរៀបចំ ឡើងក្នុងគោលបំណង ដើម្បីផ្សព្វផ្សាយអំពីលទ្ធផលនៃការ សិក្សាស្រាវជ្រាវរបស់កម្មវិធីខ្សែសង្វាក់តម្លៃកសិកម្មកម្ពុជា

យោងតាមការសិក្សាអំពីផលប៉ះពាល់សង្គម និងសេដ្ឋកិច្ចនៃវិបត្តិសេដ្ឋកិច្ចសាធារណៈបានបង្ហាញថា មនុស្សជិត ៨០០,០០០ នាក់ទៀតបានធ្លាក់ចូលក្នុងភាពក្រីក្រកាលពីឆ្នាំមុន ដោយសារការរីករាលដាលនៃជំងឺកូវីដ-១៩។ ការសិក្សានេះ ត្រូវបានរៀបចំឡើងដោយអង្គភាព ស្រាវជ្រាវ និងច្នៃប្រឌិតវិទ្យាសាស្ត្រថៃ (TSRI) និងត្រូវបានពិភាក្សានៅក្នុងវេទិកានាពេលថ្មីៗនេះ ដែលមានការចូលរួមពីអ្នកស្រាវជ្រាវ និងអ្នកជំនាញ។ លោក Somchai Jitsuchon មកពីវិទ្យាស្ថានស្រាវជ្រាវ និងអភិវឌ្ឍន៍ប្រទេសថៃ ដែលបានអនុវត្តការស្រាវជ្រាវបាននិយាយថា ការសិក្សានេះបានវិភាគផលប៉ះពាល់របស់ជំងឺកូវីដ-១៩ ទៅលើភាពក្រីក្រ ដោយផ្តោតលើក្រុមងាយរងគ្រោះដូចជា ស្ត្រី កុមារ មនុស្សចាស់ ជនពិការ ជនអនាថា និងកម្មករចំណាកស្រុក។ ជាក់ស្ដែង អត្រាគ្មានការងារធ្វើបានកើនឡើងដល់ ១.៩៧% នៅក្នុងត្រីមាសទី២ កាលពីឆ្នាំមុន

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ក្រសួងពាណិជ្ជកម្ម បានជូនដំណឹងដល់ក្រុមហ៊ុនពាក់ព័ន្ធដែលកំពុងធ្វើធុរកិច្ចលើផលិតផលម្ហូបអាហារ និងភេសជ្ជៈ ដើម្បីចូលរួម ក្នុងព្រឹត្តិការណ៍ពិព័រណ៍ពាណិជ្ជកម្មអាស៊ានពីចម្ងាយនាខែវិច្ឆិកា ឆ្នាំ២០២១ ខាងមុខ តាមរយៈការផ្ញើផលិតផលទៅចូលរួមដាក់តាំងបង្ហាញ ក្នុងព្រឹត្តិការណ៍ពាណិជ្ជកម្មនេះ ដែលអាចផ្សព្វផ្សាយនិងការពង្រីកទីផ្សារនៅក្រៅប្រទេសបាន។ យោងតាមសេចក្តីជូនដំណឹងរបស់ក្រសួងពាណិជ្ជកម្ម បានឱ្យដឹងថា ក្នុងអំឡុងពេលនៃការរៀបចំពិព័រណ៍ផលិតផលកាហ្វេអន្តរជាតិ នៅទីក្រុងសេអ៊ូល ជាព្រឹត្តិការណ៍កម្រិតអន្តរជាតិដ៏ធំនៅអាស៊ី មជ្ឈមណ្ឌលអាស៊ាន-កូរ៉េ សហការជាមួយស្ថានទូតនៃបណ្តាប្រទេស ជាសមាជិកអាស៊ានប្រចាំនៅប្រទេសកូរ៉េ នឹងរៀបចំពិព័រណ៍ពាណិជ្ជកម្មអាស៊ាន ឆ្នាំ២០២១ (ASEAN Trade Fair2021) ដែលនឹងប្រព្រឹត្តទៅចាប់ពីថ្ងៃទី១០ដល់១៣ ខែវិច្ឆិកា ឆ្នាំ២០២១ នៅទីក្រុងសេអ៊ូល សាធារណរដ្ឋកូរ៉េ ។ ក្នុងឱកាសនេះ មជ្ឈមណ្ឌលអាស៊ាន-កូរ៉េ សូមអញ្ជើញក្រុមហ៊ុនកម្ពុជា ដែលកំពុងធ្វើធុរកិច្ចលើផលិតផលម្ហូបអាហារនិងភេសជ្ជៈ

យោងតាមការចុះផ្សាយរបស់សារព័ត៌មាន vnexpress បានឱ្យដឹងថា ប្រទេសវៀតណាមបានស្នើសុំឱ្យប្រទេសចិន បន្តនាំចូលកសិផលឆ្លងកាត់ព្រំដែននៃខេត្តយូណាន បន្ទាប់ពីផ្អាកជាងមួយខែដោយសារការភ័យខ្លាចនៃជំងឺកូវីដ-១៩។ ការស្នើសុំនេះ ត្រូវបានធ្វើឡើង បន្ទាប់ពីក្រសួងឧស្សាហកម្ម និងពាណិជ្ជកម្មវៀតណាមបានប្រាប់ក្រសួងពាណិជ្ជកម្មចិន និងអាជ្ញាធរខេត្តយូណានថា មិនមានការរកឃើញករណីកូវីដ-១៩ នៅតាមបណ្តោយព្រំដែននៃខេត្តយូណានទេ ហើយមានរថយន្តដឹកទំនិញចិនប្រហែល ៤០០ គ្រឿងក្នុងមួយថ្ងៃចូលទៅប្រទេសវៀតណាម ខណៈខេត្តយូណាន បានបញ្ឈប់ការនាំចូលកសិផលជាពិសេសផ្លែស្រកានាគពីប្រទេសវៀតណាមចាប់តាំងពីខែកក្កដាមក។ រដ្ឋមន្ត្រីក្រសួងពាណិជ្ជកម្ម លោក Nguyen Hong Dien បានស្នើឱ្យបន្តការជួញដូរនៅយូណាន ដោយមានវិធានការសុវត្ថិភាពដូចដែលបានធ្វើអស់រយៈពេលជាងមួយឆ្នាំកន្លងមក ខណៈក្រុមហ៊ុនវៀតណាមជាច្រើននៅដើមខែនេះ បានត្អូញត្អែរថា ការដែលចិនបញ្ឈប់ការនាំចូលផ្លែស្រកានាគ និងវិធានការរឹតបន្តឹងសុវត្ថិភាពបានបង្កើនការលំបាកសម្រាប់អាជីវកម្មរបស់ពួកគេ។ គួរឱ្យដឹងថា ប្រទេសចិន គឺជាទីផ្សារនាំចេញធំបំផុតទី ២ របស់វៀតណាមក្នុងរយៈពេល

រដ្ឋបាលរាជធានីភ្នំពេញ កាលពីថ្ងៃទី២៥ ខែសីហា ឆ្នាំ២០២១ បានចេញសេចក្ដីសម្រេច ស្ដីពីការដាក់ចេញនូវវិធានការរដ្ឋបាល ដោយផ្អាកជាបណ្ដោះអាសន្នចំពោះសកម្មភាពការងារ មុខរបរ ឬអាជីវកម្មដែលមានហានិភ័យខ្ពស់នៃការឆ្លងរាលដាលនៃជំងឺកូវីដ-១៩ និងការជួបជុំ ឬការប្រមូលផ្ដុំមនុស្សជាលក្ខណៈឯកជន នៅក្នុងភូមិសាស្ត្ររាជធានីភ្នំពេញ សម្រាប់រយៈពេល ១៤ថ្ងៃ គិតចាប់ពីម៉ោងសូន្យ នាថ្ងៃទី២៧ ខែសីហា ឆ្នាំ២០២១ រហូតដល់ថ្ងៃទី០៩ ខែកញ្ញា ឆ្នាំ២០២១ ដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩។ សូមអានសេចក្ដីប្រកាសលម្អិតនៅខាងក្រោម៖

យោងតាមការចុះផ្សាយរបស់ក្រសួងព័ត៌មានបានឱ្យដឹងថា ក្រសួងកសិកម្ម រុក្ខាប្រមាញ់ និងនេសាទ បានដាក់ចេញវិធានការដោះស្រាយមួយចំនួន ដើម្បីធ្វើឱ្យប្រសើរឡើងនូវវិស័យវារីវប្បកម្មនៅកម្ពុជា ខណៈដែលវិស័យនេះកំពុងជួបបញ្ហាប្រឈម ដោយសារជំងឺកូវីដ-១៩ នៅតែបន្តរាតត្បាត។ លោក ថាយ សុមុនី ប្រធាននាយកដ្ឋានអភិវឌ្ឍន៍វារីវប្បកម្មនៃរដ្ឋបាលជលផល បានមានប្រសាសន៍ថា វារីវប្បកម្មកម្ពុជា បានជួបប្រទះ នឹងបញ្ហាប្រឈមក្នុងឆ្នាំ២០២០ នៅក្នុងអំឡុងពេលនៃការរីករាលដាលជំងឺកូវីដ-១៩ ដោយសារកម្មវិធីជួបជុំ ដូចជា ការរៀបអាពាហ៍ពិពាហ៍ បុណ្យទានផ្សេងៗ កន្លែងទេសចរណ៍និងភោជនីយដ្ឋានមួយចំនួនត្រូវបានផ្អាកជាបណ្តោះអាសន្ន ដែលបានធ្វើឱ្យតម្រូវការត្រី សាច់មានការ ​ថយចុះ គួបផ្សំនឹងផលិតផលវារីវប្បកម្មក្នុងស្រុក មិនអាចធ្វើការប្រកួតប្រជែងបានជាមួយការនាំចូលត្រីពីប្រទេសជិតខាងដែលនេះជាហេតុ ធ្វើឱ្យវារីវប្បករជួបការលំបាកក្នុងការរកទីផ្សារ ។ លោកបន្តថា ដើម្បីធ្វើឱ្យប្រសើរឡើងលើវិស័យនេះ ក្រសួងបានដាក់ចេញនូវវិធានការសម្រាប់ រយៈពេលមធ្យមនិងវែងនៃការធ្វើវារីវប្បកម្ម