យោងតាមការចុះផ្សាយរបស់ក្រសួងព័ត៌មាន ថ្នាក់ដឹកនាំជាន់ខ្ពស់នៃរដ្ឋលេខាធិការដ្ឋានអាកាសចរស៊ីវិលបានឱ្យដឹងថា ការសាងសង់អាកាសយានដ្ឋានអន្តរជាតិ សៀមរាបអង្គរថ្មីសម្រេចបាន ៤៥% ហើយ ដោយផ្តោតសំខាន់ទៅនឹងការបំពាក់ឧបករណ៍បច្ចេកទេសនិងរចនាបទអាកាសយានដ្ឋាន ។ ឯកឧត្តម ស៊ិន ចាន់សិរីវុត្ថា អនុរដ្ឋលេខាធិការដ្ឋាន និងជាអ្នកនាំពាក្យអាកាសចរស៊ីវិល បានមានប្រសាសន៍ថា បើទោះបីកម្ពុជាក៏ដូចជា សកលលោក នៅតែបន្តជួបវិបត្ដិកូវីដ-១៩យ៉ាងណាក្ដី ប៉ុន្ដែក្រុមហ៊ុនអាចគ្រប់គ្រងការសាងសង់អាកាសយានដ្ឋានអន្ដរជាតិថ្មី នៅលើ ទឹកដីអង្គរខេត្ដសៀមរាបនេះ ឱ្យនៅតែដំណើរការបានជាធម្មតា ពោលគឺក្រុមហ៊ុនវិនិយោគបានបង្កើនការងារសាងសង់ទាំងយប់ទាំងថ្ងៃ ដើម្បីឱ្យសម្រេចគោលដៅដូចអ្វីដែលបានគ្រោងទុក ឱ្យរួចរាល់នៅឆ្នាំ២០២៣ខាងមុខ ។ «ចំពោះវឌ្ឍនភាពនៃការសាងសង់យានដ្ឋានសៀមរាបថ្មី បើយើងគិតត្រឹមថ្ងៃទី៣០ ខែកញ្ញា គឺវឌ្ឍនភាពនិងការរីកចម្រើន នៃការសាងសង់គឺសម្រេចបានជាង៤៥ភាគរយហើយ ហើយទៅតាមកម្មវិធីគឺក្រុមហ៊ុនពុំមានការពន្យារពេលអ្វីនោះទេ គឺគ្រោងដាក់ ឱ្យដំណើរការដំណាក់កាលទី១នេះ គឺនៅខែមីនា

យោងតាមការចុះផ្សាយរបស់សារព័ត៌មាន Bangkok Post បានឱ្យដឹងថា នាយកដ្ឋានគយថៃកំពុងរៀបចំកាត់បន្ថយពន្ធលើការនាំចូលភេជ្ជៈមានជាតិអាល់កុល និងបារី (cigar) ៥០% ក្នុងរយៈពេល ៥ឆ្នាំ ស្របបតាមកញ្ចប់ថវិកាជំរុញ និងវិនិយោគរបស់រដ្ឋាភិបាល។ លោក Patchara Anuntasilpa អគ្គនាយកនៃនាយកដ្ឋានបាននិយាយថា ការកាត់បន្ថយនេះគឺយោងតាមសេចក្តីសម្រេចរបស់គណៈរដ្ឋមន្ត្រីថ្ងៃទី ១៤ ខែកញ្ញាដែលពាក់ព័ន្ធនឹងផែនការស្តារសេដ្ឋកិច្ចក្រោយកូវីដ-១៩ ដោយលើកទឹកចិត្តជនបរទេស ដែលមានទ្រព្យសម្បត្តិច្រើន និងអ្នកជំនាញដែលមានជំនាញខ្ពស់មកស្នាក់នៅ និងធ្វើការនៅក្នុងប្រទេសថៃ។ លោកស្រី Roengrudee Patanavanicha អ្នកស្រាវជ្រាវការត្រួតពិនិត្យថ្នាំជក់បាននិយាយថា ចំណាត់ការរបស់នាយកដ្ឋានគយបានធ្វើឱ្យលោកស្រីមានការប្រយ័ត្នប្រយែង ព្រោះរចនាសម្ព័ន្ធពន្ធថ្មីសម្រាប់បារីត្រូវបានគេរំពឹងថា នឹងចូលជាធរមាននៅខែក្រោយ។ លោកស្រីបានបន្ថែមថា នៅក្រោមប្រព័ន្ធថ្មីអត្រាពន្ធ ៤០% នឹងត្រូវបានអនុវត្តចំពោះបារីដោយមិនគិតពីតម្លៃលក់រាយ។

ផ្សារបោះដុំរបស់ទីក្រុងហូជីមិញ មានឈ្មោះថា Hoc Mon នឹងបើកកន្លែងបោះទំនិញមួយឡើងវិញដែលចាប់ផ្តើមពីថ្ងៃច័ន្ទនេះ និងត្រូវបានគេរំពឹងថា នឹងផ្គត់ផ្គង់ដល់ទីក្រុងនូវបន្លែនិងផ្លែឈើចំនួន ១០០-២០០ តោនជារៀងរាល់ថ្ងៃ។ កន្លែងបោះទំនិញ ដែលមានអ្នកលក់ ១៦ នាក់បានចុះឈ្មោះដើម្បីដំណើរការ នឹងដំណើរការចាប់ពីម៉ោង ៨យប់ នេះបើយោងតាមឯកសារដែលចេញកាលពីថ្ងៃសៅរ៍ ដោយគណៈកម្មាធិការប្រជាជនស្រុក Hoc Mon។ លោក Nguyen Tien Dung នាយកក្រុមហ៊ុនផ្សារបោះដុំកសិកម្ម Hoc Mon បាននិយាយថា ការរៀបចំទាំងអស់ត្រូវបានបញ្ចប់សម្រាប់កន្លែងបោះទំនិញរបស់ផ្សារដើម្បីបើកដំណើរការឡើងវិញ។ លោកបានបន្ថែមថា ក្រុមប្រឹក្សាភិបាលនឹងធានាទាំងការការពារមេរោគឆ្លងនិងការផ្គត់ផ្គង់គ្រប់គ្រាន់ សម្រាប់ប្រជាពលរដ្ឋដែលអាចឱ្យពួកគេទិញផលិតផលក្នុងតម្លៃសមរម្យ។ គួរបញ្ជាក់ផងដែរថា ផ្សារ Hoc

ប្រទេសចិន បានបញ្ឈប់ការនាំចូលផ្លែស្រការនាគពីប្រទេសវៀតណាមជាបណ្ដោះអាសន្ន បន្ទាប់ពីរកឃើញវីរុសកូវីដ-១៩ លើសំបកវេចខ្ចប់។ យោងតាមក្រសួងឧស្សាហកម្មនិងពាណិជ្ជកម្មវៀតណាម បានឱ្យដឹងថា ការផ្អាកនេះបានចាប់ផ្តើមនៅថ្ងៃទី ១៥ ខែកញ្ញា ហើយនឹងត្រូវបានដកចេញវិញដោយស្វ័យប្រវត្តិនៅថ្ងៃទី ២១ ខែកញ្ញា ប្រសិនបើមិនរកឃើញករណីថ្មីនៃជំងឺកូវីដ-១៩។ ក្រសួងបានបន្តថា ប្រទេសចិននឹងអនុវត្តការផ្អាកមួយសប្តាហ៍ដូចគ្នា ចំពោះផលិតផលផ្សេងទៀតដែលរកឃើញផ្ទុកវីរុស។ ហើយប្រសិនបើផលិតផលត្រូវបានរកឃើញថា ផ្ទុកវីរុសនេះនៅក្នុងប្រភេទបីផ្សេងគ្នា ការព្យួរនឹងត្រូវបានកំណត់រយៈពេល ៤សប្តាហ៍។ ពាក់ព័ន្ធនឹងបញ្ហានេះ ក្រសួងពាណិជ្ជកម្មវៀតណាម បានបញ្ជាឱ្យអាជីវកម្មពិនិត្យឡើងវិញនូវដំណើរការប្រមូលផល និងសំបកវេចខ្ចប់របស់ពួកគេដើម្បីចៀសវាងឧបទ្ទវហេតុស្រដៀងគ្នានេះ។ គួរបញ្ជាក់ផងដែរថា ប្រទេសចិនដែលជាទីផ្សារនាំចេញធំទី២ របស់វៀតណាមបន្ទាប់ពីសហរដ្ឋអាមេរិកបានរឹតបន្តឹងការនាំចូលផលិតផលវៀតណាមក្នុងរយៈពេលប៉ុន្មានខែចុងក្រោយនេះ ខណៈប្រទេសនេះស៊ូទ្រាំនឹងរលកកូវីដ-១៩ ទី៤ របស់ខ្លួន។ ជាមួយគ្នានេះ ប្រទេសចិនបានផ្អាកជាបណ្តោះអាសន្ននូវការនាំចូលផលិតផលជាច្រើនដងនៅក្នុងខែកក្កដានិងសីហារួចមកហើយ ដែលជះឥទ្ធិពលយ៉ាងខ្លាំងដល់អ្នកនាំចេញរបស់វៀតណាម៕ អត្ថបទ៖

អាជ្ញាធរវៀតណាមបាននិយាយថា ប្រទេសវៀតណាមគ្រោងនឹងបើកកោះ Phu Quoc ដែលមានឆ្នេរខ្សាច់ក្បុះឡើងវិញដល់អ្នកទេសចរបរទេសចាប់ពីខែក្រោយ ខណៈប្រទេសនេះកំពុងសម្លឹងមើលវិធីដើម្បីស្តារសេដ្ឋកិច្ចដែលទទួលរងផពីការជាប់គាំងដោយសារការរីករាលដាលនៃជំងឺកូវីដ-១៩។ រដ្ឋាភិបាលបាននិយាយនៅក្នុងសេចក្តីថ្លែងការណ៍មួយដែលចេញនៅល្ងាចថ្ងៃព្រហស្បតិ៍ថ្មីៗនេះថា កោះដែលមានចម្ងាយ ១០គីឡូម៉ែត្រ ពីឆ្នេរសមុទ្រកម្ពុជា ត្រូវបានគេរំពឹងថានឹងបើកដំណើរការសាកល្បងរយៈពេល ៦ ខែ។ លោករដ្ឋមន្ត្រី Nguyen Van Hung បានមានប្រសាសន៍ថា៖ ជំងឺរាតត្បាតដែលអូសបន្លាយពេលយូរ បានធ្វើឱ្យប៉ះពាល់យ៉ាងធ្ងន់ធ្ងរដល់ឧស្សាហកម្មទេសចរណ៍។ ការមកដល់របស់បរទេសមកវៀតណាមបានធ្លាក់ចុះពី ១៨ លាននាក់ក្នុងឆ្នាំ ២០១៩ នៅពេលដែលចំណូលពីវិស័យទេសចរណ៍មានចំនួន ៣១ ពាន់លានដុល្លារ ឬជិត ១២% នៃផលិតផលក្នុងស្រុកសរុបរបស់ខ្លួនមកត្រឹម ៣.៨ លានកាលពីឆ្នាំមុន។ ជាមួយគ្នានេះការបិទទ្វារក្នុងរយៈពេលប៉ុន្មានខែចុងក្រោយនេះ បានធ្វើឱ្យក្រុមហ៊ុននានាផ្អាកប្រតិបត្តិការ

យោងតាមការចុះផ្សាយរបស់សារព័ត៌មាន vnexpress បានឱ្យដឹងថា សត្វមាន់ ទា​ ពពែ ព្រមទាំងស៊ុត រាប់លានក្បាល និងគ្រាប់ នៅតំបន់ភាគអាគ្នេយ៍នៃប្រទេសវៀតណាម លក់មិនចេញចាល់ពេញកសិដ្ឋាន ក្នុងរយៈពេលប៉ុន្មានសប្ដាហ៍ក្រោយនេះ។ សារព័ត៌មានដដែលបានឱ្យដឹងថា ក្នុងនោះមានមាន់ចំនួន ៧ លានក្បាល ទាចំនួន ៨០,០០០ ក្បាល ពពែចំនួន ៦,០០០ ក្បាល និងស៊ុតមាន់រាប់លានគ្រាប់ ដែលកសិករប្រមូលបាន។ លោក Le Van Quyet ប្រធានសហករណ៍ សមាគមបង្កាត់ពូជអាគ្នេយ៍អនុប្រធានសមាគមបង្កាត់ពូជភាគខាងត្បូង Long Thanh Phat បាននិយាយថា

មជ្ឈមណ្ឌលគ្រប់គ្រងស្ថានការណ៍ កូវីដ-១៩ (CCSA) បាននិយាយនៅថ្ងៃសុក្រនេះថា ខ្លួនមិនទាន់យល់ព្រមបើកដំណើរការទីក្រុងបាងកកឡើងវិញសម្រាប់អ្នកដំណើរបរទេសនៅខែក្រោយនេះទេ។ អ្នកនាំពាក្យ CCSA លោកស្រី Apisamai Srirangsan បានបញ្ជាក់ថា ផែនការ «Bangkok Sandbox» ដើម្បីទទួលយកអ្នកទេសចរបរទេសដែលបានចាក់វ៉ាក់សាំងពេញលេញដោយគ្មានការមិនធ្វើចត្តាឡីស័កពីថ្ងៃទី១ ខែតុលា មិនត្រូវបានផ្តល់ភ្លើងខៀវទេ។ អ្នកនាំពាក្យបានឱ្យដឹងទៀតថា សំណើនេះត្រូវតែពិភាក្សាជាមួយទីភ្នាក់ងារពាក់ព័ន្ធជាមុនសិន មុននឹងបញ្ជូនទៅក្រសួងសុខាភិបាលដើម្បីពិនិត្យឡើងវិញដោយប្រយ័ត្នប្រយែង ព្រោះទីក្រុងបាងកកជាតំបន់ធំនិងសម្បូរបែប។ លោកស្រីបានបន្ថែមថា ផែនការដែលបានបញ្ចប់នឹងត្រូវបញ្ជូនទៅ CCSA ដើម្បីសុំការយល់ព្រម។ គួរបញ្ជាក់ផងដែរថា កាលពីដើមសប្តាហ៍នេះក្រសួងទេសចរណ៍ និងកីឡា និងរដ្ឋបាលក្រុងបាងកក (BMA) បានយល់ព្រមស្នើផែនការបើកទីក្រុងបាងកកឡើងវិញសម្រាប់អ្នកដំណើរបរទេសដោយមិនចាំបាច់ធ្វើចត្តាឡីស័កទៅ មជ្ឈមណ្ឌលគ្រប់គ្រងស្ថានការណ៍ កូវីដ-១៩ (CCSA)៕

យោងតាមការចុះផ្សាយរបស់ក្រសួងព័ត៌មាននាថ្ងៃទី១៦ ខែកញ្ញា ឆ្នាំ២០២១​ នេះបានឱ្យដឹងថា ក្រសួងពាណិជ្ជកម្ម បានស្នើឱ្យសហគ្រាសឯកបុគ្គល នីតិបុគ្គល និងក្រុមហ៊ុនធ្វើប្រតិបត្តិការ ពាណិជ្ជកម្មតាមប្រព័ន្ធ អេឡិចត្រូនិក ត្រូវមកដាក់ពាក្យស្នើសុំអាជ្ញាបណ្ណ ពាណិជ្ជកម្មតាមប្រព័ន្ធអេឡិចត្រូនិក ឱ្យបានមុនថ្ងៃទី១ ខែធ្នូ ឆ្នាំ២០២១ ជាកំណត់។ យោងតាមសេចក្តីជូនដំណឹង ស្តីពីការផ្តល់លិខិតអនុញ្ញាត ឬ អាជ្ញាបណ្ណពាណិជ្ជកម្មតាមប្រព័ន្ធអេឡិចត្រូនិក ដែលវិទ្យុជាតិកម្ពុជា ទទួលបានឱ្យដឹងថា ក្រោយពីក្រសួងសង្កេតឃើញថា សហគ្រាស ក្រុមហ៊ុនដែលបាននិងកំពុង ធ្វើប្រតិបត្តិការពាណិជ្ជកម្មតាមប្រព័ន្ធ អេឡិចត្រូនិកមួយចំនួនធំ ពុំទាន់បានមកធ្វើការស្នើសុំលិខិតអនុញ្ញាត ឬ អាជ្ញាបណ្ណពាណិជ្ជកម្មតាមប្រព័ន្ធអេឡិចត្រូនិកនៅឡើយ។ ដូចហេតុនេះ ក្រសួងពាណិជ្ជកម្ម ស្នើឱ្យសហគ្រាសឯកបុគ្គល នីតិបុគ្គល